السلام عليكم ورحمة الله وبركاته

هو السيسي عمل ايه انا اقولك

1- نفذ ارادة الشعب ومنع مصر من الحرب الاهلية
لان خلي بالك الجيش لو كان متحركش مع الشعب وخد موقف محايد كان زمان التفجيرات والارهاب اللى بيحصل دلوقتي بيحصل فى ميادين مصر مع المتظاهرين وشوف الاف الضحايا بقى وهيترتب عليه حرب اهلية

2- عمل حصر لأطفال الشوارع
يعني هيجمعوا اطفال الشوارع والبيانات الممكنة عنهم وهيدخلوهم تدريب مهني فى القوات المسلحة ويتربوا تربية عسكرية عشان يخدموا بلدهم وكل واحد فيهم هيكون له مشروع ياكل منه عيش بالحلال

3- السيسي شوكة فى ضهر امريكا وقطر وتركيا والعملاء
وعلى فكرة السيسي مش مطلوب منه يعمل انجازات فى البلد لان هو انجازاته المفروض تبقى فى وزارة الدفاع داخل القوات المسلحة حاجة احنا خارجها ومنعرفهاش لانه لسة مبقاش رئيس عشان نحمله المسؤولية كاملة او نقوله فين انجازاتك
واحد يجي يقولي خد موقف محايد ازاي اقوله انت نسيت ان القوات الخاصة نزلت تأمن المعتصمين اللى كانوا عاوزين يتركوا رابعة والنهضة ووقتها كانت الناس فى رابعة بتقول الجيش والشعب ايد واحدة

السيسي حط روحه على كفه من اجل مصر ودلوقتي لما تيجي جبانات تتهدم يقولك شوف السيسي بيعمل فينا ايه
النور يقطع يقولك السيسي بيقطع علينا النور
مفيش ادوية فى المستشفيات وفيه اهمال يقولك لازم السيسي يتحاسب على التسيب ده
وكأن السيسي فجأة بقى هو رئيس الجمهورية.

فيه حاجات كتير اداها لنا السيسى من غير ما يكون رئيس
اعطانا الامل فى ان تصل مصر للافضل بين الدول
اعطانا كلمات وحدت صفوفنا ضد اعدائنا
اعطانا كلمات اوضحت مشاعر احترام وتقدير وحب شديد لمصر وشعبها لم نشعر بها من اى قائد آخر ودى كانت اهم اسباب نجاح عبد الناصر انه كان بيعرف ويرد على اللى بيتقال فى الشارع
ولو ان برضه السيسى قام بدفع مبالغ ماليه لاخراج السيدات اللواتى استدانت دخلن السجن بسبب عدم قدرتهن على دفع تلك النقود
وغيره وغيره وهو لسه وزير دفاع