السلام عليكم ورحمه الله وبركاته

اصبح الاختناق المرورى وتوقف حركه سير المرور
منظرا تعودنا عليه وييكرر كثيرا
والسبب طبعا معطل المرور ............ عفوا
اقصد ضابط المرور وطبعا كلنا عارفين السبب
كان الله فى عونه فهو منهمك فى جمع الاموال
من السائقين واصحاب السيارات الملاكى
وطبعا من يرفض ان يدفع له ............
كملوا انتم
اصبحنا نرى الكثير والكثير من الاخطاء
ونتغاضى عنها ........
يا ترى ما هو السبب فى سكوتنا
هل هو ضعف واستسلام
ام خوف من تلقى اى عقاب
ام اصبحنا سلبيين ونجارى التيار ؟؟؟؟؟؟؟؟؟

شكرا لحضرتك علي إثارة الموضوع ده
هي من اللا مبالاة والسلبية فكثيرا ما نسمع " يا عم كبر " وما اكثر من " يكبر " هذه الايام
كل التقدير ةالشكر

والله كل حاجة بقت عادى فى البلد دى
عاتى عاتى عاتى
شكرا على الموضوع

طبعا سلبيين ومضطرين

ومع القانون الجديد معطل المرور هايغلى التسعيرة بتاعته

لان الاول كل الى ممكن يعملة انه يسحب التراخيص او يحرر مخالفة لمن لا يدفع له

لكن الان ومع تطبيق المرور الجديد فأصبح من سلطة هذا المعطل انه ممكن يتسبب فى حبس اى قائد سيارة

وبكرة تشوفى الى باقول لك عليه ده كويس

أنا بشوف الحكايه دى كتير بصراحه
بس السبب
الأول
اللى كلنا للأسف بنعمل نفسنا مش شايفينه هو الحياه اللى إحنا عايشنها
يعنى لما أبقى ضابط ولا عسكرى مرور مرتبى لا يتجاوز ال 500 جنيه فى ظل الظرف اللى إحنا عايشنها دى هعيش إزاى
غير كده أنا لو من الأول باخد نظير تعبى حاجه مجزيه أكيد مكنش ده حصل أنا عينى مليانه ليه هبص للفتات ساعتها كنت هنفذ القانون بحذافيره

بجد الموضوع ده بيضيقنى وبينرفزنى جدا
والى يغيظيك بقا ان رجل المرور ده بجح وعينه قويه عارف انه ظالم الناس وضميره مش بيوجعه لا ده كمان بيحكى على ظلمه للناس وبيفتخر بيه
والله بجد حصلت معايا وقعدت مع راجل مرور معرفه بصراحه مكنتش طيقاه:mad:

بصراحة فى الزمن اللى احنا فيه صعب تلاقى حد عنده المقدرة والشجاعة انه يواجه الظلم الا نادر

بس لكل امرىء ما نوى وحيتحاسب على اعماله وكما قال رسولنا الكريم(صلى الله عليه وسلم)"انما الاعمال بالنيات ولكل امرىء مانوى" يعنى الشرطى المرور ده عارف انه ظلم ناس وحتى لو مرتبه بيخليه يضطر يعمل كدة بس اكيد والله اعلم ربنا مش حيبارك فى الرزق لان مفيش اخلاص فى شغله

وعموما لو حد فى مجتمعنا قدر انه يصد للى بيحصل بينا كل واحد حيفوق
مشكورة على الموضوع ميس رانيا

شكرا لحضرتك علي إثارة الموضوع ده
هي من اللا مبالاة والسلبية فكثيرا ما نسمع " يا عم كبر " وما اكثر من " يكبر " هذه الايام
كل التقدير ةالشكر

جزاك الله خيرا على المشاركه

vريم انا عضوة جديدة ممكن تساعديني في التعرف على مميزات الموقع

طيب انا اعرف واحد اتمسك بحقة ونزل واتخانق مع رجل المرور

تعرف ايه الى حصل

رجل المرور كل يوم كان يحرر له مخالفة او اتنين من غير مايشوف التانى طبعا

والمسكين راح دفع مخالفات اكتر من 12000 جنية مخالفات آخر السنة

وآدى الى اخدناه من حرية الرأى

خلاص دلوقتي لا في ضمير و لا عداله و لا حاجه كويسه تخلي مجتمعنا يعلى شوية

وعليكم السلام ورحمة الله وبركاته

بصي يا ميس رانيا الموضوع كله ان راجل المرور دا يكون من وجهة نظر ناس كتير راجل ملوش لزمه

بس لو بصيتي علي الصلاحيات اللي معاه الوضع هيختلف

الراجل دا يمكن فعلا بيقبض 500 جنيه بس ممكن من كتر ما بيجمع يتبرع بال500 جنيه دي للدوله كفايه اللي بياخده من سواقين المكروباصات

بس لو مثلا عربيه ماشيه ومحطوط علي الزجاج الامامي بتاع العربيه نسر ولا هيعرف يتكلم

يعني ان في مره واحد معرفه كسر الاشاره قدام عسكري مرور ولا عرف يرفع قلم ويؤيد رقمه

الموضوع بايظ من الاساس يا ميس ولو اتكلمنا مش هنخلص واكيد مش هنقدر نصلح اللي تحت غير لما اللي فوق يتصلحوا


شكرا علي الموضوع يا ميس رانيا:)

على فكره مشكله المرور كلها عايزه حل لها كلها من اكبر واحد لاصغر واحد كفايه بس مشكلة اولاد الشوارع الي مليانين اشارات المرور

اولا تحياتى على الموضوع اكثر من رائع

ثانيا : مع احترامى لراى حضرتك الا ان السبب الحقيقى وراء تكدث المرور لا يقع على ظابط المرور او على العسكرى بصفه خاصه ولكنه موضوع و مأساه كبيرة تنقسم لعدة اقسام

1- واحب ابدأ و هختم بيها تانى :عدد العربيات فى الشارع

كل بيت مكون من 5 افراد على الاقل كل فرد فيه يمتلك سيارة , ولو مكنش ده سبب احب اقول لحضرتك ان مفيش اكتر من شركات العربيات فى البلد
اللى يخلينى اسمع ان شركة واحده زى ........ ( لو عاوزين اسم الشركة و اماتعتبرهوش دعايه هكتبه )بتنزل لوحدها فى البلد شهريا 2000 سياره

شركة واحده 2000 سيارة باقى الشركات و الوكلاء بينزلوا كام

و بنسأل المرور مكدس ليه

يروح البنزينه و يبقى قابلنى ان لاقيت بنزين , بقوا اكتر من البنى ادمين على الارض

2- مش هنكر ان عسكرى المرور بيعطل المرور و لكنه عبد المأمور ( استغفر الله العظيم ولا اله الا الله و محمد رسول الله )

بس ده بسبب ان موضوع الاشارة نسبى , فجاة تلاقيه وقف الاشارة و فجاة عطلها , بيبقى البيه الكبير قاعد على بعد كيلو من الاشارة و فجأة عاوز يخليها حمرا و فالغلبان ينفذ الاوامر و فجاة يخليها خضرا و فالغلبان يمشى و اللى يشتمه يشتمه و اللى يلعن يلعن (و هلم جرة)

3- موضوع الرشاوى و القبض , معترض عليه شكلا و موضوعا و مضمونا , اراهن ان حد شف ان اشارة المرور بتبقى عطلانه بسبب انه بيقبض , هو موجود بس مش لدرجة انه يبقى السبب الرئيسى فى قضيه زى ديه .

ديه حكمة الرسول بتقول اذا بليتم فاستتروا و الحمد لله بلدنا لسه فيها شوية نظافه مش لدرجة انهم يعملوا موقف زى ده فى وسط الشارع و يعطلوا اشارات بسببه

الموضوع بتاع عطلة المرور استفذنى بصراحه لانى اعانى منه الامرين , عارفة الاسباب سبب سبب من كتر ما لاقيتهم فى الطريق

و بصراحه انسب رد على الموضوع ده اعلان المرور الجديد و حكمة الامام الشافعى رضى اله عنه اللى بتقول

نعيب فى زماننا و العيب فينا و ما لزماننا عيب سوانا و نهجو هالزمان بغير ذنب و ان نطق الزمان لهاجانا

والله لو كل واحد فينا بص لنفسه هنتغيرو نغير بلدنا للاحسن
:rolleyes:ارجو تقبل وجهة نظرى , واختلاف وجهات النظر لا يفسد للود قضيه
تحياتى:D

المشكلة ان كل واحد يقولك هو انت الى هتغير الكون

السائق يقول :ماحنا لو رفضنا ندفع هروح اخر السنة المرور الاقى مخالفات باكثر من شغلى طول السنة

ماهو ممنوع وقوف هنا ولو موقفتش اجيب ركاب منين

والناس نفسها هتركب ازاى

السائق يقولك ماهو شرطى المرور غلبان برضه

ربنا يكون فى عونه

اذا كان سائق الميكروباص نفسه بيلتمس العذر للشرطى الناس تعمل ايه

بجد حاجة صعبة

حسبنا الله ونعم الوكيل

بسم الله الرحمن الرحيم

الموضوع وما فيه يا استاذة رانيا
ان عسكرى ولا امين الشرطة لزم يحقق نسبة معينى من الغرمات او المخالفات يوميا
ولا هو مش شايف شغله
وكمان موضوع القبض والفلوس دى لزم الامين او العسكرى ياخد وجبه والشاى بتاعه من سواقيين الميكروباص او سيارات النقل
هيعمله ايه يعنى هياكله عيالهم
النظام فى حد ذاته فاسد واذا كان السمك الكبير بياكل
مش عايزه البسريه هى كمان تاكل:D

والله كل حاجة بقت عادى فى البلد دى
عاتى عاتى عاتى
شكرا على الموضوع

عفوا ومشكور على المشاركه

بصراحة يا ميس رانيا احنا اة طبعا سلبيين وانا عارفة ان رايى مش هيكون مع راى معظم الاعضاء هنا
رايى اننا ما نحملش الذنب كله لعسكرى المرور لو الدوله بتديله حقوقة كامله لو صحيح بتقدر ان الراجل دا بجد بيتعب كان فعلا هيشتغل بجد وهينظم كويس وطبعا محدش هيقبل انة ياخد فلوس حرام ويعيش بيها اكيد ضميرة هيمنعة وبردة الدوله تحل المشكله دى تعمل كبارى تفتح شوارع تعمل اى حاجة
فى النهايه الموضوع بتاع حضرتك كبير اوى وعاوز حلقات كامله وبردة مفيش فايدة فى النهايه المشكله فينا وفى الدوله
تقبلى مرورى

اى حاجة فى البلد دى بقت عادى

شكرا جدا ليكى ميس رانيا

طبعا سلبيين ومضطرين

ومع القانون الجديد معطل المرور هايغلى التسعيرة بتاعته

لان الاول كل الى ممكن يعملة انه يسحب التراخيص او يحرر مخالفة لمن لا يدفع له

لكن الان ومع تطبيق المرور الجديد فأصبح من سلطة هذا المعطل انه ممكن يتسبب فى حبس اى قائد سيارة

وبكرة تشوفى الى باقول لك عليه ده كويس

فعلا كلام حضرتك صحيح
اشكرك على المشاركه