سلام عليكم
ازيكم .. عاملين ايه
يمكن انا كنت اتكلمت قبل كده عن الموضوع ده
بس من باب ( وذكر فإن الذكرى تنفع المؤمنين )
بص ياعم ياللي في تالتة ثانوي
يمكن هما اربع شهور كده وهتكون حضراتك بتمتحن
ويا اما انك هتكون مرتاح وراضي عن نفسك
أو ندمان على الأيام اللي ضيعتها
وده اللي مش عايزينه يحصل
بص انتا زي اخويا وانتي زي اختي
ووالله انتا هتكون المستفيد الاول لما تنجح وتجيب مجموع عالي
وتخش كلية تحبها
ومش قصدي كلية تحبها يعني طب او هندسة
او الكام كلية دول اللي محتكرين الساحة
لا اهم حاجة كلية تحبها وتتميز فيها
يعني على سبيل المثال
تدخل كلية طب وتقديرك يكون مقبول
أو تدخل كلية اداب وتطلع أول دفعة
أكيد كلية آداب
على فكرة العلم والدراسة مفيهاش تصنيفات
وانتا من دلوقت حدد حلمك وشوف انتا عايز تكون ايه
وعلى فكرة انك تكون مدرس ناجح أحسن من انك تكون طبيب اي كلام
يعني الخلاصة مش الدنيا كلها طب وهندسة
وانتا لودخلت كلية مش بتحبها او مجبر عليها
ممكن تتفوق فيها
انا قلت تتفوق وليس تتميز
لانك بسهولة في كلية طب او صيدلة انك تجيب تقدير عالي
بس هتكون زيك زي أي دفعة قبلك
معملتش حاجة جديدة
والله انا معايا صاحب ليا كانوجايب في ثانوي 98
ودخلو علوم واتميزو فيها
وهوا دلوقت بيشتغل على علاج للسرطان وبيعمل ما جستير فيه
فانا فكر بحكمة وشوف بتحب ايه
مش لازم على فكرة انك تدخل كلية طب علشان الناس يقولو يا دكتور
او هندسة علشان يقولو يا بشمهندس
لا مش مهم نظرة الناس المهم نظرتك انتا لنفسك
انا مش بقول ادخل كلية بتحبها انك تجيب النتيجة اللي على قدها
لا
انا قصدي انك تشد حيلك وتجيب درجة حلوة
يعني مش تكون عايز تدخل اداب تقول انا هجيب 80 % علشان انا عايز ادخل اداب
ايه اللي ضمنك انك هتجيب الدرجة دي
قصدي زاكر وشد حيلك وهات مجموع عالي
واشتغل على هدفك في نفس الوقت

ربنا يوفقكم

موضوع حضرتك جميل بجد ....
بس بصراحة انا حسه اني ندمانة من دلوقت علشان مذاكرتش ولسه بحاول ابدأ بس كل شوية بيجيلي هاجس ان الوقت خلص وانا خلاص ضعت ..... ربنا يستر

موضوع حضرتك جميل بجد ....
بس بصراحة انا حسه اني ندمانة من دلوقت علشان مذاكرتش ولسه بحاول ابدأ بس كل شوية بيجيلي هاجس ان الوقت خلص وانا خلاص ضعت ..... ربنا يستر

بصي حكاية ان الوقت خلص .. انتا معاكي تقريبا اربع شهور ..اربع شهور دول لو استغليتيهم صح .. ممكن تكوني الحاجة اللي حضرتك عايزاها .. وفي المقابل لو استغليتيهم غلط ممكن برضو متكونيش اي حاجة .. انا بقول مش علشان احبطك .. لا انا بقلك ان كل حاجة ليها ناحية مشرقة وناحية مفزعة .. ودل كلهم سبع مواد وكمان نص المادة مش كاملة .. احنا كان عندنا سته بس يساوي 12 مادة .. وكنا بنبدا مرراجعة من دلوقت .. بس اهم حاجة التركيز .. وتزاكري المادة على اساس انك مش هترجعيلها تاني .. مش ممكن تحصل ظروف لا قدر الله .. وابداي من دلوقت لو مبداتيش .. وبعيد اهم حاجة التركيز لان ساعة تركيز تساوي 5 بدون تركيز .. وحاولي تراجعي تلت مواد مع بعض .. واحد تقيلة واتنين سهلين .. وقبل كل ده حددي هدفك واشتغلي عليه .. ولو انتي قعدتي قدام الهاجس ده وتكرري فيه .. مش هيكون هاجس .. هيتحول لحقيقة .. يبقى انسي حكاية الهاجس .. وحطي مكانه هاجس تاني .. ان الوقت ان شاء الله في ايدك وان شاء الله هتكوني الحاجة اللي تحبيها ..


الله يوفقك

بصي حكاية ان الوقت خلص .. انتا معاكي تقريبا اربع شهور ..اربع شهور دول لو استغليتيهم صح .. ممكن تكوني الحاجة اللي حضرتك عايزاها .. وفي المقابل لو استغليتيهم غلط ممكن برضو متكونيش اي حاجة .. انا بقول مش علشان احبطك .. لا انا بقلك ان كل حاجة ليها ناحية مشرقة وناحية مفزعة .. ودل كلهم سبع مواد وكمان نص المادة مش كاملة .. احنا كان عندنا سته بس يساوي 12 مادة .. وكنا بنبدا مرراجعة من دلوقت .. بس اهم حاجة التركيز .. وتزاكري المادة على اساس انك مش هترجعيلها تاني .. مش ممكن تحصل ظروف لا قدر الله .. وابداي من دلوقت لو مبداتيش .. وبعيد اهم حاجة التركيز لان ساعة تركيز تساوي 5 بدون تركيز .. وحاولي تراجعي تلت مواد مع بعض .. واحد تقيلة واتنين سهلين .. وقبل كل ده حددي هدفك واشتغلي عليه .. ولو انتي قعدتي قدام الهاجس ده وتكرري فيه .. مش هيكون هاجس .. هيتحول لحقيقة .. يبقى انسي حكاية الهاجس .. وحطي مكانه هاجس تاني .. ان الوقت ان شاء الله في ايدك وان شاء الله هتكوني الحاجة اللي تحبيها ..


الله يوفقك
تمام ....بس ع فكرة حضرتك احنا في الدروس مش كل المواد خلصت يعني الحمد لله ممكن الحق اضعف الايمان اوصل للي احنا واقفين عليه في الدروس ....شكرا لحضرتك

موضوع جميل جدا بس انت مش ظاهر ليه يادكتور المنتدى مضلم من غيرك وشكرا على الموضوع ومتنسناش بقى وتطول علينا

4 شهور :( ربنا يسترها

جزاكمـ الله خيراً

موضوع جميل جدا نزل باقى النصايح