السلام عليكم و رحمة الله و بركاته

ازيكم يا جماعة عاملين ايه؟ ايه أخباركم؟ يارب تكونوا كلكم بخير.
دلوقتى يا جماعة باذن الله فى حملة هنعملها هيا فكرة ماجدولين و تنفيذها
المهم يعنى
الحملة اسمها : ياللا يامسلمين نبقى مسلمين بجد
احنا فى الحملة دى هنتناقش فى 4 محاور :
اولا : ماهو الاسلام ؟؟؟؟؟؟؟؟؟
و هنا هنحاول نفهم الاسلام صح
بمعنى ان الاسلام مش صلاة و صيام و بس(ده لوصلينا و صمنا) بس الاسلام محتواه أكبر من كده بكتيييييير فهنحاول نتناقش سوا فى فهمنا الخاطئ للاسلام و الفهم الصحيح اللى المفروض نطبقه
ثانيا : لماذا خلقنا الله؟؟؟؟؟؟؟؟؟
طبعا كلنا هنقول خلقنا الله لعبادته و عمارة الكون
طيب ازاى؟؟؟
ازاى نقدر نخلى عمارتنا للكون عبادة ؟ازاى نقدر نخلى عاداتنا عبادات مش العكس؟
ثالثا : هل يمكن أن يتغير حالنا بعد اللى وصلناله من الضعف و الذل ؟؟؟؟؟؟؟؟
هل حديثنا عن النهضة و العزة كلام بجد و لا مجرد حماس شباب ع الفاضى ؟؟؟؟؟؟
و هنا هنتكلم عن اننا ازاى نخلى الكلام واقع حتى لو بدأنا بحاجة بسيطة حتى لو مش وصلنا للنهاية بس ع الاقل الأجيال اللى بعدنا يكملوا مش يبدأوا من الأول او يقولوا زى مابنقول ......مافيش أمل!!!!!!!
بمعنى تانى : ازاى نقدر نبدأ ننهض بأمتنا؟؟؟؟؟؟؟؟؟
رابعا : أخلاقيات اسلامية يغفل عنها البعض للأسف ........
هنا هنتكلم عن أخلاقيات لا يعمل بها المسلمون او بنعملها بشكل خاطئ.
زى مثلا :
الايجابية .. احترام الوقت .. تقديس العمل و فهم اهميته .. حدود العلاقة بين الجنسين .. الخ

أنا كده قلت مقدمة عن الحملة .
اللى احنا عايزينه بجد ........
احنا كلنا فينا عيوب و مش معنى اننا بنقول العيوب دى انها مش فينا
لا
بس احنا هنتناقش و نشوف ايه الأسباب و نساعد بعض و نشوف الحلول.
اللى عايزة أقوله
الموضوع مش ان ماجدولين هتحط الموضوع و احنا نقول جزاكى الله خير و خلاص........اه ندعيلها بس عايزين كلنا نتناقش و نتفاعل مع الموضوع
واخر حاجة عايزة اقولها...
ربنا يكرمك يارب يا ماجدولين و يجعل كل حرف و كل دقيقة بذلتيها فى الحملة دى فى ميزان حسناتك

فى حفظ الله و رعايته

ماشى انا معاكى
ومستعده نبتدى من بكره
بس
احنا المفروض نعمل ايه
مستنيه اعرف شويه تفاصيل بس
فى رعايه الله

ماشى انا معاكى
ومستعده نبتدى من بكره
بس
احنا المفروض نعمل ايه
مستنيه اعرف شويه تفاصيل بس
فى رعايه الله

بصى ياقمر باذن الله بكرة اللى هو النهاردة _الاحد يعنى:D_ ماجدولين هتحط اول محور و كلنا هنتناقش فيه و نوصل لحلول باذن الله نحاول ننفذها

معلش انتوممكن مش تبقو فاهمين الحملة كويس بس اول ما ماجدولين تحط اول محور هتفهموها كويس اوى و باذن الله نتعاون كلنا فيها

نورتينى ياقمر

ماشى ياحبيبتى ياريت على خيرة الله
انا اول من يؤيد

جزاكم الله خيرا وربنا يوفقكوا ويسهل طريقكوا

وانا ان شاء الله متابع معاكو

شكرا لكم
حزاكم الله خيرا
بإذن الله متابعة معكم

السلام عليكم
شموخ ياقلبى........المقدمة روووووووووووووعة زى صاحبتها تمام:)
ربنا يباركلك ياقمر ويجازيكى كل خير
ومعلش عشان تعبتك معايا
بس ع فكرة ياجماعة لولا شموخ بعد ربنا طبعا;)
انا مش كنت هنزل الحملة هنا ع المنتدى
وهى عارفة لية........فشكرا ليكى ياروحى
نبتدى بقى
اللى احنا عايزينه بجد ........
احنا كلنا فينا عيوب و مش معنى اننا بنقول العيوب دى انها مش فينا
لا
بس احنا هنتناقش و نشوف ايه الأسباب و نساعد بعض و نشوف الحلول.
اللى عايزة أقوله
الموضوع مش ان ماجدولين هتحط الموضوع و احنا نقول جزاكى الله خير و خلاص........اه ندعيلها بس عايزين كلنا نتناقش و نتفاعل مع الموضوع

ايوة ياشموخ
الموضوع ان شاء الله هيبقى مناقشة مفتوحة بين الأعضاء
والمشاركات ان شاء الله تكون فعالة وبتخدم الفكرة والموضوع
احنا مش عاوزين مشاركات من نوعية
(جزاكم الله خيرا)
لأ
المشاركات زى ماقولت تبقى انك تدخل معانا فى الحوار وتقول رأيك
فى الكلام اللى هنقولة
وهتحاولوا تساعدونا بأرائكم
لأن احنا مش ممكن نعمل حاجة لوحدنا
دلوقتى زى شموخ ما وضحت
الحملة عبارة عن أربع محاور(شموخ شرحتهم بأختصار....ربنا يباركلها)
كل محور هينزل
سوف نحدد لة مدة للمناقشة على حسب طبيعتة
بعد أما تخلص الناقشة فى الجزئية دى
وأنا أو شموخ هنلخص كل الأراء والحلول اللى اتقالت
فى مشاركة اخيرة فى المحور دة
عشان نكون اتفقنا ع كل حاجة
وكمان عشان بعد أما نخلص
لو حد عاوز يرجع للكلام تانى يلاقية منظم
وبعد كدة هننقل ع المحور اللى بعدة(بس المحور الرابع هيختلف شوية عن كدة........أوكى)
ودلوقتى انا ان شاء الله ربع ساعة بالكتير وهنزل المحور الأول
يعنى لو الكهربا ماقطعتش أو النت فصل:D:)

ربنا يباركلكوا
يا مجدولين انتى و
شموخ
بجد
فكرة كويسة جدا وجامدة جدا

وانا مستنية

ولو عاوزة كهربة من عندنا
انا ممكن اديكى

احنا برضه بتقطع عندنا
بس
من كتر ما بنسربها
للى عاوز
:D:D:D

دلوقتى احنا هنتكلم فى أول محور
وهو يتحدث عن شمولية الدين الأسلامى لكافة جوانب وشئون الحياة
(المادية والمعنوية)
وكثير مننا يعتقد أن الدين الأسلامى يقتصر فى أحكامة فقط
ع النواحى العقائدية والتعبدية (من صلاة وصوم وزكاة……..ألخ)
ولكن الحقيقة أن الأسلام أشمل فى معناة وأحكامة
من مجرد أقتصار أحكامة ع هذة الجوانب فقط
فالأسلام يشمل العقيدة والعبادة والأخلاق والتعاملات والعقوبات
وللأسف فأن بعض المسلمين يعتقدون أن الأسلام يقتصر ع النواحى
التعبدية والعقائدية فقط!!!!!!!!!!!!!!:(
متناسين او متجاهلين أن الأسلام أشمل وأعم من ذلك:)
ولقد نتج عن هذا المفهوم الخاطئ للأسلام الذى رسخ
فى أذهان البعض
انهم فصلوا بين الدين والأمور الحياتية
فصلو بين العبادة والمعاملة
ــــــــــــــــــــــــــــــــــــــــــــــــــ ـــــــــــــــــــــــــــــــــــ
مثال
مسلم يثني عليه الناس ويمدحونه لحسن خلقه إلا أنهم يستثنون في ثنائهم فيقولون إلا أنه لايصلي:(
و مسلم آخر يصلي ويصوم ويحج
إلا أن الناس يشكون منه سوء الخلق والغش في المعاملة:eek:
وفى هذة الحالة فأنة ينطبق علينا قولة تعالى
(أفتؤمنون ببعض الكتاب وتكفرون ببعض )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

فالحياة أخوتى في نظر الإسلام وحدة لا تتجزأ و الإسلام كيان واحد لا ينفصم و الإسلام يأبى إلا أن يصبغ الحياة كلها – بجوانبها المختلفة : مادية ومعنوية فردية وجماعية بصبغته الخاصة وهي صبغة الله (وَمَنْ أَحْسَنُ مِنَ اللَّهِ صِبْغَةً ) (البقرة:138) و الإسلام لا يقبل إلا أن يصحب الإنسان –بتوجيهه وتشريعه – في رحلة الحياة منذ أن يولد وإلى أن يموت وصدق القائل الحكيم: (وَنَزَّلْنَا عَلَيْكَ الْكِتَابَ تِبْيَاناً لِكُلِّ شئ) (النحل: من الآية89) (ملاحظين كلمة لكل دى;))
فهو يجمع بين الدنيا والآخرة، بين الروحانية والمادية، بين الواقعية والمثالية؛ وهو يدير شئون الفرد وشئون الأسرة وشئون المجتمع، كما أنه نظام سياسي، ومنظومة اجتماعية، ومؤسسة اقتصادية، كما أنه قبل كل هذا صلة بين العبد وربه؛ يقول تعالى: "قُلْ إِنَّ صَلاَتِي وَنُسُكِي وَمَحْيَايَ وَمَمَاتِي للهِ رَبِّ الْعَالَمِينَ" (الأنعام/162)
ومع دليل آخر ع شمولية اسلامنا العظيم والرااااااااااااااااااااائع
قال تعالى
( الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْأِسْلامَ دِيناً) (المائدة:3)
والمتأمل فى هذة الآية الكريمة
سوف يرى وبوضوح مدى شمولية اسلامنا الجميل
حيث أنة لم يترك لنا شئ دون توضيح حكمة وشرعيتة
سواء كان هذا الأمر فى العبادات أو العقائد أو المعاملات أو الأخلاقيات
وهنا يبرز لنا دليلا آخر ع شمولية الآسلام
فالأسلام هوآخر الرسالات السماوية ولا رسالة بعدة
وبالتالى لابد أن يكون شاملا وملما بكافة الجوانب الروحية والمادية
ويكون صالحا لكل زمان ومكان
فهو رسالة الحياة كلها، ورسالة الإنسان كله، كما أنه رسالة العالم كله، ورسالة الزمان كله.
لأنة لا دين بعدة.....................تمام

وألى آيات أخرى من كتاب الله الكريم التى تتضمن نفس المعنى
قال تعالى:{مَا فَرَّطْنَا فِي الْكِتَابِ مِنْ شَيْءٍ} [الأنعام:38]،
وقال أيضا
{مَا كَانَ حَدِيثاً يُفْتَرَى وَلَكِنْ تَصْدِيقَ الَّذِي بَيْنَ يَدَيْهِ وَتَفْصِيلَ كُلِّ شَيْءٍ وَهُدىً وَرَحْمَةً لِقَوْمٍ يُؤْمِنُونَ} [يوسف:111].
من هاتين الآياتين يتضح لنا;)
ان الأسلام لم يترك لنا أمرا (سواء دينيا أو دنيويا) لنفتى فية على حسب أهوائنا المريضة
وللأسف فأن غير المسلمين يرديون اقناعنا بأن الأسلام دينا لاهوتيا محصورا في ضمير الفرد فقط، وأنة دين عقيدة بلا شريعة، أو عبادة بلا معاملات!!!!!!!!!:(:confused:
ــــــــــــــــــــــــــــــــــــــــــــــــــ ــــــــــــــــــــــــ
وعلى هذا فهل نسأل انفسنا أخوانى
... أين الإسلام فى :


1- عباداتى ( الصلاه - زكاة المال.............)


2- معاملاتى ( مع : أبى وامى-أخوتى - زوجتى / زوجى - اولادى - جيرانى – اصدقائى)


3- عملى ( تحرى الرزق الحلال - اتقان عملى (المذاكرة اذا كنت طالب)- حسن المعامله مع زملائى - البعد عن الغيبه والنميمه والخوض فى اغراض الناس)

4- المصيف ( عدم خلع الحجاب - غض البصر - الاختلاط - تضيع الصلوات)


5- فى الزواج


حسن الاختيار : الفتاة .... ذات دين / الشباب .... صاحب خلق ودين .
الفرح : البعد عن الحرام ( ملبس - الرقص - اغانى فاحشة..)

ولنسأل انفسنا أخوتى أيضا

ماهى أطول آية فى قرآننا الكريم؟؟؟؟؟؟؟
نعم........ هى آية الدين فى أواخر سورة البقرة
حسننا
وعم تتكلم هذة الآية الكريمة؟؟؟؟؟؟؟؟
هل تتكلم عن كيفية الصلاة؟؟؟؟؟؟؟
هل تتكلم عن شروط الصيام الصحيح؟؟؟؟؟؟؟
هل تتكلم عن أحكام الحج؟؟؟؟؟؟؟
هل تتكلم عن مقدار الزكاة؟؟؟؟؟؟
لا والله انها لاتتكلم لاعن هذا ولا ذاك
انما هى تتكلم عن أمر من الأمور الحياتية بين الناس
نزلت لتنظيم هذا الأمر .....ألا وهو

المداينة وكتابة الدين
قال تعالى(ياأيها الذين ءامنو اذا تداينتم بدين.................) /البقرة:282/
الى آخر الأية الكريمة
__________________________________________________ _
وهكذ يتضح لنا أن الأسلام منهج متكامل وشامل لكافة شئون الحياة وهذا ما علمه لنا معلم البشرية محمد صلى الله عليه وسلم
وخرج لنا من مدرسة النبوة أناس عرفوا معنى الإسلام وفهموا شموليته ومنهجه المتكامل
فالرسول صلى الله عليه وسلم كما قال الدكتور عائض القرنى فى كتابه رحمة للعالمين
(إنه الإمام الذى علم الأمة ,كل الأمة أن تذعن لأمامته إماماً فى الصلام ,وإماماً فى الحياة , وإماماً فى التربية ,وإماماً فى الأقتصاد ,وإماماً فى الحرب)
قال تعالى
(لَقَدْ كَانَ لَكُمْ فِيهِمْ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الأخِرَ وَمَنْ يَتَوَلَّ فَإِنَّ اللَّهَ هُوَ الْغَنِيُّ الْحَمِيدُ )
/الممتحنة:6/
فياليتنا نعود لهذا التطبيق الشامل المتكامل للإسلام
*******************************************
ومع قصيدة
(ليست من تأليفى طبعا:D)
ولكنها توضح المقصود;)
(ملحوظة: الكلام اللى بين الأقواس دة شرح من عندى:))

صل ما شئت وصم فالدين لا ........ يعرف العابد من صلى وصاما
واجعل السبحة مترين وخذ ........ عُمَّة بيضاء واصبغها رخاما
(يعنى اللى بيصلى ويصوم بس ومفكر ان هو دة الدين)
واترك العالم في غوغائه............ يتلظى في لياليه اضطراما
(يعنى مش يبقى ليك دعوة بالعالم اللى حواليك
يتحرقوا بقى يولعوا......انت اهم حاجة تصلى وتصوم اذا كنت بتصلى اصلا:confused:)
أنت قسيس من الرهبان ما ............. أنت من أحمد يكفيك الملاما
(وفى الحالة دى هتكون راجل دين
ولكن دة مش يمنع الرسول_ص_ أنة يلومك ع سلبيتك)
تترك الساحة للأوغاد ما ............... بين قزم مقرف يلوي الزماما
(لأنك تركت الأعداء يتحكموا فى أمورك الدنيوية ع مزاجهم
وبالتالى بقيت انت اليد السفلى وهم اليد العليا)
أو دَعِيٍّ فاجر أوقع في .................. أمتي جرحاً أبى ذاك التئاما
لا تخادعني بزي الشيخ ما.............دامت الدنيا بلاءً وظلاما
(يعنى حضرتك مش تعملى شيخ والدنيا حواليك
اخواتك المسلمين متبهدلين فيها:mad:)
أنت تأليفك للأموات ما ................. أنت إلا مترف حب الكلاما
(هناك تأليفاً للأحياء، وتأليفاً للأموات،
فتأليف الأحياء: أن يخلص الإنسان اتجاهه ومنهجه إلى الله، منتهجاً كتاب الله وسنة الرسول صلى الله عليه وسلم، ثم يأتي بهذا الكلام فيصبه في قلب كل شاب، وفي قلب كل مؤمن، فهذا التأليف للأحياء،
والتأليف للأموات: أن يغلق عليه بابه، ثم يأتي بكتب السلف (الصالحين الذين ماتو ولكن بقيت لنا كتبهم العطرة التى تدل على علمهم) ، فيتلقف ما كتبوا فيها، ويعارضه، ويدلل على بطلان مسمياته، ويزيد على المتن متناً، وعلى الغبار غباراً، وهذا ليس بتأليف_ من الأخر بيضيع وقتة فى كلام مش بيفيد الناس دلوقتى بحجة أنة هو دة الدين:(_ )
لا تقل شيخي كلاماً وانتظر.................... عمر فتوى مثلكم خمسون عاما
(الحقيقة انا مش عارفة المعنى أوى بس اعتقد ان معنى البيت ان الشيوخ بيتكلموا عن العبادات الدينية
فقط متناسين اخواننا فى فلسطين اللى مستنين فتوى بوجوب جهاد العرب لأسرائيل من اكتر من خمسين سنة)
والسياسات حِمَىً محظورة ................. لا تدانيها فتلقيك حطاما
(يعنى المسلم الحالى بيخاف أنة يقرب من السياسة عشان مش يدمر)
فخذ الأجيال في ساح الوغى.............. واسق أعداء الهدى كأساً زؤاما
(يعنى يللا يا مسلمين نحارب وناخد حقنا وكفاينا سكوت بقى)
رتل الحق بصوت الحق في................ لجة الأمواج لا تخش الزحاما
(ومع هذا الجهاد فنحن لا ننسى قرآننا الكريم فى وسط زحام الحياة المرهق)
صوتك المعروف فجر صادق.................. فحنانيك تقدمنا إماما
(وعندما تفهم دينك ع شموليتة هكذا فأنت تستحق أن تكون أماما للمسلمين:))

ودى يا جماعة مجموعة من اللنكات عشان تتعمقوا فى الموضوع أكتر:);)
http://as7ab.maktoob.com/group/viewForum.htm?forumId=47608
(لنك عن الشمولية مدعم بآيات الله)
http://www.osodatls.net/vb/t25538.html(لنك رااااااااائع)
http://majles.alukah.net/showthread.php?t=15577
http://almslm.x333x.com/book/book7-2.htm
http://ensan.us/?p=185 (لنك جمييييييييييييل جدا)
http://www.islam.gov.qa/UmmaBook/BOOK_INDEXES.aspx?book_id=252&index_id=262&art_id=276 ( لنك رااااااااااااائع بالذات نصف الصفحة الأخيرة
بالله عليكوا لو مش هتقرو التوبيك كلة أقرأوا آخر نصف صفحة;))
انا والله عارفة ان الكلام كتييييير:)
بس احنا مسلمين ولو مش عملنا كدة وفهمنا ديننا ع حقيقتة يبقى لازمتنا أييييييية؟؟؟؟؟؟؟;)
اقرؤهم بالله عليكم ولو كل يوم هتقروا لنك واحد عشان نستفيد كلنا:D
ومستنين ارائكم وتعليقاتكم واضافتكم بعد اما نزل المحور الأول;)
والمناقشة فى المحور دة هتستمر لمدة 6 أيام ابتداء من النهاردة
يعنى آخر يوم هيكون الجمعة بأذن الله:rolleyes:
والمشاركات زى ما اتفقنا تكون فعااااااااااااااااالة:)
يعنى تقولولنا

هل المسلمين فعلا فاهمين الدين كدة؟؟؟؟؟؟؟
طب هل ممكن يغيرو مفهومهم دة؟؟؟؟؟؟؟؟
طب اية اللى خلانا نفهم دينا بالطريقة السطحية دى؟؟؟؟؟؟؟
طب واية اللى ممكن نعملة كشباب عشان نرجع المفهوم الشامل للدين كدة؟؟؟؟
وطبعا أى اضافات مرحب بيها ومشكورة:D:)
مش عاوزين سلبية:confused:
شاركوا معانا و بلاش كسل:D:)
فى رعاية الله

يسعدني ان اكون من اول من يشارك
اللي انا فاهماه ان احنا هنتكلم ف الموضوع ده عن المعاملات ف الاسلام تمام نبدأ
اه المطلوب نتكلم عن المعاملات ف حياتنا اليومية ولا نستشهد بايات واحاديث ونبدا نجمع معلومات ف الموضوع يعني؟؟

يسعدني ان اكون من اول من يشارك
اللي انا فاهماه ان احنا هنتكلم ف الموضوع ده عن المعاملات ف الاسلام تمام نبدأ
اه المطلوب نتكلم عن المعاملات ف حياتنا اليومية ولا نستشهد بايات واحاديث ونبدا نجمع معلومات ف الموضوع يعني؟؟
ياحبيبة قلبى
الموضوع بأذن الله هيكون متسسلسل:)
والمعاملات هتبقى بأذن الله المحور الأخير;)
بعد اما نتفق ع الأساسيات فى أول تلات محاور
دلوقتى المطلوب مننا كلنا
ان المحور الأول نزل
نقرأة كويس ونفهمة ونشارك بأرائنا الجميلة
وطبعا مفيش مانع من الآستشهادات
اما بخصوص تجميع المعلومات فتقريبا التوبيك منزل معلومات كتيرة فى الموضوع وكمان عندك اللينكات
وطبعا اى معلومة اضافية
مشكووووووووووووووورة عليها مقدما ياقلبى

ربنا يباركلكوا
يا مجدولين انتى و
شموخ
بجد
فكرة كويسة جدا وجامدة جدا

وانا مستنية

ولو عاوزة كهربة من عندنا
انا ممكن اديكى

احنا برضه بتقطع عندنا
بس
من كتر ما بنسربها
للى عاوز
:D:D:D
خلااااااااااااااااااص ياترافل;)
الحمد لله ربنا سترها ياعسل:)
والكهربا مش قطعت
واما بخصوص انكوا بتسربوا الكهرباء:D
فأنا ممكن اقول لريسنا ع الموضوع دة:D
وفى الحالة دى
مش هنعمل المشروع النووى اللى هيغذى مصر بالكهرباء
ومصر كلها تاخد كهربتها منكم:D:D:D
يللا ياروحى
مستنين مشاركتك معانا:)

السلام عليكم
هو فى أية يا جماعة
دلوقتى المحور الأول نزل من انبارح
ومفيش مشاركة واحدة:(
ولا أى تعليق ع الكلام
فين الناس اللى قالت هتابع؟؟؟؟؟!!!!!!!!:confused:
مش عارفة!!!!!!!!!
هو الكلام اللى اتقال كبير حبتين
ولا غريب
ولا ميستحقش التعليق!!!!!!
عموما براحتكوا
انتو حريين:rolleyes:
والله انا مش زعلانة منكوا
انا لو محدش رد بجد هرتاح
وهبقى عملت اللى عليا
بس انا لوحدى مش هينفع
وبجد انا عاوزة نتفاعل مع بعض
عشان نقدر نعمل حاجة لديننا
يمكن الفكرة مش وضحتلكوا
بس انا هوضح ع قد ما اقدر
وانتو احرار بعد كدة:)
الموضوع ان احنا هنحاول نبقى مسلمين بجد
ونخلى الأسلام شامل لكافة جوانب الحياة
وبالذات الأخلاقيات
ودة فى حد ذاتة هيكون دعوة جميلة للدين;)
لأن غير المسلم لما يشوفك متقن للصلاة والصوم
مش هتفرق معاة حاجة:(
و مش هيحس بحاجة
لكن اما يشوفك بجانب عبادتك
انسان اخلاق وذوق:)
وبتساعد الناس وطيب وحنين
وبتراعى ضميرك
اكييييييييييد هيفكر فى اسلامنا
بطريقة مختلفة;)
عما اعتاد على ان الأسلام هو دين الأرهاب
انا كدة عملت اللى ربنا قدرنى علية
مش عاوزين تردوا..........اوكى
بس انا بجد عملت اللى ربنا قدرى علية
اللهم بلغت........اللهم فأشهد
فى رعاية الله

هل المسلمين فعلا فاهميبن الدين كده
اه.......ده اللى احنا شايفينه بس طبعا الا من رحم ربى
يعنى فعلا فى مسلمين _وان كانو قلة_بس بجد فاهمين دينهم كويس اوى

طب هل ممكن يغيروا مفهومهم ده؟
هو ممكن بس مش سهل
بس طبعا الله قادر
ربنا يهدينا

طيب ايه اللى خلانا نفهم ديننا بالطريقة السطحية دى؟
بصى يابنتى احنا لو بصينا حوالينا اول ماحد يتدين الكل او الغالبية بيقولو تدين يبقى خلاص بقى فاشل !!!!!!!!
ليه بقى؟
لان الاهل غالبا بيربو ع كده انك لما تدين خلاص بقيت فاشل لانك مش هتفكر غير فى حفظ القران و السنة
وطبعا ده غلط
و برده الاهل ممكن الى حد ما نلتمسلهم العذر لان فعلا فى ناس كده
فاكرين الدين منظر بمعنى يربو اللحية و يروحو يقعدو فى الجامع مايطلعوش
انا مش بقلل من كده .....بس اللى عايزة اقوله
ان الطالب لما يذاكر ماهو بيعبد ربنا
العالم لما يخترع حاجة تفيد الاسلام و المسلمين ماهو بيعبد ربنا
وهكذا


طيب و ايه اللى ممكن نعمله كشباب عشان نرجع المفهوم الشامل للدين؟
و الله انا شايفة ان الدور الرئيسى هو دور الشباب
الشباب لازم يثبتوا العكس بمعنى انى اثبت للكل انى لما تدينت بقيت بذاكر اكتر بقيت بعامل الناس افضل بقيت بصلح من نفسى
لو ده حصل
الناس بجد هتغير وجهة النظر الغلط دى
لانهم هيشوفوا العكس

ماجدولين بجد المحور الاول ماشاء الله فوق الرووووووووووووووووعة ربنا يكرمك يارب ياقمر
وكملى و احنا معاكى:)