مشاهدة النسخة كاملة : المحكمة تبرى جميع المتهمين فى قضية غرق العبارة السلام 98
thechampion 27-07-2008, 11:23 AM المحكمة تبرىء جميع المتهمين فى قضية غرق العبارة السلام 98 7/27/2008 10:45:00 Am
صورة ارشيفية لمجموعة من اقارب ضحايا العبارة السلام 98
الغردقة-محرر مصراوي- حكمت محكمة جنح سفاجا برئاسة المستشار أحمد رفعت النجار ببراءة جميع المتهمين فى قضية العبارة "السلام 98"، باستثناء صلاح جمعة قبطان العبارة "سانت كاترين" حيث قضت بحبسه ستة أشهر وكفالة 10 آلاف جنيه .
يذكر أن النيابة كانت قد وجهت الاتهام ل10 أشخاص فى قضية غرق العبارة السلام 98 منهم 4 أشخاص انتهت الدعوى القضائية ضدهم بسبب الوفاة إلى جانب 6 متهمين آخرين هم ممدوح إسماعيل رئيس مجلس إدارة شركة السلام للنقل البحرى ونجله عمرو نائب رئيس مجلس إدارة الشركة - هاربان فى لندن - وممدوح عبدالقادر عرابى ونبيل السيد شلبى والقبطان صلاح جمعه ومحمد عمادالدين.
المصدر: وكالة انباء الشرق الاوسط
_GUIDE_ 27-07-2008, 11:25 AM امال مين اللى غرقاها
يمكن انا ومعرفش
ولا يمكن انتا
ولا يمكن الجن الازرق
صحيح بلد مبتطبق القانون الا على الضعفاء
وسلميلى على ممدوح اسماعيل
thechampion 27-07-2008, 11:34 AM ممكن يا اسلام طلب ياريت تعيده للرطكن العام لانه الاكثر نشاطا وسيجذب الناس اكثر
باسم باشا 27-07-2008, 11:53 AM والله كدا حراااااااااام
المذنبين الي هربوا هربو من الحكومه المصرية
بس مش هيعرفو بهربوا من الحكومة الألاهية
الي ماتو ظلم دول ربنا مش نسيهم
وعند ربنا مفيش لارشوة ولا وسطة
وحسبنا الله ونعم الوكيل
مسيو منتصر الجميلي 27-07-2008, 11:58 AM حسبنا الله ونعم الوكيـــــــل
_GUIDE_ 27-07-2008, 12:44 PM ممكن يا اسلام طلب ياريت تعيده للرطكن العام لانه الاكثر نشاطا وسيجذب الناس اكثر
ده مجرد خبر
ومتقلقش فيه اللى بيدخل على القسم وبيتابع
عمتا مشكور مرة تانية على الخبر
وحسبى الله ونعمة الوكيل
marwa.m 27-07-2008, 12:49 PM حسبى اللة ونعم الوكيل
ربنا يصبر اهالى الضحايا وربنا يسترها مع الكل
محمد عبد العال السيد 27-07-2008, 01:29 PM بهذا الحكم فعلا اثبت حاجات كتير اوى اوى
انها خلاص غرقت يا شباب مش عبارة ممدوح اسماعيل بس
لا دى عبارة اخرى اسمها طيبة 2008
حسبى الله ونعم الوكيل
نفسى ابعت رسالة صغيرة لكل الى كانوا سبب فى العبارة
احد الافراد الذين تم انقازهم قد حكاها بعد انقاذه
طفل ظل يبكى ويصرخ وهو يموت من البرد ويقول
خلاص يا ماما معندش هلعب تانى والله هذاكر معندش هعمل غلط ردى على عشان خاطرى ياماما رد على ويهز فى امه هزا لكنها للاسف ماتت وهو متعلق بيها واخير سمع الطفل وهو يصرخ ويقول ايوه ياما خلاص اناكمان جيلك اهو ومات الطفل
يا ممدوح اسماعيل ولا اى حد فى مصر هتردوا هتقولوا ايه امام الحكم العدل الجبار
لما يسالكم عن الطفل ده افرحوا ماشاتم واسعدوا اكثر فاكثر فوالله الذى لا اله الا هو لن ياتى بحقنا سو ى الله
وتذكروا قولة تعالى "و تلك الأيام نداولها بين الناس"
حسبى الله ونعمة الوكيل
thechampion 27-07-2008, 07:07 PM الحكم ده ناقص كان المفروض ممدوح اسماعيل يطالب بتعويض من اهالى الضحايا لانهم غرقوا وبوظولو العبارة
منكم لله يا ظلمة
Dr.diamond 27-07-2008, 10:28 PM مش بعيد يرجع يغرق باقى اهالى الضحايا الى رفعوا عليه القضيه حسبى الله ونعم الوكيل
CoMMaNdo 27-07-2008, 10:34 PM تحيا مصر
بلد الديمقراطية
والعدل
LA STELLA 28-07-2008, 05:40 AM انا صحبتى قالت لى قومى افتحى التليفزيون ع العاشرة مساء
فتحته ومكملتش
ناس بتصوت صويت غير عادى بجد
وحاجة تقطع القلب
ولادهم واهاليهم واخواتهم وازواجهم و ابائهم ضاعوا بسبب جشع وطمع- لا اعتراض ع قضاء الله - بس الاخذ بالاسباب وكل ظالم ومفترى لازم ياخد جزاءه
ماهياش سايبة
بس النائب العام طعن فى الحكم
باستثناء صلاح جمعة قبطان العبارة "سانت كاترين" حيث قضت بحبسه ستة أشهر وكفالة 10 آلاف جنيه .
ومالهم جايين ع نفسهم كدة ليه !!!!
مقدروش ع بتوع السلام 98 رايحين للعبارة جارتهم !
beautyblotyboy 28-07-2008, 05:43 AM حسبى اللة ونعم الوكيل
مقدرش اقول غير كدة
هويدااحمد76 28-07-2008, 05:11 PM خلاص يا جماعة دلوقتى اقدر اقول اننا كمدرسين براءة من امتحان الكادر مبروك للبراءة فى الارض واين عدالة السماء
thechampion 28-07-2008, 08:49 PM يا جماعة عايزين نحيي النائب العام على انه استانف الحكم ونرجو من الله انه ينصف المظلومين
hishamumbc 29-07-2008, 01:56 AM لا تحزنوا حكم السماء قريب
هنا الفقي 29-07-2008, 06:28 AM ta7ia msr zebala mo7talh
ana lia zamil fi elmadrasa tawfa fiha
7sbna allah w ne3m awakil
الاستاذ محمد سرور 29-07-2008, 06:44 AM المحكمة تبرىء جميع المتهمين فى قضية غرق العبارة السلام 98 7/27/2008 10:45:00 Am
صورة ارشيفية لمجموعة من اقارب ضحايا العبارة السلام 98
الغردقة-محرر مصراوي- حكمت محكمة جنح سفاجا برئاسة المستشار أحمد رفعت النجار ببراءة جميع المتهمين فى قضية العبارة "السلام 98"، باستثناء صلاح جمعة قبطان العبارة "سانت كاترين" حيث قضت بحبسه ستة أشهر وكفالة 10 آلاف جنيه .
يذكر أن النيابة كانت قد وجهت الاتهام ل10 أشخاص فى قضية غرق العبارة السلام 98 منهم 4 أشخاص انتهت الدعوى القضائية ضدهم بسبب الوفاة إلى جانب 6 متهمين آخرين هم ممدوح إسماعيل رئيس مجلس إدارة شركة السلام للنقل البحرى ونجله عمرو نائب رئيس مجلس إدارة الشركة - هاربان فى لندن - وممدوح عبدالقادر عرابى ونبيل السيد شلبى والقبطان صلاح جمعه ومحمد عمادالدين.
المصدر: وكالة انباء الشرق الاوسط
الجديد ان النائب العام بنفسه قدم طعن على حكم المحكمة
منى ذكى 29-07-2008, 06:47 AM انا كنت بستنى الحكم لانى قرات عنه فى الجرنان لانى لحد دلوقتى لما بفتكر الحادثة دى بعد اعيط بس الحكم طلع مخيب اوى لاملى وزعلنى اوى.
greengreen 29-07-2008, 06:55 AM السلام عليكم اهدى اليكم هذة الايه لعلها تكون البشرى لكل من يبحث عن العدل فى هذا الزمان لكل من امتلأ قلبه باليأس ( ولا تحسبن الله غافلا عما يعمل الظالمون انما يؤخرهم ليوم تشخص فيه الابصار ) صبارا شهداء العباره فان موعدكم الجنه
|