مشاهدة النسخة كاملة : اا... هنعيش لمين ...اا


ضياء الدين سعيد
15-02-2014, 03:42 PM
مش معنى إني بعشقك ..
وإنك قمر ..
ولا يوم هلاقي لك بديل
أعيش حزين
ما أنت الوطن
من حقك إنك تتسكن
وولادي يجمعهم كفن
ولا يوم أشوفك فيه أسير
مش معنى إني بعشقك
أمشي ذليل
طب يعجبك ..
إن الصبايا في محنتك
تلبس ملابس للضياع
ويتعمل على عرضهم ..
حفلة و يحيّها الجياع !!
طفلة بتصرخ في الظلام ..
أبويا فين
قالوا أقــتــل
والـــدم نازل عالجبين
طب تعمل إيه ..
وإلي قــتــــل هو السند ..
مفروض يا بلدي أعيش أسير !!
دول علمونا في المدارس بالسنين
إن الوطن دايرة بيحكمها الأمين
لو خرم فيها نتخنق ..
وساعتها مش هنعيش يومين
هنعيش لمين !!



d-e.s.t

دّقْـــةُ قْـــلِـــبّـ
15-02-2014, 04:17 PM
كلمـــــــــــــــــــــــــــــــــــــــــــــــ ـــــــــــــــــــات في منتهه الجمال والروعه والله
تسلم ايد حضرتك استاذ ضياء ومنتظرين الجديد بشوق ان شاء الله

فاروق ابوعيانه
15-02-2014, 04:35 PM
روعة روعة أستاذ ضياء
صدقت فى كل كلمة قلتها
فى انتظار ابداعاتك دائما

أ/رضا عطيه
16-02-2014, 09:04 AM
لاحول ولاقوة إلا بالله

اللهم ارحم كل شهداء الأمة
فأنت وحدك سبحانك علام الغيوب
وكاشف كل ماتخفيه الصدور والقلوب


شكرا جزيلا

"" شيماء بكر""
17-02-2014, 03:32 PM
مش معنى إني بعشقك ..
وإنك قمر ..
ولا يوم هلاقي لك بديل
أعيش حزين
ما أنت الوطن
من حقك إنك تتسكن
وولادي يجمعهم كفن
ولا يوم أشوفك فيه أسير
مش معنى إني بعشقك
أمشي ذليل
الله الله الله
الروعة كلها فى حروف حضرتك شاعرنا ضياء
تحياتى لقلم حضرتك المضيئ