مشاهدة النسخة كاملة : كل واحد متضرر من شروط العلاوه يتفضل يدخل هنا
الدويكى 21-02-2014, 06:09 PM السلام علييكم
الاتحاد قوه ولازم نقف جنب بعض ويبقى لينا صوت
ضد هذا الوزير الظالم المستبد الذى حرمنا من العلاوه علشان شروط فارغه
الوزير ده ليس له صله بنا تماما ولا نعرفه
ده مش لاقى حد يقف له امام باب الوزاره كل يوم
هو ده الحل ( اما حرمان سنتين من العلاوه )
واما نتعب شويه القاهره مش بعيد علينا
نتجمع ونروح الوزاره يوم واتنين وتلاته لحد ما نلاقى حل
احمد الكنج 11 21-02-2014, 06:52 PM لازم نلاقى حل لكن المشكلة اننا عدد قليل فمعظم المعلمين لا تهم الشروط خاصة الكبار و لكن المعنين الجدد هم من وقعوا فى فخ الشروط
ايا كانت الطريقة يجب ان نجد حل
مستر معتز هنداوى 21-02-2014, 07:24 PM في كفر الشيخ سيحرم العديد من المعلمين الجدد من هذا الحافز بسبب التقارير لأن عدد كبير اخد جيد جدا ف تقرير 2012 كأول تقرير لا لشيء الا انهم جدد
هذا الشرط المذل يجب ان يلغى فورا
اشمعنا المعلمين اللي يتوضعلهم شروط للعلاوه لان الوزاره بتحارب ابنائها وهي اللي واضعه هذه الشروط
حسبنا الله ونعم الوكيل
ashrafe2003 21-02-2014, 07:46 PM طب انا عندى مشكلة منيلة
انا منتدب من محافظة الى محافظة اخرى ومرتبى من المحافظة الاصلية
السؤال هصرف احافز مني ؟
المحافظة المنتدب منها ولا المحافظة المنتدب اليها نرجوا الافادة
محمد احمد . 21-02-2014, 07:56 PM محافظة قنا استبعدو تعين 1/7/2011 بسبب تقرير 2012 جيد جدا وتقرير 2013 كف استبعدوا تعين 2011 بالكامل لازم نقف مع بعض بسبب الشروط التعسفية مع العلم عقود المحافظة ليها الاحقية فى الاعباء الوظيفية واحنا محرموين منها بالشكل دة هنتحرم سنة كاملة من الاعباء
sherif4766923 21-02-2014, 09:33 PM انا كمان مستبعد من قرار العلاوه الجديد بسبب تقرير 2013 يعني هقعد سنتين لولا ان اصرف
هاني لبن 21-02-2014, 10:17 PM لازم نرتب مع بعض انا من الغربية 01270074553
العركاوي 21-02-2014, 10:20 PM لابد من رفع الظلم عنا وتوصيل صوتنا لكل المسئولين نرجو من الجميع ارسال فاكسات الى الوزارة والى كل وسائل الاعلام
ghada abo agwaa 22-02-2014, 01:10 AM الاستاذ محمد زهران كان انشط مننا كتنا وبذل مجهود كبير ربنا يوفقة
الدويكى 22-02-2014, 01:40 AM طب انا عندى مشكلة منيلة
انا منتدب من محافظة الى محافظة اخرى ومرتبى من المحافظة الاصلية
السؤال هصرف احافز مني ؟
المحافظة المنتدب منها ولا المحافظة المنتدب اليها نرجوا الافادة
الحوافز لو مضافه للراتب يبقى من المحافظه الاصليه
الدويكى 22-02-2014, 01:42 AM شكرا لكل من ساهم بمروره وتعليقه
باسم الايوبى 22-02-2014, 07:53 AM [size="7"][b]شكرا لكل من ساهم بمروره وتعليقه ليس المعلمين الجدد فقط ولكن نحن القدامى فانا وقع عليا ظلم مجحف واخذت جزاء فى 2012 وتم الخصم منى فى 2013 ثم فوجئت بحرمانى من العلاوة لمدة سنة لنزول تقريرى فماذا افعل بالله عليكم
الأستاذ محمود عبد الفتاح 22-02-2014, 01:07 PM بالتوفيق للجميع
sabohasaid 22-02-2014, 03:08 PM حصلت على جزاء فى شهر يوليو 2013 وقرار الاعباء الوظيفية يطبق من 1/1/2014 هل استحق الحافز ? ارجو الفادة وشكرا
مرمر عبده 22-02-2014, 03:19 PM واانا كمان والله كل ذنبى انى وقعت تحت يد مدير مدرسة ظالم رفض اعطائى كفء انا وزمﻻئى الجدد ﻻنه زمان لما اتعين بدبلوم المعلمين بتاعه لم ياخذ كفء ونسى اننا لم ناتى من بيوتنا الى التعيين مثله وانما عملنا بهذه الوزارة 9 سنوات ولكن هدا خطأنا ﻻننا سكتنا عن حقنا ولم نتحدث عنه اﻻ بعدما ارتبط بحافز مادى
عمراحم 22-02-2014, 04:21 PM انا كمان اتحرمت من العلاوة بسبب تقرير 2012 وكان جيد جدا ودة بعد التعيين مباشرة والمصيبة يا جماعة بداو يخصمو منى حافز الاداء باثر رجعى بسبب التقرير دة حوالى 2400 هيقسمومهم على 5 شهور والشهر دة بس مخصوم منى 425 جنيه حرااااااااااااااااااااااااااااااااااام حد حصل له كدة انا تعيين 2011 من دكرنس دقهلية ارجو الرد كدة الظلم بعينه
الدويكى 22-02-2014, 04:27 PM انا كمان اتحرمت من العلاوة بسبب تقرير 2012 وكان جيد جدا ودة بعد التعيين مباشرة والمصيبة يا جماعة بداو يخصمو منى حافز الاداء باثر رجعى بسبب التقرير دة حوالى 2400 هيقسمومهم على 5 شهور والشهر دة بس مخصوم منى 425 جنيه حرااااااااااااااااااااااااااااااااااام حد حصل له كدة انا تعيين 2011 من دكرنس دقهلية ارجو الرد كدة الظلم بعينه
انا برضه خصموا منى حافز الاداء لمده عام كامل بسبب 6 ايام جزاء متقطعه علشان كان فيه ظروف وكنت بغيب عن الشغل ودلوقتى نفس الموضوع مليش نصيب فى العلاوه لان التقدير مش كفء
حسبى الله ونعم الوكيل فى الوزير الظالم وكل من عاونه وشاركه فى ذلك
ولكن احنا مش هنسيبه ( الوزير موظف زى اى موظف )
فين الثوره والحريه والكرامه
الثوره مستمره يا وزير
الدويكى 22-02-2014, 04:30 PM حصلت على جزاء فى شهر يوليو 2013 وقرار الاعباء الوظيفية يطبق من 1/1/2014 هل استحق الحافز ? ارجو الفادة وشكرا
لو مجموع الجزاءات 5 ايام فيما اكتر يبقى مفيش نصيب تاخد العلاوه
عمراحم 22-02-2014, 04:34 PM ياجماعة انا تعيين 3 2011 ومخدتش غير تقريرين الاول جيد جدا والاخير كفء طبعا اتحرمت من العلاوة بسبب التقرير الاول والمصيبة التانية خصمو منى حافز الاداء باثر رجعى حوالى 2300 جنيه وبرضه بيقولو بسبب التقرير الاول كدة حراااااااااااااااااااااااااااام الظلم بعينه فى حد حصل معاه كدة ارجو الرد لازم وقفة جادة للظلم دة
شعبان عطيه 22-02-2014, 04:44 PM اخى الفاضل الدويكى شكر الله لك مجهودك ولكن لا اعلم لما انتابنى اليأس من تغيير أى شىء
تعلم جيدا واظن ذلك خبرتى فى شئون المرتبات وبمجرد صدور القرارين ( الحد الأدنى وخازوق الأعباء) قمت بتحليل القرارين وتوضيح ما بقرار الأعباء من ظلم بين لنا جميعا وقد فوجئت بردود الأفعال فبدلا من ان نلتف جميعا حول ما يحقق مصالحنا تحولنا لاخوان وغير راضين بما قسم الله لنا و لانراعى مصالح الوطن والوقت غير مناسب الى غير ذلك وجاهدت فى الرد على كل هؤلاء اننا لم نطلب علاوة اصلا واننا لا نطلب الا العداله وان غيرنا تضاعف راتبه بعد الثوره واخرها بفرار جمهورى من رئيس الجمهورية ب 30 % للداخلية مقابل اخطار اما نحن فبطلبنا اصبح فينا كل العبر
ومن كل ما سبق وبخصوص الشروط المجحفة فلن يقف معك الا من احترق بنار هذه الشروط لأننا وللأسف ننظر تحت اقدامنا ولا نشعر بالنار الا عندما تصل لأيدينا
يا عزيزى لا يوجد قرار سليم يوقع اكثر من عقوبة على الموظف فى نفس التهمه فمن جوزى بأكثر من خمسة ايام يخصم من راتبه وحوافزه ولا يجب ان يجازى بشىء أخر
يا عزيزى القرارات تطبق من تاريخ صدورها وليس بأثر رجعى هذا ان سلمنا بصحتها فكيف انها غير صحيحة وتطبق بأثر رجعى على من وقع عليهم جزاء قبل صدور القرار
يا عزيزى لا يوجد دستورسة لقرار يوقع عقوبة مستمره ودائمة لمده قد تصل الى 3 سنوات
يا عزيزى لا فائده من الكلام ما دام كل منا لايشغله الا نفسه
يا عزيزى ابشرك باننى اوقفت عن العمل العام الماضى بمشكله مع ولى أمر ولم يقف بجانبى احد حتى لجنة الوزارة التى جاءت لمراجعة ما اتخذ معى من اجراءات قانونية لم تجد الا تحويل الموضوع للنيابة الاداريه للحيده لما رأت تعسف ولى المر ومداومته الشكوى فى كل مكان يمكنه الوصول اليه
وانا اول المضارين من شرط التقريرين امتياز وقد قمت بعمل فرق العلاوة لجميع زملائى بالمدرسة ورفعت بنفسى اسمى واسم زميل محترم أخر من الكشوف لحصوله ايضا على جزاء عشرة ايام العام الماضى نظرا لشكوى زميل له عن طريق بطاقات اولياء امور طلاب الدرس الخصوصى ورغم تعاونى مع المحققين واحضارى اولياء امور الطلاب حيث اعمل اخصائى اجتماعى وانكارهم تقديم اى شكوى الا ان الزميل المحترم بعد حفظ التحقيق تم تجديد التحقيق بمحققة اخرى وتم مجازاته بعشرة ايام
انا وزميلى مستعدان لأى اجراء واتمنى ان نتحد رغم استبعادى لتحقق شىء
كل ما ذكرته من حكايات فى تعليقى ليس لجذب تعاطف الزملاء ولكن لتوضبح ان الجزاء ليس بعيدا عن احد وما دمت تعمل بجد واخلاص فأنت معرض لا محاله ولو من قبيل الابتلاء
تليفونى هو 01289787299 ومستعد فى اى وقت لأى شىء لرفع الظلم عن كل المتضررين من القرار وانا من ادارة منوف التعليمية
وليت الجميع يفهم تعليقى كما اقصده ولا يحرف أو يؤل كلامى وهدفنا هو صالح الجميع وليس نفسى وفقط وما هو بعيد عنك اليوم قد يطالك غدا فما بالك ان كان قرارا ظالما وغير عادل او منصف
Mr.Osama Elhawary 22-02-2014, 06:04 PM رسالة الى كل مدير :
ازرع الخير
حتى لو فى المكان الخاطئ ... سيظل خيراً و سيثمر يوماً ما
ashrafe2003 22-02-2014, 06:56 PM الحوافز العادية والاثابة من المنتدب الهيا
ارجوا الافاد بمنشور
محمد احمد . 22-02-2014, 07:05 PM ولله حرام لازم نعمل حاجة ياجماعة وان تعين 1/7/2011 ومعايا تقرير جيد جدا وتقرير كفء وطبعا مدير المدرسة بيقول منتنفعش تأخذ تقرير كفء فى اول سنة فى التعين ودفعة تعين 2011 بالكامل بالشكل دة لازم نقف مع بعض ونشوف هنعمل اية دى سنة بالكامل هتضيع منينا واحنا فى عرض جنية زيادة على المرتب والله حرام ياجماعة لازم نتواصل مع الدكتور محمد زهران
عمومحمد 22-02-2014, 07:45 PM ياجماعة احنا فى أسيوط قالوا لنا انهم مش هيبصوا للتقارير أصلا والله لا نعرف هما بيسكتونا ولا ايه بس أنا مستعد أن أذهب اخر الدنيا حتى نرجع حقوقنا
شعبان عطيه 22-02-2014, 09:59 PM يا استاذى عمو محمد ده مجرد تنييم والله وده اللى حصل معايا فى ادارة منوف بعد ما جابوش سيرة التقارير وقالوا ان جزاء العام الماضى لا يؤثر وقمنا بعمل فرق العلاوة لشهرى يناير وفبراير وعند التسليم بالادارة تم التأكيد على احتواء الكشوف فى نهايتها على اقرار من مدير المدرسة بجميع شروط العلاوة الموجودة بالقرار والتى منها عدم الحصول على جزاء اكبر من 5 ايام وشرط تقريرين كفء وبالتالى تم اعادة الكشوف وتم رفع اسمى واسم زميل حصل على جزاء 10 ايام العام الماضى واخبرنا المسئول ان حرماننا سيكون حتى حصولنا على تقربربن امتياز وبمناقشتى له قال انا مجرد منفذ لما يصدر لى من تعليمات ولو فيه جديد لازم يوصلنى من الأرشيف ولا اعترف بأى كلام بعيد عن المصادر الرسميه وعنده حق
يا ريت ناخد قرار وبسرعة حتى لا يصبح امر واقع وكم ناديت سابقا ولكن لامجيب
نهاد عزمى 22-02-2014, 10:13 PM تحيه طيبه وبعد
مقدم لسيادتكم من مجموعه من معلمى ومعلمات يعملون بالتربية والتعليم من خريجى كلية التربية اعوام مختلفة
محافظه: دمياط الوظيفه معلم
.تم التعاقد معنا بعقود مميزة فى 10/10/2005 ويتم تجديد التعاقد سنويا الى ان صدر قانون الكادر 155لسنة 2007 فتم تغير مسمانا من معلم الى معلم مساعد واجتزنا اختبار الكادر فى نوفمبر 2009واختبار الرخصة الدولية ايضا ولكن لم يتم تثبيتنا الى 1/3/ 2011 بالقرار 172 واصبح مسمانا معلم ولكن للاسف تم مساواتنا بمن تم التعاقد معهم فى 2007-2008- 2009- ثم طلبنا بضم المدة السابقة على التثبيت قتم ضم المده التى سبقت المعلم المساعد 2005-2007-وقيل لنا ان مده المعلم المساعد لم يتم الموافقة على ضمها ثم اخيرا افادونا بانه تم الموافقة على سنتين اعتبارا من مده المعلم المساعد ويعتبر ذلك تضاربا فى القرارات مع الاضرار بنا ماديا ومعنوياعلما بانه من تم التعاقد معهم فى 2004 تم ضم المده كاملة لهم واعطائهم كافة حقوقهم مع حصولهم على الدرجة الثانية.فرجاء مساواتنا بهم ورفع الظلم عنا . كما انه تم رفض ضم المده لنا بحجة ان هناك زميلة معافاة من الخدمة وهى دفعة 1985 مع العلم ان تللك الزميلة حاصلة على نفس تقديرنا جيد . ولكن تسبقنا فالتخرج . فما الذنب الذى ارتكبناه حتى نظلم مرة اخرى وتضيع علينا ضم هذا العام علما بان هذه الزميله وكانت مكلفة فهذه الفترة والمكلف لا ياخذ خدمة عامة ولكنها لم تتقدم للعمل اصلا الا فى عام 2007 وذلك لتواجدها بالخارج .برجاء النظر الينا بعين العدل ورفع الظلم عنا .
وتفضلوا بقبول فائق الاحترام والتقدير.
شعبان عطيه 23-02-2014, 09:01 AM امتى حانتفق وناخد قرار بعد خراب مالطه ولا ايه فين الأفكار الموضوعية واللى يمكن تنفيذها
الدويكى 23-02-2014, 01:37 PM شكرا لكم جميعا على اهتمامكم ولنبداء باول خطوه فى الطريق
1- كل ادراه تجمع نفسها
2- ثم نتواصل على مستوى المحافظه
3- وعندما نصير عددا لا باس به انتفق على الذهاب الى الوزاره وسيتم الاتفاق مع اى قناه اعلاميه لنقل صوتنا
eltabry 23-02-2014, 02:02 PM حسبي الله ونعم الوكيل في هذه الشروط التي تعيدنا الي زمن العبيد
مستر معتز هنداوى 23-02-2014, 11:09 PM طب و الحل هنقعد نندب حظنا ومفيش تحرك لازم يكون فيه عمل جماعي اللي معاه فاكس الوزاره أو رئاسه الوزراء او موقع الشكاوي بمجلس الوزراء ياريت يكتبه ع الموقع ونبعت كلنا ما نهداش ولو لم تحل المشكله قبل الدراسه يبقى مفيش شغل و نضرب جميعا عن العمل لحين الغاء هذه الشروط الظالمه
الدويكى 24-02-2014, 12:03 AM طب و الحل هنقعد نندب حظنا ومفيش تحرك لازم يكون فيه عمل جماعي اللي معاه فاكس الوزاره أو رئاسه الوزراء او موقع الشكاوي بمجلس الوزراء ياريت يكتبه ع الموقع ونبعت كلنا ما نهداش ولو لم تحل المشكله قبل الدراسه يبقى مفيش شغل و نضرب جميعا عن العمل لحين الغاء هذه الشروط الظالمه
كلنا ايد واحده ان شاء الله وسنبداء قريبا جدا
( رساله للظلمه ووزير التعليم المستبد ) يا سياده الوزير انت اثبت انك لا تحب ولا تخاف على اخوانك واولادك
فقد قررنا اننا لن نسكت على ظلمك واستبدادك
فلنتحد ويكون ما يكون ( زمن الخوف انتهى )
انا تليفونى 01064409409
لابد من التواصل مع بعضنا البعض ونجمع نفسنا باسرع وقت من كل المحافظات
( انا من المحله الكبرى )
الناس القريبين منة هنتظر اتصالهم ونجمع نفسنا )
وكذلك كل المحافظات
تذكر جيدا
طريق الالف ميل بيبدا بخطوه
والله المستعان
gamalgamal1 24-02-2014, 12:57 AM المشكلة فى الوزير وبطانته من أمثال أيمن البيلى الذين أصروا على إدراج الشروط الجهنمية
رغم إن مجلس الوزراء لم يضع أى شرط فى البداية
الدويكى 24-02-2014, 01:00 AM المشكلة فى الوزير وبطانته من أمثال أيمن البيلى الذين أصروا على إدراج الشروط الجهنمية
رغم إن مجلس الوزراء لم يضع أى شرط فى البداية
قام شعب مصر بالقيام بالثوره لتحقيق العداله الاجتماعيه
وزمن الابواب المغلقه انتهى
الوزير بابه معروف وباب الوزاره مش بعيد بس احنا لازم نتحرك
فرصه واحنا فى الاجازه
zxxzwa 24-02-2014, 02:11 PM السيد الدكتور/ وزير التربية والتعليم
لماذا الظلم والتعنت مع المعلمين أصحاب الأمراض المزمنة ونحن نحصل على أجازة بأجر كامل حسب قرار وزير الصحة رقم 259 لسنة 1995 لقد علمنا من الإداره فى المنصورة أنه لا يوجد تعليمات لصرف علاوة الأعباء الوظيفية لنا رغم وجود تصريحات لسيادتكم منشورة فى الأهرام فى حقنا فى صرف العلاوة حيث أننا نحصل على أجازة بأجر كامل
ونحن بالعشرات والمئات فى الدقهلية وأعتقد الألاف فى كل ربوع مصر وهذا حقنا الذى كفله لنا الشرع والقانون ولن نسكت على هذا الظلم وسنخرج فى تظاهرات فى الدقهلية والقاهرة حيث تم خصم حافز الأداء قبل ذلك وسكتنا والأن لن نسكت على هذا الظلم الكبير الواقع على المعلمين المرضى وسندعوا الله يقتص لنا من الذى يظلمنا
ونحن نرسل لسيادتكم ونتمنى نجد الرحمة فى قلوبكم فنحن نحتاج كل جنية للعلاج وأعباء الحياة
نصر ونيس نصر 24-02-2014, 05:59 PM محافظة كفر الشيخ ، إدارة بلطيم ، فيها بعض المتضررين وأنا واحد منهم ومشكلتي اني كنت منتدب لمدرسة تانية وسيادة المدير قال ايه هي جت معايا كده ومعلش ومدير الادارة طبعا مش قادر يغير تقرير 2012 بدون قرار مع العلم ان مدير الادارة ليس له ذنب لو عليه عاوز يساعد بس لازم قرار ، وسيادة الوزير بقراره ده هيحرم شريحة كبيرة جدا اللي هي أصلا شغالة داخل المدارس
MR.Mamdouh Ramadan 24-02-2014, 11:49 PM الكل متعرض للجزاء فبالتالى الجميع متعرض للضرر
|