اهلا بيكم جميعا

ارجو ان الموضوع ده ميكونش سبب تأثير سلبى على حد

الموضوع عن تجربة عن مشكلة طول السنة بحاول احلها ومش عارف ....اصابنى اليأس والاحباط لأنى بقيت شايف ان المذاكرة ملهاش تمن فى الاخر ولانتيجة...ضيعت اكتر من 6 شهور من السنة فيما يطلق عليه بالمذاكرة وكان ممكن اعيش حياتى فيهم.....ايوة ليه كده؟؟؟؟ مانا بذاكر وبتعب وعينى مش بتدوق طعم النوم ....وفى الاخر فين النتيجة؟؟؟ على سبيل المثال -لاالحصر طبعا-... فى العربى ...بذاكر وبتعب وبسهر وبيطلع عينى وفى الأخر..الاستاذ يدينا امتحانات فى المراجعة...

من اول ماابتدت المراجعة لحد الان امتحنت 11 امتحان ...مفيش امتحان الا وغلطت فيه غلطات غبية ميغلطهاش طفل فى 2 ابتدائى....او ممكن الاقى نفسى قدام سؤال خارج اللى انا ذاكرته..كل شوية اقول لنفسى حتعلم وحصحح غلطى والوضع بيزداد سوءا....لحد بقى ماوصلت للأمتحان رقم 11 الى جبت فيه درجةكارثية (فى النحو على الأخص اللى هو اكتر فرع بحبه فى العربى) جبت فى الامتحان 49 من 56 ....رغم كل اللى بذلته من مجهود ...فى حين ان ممكن واحد مثلا على سبيل المثال يكون مقضيها لعب وفيس و كده ونزاهة(انا مش قصدى اى حد بالموضوع ده انما ده على سبيل المثال) وفى الاخر يجيب 38 ...طيب ايه فرقت يعنى....ده حتى 38 درجة مجانية احسن من 49 درجة يطلعوا عين الواحد وبالاخص لما اكون جايب فى النحو 14 من 20 ..والأدب اللى كانت مذاكرة تمام ادخل الاقى نفسى نسيت سؤال عليه درجتين واتبخر تماما من راسى ..مش او ل مرة ا حس انى ضيعت وقتى فى المذاكرة ....علشان كده انا اتخذت قرارى وبصيت ان بدل مااحرم نفسى من كمبيوتر وفيس وتليفيزيون وبلايستيشن واضيع وقتى فى المذاكرة....اخدت عهد عى نفسى انى ابطل داء المذاكرة .....واعيش حياتى .....مهما كانت النتائج فى الاخر

اهلا بيكم جميعا

ارجو ان الموضوع ده ميكونش سبب تأثير سلبى على حد

الموضوع عن تجربة عن مشكلة طول السنة بحاول احلها ومش عارف ....اصابنى اليأس والاحباط لأنى بقيت شايف ان المذاكرة ملهاش تمن فى الاخر ولانتيجة...ضيعت اكتر من 6 شهور من السنة فيما يطلق عليه بالمذاكرة وكان ممكن اعيش حياتى فيهم.....ايوة ليه كده؟؟؟؟ مانا بذاكر وبتعب وعينى مش بتدوق طعم النوم ....وفى الاخر فين النتيجة؟؟؟ على سبيل المثال -لاالحصر طبعا-... فى العربى ...بذاكر وبتعب وبسهر وبيطلع عينى وفى الأخر..الاستاذ يدينا امتحانات فى المراجعة...

من اول ماابتدت المراجعة لحد الان امتحنت 11 امتحان ...مفيش امتحان الا وغلطت فيه غلطات غبية ميغلطهاش طفل فى 2 ابتدائى....او ممكن الاقى نفسى قدام سؤال خارج اللى انا ذاكرته..كل شوية اقول لنفسى حتعلم وحصحح غلطى والوضع بيزداد سوءا....لحد بقى ماوصلت للأمتحان رقم 11 الى جبت فيه درجةكارثية (فى النحو على الأخص اللى هو اكتر فرع بحبه فى العربى) جبت فى الامتحان 49 من 56 ....رغم كل اللى بذلته من مجهود ...فى حين ان ممكن واحد مثلا على سبيل المثال يكون مقضيها لعب وفيس و كده ونزاهة(انا مش قصدى اى حد بالموضوع ده انما ده على سبيل المثال) وفى الاخر يجيب 38 ...طيب ايه فرقت يعنى....ده حتى 38 درجة مجانية احسن من 49 درجة يطلعوا عين الواحد وبالاخص لما اكون جايب فى النحو 14 من 20 ..والأدب اللى كانت مذاكرة تمام ادخل الاقى نفسى نسيت سؤال عليه درجتين واتبخر تماما من راسى ..مش او ل مرة ا حس انى ضيعت وقتى فى المذاكرة ....علشان كده انا اتخذت قرارى وبصيت ان بدل مااحرم نفسى من كمبيوتر وفيس وتليفيزيون وبلايستيشن واضيع وقتى فى المذاكرة....اخدت عهد عى نفسى انى ابطل داء المذاكرة .....واعيش حياتى .....مهما كانت النتائج فى الاخر

امممممم براحتك براحتك خالص ع فكرة
ادخل تجارة عادي جدا
وضيع حلمك وابقي تعال بعد كده قول ياريتني
بص انا واحدة من الناس اللي قضوها من اول السنة وعاشوها طول بعرض كده من غير مذاكرة ودلوقت عندي استعداد منمش ولا دقيقة علشان اعوض واجيب مجموع يدخلني لكلية اللي انا بحلم بيها
انتا قطعت شوط كبير مش علشان درجة مثلا مش عجبتك هتبيع القضية فكر تاني :mad:

ههههههههه انت زهئت من دلوقتى
بص ا عسلية
انصحك بدل ما انت مش عاوز تذاكر كده ووقتك يضيع افتح اليوتيوب واسمع برنامج الدكتور ابراهيم الفقى اسمه " طريق النجاح "

صدقنى حياتك هتتغير ان شاء الله

ومتقلقش الى ربنا كاتبهولك هتشوفه وحسب قدراتك انت هتختار حياتك هتكون ازاى ان شاء الله
وبالتوفيق ...

طب مادام كده
طب ليه انتا ععايش
روح انتحر بالمرة

اخى الفاضل
ربنا لم يخلقنا عبثا

اقعد جمب واحد اعمى
وقوله انا تعبان نفسيا من المذاكرة

العميان الله يراف بيهم
بيعيطوا عشان مش قادرين زينا يختاروا علمى وادبى
هما ادبى بس

لو مثلا واحد ملياردير بس عنده تمانين سنة
صدقنى منكن يديك ماله كله لمجرد انو يبقى فى سننا وشبابنا
اسال واحد تمانين سنة قوله لو رجععت لسنى كنت عملت ايه

شوف القبور وانده على الميتين وقلهم لو طلعتوا من القبور كنتوا هتعملوا ايه بحياتى اللى هضيعها

امسك القران سورة العنكبوت واقرا اول خمس ايات

اول حاجة كلامك يدل على الضعف والاستسلام
ثاني حاجة لو انت بايع نفسك وهترضى باي كلية . على الاقل ذاكر علشان بباك وممتك علشان تحسسهم بالفخر تجاهك
وعلى فكرة موضوع الدرجات اللي بتقول عليه بيحصل معايا بس انت عارف انا احسن منك لاني مش بزعل خالص وبقول ربنا هيرجعلي حقي في ورقة الامتحان اخر السنة لاني ياما ذاكرت قبل الامتحان كويس واطلع من الامتحان وانا غلطانة بس اجيب الدرجة الكاملة ازاي معرفش
يعني من الاخر متفقدش الامل وخليك راجل

عادى سيبك من المذاكرة والكلام الفارغ ده
وادخل كلية ولا حتى معهد وبعد ميطلع عينك هتتمنى انك ترجع السنة دى
اذا مكنش همك نفسك زى ما واضح كده خاف على والدك ووالدتك

متزاكرش عادي
وهات مجموع وحش عادي
وزعل والدك ووالتك عادي
وادخل كلية عادية وعادي
وخليك شخص ملكش مكانة في المجتمع عادي كمان

بص مش معنى انك نقصت كام درجة في امتحان .. يبقى تسيب المزاكرة وتضيع نفسك .. الدنيا مخلصتش على الامتحان ده .. بس الشاطر اللي يقدر يعوض عن نقصه .. ومفيش حاجة اسمها اخذت عهد تبطل مزاكرة .. ليه هيا المزاكرة ذنب .. بص انا بنصحك تسيبك من نزعات نفسك وترجع لرشدك .. لان حقيق هتندم .. لو مش هامك نفسك .. يا اخي بص على ابوك وامك .. بيتعبوا عليك من ساعة ما اتولدت .. علشان يتباهو ويتفاخرو بيك .. وده لمصلحتك وانتا في الاخر بتضيع نفسك وتزعلهم .. انا هقولك كلمة اخيرة .. انتا لو سالت نفسك بتزاكر ليه .. اكيد علشان تكون حاجة انتا بتحبها .. طيب اللي بيحب حاجة مش بيشتغل ليها وبيتعب علشانها .. اعتبر السنة دي عبارة عن طريق للسوق وانتا عايز تروح السوق تشتري حاجة وانتا بتحبقا قوي .. طيب مش وانتا ماشي ممكن يكون في شوية ميه في الشارع يجو على بنطلونك .. اكيد هتشوف اقرب مكان فيه ميه علشان تنضف البنطلون .. مش ممكن يكون فيه شوية تراب يجو على لبسك هتحاول تنضفهم .. هيا الثانوية كدا طريق ولازم تتحملو للاخر علشان توصل لهدفك ..

اصلا الكلام اللي انت بتئولو دا محبط جدا ليك
انت ليه بتئول كدا ماتبدا ياعم من انهاردة وابدأ جد والعبرة في النتيجة النهائية مش امتحان عند المستر المفروض دي حاجة تشجعك مش تحبطك انت لازم مش تيأس انت لازم تكون اقوي من كدا بكتير احنا في سنة حياة او موت وانت شكلك مجتهد فمضيعش نفسك حتي عشان باباك ومامتك وعلي فكرا انت حالك احسن مني بكتير ومن غيرك كمان فاحمد ربنا والله وساعتها هيديك كتيررر صدقني
وتذكر هما 3 شهور الفيصل اما راحة دائمة واما شقاء دائم انا همشي علي الجملة دي طول الشهور دول وربنا ان شاء الله هيديني وهدخل الكليه اللي بتنماها باذن وربنآ يوفقك ويوفقناكلنا يآآآآآآآآآآآآآآآآآآآآآآآآآآآآآآب