السلام عليكم ورحمة الله وبركاته
انا بصراحة ياجماعة لسة فى 3 ثانوى عام بس موضوع الكلية دا قالقنى اوى وبفكر فيه كتير اوى
ونفسى ادخل كلية ألسن قسم انجليزى بس المشكلة انى من أسكندرية والألسن فى القاهرة وموضوع السفر صعب شوية و بعدين سمعت ان فى كلية السن فى اسكندرية فى العامرية او برج العرب مش عارفة بالظبط هل فعلاً فى كلية السن فى أسكندرية ولو فى ايه اللى مستواه احلى السن القاهرة ولا السن اسكندرية ؟ وياريت لو حد يقولى شروط التقدم للكلية وايه المجموع المطلوب ؟
انا اسفة لو طولت عليكم بس ياريت حد يفدنى لأنى بجد قلقانة اوى

لا مفيش السن في القاهرة ولا اسكندرية
هي في جامعة عين شمس اللي ف العباسية بالقاهرة وليست جامعة القاهرة نفسها بس و في المنيا ايضا كلية السن
وعين شمس اكيد احسن من المنيا
بالنسبة للشروط هي بتاخد من مجموع اللغات " عربي + انجليزي + لغة ثانية " من 87.5% ولكن السنة الجاية بنسبه كبيره حتكون 90%
بخصوص التنسيق نفسه بتاع الكلية الدرجة يعني اللي تجبيها عشان تدخلي الكلية نفسها هي السنة دي 2013 اخدت من 90.7% ودة كان اول مرة تنخفض كدة بس توقعي انها تزيد 2 3 ف المائة ف امني نفسك
بخصوص قسم اللغة الانجليزية انا بدرس فيه دلوقتي ونجحت ف الترم التاني اهو
القسم صعب شوية ومحتاج مذاكرة واجتهاد بس الصعوبة ف معظم اقسام اللغات التانية برضو الكلية مش سهله اوي زي ما الناس فاكرة
ركزي ف الثانوية دلوقتي وان شاء الله خير