مشاهدة النسخة كاملة : اللى دخل تجارة القاهرة يدخل....
wanda 28-07-2008, 01:56 PM ازيكوا يابنات وشباب تجارة عاملين اية:D
بما انى دخلت تجارة القاهرة عايزة اشوف مين هيكون معايا من المنتدى اللى
زى العسل دهون:p
هل فى حد دخل اللى يدخل يكتب سيرتة الذاتيه:D
وانا هبتدى
الاسم: بيقولولى نور:p
السن: 17 سنه وكام يوم:D
منين: الجيزة;)
وعايزة اجيب تقدير علشان احول انتظام وربنا يستر ادعولى:D
والبطاقه مش حافظة الرقم:p
واية كمان اللى انتوا عايزينه بقى:D
يلا اكتبوا سيراكم الذاتيه وعاييزين نفيد بعض فى الدراسة علشان نبقى حلوين كده
ومسمسمين ...
يلا ادخلوا وعرفونى بيكوا مستنياكم:D
Ma7moud007 28-07-2008, 03:23 PM مبرووووووووووك على التجاريين بتوعنا و لما نقول تجارة يعنى الناس الجدعة اوى .. :D
و عقبال كده لما نشوفكوا باش مهندسين اد الدنيا ^_^..
يا ريتنى كنت دخلت تجارة و ريحت نفسى :(... انا ايه بس اللى يدخلنى الكلية اللى انا فيها دى :eek:..
realman0129 28-07-2008, 05:39 PM انا جايب 332 ان شاء الله هلحق تجارة القاهرة انتساب
اسمي محمد 17 سنة من مصر القديمة
mohamed adel 28-07-2008, 06:09 PM انا محمد تجاره القاهره بس ربنا يسهل و ادخل تجاره انجلش
ادعولى
wanda 28-07-2008, 07:18 PM منورين يا جماعه
وربنا يوفقك وتدخل تجارة انجلش بس هى
التجارة انجلش صعبه ؟؟؟
وعايزة اعرف اتقدملها ازاى؟؟؟
انا جايبه 85.9 هل اقبل ؟؟؟
mohamed adel 29-07-2008, 01:58 PM بصى هو الاول انتى جايبى كام فى الانجليزى المفروض ميقلش عن 40 بس المشكله ان عددها 500 طالب بس و ربنا يستر انا جايب 92.6 و فى الانجليزى 47.5
و النبى تدعيلى
wanda 29-07-2008, 03:36 PM ربنا معاك وشكرا على المعلومات
وانا مترددة مش عارفه ادخل ولا خلينى عادى مش عارفه
انا جايبه 45 فى الانجلش
mohamed adel 29-07-2008, 04:10 PM طيب ممكن تقبلى بس مش اكيد هو طبعا تجاره انجلش احسن ميت مره من عادى بس مصاريفها غاليه جدا 4.5 الف
و كمان سمعت ان الكتب ب 800 جنيه يعنى الواحد هيشحت بعد كده هههههههههههههه
و ربنا معاكى و معانا
realman0129 30-07-2008, 01:12 AM هي ايه مواد سنة اولي وهل كل المواد فيها رياضة
wanda 30-07-2008, 12:23 PM هى اولى على ما اعتقد فيها مادتيدتين تقال لو عادى
ومنهم القانون مش عارفه بس سمعت
يا محمود هى احسن مش مهم المصاريف المهم
اطلع صافى بتقدير ومش اطلع بمواد
ده الدكتور مبقولش كلمة عربى :d
وانا مش بليغه اووى يعنى بتكلم انجلش كويس بس الكتابه مش اووى
وانا والله خايفه اجرب حتى او اقدم بقول خليها عادية وبعدين
اخلص وابقى معيدة بدلا ما اخلاص اللاربع سنين فى 6او7
المهم ربنا يوفقك يا محمد وتدخل انجلش
wanda 30-07-2008, 12:28 PM بالنسبة للمواد اللي هتدرسها في سنة اولي هي :
الترم الاول
1/ محاسبة مالية
2/ ادارة ( مادة نظرية )
3/ سلوكية (مادة نظرية )
4/رياضة
5/ موارد اقتصادية ( مادة نظرية ) فيها سنوات وانتاج محاصيل وحاجات شبة كدة
الترم الثاني :
1 / محاسبة شركات اشخاص
2/ قانون
3/ اقتصاد
4/ محاسبة مالية E
5/ ادارة E
عموما الكلية كل سنة بتدرسي 10 مواد منهم 5 الترم الاول و 5 الترم الثاني
والمادة من 20 درجة والنجاح من 10 درجات
realman0129 30-07-2008, 12:38 PM شكر ا علي المعلومات
واحـد من النــاس 30-07-2008, 12:47 PM لو تعرفي تدخلي انجلش يا واندا ادخليها .. وشدي حيلك وهاتي تقدير ومحدش هايعرف يتكلم معاكي تاني :d
ومشكلة اللغة سهلة .. زي طلبة طب وصيدلة اما بيكونوا مش فاهمين حاجة في الأول وبعدين بيتأقلموا وده طب ودي صيدلة مش تجارة :d
بس اسمعي كلامي تجارة انجلش مستقبلها احسن وهتندمي لو دخلتي عربي
;)
wanda 30-07-2008, 02:14 PM .يا بلال مش عارفه والله مترددة جداا
وخايفه اووى
بس انا كده ولا كده مش هندم لو مدخلتش اصلى هاخد كرسات معادلة للانجلش من غير وجع اعصب
كفايه الثانوى عليا هى ناقصه بس والله لما اشوف الغزاله هترسى على ايه
وربنا يسهل هصلى صلاة استخارة واشوف
يلا وربنا يوفق
ahmed610 31-07-2008, 12:34 PM انا احمد ودخلت تجارة القاهرة وان شاء اللة ناوى اقدم انجليش انا جايب 91ز7 بالمستوى ومش عارف هيقبلونى ولا لا
wanda 31-07-2008, 08:01 PM قدم اوراقك فى اول اغسطس
واهم حاجة تكون جايب اكتر من 40 فى الانجلش
وبيعملوا امتحان او مقابله علشان تقبل فيها وهى بمجموع تجارة العادى
وربنا يوفقك
زبادو 01-08-2008, 12:08 AM يا جماعة تجارة انجليزى مش مجموع تجارة عادى لو كده كان كل الشعب دخلها ولعلمك يا واندا تجارة انجليزى اسهل من تجارة عربي ميت مرة تجارة عربي هى اللى صعبة
زبادو 01-08-2008, 12:09 AM نسبة النجاح السنة دى فى تجارة عربي 74 في المية وتجارة انجليزى 98 فى المية وتجارة فرنساوى 100 في ال100 يبقى مين الاصعب ولو مش مصدقانى ادخلى موقع تجارة
wanda 01-08-2008, 04:22 PM شكراا على المعلومات
بس انا هقدم اوراقى وانا وحظى بيقبلوا عدد قليل 500
طالب هروح اقدم بكرة ويا رب اقبل علشان عددها محدود وكل اللى دخل تجارة
هيقدم وبيخدوا ناس عن ناس ربنا يستر بقى
ومصدقاك يا زبادو يعنى انت مش ممكن تكتب حاجة الا لما تكون واثق
زبادو 01-08-2008, 05:42 PM واثقة جدا يا ماا مكنتش كتبت بس معرفش تجارة انجليزى القاهرة شروطها ايه انا اعرف بس جامعات عين شمس عشان كده مقلتش طبعا
mohamed adel 01-08-2008, 06:37 PM على فكره انا و احد صحبى فى كليه القاهره تجاره انجلش قالى هما بياخدو 1000 طالب و الله اعلم
the_guilty 01-08-2008, 08:46 PM " انا روحت اقدم بس قالولى التقديم من اول يوم 10 فى تجارة انجليش المنصورة ياريت يا جماعة لو تطمنونى انا جايب 91.4 وفى الانجليزى جايب 47 هيقبلونى ولا؟
زبادو 01-08-2008, 09:48 PM يا جماعة لو حد اتقبل في تجارة انجليزى عين شمس سنة اولى ياريت يكلمنى لانى لوحدى خالص ولا صيقة ليا كلهم فى السن
mo7amedshiko 03-08-2008, 04:26 PM انا محمد والحمد لله دخلت تجارة القاهرة ويارب اجيب تقدير عشان احول انتظام ياجماعه عرفونى ايه نظام الانتساب بتاعنا دة يعنى اية الفرق بينة وبين الانتظام
زبادو 04-08-2008, 01:17 AM ولا حاجة غير في المصاريف يعنى لما تتخرج مش هيكتبولك فى الشهادة انت انتظام ولا انتساب وطاوعنى امتحنات الانتساب اسهل بكتير من الانتظام
يا جماعه والله تجارة القاهرة عربى هبله اوى
بس الرخم اللى فيها المحاسبة الماليه ومحاسبه الشركات
غير كدا المنهج عبيط اوى
انا رايحه 2 السنادى وانتظام
بس بصراحه التصحيح غبى اوى
انا عن نفسى جايبة مادة
بس والله العظيم انا ما فتحت الملازم غير ليله الامتحان
حتى مكنتش اشتريت اى كتاب
كنت داخله الامتحان بدعا الوالدين
وكويس انى نجحت بس المادة دى انا حليت فيها اللى يجيبلى امتياز
بس ربنا اراد كدا عشان انا مش كنت بحضر ولا بذاكر فجازانى بكدا يعنى
عموما المصاريف السنة اللى فاتت
انتظام 168.5 جنيه
وانتساب 365 جنيه
بس المنهج مختلف عن انتساب
واى حد عايز اى حاجة يقولى وانا اجاوبه على طول
الواحد بقى خبرة من قعاده سنه ف الكليه
عموما انا ساكنة ف عين شمس
واى حد مستصعب المشوار او مستطوله
يطمن المشوار بيبقى لذيذ اوى حتى لو بتاخده لوحدك
انت بتخش المترو وتنام لحد ما توصل
المشوار ساعه بالظبط
mo7amedshiko 04-08-2008, 09:13 PM اوك يا زبادو وشكرا ليك
mo7amedshiko 04-08-2008, 09:15 PM وشكرا ليك او ليكى يا 3ola بس عاوز اعرف ازاى مناهج انتظام مختلفة عن مناهج انتساب
زبادو 04-08-2008, 11:24 PM العفوة اى خدمة
اولا
الدكتور بتاع انتظام غير دكتور انتساب
ده غير ان الامتحان بتاع انتظام غير امتحان انتساب
والملغى غير الملغى طبعا
وحتى لو صادفت والدكتور بتاع انتظام هو دكتور الانتساب
ده ميمنعش ان المنهج مختلف بس بسيط يعنى
انا مرة جيت اشوف المنهج اللى بياخده واحد زميلى بس هو انتساب
لقيت الكتاب مختلف عن انتظام
وبيدرس حاجات اول مرة اسمع عنها
وعايزة اقولك حاجة برده
ان المنهج بيختلف ف المدرجات كمان
يعنى كل مدرج وليه دكتور ومنهج معين
وكل دكتور بيلغى على مزاجه
والمدرجات مترتبه بالحروف
يعنى منهج اللى اسمه بيبتدى بحرف الالف غير الميم مثلا
ده غير ان كل مدرج وليه امتحان
وامتحان انتظام غير انتساب
wanda 05-08-2008, 10:31 AM علا شكراا على المعلومات الفظيعه ومش عارفه ليه حاسه انك كارهة الكليه
بس اهوه فى حد من تجارة القاهرة
بليز علا لو انتى بنت ابعتيلى ايميلك على الرسائل الخاصه
علشان نبقى صحاب والقى حد يعرفنى على تجارة
ممكن لو مكنش يضيقك
hoky70 05-08-2008, 02:06 PM يباشا مين قال ان امتحانات انتساب احسن من انتظام كل سنة بتفرق عن التانية ومتقنعيش ان انتساب احسن لان انتظام بيقدموا شييت من الكتاب وبيخدوا درجات علية يعني داخل الامتحان معاك درجات وغير كدة دكاترة انتظام افضل بكتير وبيبقى ليهم الافضلية في تدريس انتظام وعالفكرة الشهادة عند قاريبي مكتوب فيها نظامي
mo7amedshiko 05-08-2008, 11:50 PM شكرا يا 3ola على المعلومات دى انا والله كنت محتاج اعرف كتير عن الكلية وياريت اعرف انتى طالعه اولى تجارة ولا انتى فى الكلية؟؟؟؟
انا بنت يا وندا
ورايحه 2 انتظام يا رويال
واكيد هنبقى صحاب يا وندا واطمنى هعرفك على اى حاجة ف الكليه انتى عايزة تعرفيها
بس انتى اسألى
بس معلش حكايه الايميل ده
انا مش بفتحه نهائيا خلينا ع الرسايل الخاصة بقى معلش
wanda 13-08-2008, 08:08 PM اوك يا علا
عايزين يا جماعه علا بما انها فى تانيه تحددلنا مكان وزمان
نتقابل فيه فى الجامعه فى الدراسه علشان نفسى اعرف حد من المنتدى هنا
اوك يا علا وعموما انا معرفش هناك غير مدرج العيوطى
ومبدنى قسم اللغه الانجليزيه وبالمناسبه
انا حولت لانتساب اولا مش هقدر اواظب ثانيا صحابى كلهم دخلوا انتساب
والسنه الجايه ان شاء الله نحول مع بعض
مستنياكى يا علا تحددى مكان وزمان اوك
واحـد من النــاس 14-08-2008, 01:43 AM اوك يا علا
عايزين يا جماعه علا بما انها فى تانيه تحددلنا مكان وزمان
نتقابل فيه فى الجامعه فى الدراسه علشان نفسى اعرف حد من المنتدى هنا
اوك يا علا وعموما انا معرفش هناك غير مدرج العيوطى
ومبدنى قسم اللغه الانجليزيه وبالمناسبه
انا حولت لانتساب اولا مش هقدر اواظب ثانيا صحابى كلهم دخلوا انتساب
والسنه الجايه ان شاء الله نحول مع بعض
مستنياكى يا علا تحددى مكان وزمان اوك
طيب وايه الفرق لما هتحولي انتظام السنة الجاية
وبعدين طالب انتساب دلوقتي بيحضر محاضرات :)
wanda 14-08-2008, 01:08 PM علشان صحابى اللى دخلوا تجارة كانوا مرحلة تانيه
وعلشان مبقاش لوحدى خلينى معاهم احسن ونحول مع بعض السنة الجاية
vampire1188 14-08-2008, 07:38 PM دا ان عرفتي تحولي اصلا !!
سيادتك عشان تحولي لازم تجيبي مش اقل من جيد .. وتكوني طالعة صافية ..
وغالبا مابتحصلش الا واحده منهم .. يعني ممكن تكوني جايبه جيد بس تكوني شايله مادة
وممكن تكوني طالعة صافي وجايبه مقبول !!
عادي يعني .. تلك هى الحياة .. وتلك هى كلية تجارة
واحـد من النــاس 14-08-2008, 07:41 PM والله انتي غريبة :d
يا بنتي اسمعي الكلام والمستقبل مفيهوش عشان ابقى ع صحابي
وبعدين انتي هتبقي معاهم قولتلك طالب الانتساب بيحضر محاضرات عادي
ولو السنة الجاية هما جابوا تقدير يخليهم يعرفوا يحولوا انتظام وانتي لا قدر الله تقديرك مايحولكيش انتظام تفتكري هما هيفضلوا انتساب معاكي ومش هيحولوا انتظام
وربنا يوفقك
wanda 14-08-2008, 11:04 PM بصوا انا ان شاء الله
مش هحسد نفسى عارفه هعدى من انتساب ازاى
وعندى الحال واللى اساسا دخلت تجارة علشانه
وربنا معايا بقى
بص يا فامبيرى انا اصلا جد ومليش فى اللى بيعمله معظم اللى
بيدخلوا الجامعات مقضينها
وبحمد ربنا انى كده بس مش هقدر اقولك اكتر من كده
واغلس مادتين فى التجارة المحاسبه والقانون
وانا الحمد لله بحاول اخد فكرة عنهم من دلوقتى وربنا يوفقنى ويوفقكوا
وتجارة مش وحشه اووى كده
وبعدين يا بلال صحابى دول اساسا فاشلين هيفضلوا انتساب للاسف انا عارفه كده بس هه
علشان كمان شغلى ومش هفضلى للسكاشن وكده
المهم شكرا على النصايح :D
vampire1188 14-08-2008, 11:21 PM اصعب مادتين المحاسبة و القانون ؟!!
مين قال ؟ ..
اصعب مادتين في اولي .. المحاسبة المالية ( الترم الاول ) ومحاسبة الشركات ( في الترم التاني )
ضيفيلهم بقي مادة الاكاونتينج ( ترم تاني ) .. ومادة الاقتصاد ( ترم تاني برده ) .. ومادة الرياضة البحته (ترم اول) ..
انيل مادة واخنق مادة في الترم الاول بجانب المحاسبة المالية
وادعي بس كدا وقولي يارب مايجيلناش دكتور من دول ( محمد العطار او محمد بشادي ) ..
عشان الاتنين دول انيل دكتورين شوفتهم في تجارة بيدوا محاسبة !!
قولي يارب ارزقنا بالبشبيشي و عادل امام !! .. ياربببببببببب
wanda 14-08-2008, 11:26 PM يا رررررررررررررب انت ادرى بردك
معرفش ده اللى سمعته من اكتر من حد
vampire1188 15-08-2008, 12:21 AM بصي عامة .. انتي وحظك في الدكاترة اللي بيقعوا معاكي ..
ممكن تقعي في دكتور زي العسل .. والطلبة يقرفوه يقوم جايب امتحان منيل ومبهدل الدنيا في الدرجات
وهوب .. تقومي شايلة مادة ..
عاااااااادي جدااااااا .. خدي من دا كتير ..
فيه دكاترة بيقسموا بايمانات ربنا انهم هايسقطوا الدفعة كلها .. ومش هاينجح الا اللي على مزاجه ..
وحصلت في سنة تالته السنة اللي فاتت .. وناس حكولي ..
وعادي برده .. فعشان كدا انتي وحظك في الدكتور اللي بتقعي فيه
بس اهم حاجة مايجيلناش محمد بشادي دا .. عشان لو جالنا في مجموعة (ز) دي .. انا هانتحر بجد !!
وهاتبقوا تشيعوا جنازتي من مسجد تجارة !!
اوك يا وندا نبقى نحدد ميعاد قبل دخول الجامعه على طول
وابقى ابعتيلى رساله خاصة وحددى الميعاد اللى انتى عيزاه
ونتقابل ف الجامعه ان شاء الله بس حرام عليكى تحولى انتساب
كنتى فضلتى انتظام عادى وكنتى فضلتى مع صحابك برا المدرجات
وانتى كدا كدا هتتعرفى على ناس جديدة
امال تعملى ايه لو كنتى مكانى انا داخله الجامعه ومعرفش حد هناك خالص
مش ف تجارة بس ده انا مكنتش اعرف اى حد ف اى كليه ف الجامعه كلها
wanda 15-08-2008, 07:32 PM خلاص بقى يا جماعه هتبقوا انتوا وهما عليا
يلا بقى اصلى بيقولوا عليا مجنونه :d
اوك يا علا بس انا مش بثق فى حد غيرهم علشان معايا من زمان
يعنى حتى لو اتعرفت على حد جديد مش هثق فيه اوووى زى صحابى
وعموما ان شاء الله نكون زمايل واشوفك
على فكرة انا ليا قريب فى تجارة هو فى طالع تانيه وطالع بقانون ومحاسبه بس هو انتظام
وربنا يستر على الدكاتره الحكايه مش ناقصه قرف حصلت مرة فى جامعه اخويا
هو كان فى دار علوم كان فيه ندوة وكده وبنت بعتت للدكتور ورقه فيها تهذيئ ليه
فشيل الدفعه كلها المادة سنتين ورا بعض
فربنا يسترها :p
|