المعلمون المتعاقدون علي (صفيح ساخن )
07/03/2014 02:13:02 م
فارس احمد

يترقب أكثر من 75 ألف معلم مؤقت قرار الإنصاف من السادة المسؤولين بالمديريات التعليمية و الوزارة و المحافظين
وقد سجل " السبورة " التعليمي العديد و العديد من مظاهر التباطؤ في فرز الملفات الخاصة بالمتعاقدين و ثارت أسئلة عديدة منه
_ازاي الأسماء تاخد موافقة من المالية و يقولك حصر؟؟
_ الناس دي ايديهم في مية باردة لا حاسين ولا شايفين بهدلة المتعاقدين في المدارس و بره المدارس
_ يمكن اللجنة المشكلة لها مكافآت أو بدلات عن كل يوم في موضوع الفرز ده و عشان كده عاوزين يطولوا المدة
_ رمي الملفات في الطرقات و لما من قبل المتعاقدين إن دل على شيء إنما يدل على الإهانة الواضحة للمتعاقدين اللي شايفين المر
_ فيه إدارات لحد الآن ماسلمتش ملفاتها ... بلاغ إلى سيادة الوزير
_ارحمونا بقى .. لحد امتى المماطلة؟؟
_ حسبي الله و نعم الوكيل .. كام حصر و كام فرز...
_ بعد ما رموا الكرة في ملعب المحافظين يبقى استنوا بقى على بعد شهر 7 ده لو فيه شيء اساسا
_ كده مفيش حل غير الإضراب ...

و هكذا يظل المتعاقديون يضربون أخماسا في أسداس. فلا يعرفون متى تتقنن أوضاعهم .. ولا يجدون إجابات لألاف الأسئلة.. و ستظل علامة التعجب قائمة حتى يجد هؤلاء المعلمون قرارا ينصفهم

والله ده اللى احنا قولناه هنستنا لغايه شهر 4 واذا استمر الحال مافيش حل غير الاضراب لان شهر 3 خلاص ع القديم

واضح ان التاخير متعمد واخطاء الكشوف والاسماء المتكررة متعمد وكل ما تكلم الوزارة يقولك حتقبضوا باثر رجعى من شهر واحد بس واضح انهم حنطرونا لشهر ارابعة او خمسة