سوبر ساره
11-03-2014, 10:15 PM
السلام عليكم ورحمة الله وبركاته
ايه رأيكم نعمل جروب باسم
فريق إنقاذ الثانوية العامة 2014
لطلبة علمى علوم
لكل اللى ماذكرش أو مذاكرته كانت نص نص
ينضم لينا
ويكتب كل يوم عمل ايه من أول ما صحى الساعة كام لغاية دلوقتى
وذاكر ايه وحل ايه
وأهم حاجة علاقته بربنا
يعنى حافظ على الصلوات ولا لا
ركز كويس نام كويس وكل كويس هتذاكر كويس
اكتبوا كل حاجة عملتوها حتى الأكل كان الساعة كام والدروس اللى روحتوها وكل حاجة
عايزين نساعد بعض بجد
سلمة بن الأكوع
11-03-2014, 11:03 PM
فكرة كويسة
وان شاء الله معاكم
أبوبسملة ياسر خليفة الطحاوى
12-03-2014, 12:02 PM
ربنا معاكم
وربنا يوفقكم باذن الله تعالى
تقبل الله مجهودكم
واثابكم عليه
مادوكا
12-03-2014, 12:03 PM
فكرة جميلة
ومعاكو ان شاء الله
بنت الاسلام ( رشا )
12-03-2014, 07:58 PM
معاكم باذن الله
وانا من الناس اللي مذاكرتش اصلا :(
بنت الاسلام ( رشا )
12-03-2014, 09:12 PM
انا ما ذاكرتش اي حاجة انهاردة كالعادة ويوم وراء يوم وحالي زي ماهو
سوبر ساره
12-03-2014, 09:13 PM
تقريرى يوم الأربعاء :
صحيت الساعة 5 الفجر وصليت وحليت شوية انجلش وبعدين نمت الساعة 6.5
صحيت الساعة 8 وفطرت
ذاكرت عربى 1.5 ساعة وبعدين أحياء ساعتين
وبعدين ذاكرت انجلش من الساعة 12 للساعة 4
وفى خلال المذاكرة صليت الظهر والعصر واتغديت
الساعة 4.5 روحت درس أحياء و6.5 درس عربى
ورجعت الساعة 8 اتفرجت على التليفزيون شوية وقبليها صليت المغرب والعشاء
وبعدين اتعشيت ومن الساعة 9 على النت
وفى خلال ساعتين هنام
سوبر ساره
12-03-2014, 09:14 PM
بنت الإسلام (شهودة)
كده مينفعش إنك ما تذاكريش
اكتبى كل حاجة عملتيها النهاردة بالمواعيد
بنت الاسلام ( رشا )
12-03-2014, 10:57 PM
انا صحيت الساعة 5 ونص وعلبال لما صليت وقرات شوية قران وقلت الاذكار كانت 6 وربع قومت جهزت لبسي عشان الدرس وفطرت ومشيت علي الدرس الساعة 7 وجيت كدا علي 9 حاولت اذاكر شوية في الفصل 12 حديثة بس ماقدرتش اخلص غير شوية قليليلن وبعدين للاسف يومي ضاع من غير ما احس بيه بس ضاع بسبب النت وقرايتي للمواضيع اللي هنا بس كدا وحالا هئوم انام
سلمة بن الأكوع
13-03-2014, 06:42 PM
صحيت الساعة 8 صليت وذاكرت التكاثر في الانسان واخدت درس احياء الساعة 1
ودرس انجليزي من الساعة 2 لحد 6 ونصف