"مدرسين الزينة"

ببعت رسالة حزينة لكل مدرسين الزينة
لكل واحد اشتغلها وباصص ع.الخزينة
لكل صاحب غلطة شيلني الغام في شنطة
ذاكر يا حبيبي ذاكر أكلوا بعقلي أوانطة
أول رسالة لشخص كان عزيز عليا
كرهني فيه من كتر حبه ليا غلطت
أو مغلطش لازم العصاية
علشان لما يشوفوني يقولوا هى دي الرباية
م.الضرب جلدي مات سلاحي كان سكات
لأما تضرب لأما تتعلق هناك
الغل بدأ من صغري لنفس المدرس
علمني إن الجهل في بلدنا بيتدرس
علمني ان السر في المدرسة الكرباج
علمني أن العلم أنا ليه مش محتاج

ببعت رسالة حزينة لكل مدرسين الزينة
لكل واحد اشتغلها وباصص ع.الخزينة
تاني رسالة احب احب اوجهها لموجه
أقصد مدرس للغباء كان موجه
علمنا إن الحفظ للمواد هو الأساس
علمنا ان الحفظ على الفهم مداس
احفظ من الغلاف لظهر الغلاف
خوفنام.التعليم م.الفهم بقينا نخاف
ولما جيت سألتوا يعني ايه تعليم؟
قال كتاب حفظته على النهج القديم
سألتوا ايه مذاكرة؟ قال تحفظ كتاب
شبهنا بالحمار يوصل من باب لباب

ببعت رسالة حزينة لكل مدرسين الزينة
لكل واحد اشتغلها وباصص ع.الخزينة
ثالث رسالة لشخص كان بيعاني حالة
سبب إجابتي كان إجابته استحالة
ترفع أيديك في وشي وانت مش في درسي
لما رفضت كلاموا وقولت "لأ" صد نفسي
قالي ابقى قابلني لو نجحت فيها
ذاكر ومهما تذاكر عمرك ماهتعديها
استاذ اتحدى تلميذه علشان يريح غيظه
شيلوا المادة بحالها خلاه عبره لتلاميذه
الكل خاف ساعتها الكل راح درسه
علشان يريح نفسه يارب صد نفسه

ببعت رسالة حزينة لكل مدرسين الزينة
لكل واحد اشتغلها وباصص ع.الخزينة
رابع رسالة نفس الرسالة السابقة
واحد سقطني لما قولت في وشه "لأه"
مااحضرش درسك دا بفلوسي ياابن الجز**ه :D
ازاي تهيني وسط ناس مالهمش لازمه
ازاي تقولي انت عبره للي جاي
ازاي تهين ابويا ولسه عليها حي
ازاي عدم دخولي بيتك يبقى اشيلها
يا حرامي كل بيت في مرتبات ناشلها
سبب تطاولي عليك هو انت السبب
تلميذ شتم استاذه يا للعجب

ببعت رسالة حزينة لكل مدرسين الزينة
لكل واحد اشتغلها وباصص ع.الخزينة
ببعت رسالة لأشباه مدرسين
ماسبونيش في حالي كانوا محبطين
قالولي سيبها عمرها ما كانت ليك
لا تنقطنا بسكاتك لأما نأذيك
ازاي اسكت والساكت عن الحق شيطان
ازاي لو قولت الحق تطلعوني غلطان
انا فاكر مره لما شتمت النظام
اغنية بسيطة قولتوا ساعتها عليها إجرام
انا فاكر بعد الثورة مني طلبتوا غناها
ازاي انساكم طب قولولي ازاي انساها؟

ببعت رسالة حزينة لكل مدرسين الزينة
لكل واحد اشتغلها وباصص ع.الخزينة
ورسالة أخيرة لأي وزير مسك التعليم
ارحم ابونا واللي جابونا م القديم
ارحم اهالينا يااللي ناسينا في التنسيق
بص لمناهجنا ولمدرسنا مش تلزيق
ازاي أنا اسيبها ولا اناسبها بالدرجات؟
والتعليم في بلدنا الدهر عليه ولا وفات
ازاي بتضيف للطفل على عمره سنين وبسته
ازاي تحذفلي سنين وتشيل وتحط في تالته
ازاي يمسكنا وزير وولاده في مدرسه خاصة؟
لأ لازم نكسر زير على كل وزير بوزارته الخارسه

ببعت رسالة حزينة لكل مدرسين الزينة
لكل واحد اشتغلها وباصص ع الخزينة
لكل صاحب غلطة شيلني الغام في شنطة
ذاكر ياحبيبي ذاكر أكلوا بعقلي اوانطة
لكل مدرس شاف مصلحته في الدروس
صدقني تذنيبك لتلميذك بكرا عليك يدوس
لكل مدرس شاف عصايته فيها ربايه
ارجوك بص لنفسك مره في المرايه
ازاي تضرب طفل ضعيف مستني ايه؟
دا مدرب الوحوش إذا زاد ترجع عليه

ــــــــــــــــــ
تأليف:أحمد محيسين
fb/a444m