|
مشاهدة النسخة كاملة : بتزکروه ازاي ده... bibo mohamed 13-03-2014, 10:28 PM بتزکروا الفرنساوي ده ازاي ...انا کرهته بجد وبيتنسي بسرعه جدا...انا في تانيه وخايفه منه في تالته اوي...ومبخدش فيه درس لان کل ما اشوف مدرس يهتم بالجرامير بس ويطنش الباقي سعدوني ..يعني اقعد احفظ کلمات وخلاص ولا اعمل ايه... ahmedelfangary 13-03-2014, 11:26 PM اهم حاجة في الفرنساوي .. الكلمات .. والجرامير الجزء الابسط .. بس لما تحفظ الكلمة تحفظها بالاداة .. ولو حفظت كل يوم خمس كلمات هيكون كويس جدا .. بس حفظ حفظ ... والافعال مهمة جدا .. بل هيا تكاد تكون اساس اللغة .. وهوا عايز حل كتير .. بس يمكن هوا كل ده .. دّقْـــةُ قْـــلِـــبّـ 14-03-2014, 12:51 AM ع فكره الفرنساوي حلو جدا حاولي بس انتي تركزي شويه وتاخدي مع مسيو شاطر وزي ما قالك استاذ احمد كده بالظبط وربنا معاكي ويفقك ان شاء الله رآجيه رضآ الله 15-03-2014, 09:28 PM الفرنساوي محتاج مراجعه ع طول لاني زي ما قولتي كده بيتنسي بسرعه بس وقت ما تيجي تراجعيه بتتذكريه ربنا يوفقك شهد اليوسف 15-03-2014, 10:12 PM الفرانش دا مشكلة الجميع شكلها مش انا بس ;) انا خايفة من الفرنساوي دا اكتر حاجة (مااادة رخمة زي الفرنسين بالزبط ) :p وعايزة حقظ حفظ بس لو كل يوم lesson هيخلص في 8 ايام وبعدين نحل لما نئول بس وانا جايبة مراجعة برافو والدليل وغير تدريبات برافو حلوة اوي وهحلهم الي جانب ملزمة المسيو وبس كدا رضا :d دراكو مالفوى 15-03-2014, 10:34 PM بتزکروا الفرنساوي ده ازاي ...انا کرهته بجد وبيتنسي بسرعه جدا...انا في تانيه وخايفه منه في تالته اوي...ومبخدش فيه درس لان کل ما اشوف مدرس يهتم بالجرامير بس ويطنش الباقي سعدوني ..يعني اقعد احفظ کلمات وخلاص ولا اعمل ايه... لازم تاخدى درس طبعا وتشدى حيلك فيه هتكلم لما تبقى فى 3 هاتى جينيال شرح...احفظى كويس الكلمات وبالتعود هتعرفى تحطى الاكسونات لوحدك..التكرار طبعا فى الكلمات وتحلى اسئلة كتير عليها حتى لو هتحلى كله غلط وهتغشيهم مش مشكلة غشى الاجابة عادى.. احفظى يوميا مواقف واللى هو بتاع الجرنال والميكانيكى والحاجات دى احفظى فيهم يوميا وكل اسبوع احفظى موضوع كتابة احفظ ؟؟....ايوة احفظى وهتسيهم بس الحفظ هيعلى مستواكى فى الكتابة ومرة مع مرة هتعرفى تكتبى احسن من الكتاب... هاتى ميرسى+ جيينيال مراجعه من اول السنة نسخة قديمة يعنى وحلى على طول الاسئلة الثابتة فى الامتحان القاعدة فهم+حفظ+حل بالهبل حتى لو هتحلى نصهم غلط ..ارجعى للقاعده وافهميها واكتبى الحاجات الشاذة اهم حاجة على جنب بحيث تمشى مذاكرة مع مراجعه مع بعض وبنهاية شهر 3 بالكتير اوى هتكونى خلصتى ال3 كتب دول مذاكرة مع مراجعه وبقيتى تمام واصلا هما 8 دروس مفيش اسهل من كده theprincemoh 16-03-2014, 03:10 PM كل يوم افتحه نص ساعة بالظبط قراءة سريعة في خلال اسبوع هتقفله الماضي والمضارع اهم حاجه احفظ الافعال كلها قراءة كل كلمة عشر مرات او عشرين مرة بسرعة (اقراء بالفرنساوي وخلي عينيك علي المعني بالعربي ) بنت الاسلام ( رشا ) 19-03-2014, 09:30 AM انا لسه مافتحتوش اصلا للاسف :( |