الى كل المعلمين المساعدين ضمن ال75 الف متعاقد بناءا على تصريحات السيد الوزير الاخيره ان اخر ميعاد لامضاء العقود هو يوم 22 مارس القادم ولكن الواضح امامنا انه لاجديد ولاتعليق على الموضوع والادارات والمديريات ولا حس ولا خبر وشكلها كده هتطول لحد مانتحرك احنا ونقف وقفه رجل واحد ياجماعه احنا معاهم لحد يوم 22 واذا لم يتم توقيع العقود وتعديل الراتب الهزيل الذى لايكفى حتى ان يكون مصروف طفل فى مرحله الابتدائى سيكون يوم 23 مارس بدايه الاضراب المفتوح عن العمل لحين التنفيذ الفعلى احنا خلاص شبعنا تصريحات ووعود ارجو من الجميع التفاعل والانضمام حتى يتم توفير ابسط حقوقنا لو ماوقفناش ايد واحده يبقا نستاهل كل اللى يحصلنا بعد كده ومحدش ويبقا من حقهم يعملو فينا اكتر من كده

معاكم ان شاء الله من الواضح ان ملهاش حل هانعمل اللى علينا ونستنى ما وعدم بيه ولاخر مرة
من شهر اكتوبر وهما بيلعبوا بأعصابنا وبيأجلوا ويتحججوا بدون سبب واضح ومرة مراجعة فى الادارة ثم المديرية ثم الوزارة ثم المالية ثم الادارة ثم المديرية وبيقولوا ثم الوزارة لمقارنة الكشوف الاولى بالثانية اى بعد المراجعة وبعدين شكلهم هايروحوا الكونغوا ثم نيجريا ويمكن كاس العالم والامم المتحدة ويشهدوا علينا العالم وبعد كل ده مش هانساوى عامل فى الكهرباء ولا البترول أ وساعى فى بنك وبدون مؤهل ولااختبار ولاتدريب ولا اى حاجة بجد الواحد زهق وقرف من الروتين والبرود وعدم الاحساس ان الناس ديه بقلهم سنوات طويلة تعبنا من العد وبنأخذالفتات ومستحملين علشان بنحب شغلنا وبلدنا بس حراااااااااااااااااااااااااااااااااااام اللى بيحصل لنا ده كل من فى المدرسة (عمال -اداريين - مدرسين )زادم واتثبتوا واحنا زى ماأحنا من 10 سنين مؤقتين مهملين محرومين من أى حقوق وعلينا كل الواجبات من الطابور لتحضير وشرح وتصحيح وتعب مع الاولاد وبنعمل كل ما يعمله زملائنا ولكن للاسف بيقبضوا اضعافنا بسب ظلم المسؤلين وأهمالهم ولاننا ناس مسؤلين وبنحب بلدنا فعلا مش عايزين نكلم على أمل يحسوا بينا بس الظاهر مش هايحسوا ولا عايزين يحسوا فالازم نوصل لهم صوتنا لان ده حقنا وحق أولادنا معادنا 23 مارس نمضى ومنطلعش الفصول لحد ميحسوا على دمهم كفاية ظلم وزل والله المستعان والموفق