السلام عليكم

بجد يا جماعة انا ضايعة اوى ومحتاجة مساعدتكم فعلا مش عارفة اعمل ايه

انا في 3 ثانوى وانا ادبي انا حاليا بمر بمرحلة صعبة اوى مدمرانى نفسيا

وانا فعلا ضايعة في المواد

واكتر مادتين هما الجغرافيا والانجليزى ال فعلا انا قصرت فيهم اوووووى وبالنسبة لانجليزى انا طلعت من عند مدرس كنت باخد عنده ومش لاقية مدرس

الجغرافيا :( مش لاقية اى مدرس حلو اراجع معاه خالص والكويس خلاص فاضله فصلين ويخلص مراجعة
انا مش لاقية مدرس اراجع معاه حتى ولو هنا ع الموقع

وبالنسبة ليومى ضايع خالص لانى مش عندى جدول امشي عليه للمراجعة ومش عارفة انظم وقتى


اعمل ايه انصحونى بجد انا محتاجة نصيحتكم بجد انا محبطة بطريقة فظيعة لدرجة انى مش عايزى ادخل امتحانات


نفسي اتفائل مش عارفة بجد

انا اسفة انى شيلتكوا همومى بس انا بجد مش عارفة اقول لمين

عليكم السلام ..
بصي يانونا اللي عامل فيك كده التوتر والضغط والله انتي عارفه لو قعدتي مع نفسك وظبطي امورك والمواد اللي عندك ناقصلك ايه وذاكرتي فيها ايه هتلاقي ربنا بييسرهالك خالص باذن الله لان في الفتره دي بالذات محدش هيقدر يساعدك اكتر منك
بالنسبه للجغرافيا فانتي ممكن تروحي للمدرس اللي فاضله فصلين ده تحضريهم معاه لحد ما تشوفي مدرس (مش عارفه ده صح ولا بس ده هيشيل عنك حمل فصلين من المنهج لو ذاكرتيهم مع المدرس ويمكن تكون دي البدايه اللي تخليكي تشدي في مذاكرتك )بس حاولي تنجزي علشان الوقت خلاص او ممكن تكلمي المدرس نفسه وان شاء الله هتلاقي حل
والانجليزي مفيش اكتر من مدرسينه والله وعلي فكره الانجليش بيتلم بسرعه لو كل يوم ذاكرتيلك وحدتين وحليتي عليهم في ملخص مراجعه كويس وطبعا لازم تحفظي الكلمات كويس والقصه مجرد ما بتفهمي الفصل الاول والتاني خلاص بتلاقيه حلوة والله

بالنسبه للجدول فانتي اللي لازم تعمليه علشان تظبطيه علي مواعيد نومك ودروسك وكده حاولي تقللي وقتك علي النت ودايما استغفري ربنا كتير بنيه انه يساعدك ويعينك ويدبرلك الخير ويهديكي لمذاكرتك والصلاة علي النبي مهمه جدا علشان بركه يومك وطبعا صلاة الفجر حاولي علي قد ما تقدري تواظبي عليها بتفرق جامد والله لما بتصليه في ميعاده بتحسي ان ربنا بييسرلك امورك في اليوم ده اوي ولو صفحتين علي الاقل قران قبل المذاكره ده كمان بيساعد اوي في التركيز
ربنا يصلحلك الحال يارب ويوفقنـا