السلام عليكم
انا طالب فى الصف الاول الثانوى
حالياً انا بواجة مشكلة فى مادة الكيمياء انى مش متأسس فيها
انا درستها الترم الاول لكنى مكنتش بذاكر
فمحتاج اى كتب او شروحات خاصة بالكيمياء عشان اقدر ادرسها فى تانية بدون اى مشاكل

برضو مشكلتى الثانية فى النحو لو ممكن فى مذكرة شاملة للنحو اقدر استفاد منها

اسف لو مكنش ده الفسم المناسب

وعليكم السلام ورحمة الله وبركاته
الكيمياء والنحو مفيش فيهم مشكله يعنى مش مشكله كبيره هما وتقدر تتغلب عليهم
وكيمياء تانيه أسهل بكتير وتختلف كتير عن كيميا اولى واسهل منها نوعا ما
وأما النحو فهوا تراكمى فبتحتاج مدرس كويس يقولك على الاساسيات لانه كبير جدا
ومفيش على ما اعتقد مذكره فيها الشرح الوافى لكل المنهج
انتا ركز فاللىفالقواعد اللى بتاخدهم فالسنه بتاعتك وفاجازة اخر السنه حاول تراجع على كل اللى اخدته من اول الاعدادى
ومش كتير يعنى وهتلاقى مكرر كتير
ولو عالكتب والمذكرات ادخل على القسم الخاص بكل ماده وهتلاقي فيه المذكرات والكتب الخاصه بها
......
هوا فعلا مش القسم المناسب
بس دا ميمنعش أننا نرد عليك لو قدرنا
بتمنى اكون افدتك قدر المستطاع
واتمنالك كل التوفيق والنجاح

شكراً كتير
ومعلش عندى استفسار تانى هو كيمياء تانية بتعتمد على اولى ؟
لأن لو بتعتمد هتواجهنى مشكلة كبيرة

العفو يا اخى :)

صراحه مش فاكر بس بيتهيألى لأ
وحتى لو بتعتمد أساسا محدش بيبقى فاكر بتاعت أولى أوى
فبيضطر بيدءْ من الاول
متشيلش هم

انا طالب تانيه ثانوي ..
متشيلش الهم انا مذاكرتش كيميا في اولي ثانوي
منهج 2 ثانوي في الكيميا سهل وكويس بس ذاكره اول ب اول وتجيب فيه مجموع حلو
بس الحجات اللي تركز فيها اللي هتكمل معاك فالعربي
البلاغه والنحو ..