ساعدوني بليز [الأرشيف] - بوابة الثانوية العامة المصرية

مشاهدة النسخة كاملة : ساعدوني بليز

حلمي كبير اوي *رنوش*

23-03-2014, 12:02 PM

السلام عليكم ورحمة الله وبركاتة
ازيكو اجودعاان ؟؟ عاملين ايه ؟؟

انا وحدة جديدة لنج علي المنتدي دون يلا بقي اسمع ترحيب الجمهورر :av4056bb7jp3:

انا اسمي معبر عني جدااا انا كان عندي حلم وهدف فعلا كبير اووي بس للاسف لسه فايقة لنفسي ناااو وكلو قالي خلاص الوقت فاتك واللي كان هيذاكر كان ذاكر من اول السنة وانا مش عارفة ايه اللي خلاني لحد دلوقتي مش مذاكرة مش فاكرة حتي هما الشهور اللي فاتت دي ضيعتها فايه ؟؟ انا حاسة زي ما اكون كنت في غيبوبة ولسه فايقة منها حاسة بكدا فعلاا انا بعد ما كان حلمي وهدفي اجيب صيدلة بدات احس انو دون مستحيل وخصوصا انا ضيعت نفسي ووصلت نفسي للحالة ديت انا احيانا بقول لنفسي ماهو انا بقي اللي استاهل ومش ورايا اغير اني اعيط وبهرب من المذاكرة بالتسلية زي ع النت واتابع الاخبار علشان اهرب من واقعي اللي اتصدمت بيه انا مش عارفة اعمل ايه علشاان احقق حلمي هو فعلا كدا ضااع والا ايه ؟؟؟ هو انا لو ماعرفش حاجة فالكتب والا حتي اعرف المواد بتتكلم عن ايه ؟ وفأت لنفس دلوقتي ؟ هحصل هدفي والا لا ؟؟ هقدر الم المنهج والا لا ؟؟ بعد ما كنت بطلع من الاوائل اللي يشوف حالي ناو مايشوفنيش من سنتين لوراء ؟؟ انا حزينة اووووووي علي نفسي حزينة بجد ؟؟ هو برايكم هو انا لو فعلا بدات اذاكر من دلوقتي وبجد اسيب كل وسائل الترفيه واهتم بدراستي وبس هحصل صيدلة ؟؟ والا زي ما الناس قالت دون مستحيل ؟

اسفة اذا طولت عليكو بس انا حبيبت افضفض عن اللي جوه مني :d وياريت حد يرد عليا علشان محتاجة حد يقولي اعمل ايه ؟؟ وجزاكم الله الف خير وانا سعيدة اني عرفت المنتدي دون :)

سلمى ج.

23-03-2014, 12:19 PM

ربنا معاكي :)

حلمي كبير اوي *رنوش*

23-03-2014, 12:26 PM

ان شاء الله

smsmzeros

23-03-2014, 12:40 PM

المشكله دى بتواجهه اغلب للطلبه
لانه بيبقى مطول بالو عالاخر لحد ما الوقت يسرقو
فيعنى مشكله عاديه وبسيطه إن شاء الله
بس حضرتك خلى معنوياتك مرتفعه
وكويس انك فوقتى قبل الامتحانات بفتره كويسه نوعا ما تقدرى تلمى فيها اكبر قدر ممكن المنهج مره واتنين
حسب طاقتك احسن من ناس كتير للاسف بيفوقو متاخر :d
دلوقتى ابدئ ذكرى وفكك من السلبيه دى وخليكى إيجابيه كده ومعنويات حديد واشتغلى احسن ما تقعدى تتحصرى عالللى فات فيضيع يومك وبكره
واعرفى انك خلاص اللى حصل حصل وداقضاء وقدر او ابتلاء
كأن ربنا ابتللكى بفقدان الذاكره لا قدر الله
او بتذاكرى وبتبصى لقيتى مش فاكره حاجه وكده يعنى فالمهم المرحله الجايه زى ما بكرر عاوزه شغل حقيقى

ومذاكره كويس و تفائل واقتناع بحلمك وإنك تقدرى توصليلو
ولو عاوزه خطوات المذاكره وطرقها الموقع مليان كتير اوى موضوعات وتجارب طلبه زيك :)
...

حلمي كبير اوي *رنوش*

23-03-2014, 12:46 PM

smsmzeros

23-03-2014, 12:57 PM

حلمي كبير اوي *رنوش*

23-03-2014, 01:02 PM

جزانا الله وإياكم
انتى اقرى كل الطرق وشوفى اللى يناسبك
وحاولى تنسى انك ضيعتى وقت كبير عشان متضيعيش وقت وكفايه اننا اخدنا من العبره والدرس
ربنا يوفقك ويديم النجاح وتحققى احلامك إن شاء الله

ان شاء الله ماشي

وبخصوص الوقت انا هنسي اللي فات وهعيش اللحظة اللي انا فيهاا :)

ااامين يارب وشكرا لحضرتك :)

شهد اليوسف

23-03-2014, 01:13 PM

وعليكم السلام
اهلا بيكي يا حبيبتي

انا ئريت التوبيك بتاعك كلو بصي هئولك علي حاجة انسي اللي فات دا نوهاائي (انا زييك علي فكرا بالزبط :p )

بس بجد سيبك من النت ومش تدخلي غير لما تكوني عايزة حاجة وبجد وذاكري وركزي وحل كتير اؤؤي علي اد ما تئدري

سيبك من كلام الناس وابداي من دلوئتي صحيح اننا ئصرنا من اول السنة بس احنا هنرجع لربنا واحنا ندمانين علي اللي فات كلو وطبعاا مش محتاجة اوصيكي علي الصلاه وخصوصا الفجر صلي الفجر وائولي الاذكار وذاكري واتوكلي علي الله ونظمي وئتك
وربنا معاكي ويوفقك يا جمييل ;) ويوفق الكل اكييد :)

حلمي كبير اوي *رنوش*

23-03-2014, 01:25 PM

شهد اليوسف

23-03-2014, 04:20 PM

شكرا يا قمر انتي واسمك حلو اووي يا شهودة :)

والله حاسة انك بتقولي اللي جوايا :bosyht9: وانا هعمل باللي قولتيه ان شاء الله
وانتي اللي اجمل :av4056bb7jp3:
اامين يارب :)

العفو يا حبيبتي ;) وانتي اسمك احلي يا رنؤؤؤؤؤش :blush:

ماهو اصل الحال من بعضو فطبيعي هتحسي بكدا يا بنتي :d

دا من زؤؤئك يا جميل :blush:
ربنا يوفقك وتدخلي صيدلة كدا يآآآآآآآآرب :)

حلمي كبير اوي *رنوش*

23-03-2014, 04:53 PM

العفو يا حبيبتي ;) وانتي اسمك احلي يا رنؤؤؤؤؤش :blush:

ماهو اصل الحال من بعضو فطبيعي هتحسي بكدا يا بنتي :d

دا من زؤؤئك يا جميل :blush:
ربنا يوفقك وتدخلي صيدلة كدا يآآآآآآآآرب :)
هههههههههههههه علي رايئك الحال من بعضو :d

والله انتي زي العسسسسسسل يا شهد :blush:

ودعواتك في محلها يا اختي :d ياارب وليكي بالمثل يا حبيبتي :)

شهد اليوسف

23-03-2014, 05:04 PM

هههههههههههههه علي رايئك الحال من بعضو :d

والله انتي زي العسسسسسسل يا شهد :blush:

ودعواتك في محلها يا اختي :d ياارب وليكي بالمثل يا حبيبتي :)

ههههههههههههههههههـ والله انتي نفختيني يا اختشي بس اصل انا بتكثف من الكلام دا :rolleyes:

وبعدين دا كلو من زؤؤؤئك يا حبيبتي :blush:

و آآآآآآآآآآآآآمين يارب :)

حلمي كبير اوي *رنوش*

23-03-2014, 05:06 PM

ههههههههههههههههههـ والله انتي نفختيني يا اختشي بس اصل انا بتكثف من الكلام دا :rolleyes:

وبعدين دا كلو من زؤؤؤئك يا حبيبتي :blush:

و آآآآآآآآآآآآآمين يارب :)
ههههههههههههههههه ماشي يا هارتي :blush:

انتي اللي زوء :006et4:
وربنا يوفقك يا شهد وتتحققي حلمك يااارب :)

مادوكا

23-03-2014, 05:07 PM

ربنا يوفقكوا انتم الاتنين ويحقق حلمكم
خالص تحياتي

حلمي كبير اوي *رنوش*

23-03-2014, 05:09 PM

ربنا يوفقكوا انتم الاتنين ويحقق حلمكم
خالص تحياتي

امين يااااااارب وانتي كمان يارب
انتي في سنة تالتة ثانوي زي صح ؟؟ :friendsxs3:

chalijaly

23-03-2014, 05:11 PM

اجلى السنة وشدى حيلك السنة الجاية

حلمي كبير اوي *رنوش*

23-03-2014, 05:15 PM

اجلى السنة وشدى حيلك السنة الجاية

ليه الاحباااط دا بس ؟؟؟؟؟؟؟؟؟؟؟؟؟؟؟؟؟ :(

هو انا مش هلحق كده والا ايه مافي ناس قالولي لو شديتي حيلك هتدخلي طب كمان وحلفو انهم ماذكروش غير في شهر 4 و 5 ودخلو طب وصيدلة :)

وانا ان شاء الله هستعين بربنا وفكرة التاجيل دي مش حطها في دماغي :bosyht9:

شهد اليوسف

23-03-2014, 05:20 PM

اجلى السنة وشدى حيلك السنة الجاية

هههههههههههههههههـ انت مش ملاحظ انو كلامك مشجع اؤؤي

يا بني دي وحدة بتئولك مش مذاكرة تئوم تنصحها والا تئولها اجلي انت ليه بتعتبر انو تأجيل سنة من حياتك سهلة اؤؤي كدا ؟؟؟

وبعدين الشهرين اللي جاين دوول بيفرقو مع نااس كتير :)

شهد اليوسف

23-03-2014, 05:24 PM

ليه الاحباااط دا بس ؟؟؟؟؟؟؟؟؟؟؟؟؟؟؟؟؟ :(

هو انا مش هلحق كده والا ايه مافي ناس قالولي لو شديتي حيلك هتدخلي طب كمان وحلفو انهم ماذكروش غير في شهر 4 و 5 ودخلو طب وصيدلة :)

وانا ان شاء الله هستعين بربنا وفكرة التاجيل دي مش حطها في دماغي :bosyht9:

اعملي نفسك والا ئريتي حاااجة وشدي حيلك بس انت الشهرين دوول وفكرة التاجيل دي الغيها من دماغك مع العلم انا كنت بفكر في كدا بس ئولت هشد حيلي وهعمل اللي عليا والنتيجة دي بتاعت ربنا وان شاء الله هتحققي حلمك وهدفك من غير تأجيل وخلي عندك ثقة في ربنا :blush:

(وربنا عند حسن ظن عبده به فان خير فخير وان شر فشر ) وانتي ما تدخليش نت غير للضرورة وانا بحاول اقلل منو لحد اخر 3 ومش هتشوفيني هنا تاني في 4 (بس بالتدريج ) :)

حلمي كبير اوي *رنوش*

23-03-2014, 05:29 PM

هههههههههههههههههـ انت مش ملاحظ انو كلامك مشجع اؤؤي

يا بني دي وحدة بتئولك مش مذاكرة تئوم تنصحها والا تئولها اجلي انت ليه بتعتبر انو تأجيل سنة من حياتك سهلة اؤؤي كدا ؟؟؟

وبعدين الشهرين اللي جاين دوول بيفرقو مع نااس كتير :)

كلامك صح والله يا شهد :)
ويارب نكون انا وانتي من الناس اللي هتفرق معاهم الشهرين دول كتير :)

حلمي كبير اوي *رنوش*

23-03-2014, 05:31 PM

اعملي نفسك والا ئريتي حاااجة وشدي حيلك بس انت الشهرين دوول وفكرة التاجيل دي الغيها من دماغك مع العلم انا كنت بفكر في كدا بس ئولت هشد حيلي وهعمل اللي عليا والنتيجة دي بتاعت ربنا وان شاء الله هتحققي حلمك وهدفك من غير تأجيل وخلي عندك ثقة في ربنا :blush:

(وربنا عند حسن ظن عبده به فان خير فخير وان شر فشر ) وانتي ما تدخليش نت غير للضرورة وانا بحاول اقلل منو لحد اخر 3 ومش هتشوفيني هنا تاني في 4 (بس بالتدريج ) :)

ههههههههههههه فعلا هعمل نفسي والا قرأت حاجة و معاكي حق والله :)
ربنا يوفقك ويعينك علي مذاكرتك يا شهد يااااااااااااارب :)

مادوكا

23-03-2014, 05:34 PM

امين يااااااارب وانتي كمان يارب
انتي في سنة تالتة ثانوي زي صح ؟؟ :friendsxs3:
امين يارب انا وانتي والجميع

ايوة في 3ث الحمد لله:d

chalijaly

23-03-2014, 06:44 PM

اعملى الصح.....

بنت الاسلام ( رشا )

23-03-2014, 07:58 PM

ربنا يوفقنا جميعاا يااااااااااارب :)
واحنا نشد حيلنا الشهرين دول والا كاتبه ربنا كويس ايا كان :)

Nana_kh

24-03-2014, 07:01 AM

اولا اهلا بيكى يا جميل معانا
ثانيا بالنسبة لمشكلتك فكلنا الحال واحد او متشابه ولكن
بصى باختصار
فىى حالة الفوقان وعدم الرجوع للغيبوبة عندك حلين
الاول
تقعدى كل يوم تعيطى وتعملى جدول جديد وتدخلى النت وتسالى كتير وكل ده
التانى هو ده اللى بيه تقدرى تدخلى اللى انتى عيزاه ان شاء الله
تمسكى مادة مادة
مثلا
العربى
امسكى امتحان اول سؤال فيه تعبير عن مووضوع
تقعدى ان شاء الله يومين تلاتة
المهم متسبيش نقطة فى التعبير
يعنى ايه
تقرى اى معلومة فى كل المصادر اللى عندك عن ازاى تكتبى تعبير
وتكتبى تجربى
وبعدين السؤال الثانى اكتبى قصة
وتعملى نفس الكلام
بحيث لنك تخلصى وانتى متاكدة ان شاء الله انك عملتى اللى عليكى اللى يديكى الدرجة النهائية فيه
بعدين امسكى السؤال التانى قصة
طيب القصة بتتكون من كذا فصل
امسك فصل فصل تقريه وبعين تطلعى المعانى وتحطى نفسك مكان الممتحن طب هوا منكن يسالك فى ايه وتحطى الاسئلة فى الكتاب
وبعدين تحلى كل اسئلة القصة وهكذا
وبعدين تقلبى السؤال اللى بعده وهكذا
طيب
بعد ما تعملى ده مع كل المواد
كلما تخلصى حاجة حتى لو بسيطة
تكتبيها فى ورقة بيضا
وبعدين لو واجهك سؤال استفسار فكرة معلومة تكتبيها فى نوتة جمبك وتكملى مذاكرة

تمام

ماشى نيجى لتنظيم الوقت
هتقولى مثلا الحاجات اللى بتعمليها كل يوم
يعنى مثلا نت نص ساعة اكل ربع ساعة رياضة خمس دقايق قران ربع ساعة وهكذا
وتجميعهم وتشوفى اكتر حاجة بتضيع وقتك وقللى وقتها
وضيفى عليهم ست ساعات نوم
واحذفيهم من ساعات اليوم ال24
هيطلعلك مثلا 10 او 12 ساعة
يبأى الواجب عليكى تذكرى كل يوم الوقت ده
تقعدى على المكتبواى حاجة عيزاها تخليها جمبك عشان مش تقومى كتير
وتحطى ستوب ووتش بتاعة موبايلك جمبك وتذاكرى لغاية ما تكملى الوقت بتاعك لو كملتيه اعملى لنفسك حاجة حلوة وافرحى وانبسطى
لو معملتيش احرمى نفسك من ساعة نوم او اى عقاب تانى

بالنسبة لعلاقتك بربنا
هتقررى حاج بسيطة حاجة واحدى
خير الاعمال ادومها وان قل
يعنى مثلا قررى كل يوم هتطلعى صدقة او تستغفرى الف مرة او تصلى ركعتين
والتزمى بيها لغاية ما خلاص تتعودى عليها وتقريبا هيكون بعد 22 يوم من الالتزام بيها وتضيفى عليها حاجة تانى

بالنسبة للدروس
مثلا المدرسين عندك كويسين جدا فى المراجعة وبيضيفوا معلومات جديدة كملى معاهم
لكن لو عندك مستر بيضيع اليوم على الفاضى سبيه وكملى لوحدك وتعالى على اخر الايام خددى حصتين فى البيت وخلى فيهم المستر يشرحلك اى جزئية او سؤال وقف معاكى

بالنسبة للحل
ركزى عليه وهاتى ملخص خلصيه حل وبعدين هاتى تانى وهكذا
وطبعا ادلة التقويم وكتب المدرسة والامتحانات السابقة واى حاجة تنزل من الوزارة على موقعهم ليها اولوية
بعد ما تخلصيهم تماما هاتى ملخصات جديدة عشان انا فى الاول قلت اجيب ملخصات ايه وضيعت ووقت فى التفكير والشرا والسؤاؤل والملخصات مرمية عندى ابيض ياورد

اوعىىىىىىىىىىىىى تشكى لحد
انتى بايدك تفهمى الدرس او لا
وانتى بايدك تجيبى صيدلة او لا
بعد توفيق ربنا
وما عند الله لا ينال الا بطاعته

انا لسه برده زززيك بس فوقت من زمان واخدت الطريق الاولانى وقعدت اشكى واعمل والمحصلة اربع شهور من الشكوى ولو شفتى مواضيعى هتصدقينى

وهحكيلك حاجة بسرعة
كان فيه ولد فى بلدنا وكان علمى رياضة فشل فشل ذرييييييييع
وكل الاساتذة طردوه وضاع خالص
وجه اخر شهر لقى كل المدرسين خلصه وهو بدا يفوق
مقعدش يشتكى ويروح ويجى زينا احنا البنات
لم هدومه وكتبه وراح على شقة قديمة كانت عندهم فى مكان تانى وساب اهله ومدش كان يعرف عنه حاجةة
قعد هناك عمل معسكر لنفسه مذاكرة ليل نهار
لغاية ما دخل كلية هندسة ما شاء الله
التوفيق من عند الله

وافتكرى الندم
وانتى ندمانة دلوقت على اللى فاتك
افتكرى ندم اللى هيدخلوا نار جهنم يوم القيامة اللى بيتحسروا على ساعة من اللى احنا عايشنها
فسيبك من الدنيا
وعيشى حياتك لله
لانك هتتحاسبى على كل دقيقة

وربنا يوفقك
واسفة للاطالة

حلمي كبير اوي *رنوش*

24-03-2014, 10:59 AM

امين يارب انا وانتي والجميع

ايوة في 3ث الحمد لله:d

اميـــــــــــــــــــــــــــــــــــن يــــــــــــــــــــــــــــــــــارب :)

حلمي كبير اوي *رنوش*

24-03-2014, 11:01 AM

ربنا يوفقنا جميعاا يااااااااااارب :)
واحنا نشد حيلنا الشهرين دول والا كاتبه ربنا كويس ايا كان :)

يــــــــــــــــــــــــــــــــارب يا حبيبتي

ومعاكي حق طبعااا اللي هيجيبه ربنا كويس :)

حلمي كبير اوي *رنوش*

24-03-2014, 11:02 AM

اعملى الصح.....
مــــــــــــــــاشي ان شــــــــــــاء الله :bosyht9:

حلمي كبير اوي *رنوش*

24-03-2014, 11:05 AM

عصومى الزملكاوى

26-03-2014, 02:32 AM

إن شاء الله هتقدري وهتخلّصي إن شاء الله وقولي لنفسك كده ومالكيش دعوة بالأيّام إلّــــ قاعدة إيه وانسي إنه في حاجات كتير لسّه مخلصتش .. نظّمي نسّقي ظبّطي أمورك كلّها وأهمّ حاجة ركّزي ركّزي ركّزي ،، يعني هتقعدي تذاكري هتذاكري مش لما تيجي تقعدي يجي في دماغك موبايل أشوفيه ولاّ تلاجة أفتحها علشان أشوف حاجة آكلـــها :) :blush::blush::blush: واوْعي تخافي أبداً وسيبها علي ربّنا وحلْمك هيتحقق إن شاء الله .. وافتكري بُكرة وبعده إن شاء الله تقولي لــإلــــــّ بعدك أنا كنت زيّكم كده وقدرت وقدرت .. المهمّ ذاكري بحبّ كده واتعلّمي القراءة السّريعة وحاولي تسْمعي فيديوهين أو تلاتة كده عن كيفية المذاكرة ،، أنا عن نفسي أخدت دورات وشهادات معتمدة في مهارات التفوق الدراسي و إستراتيجيّات المذاكرة الحديثة والتميز والنجاح ، وفرقت معايا جدّاً والله .. الكلام كتير والله ..
.
.
.
بس ف الآخــــــــــــــــر وفضّي دماغك من كل حاجة وعيشي في حدود يومك متفكريش في بكرة لإنه مجهول وإن شاء الله هتقدري والله تخلّصي بس المشكلة بس إنّك متأجليش تاني وقت وابدأي ومتضعيش وقت في السؤال في كده مع أيّ حد بس يلاّ بس كده قومي صلّي ركعتين تنوي فيهم بكده وتطلبي من ربّنا قوي وتلحّي عليه في الدّعاء قوي بكلّ إلــ إنتي محتاجه وربّنا كبير قوي وبيدّي والله العظيم ..

Yasmeena.R

29-03-2014, 11:21 AM

ازاي تذاكر قبل الامتحانات و"الوقت ضيق"

https://www.youtube.com/watch?v=dll4u_yJYUI

بنت الاسلام ( رشا )

01-04-2014, 10:02 AM

ربنا يوفقك يارب