ممكن حد يفدنى انا تعيينت 11/11/2013 واريد الحصول على اجازة بدون مرتب

ممكن حد يفدنى انا تعيينت 11/11/2013 واريد الحصول على اجازة بدون مرتب

التعيين دا معلم مساعد ولا تم التعيين بعد قضاء سنتين كمعلم مساعد اقصد هناك فرق بين التعيين والتثبيت
ماهي بقت سبوبة بيضحكو بيها علينا لازم يتخرج الطالب يبوس ايدة انهم يقبلوه يشتغل ب 100 جنيه لمدة سنتين وبعد كدا يتعطفو عليه ويعينوة ونفرح قوي ويعينوة معلم مساعد ب 600 جنيه ويفرح قوي قوي مع انا بعمل في الخارج لما اقول الكلام دا للهندي بيتريق ويضحك علينا 600 جنيه يعني عشوتين هنا المهم وبعد السنتين يثبتونا معلم بعد لما الواحد يكره التعليم واللوزارة يقلك خلاص كدا انت اعتمدت لدينا وتقدر تاخد اجازة بسي للمعلومة لما بتتعين معلم بناخد بدل اعتماد يعني تقريبا ثمن البيبسي.

مينفعش تاخدى اجازه الا بعد مرور اول 6 شهور على التعيين

متطلبات الاجازة شروطها وانواعها ؟ حد يفدنى لو تكرمتوا

أهم شيء للحصول على إجازة بدون مرتب هو وصول الدرجة المالية بعد كده حضرتك بتكتبي طلب للحصول على إجازة بدون مرتب بالمدة المطلوبة ولو لغرض السفر للخارج بتكتبي في الطلب كده وبعد يمضي عليه مدير المدرسة وتروحي بيه للتنسيق لو على المرحلة الابتدائية أو التوجية لو المرحلتين الإعدادية أو الثانوية للتوقيع عليه وبعد كده يمضي عليه مدير الإدارة وتروحي بيه على شئون العاملين وهم بيكملوا باقي الإجاراءات وبتدفعي الفلوس اللي بيطلوبها منك وبعدين تسلميها لهم وفي النهاية تاخدي جواب إخلاء طرف للمدرسة وطبعا لو الإجازة لغرض السفر بترفقي صورة من العقد بس اهم حاجه كل ورقة تعمليها لازم تحتفظي بصورة منها عشان تحفظي حقوقك لو فيه حاجه لا قدر الله زي وصولات تسديد المبالغ المالية بالخصوص وبالتوفيق إن شاء الله

أهم شيء للحصول على إجازة بدون مرتب هو لووصول الدرجة المالية بعد كده حضرتك بتكتبي طلب للحصول على إجازة بدون مرتب بالمدة المطلوبة ولو لغرض السفر للخارج بتكتبي في الطلب كده وبعد يمضي عليه مدير المدرسة وتروحي بيه للتنسيق لو على المرحلة الابتدائية أو التوجية لو المرحلتين الإعدادية أو الثانوية للتوقيع عليه وبعد كده يمضي عليه مدير الإدارة وتروحي بيه على شئون العاملين وهم بيكملوا باقي الإجاراءات وبتدفعي الفلوس اللي بيطلوبها منك وبعدين تسلميها لهم وفي النهاية تاخدي جواب إخلاء طرف للمدرسة وطبعا لو الإجازة لغرض السفر بترفقي صورة من العقد بس اهم حاجه كل ورقة تعمليها لازم تحتفظي بصورة منها عشان تحفظي حقوقك لو فيه حاجه لا قدر الله زي وصولات تسديد المبالغ المالية بالخصوص وبالتوفيق إن شاء الله

طيب بعد اذن حضرتك لو الدرجة المالية اتأخرت ايه الاجازات الطويلة اللى ممكن ناخدها؟؟

لو سمحتوا ممكن اعرف فى اجازة لتحسين مستوى وايه الورق المطلوب ارجو ان حد بيفيدنى للضرورة وشكرا