معهد فنى تجارى (كليه تجاره) [الأرشيف] - بوابة الثانوية العامة المصرية

محمد جبار

28-07-2008, 10:33 PM

من احسن المعاهد اللى بتدخل كليه

والمعهد ده بيدخل كليه تجاره وبيقبل من 60 فى الميه

وكمان بتخش على تانيه تجاره مش اولى

ناس تقولى انتا بتتكلم فى ايه انتا بتضحك علينا

اقولهم لا والله

المعهد ده لو جبت تقدير جيد جدا فى تانى سنه بتخش تجاره

ولو جبت جيد بتعمل معادله وتخش تجاره

واحد يقولى انتا بتتكلم ازاى ولو كلام كله صح يبقى المعهد ده صعب جدا

اقوله لاء المعهد ده محتاج مذاكره بس فى اخر سنه وفى اخر شهر بس

ياعنى الحكايه بسيطه

كده انا الحمدلله قدرت افيدكم شويه للى مش جايب مجموع ومش عارف يخش كليه

اقوله الفرصه بقت ملك ايدك

متضيعهاش

واى استفسار انا فى الخدمه

Flentino

06-08-2008, 04:41 PM

طيب انا عاوز اعرف اكتر

لانى لاسف ملحقتش تجارة وهدخله وامرى لله

هو انا اذاكر من اولى ولا من تانيه

اصل انا ناوى اذاكر جامد

يعنى اجيب من اولى جيد جدا وتانية جيد جدا ولا تانيه بس

وشروطه ايه الكابتن ده

وهو فيين بالظبط فى مصر

محمد جبار

06-08-2008, 05:59 PM

بص انتا لازم تذاكر السنتين ولكن ذاكر اخر شهر بس

اول سن ممكن تجيب فيها جيد

ولكن التانيه لازم تجيب جيد جدا ودى حكايه سهله جدا

ومعهد فنى تجارى موجود فى كل انحاء مصر

ولكن احسن مكان هوه فى دمنهور وفى اسكندريه لان العدد قليل وكمان الدكاتره حلوين اوى

وربنا معاك
وملهوش شروط انات لو جايب 60 او 62 حتشخه ومفيش شروط ده معهد زى بقيت المعاهد ولكن هوه الافضل لاناو بيطلع على تانيه كليه تجاره

ayman3000

06-08-2008, 06:06 PM

طيب ومعهد فني صناعي ومعهد المساحة أنا سمعت أن عشان حد يدخلهم لازم ينجح في إمتحان القدرات اللي هما بيعملوه قبل ما تدخل المعهد فهل الكلام ده صح ولا غلط ؟؟؟

محمد جبار

06-08-2008, 10:14 PM

فعلا الكلام ده صحيح ياحبى

ayman3000

06-08-2008, 10:46 PM

طيب ومعهد فني تجاري بردوا له إمتحانات قدرات ؟؟؟ ولا لأ

ولو عندك فكرة عن أمتحانات القدرات اللي بتتعمل للقبول في المعهد الفني الصناعي أو المعهد الفني للمساحة ياريت تقوللي لو عندك فكرة عن الأأمتحان بيكون عن أيه وبيمتحنوا في أيه بالضبط وكده!!

محمد جبار

06-08-2008, 11:45 PM

لا ياحبيبى فنى تجارى ملهوش دعوه بالقدارات

اما المعاهد التانيه ليها قدرات وامتحاناتها اسئله سهله جدا

وبكره حجبللك كل حاجه عنها

ayman3000

07-08-2008, 02:05 AM

لا ياحبيبى فنى تجارى ملهوش دعوه بالقدارات

اما المعاهد التانيه ليها قدرات وامتحاناتها اسئله سهله جدا

وبكره حجبللك كل حاجه عنها

أوكي يا مان أنا في إنتظارك

salsa_alex

12-08-2008, 01:39 AM

ايوة فعلا كلام محمد جبار صح وهو من احسن المعاهد
واحسن من المعاهد الخاصه والغاليه
وكمان يا محمد انا فى اصحابى فى المعهد ده
بس جابوا جيد بس وهيدخلوا حقوق لانهم شعبة قانون فى المعد
مش الشعبه التجاريه
ماهو المعهد له ماده تخصص فى اخر سنه

totylove

22-08-2008, 06:37 PM

طيب انا جايبه 255 ونص وفى ناس فعلا نصحونى بى المعهد دا لكن انا لما كنت بكتب الرغبات لقيت قدامى حقوق انتظام محافظه الزقازيق وحقوق انتساب 16 محافظه وكمان دار علوم وكليه خدمه اجتماعيه والمعاهد العليا كلها تقريبا فا انت شايف ان فرصتى كويسه علشان تجيلى حقوق انتساب بعيد
ولو ما جاليش وجالى خدمه اجتماعيه تنصحنى احول فنى تجارى علشان احول من عليه تجارة
وخاصتا ان اخويا معيد فى كليه تجارة يعنى فرصتى كويسه جدا
بليز ساعدنى ....

totylove

22-08-2008, 06:38 PM

وفى حاجه اخيرة
لو سمحت مكن اعرف امتى نتيجه الموحله الثالثه لانها اتاخرت جداا
سورى لو تقلت عليك بس اتمنى تجاوبنى عن الاستفسارات دى وتنصحنى بى الاحسن
thunx alot

Sherif Elkhodary

22-08-2008, 07:23 PM

جاري النقل لاخبار التعليم

محمد جبار

22-08-2008, 08:59 PM

بصى ياعسل انتى صعبه تخشى حقوق

وانصحك لو جتللك خدمه اجتماعيه

حلوى منها عىل فنى تجارى وبعدين ده بقى كليه مش معهد

ثانى حاجه نتيجه المرحله الثالثه يووم 5\9

واى حاجه انا فى الخدمه

محمود ربيع المصري

22-08-2008, 11:49 PM

بص يا محمد ياجبار انا جايب 274ونص ممكن ادخل حقوق ولو مدخلتش حقوق ممكن اية لو سمحت ياحمادة رد علية بسرعة جدا

salsa_alex

23-08-2008, 07:16 AM

سورى محمد جبار وتوتى
بس انا اللى شوفته بعينى السنه اللى فاتت
يخلينى اقولكم ان هيجيله اى معهد خاص او بمصاريف
مش هيقبلوا تحويله لمعهد حكومى زى فنى تجارى

انا السنه اللى فاتت جاتلى خدمة 4 سنين
وحاولت بكل الطرق انى احول فنى تجارى
ماقبلوش التحويل
عشان خدمة بمصاريف والفنى مصاريفه مش بتزيد عن 300 جنيه
اما الخدمه مصاريفه 700 جنيه وزياده ودى تجربة شخصيه
وانا حاليا داخله 2 خدمة اجتماعيه
وبفكر ان لو جالى فرصه احول حقوق اسكندريه مش هتأخر عن الفرصه دى
اتمنى التوفيق للجميع
وانا والله مش كان قصدى احبط حد بس نكون واقعيين

حسن زغلول

25-08-2008, 11:00 AM

شكراشكراشكراشكراشكراشكرا

ahmed_jetle

28-08-2008, 10:19 AM

السلام عليكم

الأخ محمد جبار

انا مستنفذ من كلية تجارة جامعة الأزهر واظن انك سامع عنها وعن عدم الضمير اللي فيها

انا هلاء بشتغل في القاهرة وعاوز معهد اريب مني هل اروح معهد فني تجاري الأسكندرية علي اساس كلامك بس هيكون من الصعب اني احضر المحاضرات لأني عندي شغل ولا اي رئيك

ولا

في معاهد فني تجاري بالقاهرة اسمع ان في فني تجاري المطرية عاوزك تخبرني بمعهد يكون كويس في ضمير شوية ويكونوا الدكاترة كويسين مش بيفرموا

عاوز رئيك بتفسير

معلش هتعبك معايا

علي فكرة انا سحبت واورائي وبائي اني ائدمها ونفسي اكمل في مجال التجاري كلية تجارة

علي فكرة انا ممكن ادخل حقوق عين شمس انتساب او اداب بس انا عاوز تجارة يارب يارب يارب يارب يارب

وشكراً لتعبك وتقديرك ياأخي

اخوك احمدالمصري

محمد جبار

28-08-2008, 11:23 AM

بص والله الحل فى المعهد ده انا صاحبى كان فيه وطلع منه على 2 تجاره وبصراحه معهد اكثر من ممتاز بس عايز مجهود

mahamed_mezzo

09-09-2008, 02:47 PM

انا خريج المعهد الفني التجاري بالأسكندرية سنة 2008 والحمد لله ربنا كرمني وجبت 77.29% بصراحة المعهد سهل أوي وانا ماكنتش بذاكر اوي والله العظيم المعهد في دكاتره على اعلى مستوى بس انا لسه مستني جواب الترشيح انا كنت عايز اسأل محمد جبار هو جواب الترشيح جالك امتى ومجموعي ينفع يدخلني تجارة اسكندرية ولما دخلت تانية اخدت كام مادة معلش طولت عليك ياجميل

محمد جبار

09-09-2008, 06:58 PM

باشا جواب الترشيح حيجيللك قريب جدا

وانتا تقريبا مجموعك يجيب اسكندريه

بس المواد اللى فى 2 كليه انا معرفهاش

حسأللك صاحبى

mahamed_mezzo

10-09-2008, 01:19 AM

متشكر جدآ على اهتمامك يا محمد جبار

hema2010h

11-09-2008, 08:11 AM

يا جماعة

انا جالي كلية خدمة اجتماعية افيوم انتساب موجه

وعاوز احول فني تجاري

ازاي ؟؟؟

التحويل امبارح مكنش فيه في الكليات غير المناظرة المعهد وعملت تحويل بالتماس

لو ما قبلتش اعمل ايه علشان احوله

ناس قالو استني علي بداية الدراسة وروح للمعهد هتدفع غرامة وتحوله عادي

رجاء الافادة

Rose Heart

11-09-2008, 08:18 AM

أنا جاللي معهد فني تجاري بالروضه فعلا

بس يا هيما أنا فعلا سمعت إنك ممكن تحول بعد أول شهر مادام الشروط تسمح

و إنت لو هتحول هتحول لأي مكان

يعني إللي في القاهره

hema2010h

11-09-2008, 10:50 AM

مش فاهم يعني ايه اللي في القاهرة

انا من الغربية وعاوز ادخل فني تجاري طنطا

ممكن تقولي ايه هيا الشروط؟؟؟

مصراوى نت

20-09-2008, 12:36 AM

ممكن سؤال .....أنا طالب بالمعهد الفنى التجارى بالزقازيق ودلوقتى انا فى سنه تانيه بتقدير جيد ممكن أعرف أيه الأوراق اللازمه للمعادله والمعادله فى شهر كام ومواد المعادله ايه؟؟؟؟؟وشكـــــــــــــــــــــــــــــــــــــرا ً يارب الرد يكون بسرعه

مصراوى نت

20-09-2008, 04:25 PM

:)أنا طالب بالمعهد الفنى التجارى بالزقازيق ودلوقتى انا فى سنه تانيه بتقدير جيد ممكن أعرف أيه الأوراق اللازمه للمعادله والمعادله فى شهر كام ومواد المعادله ايه؟؟؟؟؟وشكـــــــــــــــــــــــــــــــــــــرا ً يارب الرد يكون بسرعه

محمد جبار

21-09-2008, 07:28 PM

ليه معادله ياعم

انتا جايب تقدير ياعنى ممكن تخش تجاره عادى من غير معادلات

كريسبو

21-09-2008, 07:39 PM

بالوفيق ليكم

ELkING_HACkER

22-09-2008, 04:17 AM

بسم الله الرحمن الرحيم

انا حاصل علي الثانوية العامة بمجموع 230 بالمستوي وجالي في التنسيق المعهد العالي للدراسات المتطورة بالقاطمية واريد ان احول الي فني تجاري الزقازيق او بور سعيد مع العلم ان التنسيق الالكتروني اغلق وان امكن وضع تفاصيل المطلوبة لكي احول من اوراق وخلافه وموعد بدء الدراسة واكون شاكر جدا لخدمكتم ......

مصراوى نت

23-09-2008, 02:46 AM

عشان أخش كلية التجاره بدون معادله لازم أجيب على الأقل جيد جداً وأنا جايب جيد يعنى اقل من المطلوب عشان كده حضطر أنى أعمل معادله إن شاء الله ومش عارف أى حاجه عن المعادله غير أنها بتتعمل فى جامعة القاهره...لو تعرف ياريت تفيدنى.