مشاهدة النسخة كاملة : الإعلام الإسرائيلى: "أردوغان" سيزور تل أبيب نهاية إبريل


الفيلسوف
28-03-2014, 12:04 AM
نقلت وسائل الإعلام الإسرائيلية اليوم الخميس، ما نشرته الصحافة التركية عن قرب التوصل إلى اتفاق ينهى الخلافات التركية - الإسرائيلية التى أعقبت اقتحام سفينة "مرمرة" ووقوع العديد من الضحايا الأتراك، والتى قد تتوج بزيارة رئيس وزراء تركيا نهاية الشهر المقبل لإسرائيل.

واستندت المواقع العبرية لصحيفة "زمان" التركية التى نشرت اليوم تفاصيل عن لقاء جمع بين المبعوث الشخصى لرئيس وزراء إسرائيل ديفيد ميدن مع كبير قادة جهاز الاستخبارات الوطنية التركى هاكان فيدان الاثنين الماضى، والذى جرى فيه بحث موضوع المصالحة وقرب التوقيع عليها، واتفق الجانبان على إعادة فتح سفارات البلدين بعد التوقيع على الاتفاقية والتى يقدر التوقيع عليها بعد الانتخابات التى ستجرى فى تركيا بعد 3 أيام.

وأشارت هذه المواقع إلى أن الجانبين بحثا أيضًا مسألة التنقيب عن الغاز والنفط فى البحر الأبيض المتوسط، وكذلك الزيارة المحتملة لرئيس الوزراء التركى رجب طيب أردوغان نهاية الشهر القادم إلى إسرائيل.

http://www.youm7.com//News.asp?NewsID=1581029#.UzSgR9JdWYU

وليد سعيد
28-03-2014, 12:22 AM
هههههههههههههه
خليفة المسلمين
وده بعد قفل تويتر ويوتيوب ولا قبله

التلميذة المثالية
28-03-2014, 04:14 AM
دائما متميز في الانتقاء
سلمت يالغالي على روعه طرحك
نترقب المزيد من جديدك الرائع
دمت ودام لنا روعه مواضيعك

محمد احمد الهادى
28-03-2014, 08:02 AM
طبيعى جدا يزور اولاد عمومته و اهله و عشيرته

الاستاذ فوزى
28-03-2014, 08:34 AM
طبعا هما وجهان لعملة واحدة اساسها الخيانة والخسة

لافانيا
28-03-2014, 06:41 PM
شكرا على الخبر

جزاكم الله خيرا

تحياتى

الفيلسوف
28-03-2014, 11:38 PM
أشكر الجميع على مروركم الكريم

أ/رضا عطيه
29-03-2014, 07:57 AM
الأميركى يزور السعودية والتركى يزور الصهاينة فمن سيزور القطرى ؟

سبقوه ولم يعد أمامه سوى إيران !

شكرا على الخبر

وائل رسلان
29-03-2014, 08:45 AM
كل الشعوب و الدول واطيه الا احنا مثاليين

فاكرين لما سمحنا لسفن الشيطان الاعظم امريكا بانه تمر عبر قناة السويس ليضرب شعب العراق فى 2003
طيب فاكرين لما مصر كانت بتصدر الغاز لاسرائيل بابخس الاثمان ... ولم يعترض السيسى الجهبذ مدير المخابرات الحربيه
طيب نسيتوا انه معظم سلاحنا من عند الشيطان الاعظم .. وانه مصر الان وتحت خكم السيسى تحاول شراء عشرة طائرات ابــاتشى من الشيطان الاعظم وهو يرفض
وكمان حماس جماعه ارهابيه عشان خاطر عيون اسرائيل ... واللى اقنعه الاعلام انه حماس جماعه ارهابيه يروح يسال سامى عنان
طيب فاكرين من ستة اشهر لما الطائرات الاسرائيليه ضربت اهل سيناء وطلع المتحدث العسكرى متلعثما انه جارى البحث عن اصوات الانفجارات
طيب من اسبوع طلب جون كيرى من مصر الغاء عقوبة اعدام 529 شخص ولم نرى ردا من الخارجية المصريه بالا نسمح بالتدخل فى شئوننا الداخليه
طيب نسيتو انه طابا منتجع اسرائيلى خالص ... واذا اردتم دخولها ستخضعون لتفتيش قاس فى حين يدخلها الاسرائيليون بكل سهوله
طيب مش فاكرين عمر سليمان مدير المخابرات ... اللى كان واخدها رايح جاى على اسرائيل .... محدش فيكم علق على ذهابه الى اسرائيل ليه ؟؟
ثم كلمة صهيونى مبقتش تاثر فينا زى زمان .... القذافى عشان الكرسى قتــل 50 الف ليبى وبشار عشان الكرسى قتــل حوالى 100 الف سورى ... وعلى عبدالله صالح قتــل 5000 يمنى ... وبطلكم قتـــل اكثر من 2000 مصرى .. ... ده على الاقل اسرائيل مش بتقــتل شعبها ... اسرائيل دخلت حرب مع حزب الله عشان رفاة جندى اسرائيلى
كلامى ده مش دفاعى عن اردوغان ولا حاجه ... بس حبيت اوريكم حالة الشيزوفيرينيا والفصام اللى بتعيشوها ..
يا ايها الوطنيون .. بلاش تشتغلونا .... احنا ذاكرتنا مش ضعيفه للدرجه

أ/رضا عطيه
29-03-2014, 11:35 AM
هههههههههههههههههههههههههههه
بدل تسمية الصها ينة اللى مزعلاك دى تحب نسميها إيه ؟
تحب نسمى الجرثومة التى لوثت الشرق الإسلامى كله إيه ؟
تحب نسمى بلد العنصرية والنازية والفاشية إيه ؟
وكسَّرت فى كل بلدك شمال ويمين وامتدحت عدوك

وهى حماس ماكانتشى إرهابية فى نظر بنى صهيون وداعمها الشيطان الأكبر من عقود
ولا أنت ماكنتش هنا -- أكيد كنت هناك
لأن نظرتك لكل الأوضاع جايه من هناك
هى بقت كدا خلاص
ليتك دافعت عن أردوغان كان أرحم مليون مرة

وصلت -- حمدالله على السلامة

وائل رسلان
29-03-2014, 11:46 PM
الجرثومه دى ... اللى جعلها تتمكن فى المنطقه .... اعمال العلم و الديموقراطيه واحترام الانسان .... فى حين تغرق نحن فى اوحال الجهل والتخلف والتعصب حتى اصبح بأسنا بيننا شديد .. لا نحترم ادنى حقوق الانسان وهو الحق فى الحياة ...
حضرتك استنتاجاتك غريبه ... اسرائيل تقــتل شعبا اخر ولذا اكتسبت كل هذه الكراهيه فى قلوب الناس .. فما بالك بمن يقتــل شعبه من اجل كرسى لعين اكيد هو احق بان يُتعت بالصهيونيه والخسه والنداله
مفيش مجرم قاتـل لشعبه وفى نفس الوقت وطنى ... لن تجد هذا المسخ ابدا

أ/رضا عطيه
30-03-2014, 01:07 AM
صح - كلامك كله صح
احنا وحشين قوى بس مش داريانين
غيبوبة بقى بعيد عنك
ونقدر تحملكم وصبركم على العيشة معانا ومع أهالينا وسط كل هذا الجهل والتعصب والتخلف
ياريتك تغرد كمان وتطربنا ياعندليب عن جمال إسرائيل وديمقراطية إسرائيل وحقوق الإنسان فى اسرائيل
وبلاها البلاد المتخلفة اللى حواليها
شلها من خريطة أفكارك خالص أو ضمها لخريطة اسرائيل العظمى
مش قلت لك ياريتك دافعت عن أردوغان أفضل