اقل من مرتبة كفء فى التقرير السنوى سيقل المرتب لان حافز الاداء سيخصم شهريا لمدة عام كامل. والحرمان من صرف حافز الاعباء لمدة عام
اية الحل احنا فى مصيبة ارجوكم اى حد عنده نفس المصيبة او عنده حلول يقولى ضرورى للاهمية
انا تعين 1/7/2011
وواخد قرض من البنك من سنتين قسط البنك 535 جنيه والخصومات اللى جايلى علشان اسدد الفروق بتاعت حافز الاداء وحافز الاعباء حوالى 300 جنيه وحتحرم من الحافزين كمان لمدة عام
يعنى مفيش اى فلوس هخدها لمدة عام ومعنديش اى دخل تانى سوى المرتب
ارجوكم انا مش لاقى اى حد يدلنى اعمل اية؟

فين الناس مفيش حد مهتم ومفيش حد عاوز يدلنا نعمل اية علشان حقوقنا ماتضعيش
انا واحد من الناس اللى هتظلم ظلم كبير بسبب الشروط وتقرير الكفائة اللى ما اعرفش حاجة عنه غير من فترة قريبة وماكنتش اعرف ان المدرير منه لله كتب فيا تقرير فوق المتوسط ولم اوقع للعلم عليه ولم يعطينى نسخة منه فى حينها
اية الحل اقسم بالله بيتى هيتخرب

استاذ احمد احنا نفس دفعتك فى التعيين والموجه لم يعطينا اى تقرير كفء واتحرمنا من علاوة الاعباء فى حين ان المعلم المساعد والمعلمين الجدد صرفوا علاوة الاعباء ودى مصيبه فعلا اننا نكون معينين منذ ثلاث سنوات ونتحرم من العلاوه فى حين ان التعيينات الجديده تصرف العلاوه دون النظر للتقارير .
ولذلك قمنا بعمل تظلم لرفع التقارير عملنا تظلم لكل عام لكن الموجه قال انه سفوف يرفع اخر تقرير فقط وحاليا احنا منتظرين نتيجة هذا التظلم وانشاء الله التظلم الاخر يرتفع .
يعنى حضرتك اعمل تظلم ويمضى ليك مدير المدرسه والموجه انه لا مانع من رفع التقرير حيث ان المذكور ليس لديه جزاءات وهتتشكل لجنه وانشاء الله تترفع التقارير وتقبض العلاوه ودا حصل عندنا فى المدرسه لزملائنا لكن احنا كان فى مشاكل مع التوجيه علشان كدا موضوعنا اتاخر.

اكتب تظلم للجنة التظلمات فى المديرية بخط اليد وارفق معاه صورة من التقرير
وربنا يسهل ان شاء الله ولما يردو ابعت خطاب من مدير المدرسة والموجه بما يفيد انك تؤدى عملك بانتظام ولا مانع من رفع التقرير وخطاب من الجزاءات انك لم تحصل على اية جزاءات خلال فترة التقرير وكلة دة بخط اليد

اشكر كل من قام بالاهتمام وجزاه الله كل الخير باذن الله

ذهبنا للمحافظة بكفر الشيخ فقامت بارسال تاشيرة للمديرية التى كانت ترفض البت فى التقارير 2012 لانتهاء فترة التظلم فبعد وصول تاشيرة المحافظ للمديرية فتحت المديرية باب التظلم " صورة من التقرير + كشف تفريغ + صيغة تظلم " ثم حددت المديرية ميعاد لانعقاد لجنة ثلاثية لاتخاذ قرار و بالفعل بعد فترة من التعب و المتابعة تم قبول التظلم و قامت المديرية بارسال جواب للادارة التعليمية لكل معلم برفع التقرير الى كفء و بالفعل صرفنا الفروق بحمد الله

استاذ احمد ربنا معاك ومعنا جميعا في هذه الشدة
انا واحد ممن اتظلم زي حضرتك بخصوص تقرير الكفاءة ولكن لعام 2012 وانا تعيين 1 / 11 / 2011
المهم تقدمت بهذة الاوراق الي مديرية التربية والتعليم وانا في انتظار رد اللجنة الثلاثية
الاوراق : 1- تقرير كفاءة لسنه قبل تقرير 2012 وسنه بعد تقرير 2012 الذي فيه تقرير 86 % غير كفء
ملحوظة هذه التقاير لازم ولابد ان تكون أصول بمعني هي التقارير الموجوده بالملف الخاص بك في الادارة وهذه اهو واكبر عقبه قابلتني خلال رحلة العذاب - لازم تتصرف وتحضرهم )
2- طلب او تظبم الي الشئون القانوية بالمديرية
3- صحيفه احوال تفيد بأنني لم احصل علي جزاءات خلال عام 2012
4- ورقه تفيد بعدم علمي بهذا التقرير ( وذلك لانتهاء فترة التظلم وهي 60 يوم )

ذهبنا للمحافظة بكفر الشيخ فقامت بارسال تاشيرة للمديرية التى كانت ترفض البت فى التقارير 2012 لانتهاء فترة التظلم فبعد وصول تاشيرة المحافظ للمديرية فتحت المديرية باب التظلم " صورة من التقرير + كشف تفريغ + صيغة تظلم " ثم حددت المديرية ميعاد لانعقاد لجنة ثلاثية لاتخاذ قرار و بالفعل بعد فترة من التعب و المتابعة تم قبول التظلم و قامت المديرية بارسال جواب للادارة التعليمية لكل معلم برفع التقرير الى كفء و بالفعل صرفنا الفروق بحمد الله
ياريت حضرتك بعد اذن صاحب الموضوع تكتبلنا صيغه التظلم لان للاسف فى الاداره محدش عايز يساعدنا حتى فى كتابه التظلم كاننا بيدونا الفلوس دى من جيبهم

الى الاستاذة سمسمه101 (http://www.thanwya.com/vb/member.php?u=807338)
ارجو من حضرتك التواصل للاهمية انا زميل حضرتك من نفس الادارة وبخصوص التظلم انتى تقريرك 2011/2012 زى حالتى ولا 2012/2013 اصل الادارة رفضت تقبل التظلمات

مشكووووووووووووووووووووووووووووووووووووووووووووووو ر

شاكرين جداً المجهود العظيم

اصر وما صبرك الا بالله