1- تعلية خزان اسوان في جغرافية حوض النيل ثلاث مرات 1912/1932/1955
- تعلية خزان اسوان في جغرافية مصر مرتين 1912/1933
2- طول المسافة من بحيرة نو الي السوباط 130كم في الفصل الثاني
- طول المسافة في الفصل الخامس 124كم
3- طول النيل الابيض في الفص الثاني 844كم
- طول النيل الابيض في الفصل الخامس 964كم
4- طول نيل مصر في الفصل الثاني 1200كم من اسوان
- طول النيل من دخوله الاراضي المصرية 1532 كم واذا علمنا ان طول البحيرة 500كم جزء منه في السودان يبقي ناقص 32كم
5- حصة مصر من مياه النيل 55.5 مليار و السودان 18.5 مليار يبقي 74 مليار وليس 84 مليار
6- نسبة حصة مصر من المياه 78% و السودان 13% يبقي 81% من ايه
7- الازمة بين مصر و السودان بدات جذورها عام 1958 بعد اعلان السودان رفضة لحق مصر في مراقبة المجري ونيته انشاء سد الروصيرص الذي بدا انشأة عام 1961 مقابل السد العالي بمصر طيب ازاي والسودان وقعت مع مصر اتفاقية 1959 والتي تعترف فيها بحق الامن المائي لمصر و هو حق المراقبة و حصتها من المياه وشكرا

دا مرارررررررررررررر الوااحد مش عارف يعمل اية مع الطلبة زهق من كتير التبرير

فعلا ساعات بقف محلك سر من كتر الاخطاء

اخوتى الموضوع اصعب من كده نفسى اعرف الى بيضع الكتاب ده بيفكر ازاى منهج عقيم يحتاج الى الكثير من التعديل لتبسيط المعلومة ولابد من ان تكون المعلومات موحدة فى كل كتب الجغرافيا وخاصة الارقام وليس كل كتاب له ارقامه كانها حاجة ببيلاش كده طول النيل فى كتاب يختلف عن اخر حاجة تجيب باقى امراض العصر بعد ما جلنا حبة منهم على الماشى تحياتى ؟؟؟؟؟؟؟؟؟

كل جزء من الكتاب تحس ان الى كتبه واحد مختلف عن الباقين والمصيبه تناقض زى ما حضرتك قلت كبير والمصيبه الاكبر لو حضرتك بتشتغل جغرافيا اولى ثانوى يبقى لازم تفرق على سبيل المثال اولى ثانوى اكبر مدينه مطرا رفح وفى الثانويه مدينه الاسكندريه وعلى كده ما تعدش !!!!!!!!!!!!!!!!!!!!!!!!!!

لا فى من دا كتير هيرتزل مات 1903
كاتبين مشروعه 1930
لو اتصحح و بقا 1903
اقولك ازاى و فلسطين اصلا اتحددت من 1905 يعنى بعد 1903 دا فى منهج التاريخ
المهندس صاحب مشروع 1974 شوية يقولوا اسموا اليشع كالى و شوية اليشع ليكى
و تكملة لحصة مصر و السودان
55.5 = 78 فى المائة
18.5 = 13 فى المائة
كدا الواحد فى المائة مش بيساوى الواحد فى المائة

ذكر الكتاب المدرسى فى بداية الفصل السادس أن شهور جريان النيل الأزرق من أكتوبر الى ديسمبر وتصل مياهه الى مصر يناير وفبراير
وهذا خطأ حيث أن أشهر الفيضان هى من يونيو الى سبتمبر ( الصيف) حسب الكتاب أيضا فى الفصل الثانى بينما أعتقد أن الجملة السابقة تخص المياه المختزنة فى النيل الأبيض وحدث خطأ كتابى
المششششششششششكلة أن كثير من المراجعات اعتمدت على الخطأ لأنه ذكر فى الكتاب المدرسى
أرجووووووووو التعليق

شكرا لجهدكم ... واتفق معكم كثيرا فى إنها كتاب عقيم

للأسف سبب الاخطاء هو ان الكتاب اتعمل قص ولصق من الكتاب القديم
الله يرحم الضمير

تحياتي للجميع

الكتاب فيه اخطاء كتير ومن الاخطاء انك تدرس محصول زى القطن واحنا اصلا من زمان بطلنا نزرع القطن والطلبه فى اولى تدرس جغرافية مصر بنسب وارقام وطالب تالته يدرس مصر بنسب وارقام مختلفه

انا اقولكم السبب
عن هذه الاخطاء ان مفيش ثواب وعقاب للاساتذه المسئولين عن كتب الوازه ولا يقدرون المسئوليه الملقاه على عاتقهم
كله سلق بيض ومفيش حاجه فارقه لان كله بيشوف الخطا ويسكت

الاخطاء التى تخص حصة مصر والسودان . هناك حوالى 10 مليار متر مكعب فاقد من التصرف السنوى الـ 84 مليار . ويكون الفاقد اما بالتبخر او التسرب او ان تذهب الى البحر المتوسط . وبالتالى هو ليس خطأ اما باقى الاخطاء فهى فى محلها
تحياتى للجميع

واحنا الطلبه نعمل ايه في الامتحان

ربنا يرحمنا ويغفر لنا