انا منذ حوالى اسبوع عملت الموضوع دا

السلام عليكم و رحمه الله و بركاته

انا طالبه دبلوم مهنى كليه التربيه جامعه المنصوره
مشتركه جديد فى هذا المنتدى راجيه من الله ثم منكم ان تساعدونى فى مشكلتى
دلوقتى الدكتوره طالبه رسائل ماجستير و دكتوراه من جامعه الزقازيق و انى اروح الزقازيق دى ازمه دلوقتى
و اصلا موضوع المظاهرات اللى بيحصل بيقلق الواحد

فا معلش محدش يعرف اى موقع اعرف اجيب منه رسائل فى فسم اصول تربيه عام 2012 جامعه الزقازيق


و دا كان الرد
ادخلى على موقع مكتبة الجامعات المصرية واضغطى على كلمة الرسائل العلمية ثم اختارى جامعة الزقازيق واكتبى فى خانة البحث كلمة التربية اواصول التربيه ستجدين الرسائل او ملخصات الرسائل بالتوفيق

هو الحل فعلا طلع رائع بس فيه مشكله كبيره اووووووووووووى
الرساله بتفتح لحد صفحه 14 و بس و دى فى حد ذاتها كارثه كبيره
و مش بترضى تتحمل
انا عاوزه الرسائل ضرورى اعمل ايه بقى ؟؟؟

طيب يا اختى الفاضلة هي الدكتورة طالبه ايه بالضبط الرسائل كاملة ولا اعتقد ذلك ام ملخص الرسائل ارجو منك ان تحددى طلبك حتى يمكننى مساعدتك وشكرا

طالبه الفصل الاول و المراجع

السلام عليكم ورحمة الله وبركاته فعلا لا تتيح صفحة المكتبات الا الصفحات 14 الاولى من الرسالة والتى تعد مقدمة وتمهيد بالاضافة لغلاف الرسالة هذا هو متاح من معظم الرسائل العلمية لان هناك رسائل لاتفتح اي شئ منها اما بخصوص كيف يمكنك الحصول على ما تريدين فذلك يكون عن طريق احد الاخوة الموجودين بالجامعة او الزملاء والزميلات ان وجدوا او من اي مركز نسخ رسائل او افراد نسخ رسائل وهم كثر ........... ولا شئ غير ذلك لو اردتى اي رسائل غير مصرية فهذا متاح بالمنتدى هنا ستجدي رابط لرسائل الجامعات السعودية كاملة

انا فعلا استسلمت و هروح الزقازيق يوم الخميس شخصيا

ربنا معانا و يستر يارب