لو سمحتم يا جماعة انا عندي صاحبي في مشكلة واتشرف ان انتوا تنصحوه. هو كان قصر في المذاكرة والمراجعة ودلوقتي هو مبيروحش دروس غير درس واحد وهيقعد الشهرين دول علي الكتب عشان يخلصها ان شاء الله وهو حلمه ان يدخل طب بس خايف ان ميجيبهاش وكمان خايف ميعرفش ينتظم في المذاكرة طول الشهرين فميخلصش المنهج بإتقان بس هو عنده عزيمة قوية بس للاسف شوية وبتختفي بمرور الايام وكمان هو عقله نضيف وبيفهم بسرعة ما شاء الله وبيعرف ينجز بسرعة جدا بس المشكلة في الاستمرار في المذاكرة طول الشهرين والافكار اللي بتقوله انه مهما عمل مش هيخلص ومش هيجيب طب . بصوا انا هقولكوا هو مذاكر اية وقولوا بامانة هل في امل ولا كده ضاع ..،.. الاحياء فاضل فيها فصل مش مذاكرة والجيولوجيا فاضل البيئة مش مذاكرها والكيميا فاضل فيها فصل الكهربية ونص الاتزان والفيزيا هو مذاكر تلتها بس والانجليزي تمام مخلص المنهج والفرنساوي مذاكر كلمات اول اربع دروس بس والعربي ده ضايع فيه هو النحو مظبطه وكان مذاكر نصين ودرسين قراءة وزمانه نسيهم . ياريت نصيحه منكوا ليه لان انا قاعد معاه دلوقتي وصراحه مش عارف اقوله ايه رغم ان انا شايف انه يقدر يخلص ويجيب طب ان شاء الله بس لو استمر في المذاكرة.

لو عزم الرجل ان يزيح جبل لازاحه
اهم حاجة التوكل على الله والعزيمة
وان شاء الله يخلص كل المواد باتقان

لو سمحتم يا جماعة انا عندي صاحبي في مشكلة واتشرف ان انتوا تنصحوه. هو كان قصر في المذاكرة والمراجعة ودلوقتي هو مبيروحش دروس غير درس واحد وهيقعد الشهرين دول علي الكتب عشان يخلصها ان شاء الله وهو حلمه ان يدخل طب بس خايف ان ميجيبهاش وكمان خايف ميعرفش ينتظم في المذاكرة طول الشهرين فميخلصش المنهج بإتقان بس هو عنده عزيمة قوية بس للاسف شوية وبتختفي بمرور الايام وكمان هو عقله نضيف وبيفهم بسرعة ما شاء الله وبيعرف ينجز بسرعة جدا بس المشكلة في الاستمرار في المذاكرة طول الشهرين والافكار اللي بتقوله انه مهما عمل مش هيخلص ومش هيجيب طب . بصوا انا هقولكوا هو مذاكر اية وقولوا بامانة هل في امل ولا كده ضاع ..،.. الاحياء فاضل فيها فصل مش مذاكرة والجيولوجيا فاضل البيئة مش مذاكرها والكيميا فاضل فيها فصل الكهربية ونص الاتزان والفيزيا هو مذاكر تلتها بس والانجليزي تمام مخلص المنهج والفرنساوي مذاكر كلمات اول اربع دروس بس والعربي ده ضايع فيه هو النحو مظبطه وكان مذاكر نصين ودرسين قراءة وزمانه نسيهم . ياريت نصيحه منكوا ليه لان انا قاعد معاه دلوقتي وصراحه مش عارف اقوله ايه رغم ان انا شايف انه يقدر يخلص ويجيب طب ان شاء الله بس لو استمر في المذاكرة.


اه طبعا يقدر يخلص الكلام ده كله ف الشهرين دول .. بس اهم حاجه انه يوازن بين المواد ياعنى ميهتمش بماده ع حساب ماده تانيه ..والاهم من ده انه يحاول يبدا يحل امتحانات السنين اللى فاتت ديه اهم حاجه ف الوقت ده :)

اه طبعا يقدر يخلص الكلام ده كله ف الشهرين دول .. بس اهم حاجه انه يوازن بين المواد ياعنى ميهتمش بماده ع حساب ماده تانيه ..والاهم من ده انه يحاول يبدا يحل امتحانات السنين اللى فاتت ديه اهم حاجه ف الوقت ده :)

جزاك الله خيرا .