مواضيع للنقاش ....ادخل ويللا نتناقش [الأرشيف] - بوابة الثانوية العامة المصرية

هنا الفقي

29-07-2008, 03:15 AM

بسم الله الرحمن الرحيم
الاخوه والاخوات الاعزاء الكرام
تحيه طيبه وبعداسمحوا لى ان اتقدم اليكم بهذه السلسله البناءه من مواضيع خطيره
وظواهر بدأت تغزو حياتنا وتسللت الينا فى عصرنا بصوره اصبحت مرعبه ويجب ان نأخذ مع انفسنا متسع حتى نناقشها ولانتركها تمر ونتكلم عليها فقط
سلسلتنا هى

هى سلسله من
المواضيع سنقوم باختيارها ونستعرضها معكم يوميا اواسبوعيا او حسب ماتوافقون عليه وهى مواضيع تمسنا جميعا وتمس حياتنا فلنجعلوها ساحه للحوار البناء الهادف حتى نستخرج كل ماهو مفيد منكم وبكم
هيا بنا اليوم نستعرض اول موضوع

موضوعنا اليوم موضوع يتعرض الى مشكله كبيره تواجه الكثير منا
انها مشكله فرضت نفسها على الجميع وخصوصا فى عصرنا هذا
انها مشكله الثقه
انه موضوع اخوانى واخواتى المحترمين جدير ان نناقشه ونستخرج منه كل مايفيدنا من تجارب مررنا بها
فهل انتم مستعدون للتواصل والنقاش والحوار الهادئ البناء
البدايه

هل أنتِ تثق بالآخرين؟
هذا السؤال توجهت به الى احد الاصدقاء فكان رده لى
انا

أشعر أن الثقه بين الناس أصبحت معدومه عند الأغلبيه .. فأغلب الناس أصبحوا لا يثقون بالآخرين أبدا فكل شخص يتقرب منهم يعتقدون انه يريد منهم ( مصلحه ) وأنه أتى ليستغلهم ويضحك عليهم وهذا مايحدث الآن أصبحت الثقه بين الناس شبه معدومه إن لم تكن معدومه أصلا !!!
ويستطرد قائلا
هذا من واقع تجربتي الشخصيه .. كنت اثق بالكثيرين لكن سرعان ماتبين لي أنهم يتواجدون معي بغرض المصلحه أو لهدف ما هذا مايجعلني غالبا لا أثق بالآخرين .
اخوانى واخواتى
الان هل انت مع او ضد ماقاله
وهل لك رأى اخر او تجربه تحكيها لنا

تحياتي للجميع .. وفي انتظار مشاركاتكم

عفوا .....ارجو التثبيت

beautyblotyboy

29-07-2008, 03:17 AM

هل أنتِ تثق بالآخرين؟
أحيانا و لكن غالبا لا

هنا الفقي

29-07-2008, 03:20 AM

هل أنتِ تثق بالآخرين؟
أحيانا و لكن غالبا لا

طيب وغالبا لا ليه .وكمان احيانا يعني نقدر نقول انك نادرا لما تثق ف حد ؟؟؟؟؟؟؟؟!!!

be_easy_diro

29-07-2008, 03:39 AM

بصي انا بمشي باحساسي و بعد كدة ساعات بيوقعني ف مشاكل كتيييييرة و ساعات بتكون الانسانة اللي اختارتها مصدر ثقة جامدة جدا ليا
(((((((بس انتي بتتكلمي عن الاصحاب اللي بختارهم و لا الناس عموما)))))))

هنا الفقي

29-07-2008, 03:54 AM

لا بتكلم على الناس عموما واكيد الاصحاب ول من ضمن الناس بردو

اوركيديا

29-07-2008, 03:57 AM

انا بعتبر مشكلتى انى بثق فى الناس بسرعه غريبه
يعنى ممكن اثق فى اى حد حتى لو معرفهوش
بس الحمد لله انا محصليش حاجه لغايه دلوقتى من اللى حوليا
بس بعتبرها مشكله من اللر بسمعه من الناس كل يوم
يعنى على طول مين طلعت بتكدب عليا
و مين ايه
يعنى الحكايه بقت فعلا منتشره
بس انا لسه محصليش حاجه و الحمد لله
فى رعايه الله

هنا الفقي

29-07-2008, 06:16 AM

بورسعيدى

29-07-2008, 06:23 AM

موضوع مهم جدا

ومحتاج رد تفصيلى

والساعة الان 7:10 ص

اوعدك ان شاء الله بكرة ادخل واحكى حاجات كتيرة

بالنسبة لموضوع التثبيت حضرتك شوفى الصفحة كده؟؟

هتلاقى الموضوعات المثبته اكتر من الموضوعات التانية

ومش معقول طبعا نخلى الصفحة كلها مثبته

انا شايف ان الموضوع مش محتاج تثبيت

عارفة ليه ؟؟؟

لانه موضوع مهم جدا وجميل جدا

وانا شايف انه دائما هايكون متصدر الصفحة الاولى بدون تثبيت

موعدنا غدا ان شاء الله

stop

29-07-2008, 07:18 AM

ana msh bsak fe al nas 2ly 7wlya awe bs brdo
bs aked fe nas mn aslbha mamken asak feham

طـفـلـة الامـس

29-07-2008, 07:18 AM

انا بصراحة مش عارفة اساسا انا بثق فى حد ولا لاة هو حاليا تقريبا الثقة عندى شبه معدومة .
وانا برده مشكلتى انى بثق فى اى حد اتعامل معاه شوية ولو لفترة قصيرة جدااااا بس مع اى موقف بسيط بفقد الثقة فيه
طبعا اكيد فى ناس تستحق الثقة والاحترام والتقدير وربنا ييسر لنا الطريق للوصول اليهم والسير معهم .
الله المستعان

beautyblotyboy

29-07-2008, 07:21 AM

والله الموضوع جميل

Travel

29-07-2008, 07:27 AM

للاسف
لالالالالالالالالالالالالالالالالالالالالا
ولو اعرف اكمل بيها الوضوع كنت كملت

فى حاجة جميلة اوى تختصر الموضوع ده
فيها
(علمتنى الحياة ان احترم عقول الاخرين..... لكن الااثق بهم)

دى تشرح كل حاجة
حتى لو وثقت فى حد دلوقت
بكرة الايام تثبتلى عكس كده
لان ده اللى بيحصل
كل شوية
كل يوم
كل لحظة

واحييكى على موضوعك
اللى فتحتيه للنقاش

هنا الفقي

29-07-2008, 09:34 AM

Boy of alex

29-07-2008, 09:38 AM

لو سمحت فى موضوعين بيقولوا اللى راحوا الكلية يقدم عمل ايه وكمان فى موضوع تانى لوحد زميل فى المنتدى بيسال عن حاجة فى التنسيق مش عارف مكتبلوه ايه هو وصحاب فى التنسيق .........طبعا محدش رد على ده ولا ده اما ايه لزمت الاعضاء اللى بيخشوا يتفرجوا وفين المشرفين الله اعلم

هنا الفقي

29-07-2008, 09:43 AM

ana msh bsak fe al nas 2ly 7wlya awe bs brdo
bs aked fe nas mn aslbha mamken asak feham

معنى كده انك مش بتثقي ف كل او خلينا نقول معظم اهلك واصحابك .طب ازاي :confused::confused::confused:

هنا الفقي

29-07-2008, 09:56 AM

Travel

29-07-2008, 10:50 AM

بس ده معناه ان اننا ما نثقش ف اي حد مهما احترمناه وبعدين فين حسن الظن وفين مجرد اخذ الحذر لان المسلم كيس فطن
اشكرك

ايوة يا هنا
انا خلاص
مش بقيت اثق فى حد خالص
حتى .....
بلاش
المهم
انا خلاص
كل ما اقول انى هلاقى اللى اثق فيه
بيروح كل حاجة
صدقينى
انا لسه معمول فيا حركة
عن الثقة
بس هقول ايه

كفاية كده
لحسن
هعيط

!!!دمعة حزن!!!

29-07-2008, 10:55 AM

انا بقى واحده من الناس (كنت) بثقى فاللى حواليا ثقه عمياء
واصحابى عاملوا فيا مقلب او زى ما تقولوا كدا (فيلم) عشان يعلمونى انى مثقش فى حد ابداااااااا
حتى هما مثقش فيهم واخد خزرى من كل الناس حتى اقرب الناس ليا

بس بجد اتعلم الدرس وقررت مثقش فى حد ابدا مهمه كنت قريبه ليه

the black rose

29-07-2008, 10:59 AM

يا هنا مش كل الناس تستحق ثقتك
فى ناس قليلة بس اللى تستحق
انا مش بثق فى حد ثقة عمياء
بس بيبقى فى اللى ممكن تسميه عشم
و بقول اللى لو حد عرفه مش هيفرق معايا كتير
عشان اصلا معنديش حاجة والحمدلله اخاف انها تتقال
بس بكون واخدة حذرى حتى لو واثقة فى الشخص اللى بعامله
و بس كل ده يرجع فى الاخر للبعد عن الدين
لو رجعنا لدينا اكيد هيبقى فى ثقة

هنا الفقي

29-07-2008, 11:06 AM

وغير العشم يا شيرين زي ما قلت ان بعض الظن اثم ..يعني يكون ظننا كويس وخلاص ونكون حذرين في نفس الوقت
يعني انا شايفة اني اتعامل مع اي حد مستريحالو كويس واريحو خالص كمان بس ما اكنش متوقعة انو ملاك وانو عمره ما هيعمل حاجة غلط اهو يكون في نوع من الثقة المتبادلة وان كانت بنسبة صغيرة بس المهم تكون موجوده

the black rose

29-07-2008, 11:10 AM

بندق__2007

29-07-2008, 02:08 PM

انا أولا بسجل إعجابى بالموضوع و بالمشكلة و بصاحبة الموضوع اللى دايما موضوعاتها متميزة

أما من ناحية الثقة فى الاخرين

فأقدر اجاوب بنعم

انا لسه بثق فى الاخرين

انتى عارفة يا هنا المشكلة فين ؟؟

المشكلة فى الطرف اللى الواحد بيثق فيه المشكلة فى الواحد اللى بيثق نفسه

لازم يختار كويس و بعناية البنى ادم اللى يثق فيه

و بعدين فى مثل فى الفلاحين عندنا بيقول

" ربنا بيدى كل واحد على قد نيته "

و بس

الله أعلم

29-07-2008, 07:06 PM

يا جماعة الدنيا فيها الحلو وفيها الوحش لازم نعمل حساب لكل واحد ونعمل حساب لكل واحد عشان نعرف نعيش بس نبقى عارفين مين بيحبنا بصدق ولا لأ(على رأى المثل أعرف صاحبك وعلم عليه)

هنا الفقي

29-07-2008, 10:12 PM

انا أولا بسجل إعجابى بالموضوع و بالمشكلة و بصاحبة الموضوع اللى دايما موضوعاتها متميزة
اشكرك جدا يا بندق
أما من ناحية الثقة فى الاخرين

فأقدر اجاوب بنعم

انا لسه بثق فى الاخرين

انتى عارفة يا هنا المشكلة فين ؟؟

المشكلة فى الطرف اللى الواحد بيثق فيه المشكلة فى الواحد اللى بيثق نفسه

لازم يختار كويس و بعناية البنى ادم اللى يثق فيه

و بعدين فى مثل فى الفلاحين عندنا بيقول

" ربنا بيدى كل واحد على قد نيته "

و بس

هل ده بيعني ان الواحد اللي بيثق ف نفسه بس هو اللي بيتملك القدرة على الثقة ف الاخرين

بندق__2007

30-07-2008, 12:42 AM

هل ده بيعني ان الواحد اللي بيثق ف نفسه بس هو اللي بيتملك القدرة على الثقة ف الاخرين

طبعا يا هنا و بكل تأكيد

بورسعيدى

30-07-2008, 01:37 AM

انا جيت فى الميعاد

شكرا على ردك الجميل

** طبعا الثقة مطلوبة ولا يمكن استمرار الحياة بدون ثقة فيمن حولنا
ولكن الحرص ايضا مطلوب
بس ازاى اعرف ان فلان محل ثقة وفلان مش محل ثقة؟؟

هنا بقا ييجى دور التجارب
للأسف مش ممكن نقدر نحكم إلا بالتجربة
وطالما بنجرب يبقا دى مجازفة ومغامرة لان ممكن التجرب تنجح او تفشل
يعنى ممكن بعد التجربة نكتشف ان فلان محل ثقة او مش محل ثقة فى اللحظة دى بتكون حالة مغامرة ومجازفة
علشان كده لازم لازم جدا ان نتأكد ممن نثق فيهم حتى ولو كانوا اناس قريبين منا جدا
ايه المانع انها تكون صديقتك وقريبتك ومع ذلك تطلع مش محل ثقة ؟؟
ايه المانع انه يكون صاحبك وقريبك وعشرة عمرك وتكتشف فى النهاية انه مش محل ثقة ؟؟
وايه المانع ان انسان غريب وبعيد ويكون امين جدا ومحل ثقة على اعلى مستوى
مافيش قاعده معينة نقدر نحكم بيها على البشر إلا التجربة والسؤال عنهم ممن يعرفونهم
بس احنا ممكن ناخد بالاسباب
ازاى ؟؟
يعنى مثلا بيكون فى شواهد مثل الطيبة - حسن الخلق - هدوء الطباع - رطب اللسان بذكر الله

وهكذا : يعنى مطلوب شوية اجتهاد علشان نقدر نوصل لاحسن نتيجة
انا كتير جدا وثقت فى ناس اقرب مايكونوا من قلبى وللأسف طلعت غلطان فى اختيارى
وايضا وثقت فى ناس بعيدين الى حد ما ومع ذلك طلعوا اد المسئولية واكبر منها كمان

وفى النهاية اقول لك هذا المثل البسيط

حرص ولا تخوُن

شكرا لك على هذا الموضوع الجيد

Queen_dona

30-07-2008, 02:18 AM

ازيك ياهنا

اولا الموضوع
لكن بالنسبه للثقه فهى بالتاكيد منعدمه خالص وهو ده الصح

Queen_dona

30-07-2008, 02:21 AM

ازيك ياهنا

اولا الموضوع حلو
لكن بالنسبه للثقه فهى بالتاكيد منعدمه خالص وهو ده الصح

هنا الفقي

30-07-2008, 02:39 AM

ازيك ياهنا

اولا الموضوع حلو
لكن بالنسبه للثقه فهى بالتاكيد منعدمه خالص وهو ده الصح

طبعا اشكرك لوجودك هنا بس انا مش معاكي خالص ف انها منعدمة ونفسي افهم ايه وجهه نظرك ف كده

هنا الفقي

30-07-2008, 02:41 AM

pureheart

30-07-2008, 02:49 AM

انا شايفة ان موضوع الثقة بالغير هو اساس اى تعامل بين الناس
يعنى لازم يبقى فيه ثقة متبادلة بين الاشخاص
بس الثقة دية مندهاش لاى حد لازم الاول نتاكد من صدقه معنا
بعدين على حسب الثقة يعنى امور عامة ام خاصة
و شكراً ليكى على الموضوع يا هنا

هنا الفقي

30-07-2008, 12:06 PM

thechampion

31-07-2008, 12:34 AM

الموضوع رائع طب ايه رايكم نتكلنم عن حكم البراءة لمغرقى العبارة
ايه رايكم

sun rays 2010

31-07-2008, 12:46 AM

موضوع الثقه ف الناس بيجي عندي بالاحساس اذا كانوا موضع ثقة ولا لأ وعلى أى حال انا مش بادى فرصه لحد انه يستندل معايا مش بيقلك نار الكتمان ولا جنة الفضفضة .... فى نظريه بتقول ان كل انسان بيخرج منه شعاع بيعبر عن شخصيته انا بقى بامشي تبع الشعاع ده ....

sun rays 2010

31-07-2008, 12:57 AM

اما بقى يا نانو ف موضوع براءة جزارين السلام بيزود عندي الاحساس بإن دمنا بلاش ... و زى ما علقت ف موضوعي ...دي مش أول حادثه لعباره من عبارات السلام ...في السلام 98 ,97 وفخر السلام 95

هنا الفقي

01-08-2008, 02:04 AM

رايك جميل يا kalabalaواشكرك على مرورك وابداء رايك

اما بالنسبة لنانو فاشكرك جدا على اهتمامك بموضوع العبارة وانا معامك في فتح النقاش حول الموضوع ده ولكن اعتقد اننا لو فتحناه ف قسم القضية العربية هايكون مناسب اكتر .اشكرك

هنا الفقي

01-08-2008, 02:07 AM

يعني ف النهاية ممكن اقول بالنسبة للثقة
ان أثق في كل الناس وأحترمهم
إلى أن يثبت العكس
يعني حسن النية دايما موجود

اشكركم ............نشووووووووووف بقى ممكن يكون نقاشنا الجاي عن اييييييييييييييييييييييييييييييييييييه ؟؟؟؟؟؟؟؟؟؟!!!!!!!!!!

هنا الفقي

01-08-2008, 02:23 AM

ايه رايكم لو فتحنا نقاش تاني

عن شيء تفشى في مجتمعنا ...................

الموضوع هذه المرة

.....................

.................................................. ......................

.......................

عن ....

الواسطة

كم انكسرت قلوب بسببها وكم ابتسمت قلوب من ورائها ..
ام هي الطريق الكاذب الى أخذ مكانة في المجتمع ؟ انعتبرها محطمة آمال ام هي بانيت آحلام ..
كم اقفل هاتف هروب منها وكم سعى ورائها باحث لبناء علاقاته
ومصالحه
اخوتي الاعزاء :
ماهو رأيك الشخصي في الواسطه ؟؟
وان كان باستطاعتك محوها هل تفعل ؟؟
هل يمكن ان تلجأ اليها عند الحاجه ؟؟
بانتظار مشاركاتكم اتمنى لكم التوفيق
تحيه طيبه للجميع

طـفـلـة الامـس

01-08-2008, 02:26 AM

موضوع الواسطة ده هو اللى ساير فى مجتمعاتنا اليوم
عشان تعملى مصلحة لازم يكون لكى حد تعرفيه يخلصهالك
واللى ماعندوش يروح يلعب بعيد
ما يخلصش اللى وراه وحياته تتعطل

biob

01-08-2008, 03:10 AM

طبعا فيه ناس بثق فيها من غير مصلحه ولا حاجه
بس الحرص واجب برضه
مش كل واحد اقابلها اسلمله دأنى

biob

01-08-2008, 03:15 AM

انامش هقدر امنع الواسطه او اشيلها لان ده نظام عالمى ويمكن من قبل الفراعنه كمان
وبالذات فى البلد دى
الللى يعرف ياخد حاجه بالواسطه يدخلها
انا الحمد لله مش محتاج واسطه فى حاجه ويارب ما تذلنى واحتاج

هنا الفقي

01-08-2008, 03:32 AM

هنا الفقي

01-08-2008, 09:36 AM

فين الناس محدش بيقول: رايه ليه

biob

01-08-2008, 02:55 PM

ههههههههههههههههه
ما تعمليش انتى المشاوير الحكوميه علشانما يجيلكيش الضغط

صوت الحق

03-08-2008, 01:35 PM

بسم الله الرحمن الرحيم
الحمد لله رب العالمين
والصلاة والسلام على أشرف المرسلين
سيدنا محمد وعلى أهله وصحبه أجمعين
دعوة عامة للنقاش الحر الهادف فيما بيننا سوف نفتح جميع الملفات ولا توجد ملفات خاصة أو خطوط عامة بل جميع القضايا مطروحة للنقاش لكى تتضح الصورة أما أعيننا لكى نرى الطريق الصحيح الذى نسير فيه أو نهدى فرد ضل الطريق بفكر خاطئ نمد له يد العون لكى ينضم إلينا الى الجماعة ويشترط عليك آخى الفاضل إذا أردت الاشتراك معنا أن تحترم الرائ الأخر مهما كان خالف رائيك وأن نخرج من الموضوع أخوه كما دخلنا الموضوع....
شروط الاشتراط فى دائرة الحوار
1: أن تحترم الآداب العامة ويكون ردك لا تخجل أنت من قراءته
2: الرد يكون فى صلب الموضوع فقط ولا يتطرق إلى أى موضوع جانبى
3:أى رد خارج الموضوع سوف يحذف مهما كان اسم صاحب الرد
4:لك الحرية المطلقة فى الرد والتعبير عن رائيك بكل صراحة وكلام واقعى ملموس وبعيد عن الشعارات
وسوف نفتح كل القضايا الدينية والاقتصادية والسياسية والاجتماعية كل شيء فى دائرة الحوار الحر من بوابة الثانوية العامة ....
على بركة الله

صوت الحق

03-08-2008, 01:36 PM

نبدأ أول الملفات وهى قضية البطالة؟
إن البطالة هى الأساس الأول فى جميع المشاكل التى نعيشها الآن فكيف نفكر فى التغلب عليها ويكون التفكير والرد بأسلوب عملى وواقعى بحث يمثل الشريحة الكبرى للمجتمع وهو الفقراء ليس معهم 30000 ج أو أكثر لكى يقدم الى ابنه فى الحربية أو يدفعها للحصول على وظيفة أو يسافر الى ايطاليا والدى رجل فقير لا يمتلك الى المرتب فقط كيف اساعدة فى الحياة اليومية وكيف اخطط لمستقبلى وهذا السؤال لمن أنهى الدراسة ولمن فى الدراسة الآن يعنى للجميع ولا يقتصر على جنس دون الأخر الكل سواء
السؤال الذى يطرح نفسه هو
ماذا تريد من هذه الدنيا وكيف تحقق ما تريد ؟
كيف توفر لنفسك فرصة عمل لكى تتغلب على الفراغ القاتل هذه الأيام؟
كيف تقضى يومك الحالى وكيف تغيره الى الأفضل ؟
لا أريد كلمات شكر على الموضوع بل أريد نقاش للموضوع
أجب على الأسئلة المطروحة وضع أسئلة من عندك فى نفس الاطار وسوف نتولى الإجابات معا كلنا بالا استثناء
هذه القضية مستمرة لمدة اسبوع وبعده ا نفتح قضية احرى

dr.saeed

03-08-2008, 01:38 PM

اسف لقولى
اننا لما نيجى نعمل موضوع زى دة
بنبدا نقصر الركن العام على موضوع واحد
ثانيا
من اليسير جدا اننا نتطرق لموضوعات سبق التكلم فيها باستفاضة
ومن ثم
سوف تكون (مشاركات) وليس (موضوع)
ولكنها مكررة

هذا رأيى المتواضع

والى حضراتكم عاوزينه اعملوه لانى زى ماطلبت من حضرتك على الخاص فأنا متمسك بطلبى

والموضوع هنا صراحة بيشبه الى حد كبير جدا هذا الموضوع

http://www.thanwya.com/vb/showthread.php?t=59448

بس طبعا لو اتخذت اى اجراء هايحصل مشاكل انا فى غنى عنها

فى امان الله

هنا الفقي

03-08-2008, 01:38 PM

ههههههههههههههههه
ما تعمليش انتى المشاوير الحكوميه علشانما يجيلكيش الضغط

ضغط ايه بقى ما خلاص ..يسري الجمل قام بالواجب ما بقتش فارقة

بندق__2007

03-08-2008, 01:48 PM

طيب وايه الحل لموضوع الواسطة ده ؟نخضع ونسلم ونرشي ونرتشي وخلاص عشان ده نظام البلد ؟؟؟؟؟؟؟؟؟؟؟؟؟!!!!!!!!!

انا ما عرفتش انها عاده غير قريب
كنت بخلص شوية ورق لاخويا من مصلحة حكومية معفنة كده
وبعدين قالولي طيب انتي بنت مين هنا .......قلتلهم ...قالولي طيب بصي الورق ده مش هايخلص غير بعد اسبوعين او هايتركن وممكن يتنسي ..روحي دلوقتي وقولي لبابا كده
طبعا بما اني ماعرفش انهم ناس زبالة روحت وقلت الكلمتين دول لاخويا ........وعلى طول قالي
انتي هاتستهبلي معنى الكلمتين دول هاتي ال100 جنيه ونخلصهولك امال انا مديكي الفلوس دي ليه
..............

تخيلو .............!!!!!!!!!!!!!!!!!!!!

يا سلام عليكى يا هنا

انتى اللى غلطانة طبعا

و تسيبيه ليه لما يقولك كدة
انتى تدخلى و فى ايدك اليمين الورق و فى ايدك الشمال الظرف
تحطى الورق على المكتب باليمين و تشدى الدرج و تحطى الظرف فيه بالشمال
الورق يتمضى و زى الفل

عرفتى انك غلطانة ؟!!!

الأستاذة أم معتصم

03-08-2008, 03:42 PM

الموضوع رائع وانا موافقة جدا عليه

واذا كان متشابه مع الموضوع الذى كتبته العضوة هنا

ممكن يتم دمج الموضوعين

انا فى انتظار المناقشات الفعالة

صوت الحق

03-08-2008, 04:01 PM

الموضوع رائع وانا موافقة جدا عليه

واذا كان متشابه مع الموضوع الذى كتبته العضوة هنا

ممكن يتم دمج الموضوعين

انا فى انتظار المناقشات الفعالة
أؤيد هذا الكلام يوجد موضوع يشابه هذا الموضوع شوف شغلك اخى الفاضل وادمج الموضوعان ويكون الاصل باسم العضو الاقدم فى عمل الموضوع ولا تنظر الى اسم صاحب الموضوع الجديد ولا توجد اى مشاكل
وانا لن ادمجها لكى يراها كل الاعضاء
اعمل كل ما هو فى الصالح للمنتدى والقسم وانا باذن الله سوف اؤيدك طالما لا تخالف الاصول

Travel

03-08-2008, 04:14 PM

الملفات اللى حضرت هتفتحها
رائعة
ومهما كانت قديمة او جديدة او سبق
التكلم فيها
فهى قضية من اخطر القضايا اللى نواجها حاليا
ياريييت فهلا نتكلم فيها
وكويس جدا ان تم دمج الموضوع

متى سيبدا النقاش؟

dr.saeed

03-08-2008, 04:25 PM

أؤيد هذا الكلام يوجد موضوع يشابه هذا الموضوع شوف شغلك اخى الفاضل وادمج الموضوعان ويكون الاصل باسم العضو الاقدم فى عمل الموضوع ولا تنظر الى اسم صاحب الموضوع الجديد ولا توجد اى مشاكل
وانا لن ادمجها لكى يراها كل الاعضاء
اعمل كل ما هو فى الصالح للمنتدى والقسم وانا باذن الله سوف اؤيدك طالما لا تخالف الاصول
كويس انى شفت حاجة كويسة قبل ما افلسع
شكرا جزيلا للاستاذ عصام
فى امان الله

صوت الحق

03-08-2008, 04:30 PM

طبيب عالمى قادم

04-08-2008, 10:41 AM

قال الفيلسوف ديكارت من الحكمة الا نطمئن كل الاطمئنان امن خدعونا ولو مرة واحدة

العمر

04-08-2008, 10:54 AM

أنا مع رأى هذا الحكيم...
لان لا يلدغ المؤمن من جحر مرتين...
عموووررر......

هنا الفقي

04-08-2008, 10:42 PM

اوك اشكر طبعا استاذي العظيم صوت الحق ..........
بس لانم النقاش في الموضوع اللي كان مطروح لم يستكمل وتم فتح نقاش جديد
اتمنى بعد كده نطرح عدة افكار لنتناقش فيها ويكون زي استفتاء ونختار موضوع ننقاشه
...

هنا الفقي

04-08-2008, 10:50 PM

اما بالنسبة للنقاش المطروح حاليا
فلاني غير مطالبة بالاجابة على هذه الاسئلة لاني لم انهي دراستي بعد

فاسمحولي اضيف بعض الاسئلة والاقتراحات

عشان ما تكنش عاطل ممكن تشتغل ف اي مجال ولا لازم مجالك وياريت تدينا السبب ويكون مقنع ؟

وهل الطريقة التي تربيت عليها كان لها اثر ف اختيارك لنوع عملك او او تحديد مسارك ف الحياة بشكل عام ؟

هل انت ممن يضعون لانفسهم خطة واضحة ومكتوبة وذات ابعاد بارزة وبدائل تتيح لك التحرك بحرية وبدون قيود بين افراد مجتمعك ؟

هل تشعر ان تقصير الحكومات له دور في ان تكون انسان عاطل او سلبي ؟؟؟؟؟؟؟؟

....................شكرا

هنا الفقي

08-08-2008, 09:51 PM

فين الناس ده نقاش وف اكتر من موضوع يعني المفروض ما ينتهيش بالسهولة دي ولا ايه يا اخواننا ؟؟؟؟؟؟؟!!!!!!!!!!!!!!!!!!!!!!!!!!

هنا الفقي

09-08-2008, 05:04 AM

rora_rora

13-08-2008, 12:19 AM

هو فعلا اللى انا اتعلمته من الحياة انى ممنحش ثقتى الكاملة لحد و رغم كده بمنحها مش بقدر أعيش من غير كده بحب يكون حواليا ناس بثق بيهم ناس يقفوا جنبى لما احتاج لهم و اقف جنبهم لما يحتاجولى و تقدوا تقولوا انى بشتغل بالإحساس اللى أحس انه أهل للثقة بثق فيه بس بعد معرفة أقلها سنة انا عارفة انها فترة قليلة بس هو ده اللى حصل

Prof.Dr/A.T.M

13-08-2008, 01:08 AM

صعب جدا انى اثق بحد لدرجة كبيرة
انا حاسة انى مش واثقة فى اى حد حتى نفسى
بقيت بفكر مليون مرة قبل ما امنح حد ثقة بسيطة جدا

منتهى

13-08-2008, 01:38 AM

ا الثقة اجمل ما في الكون ولولاها منقدرش نواجة الحياة وصعابها ومشكلها الي مبتخلصش واكيد كل واحد فينا لو طال بيه الزمن هيجي يوم يحتاج يحكي فية لحد او يستشير حد واكيد الحد دة هو الانسان الي بيثق فيه ......
بس لان الثقة زي ما قولت اجمل ما في الكون وكمان عشان لو انجرحنا من انسان بنثق فيه اوي هيبقه الجرح كبير اوي وصعب ..يبقى لازم نحذر اوي ومنستعجلش واحنى بندور على اللي هيكون موضع ثقتنا..
يعني باختصار بثق ايوة بس مش في كل الناس كفاية صديقة تسمعني وتفهمني:d:d

هنا الفقي

13-08-2008, 08:23 PM

هنا الفقي

13-08-2008, 08:26 PM

صعب جدا انى اثق بحد لدرجة كبيرة
انا حاسة انى مش واثقة فى اى حد حتى نفسى
بقيت بفكر مليون مرة قبل ما امنح حد ثقة بسيطة جدا

اوك بس ممكن نعتبر مثلا ان ده عن تجربة مريتي بيها او تعرضتي للخيانة اكتر من مرة ؟؟؟؟؟؟؟؟؟!:confused::confused::confused:

هنا الفقي

13-08-2008, 08:29 PM

جمال البلتاجي

01-08-2010, 09:32 AM

انا اغلب مشاكلي كلها من انني صادق وكل ما اقول هاكذب وهاراوغ مثل الباقي ضميري لا يسمح لي اية العمل مش عارف؟ حد يقوللي اعمل اية

جمال البلتاجي

01-08-2010, 10:02 AM

انا مشكلتي بل كل مشاكلي من انني صادق مع كل زملائي وكل ما اقول اكذب واراوغ مثل ما يفعلون ضميري لا يسمح ايه الحل مش عارف

نقاء الروح

01-08-2010, 10:09 AM

" و من يتق الله يجعل له مخرجا "

حضرتك تتقي الله في اقوالك وافعالك ..

فالله سييسر لك امرك ولو بعد حين ..

و في نظري هي ليست مشكلة في حد ذاتها ..

لان الصدق هو اساس اي علاقة لا الكذب

و لكن الاحوال العامة في بلادنا هي من قلبت الموازين

وحولت الحق باطلا و الباطل حقا ..

و ثمَّ اصبح صدقك مشكلة ..