مشاهدة النسخة كاملة : الافتاء: الدورس الخصوصية ( حرام شرعا)


MR.Mamdouh Ramadan
21-04-2014, 11:22 PM
اكدت أمانة الفتوي بدار الإفتاء إن الدروس الخصوصية نوعان الاول دروس خصوصية يقوم بها مجموعة من المحترفين وأصبحت مرضا في حياتنا إضافة إلى آثارها السلبية على العملية التعليمية برمتها الأساتذة والطلاب ولها أيضا آثارها النفسية والاجتماعية السيئة، حيث تحط من جلال المعلم في نظر تلاميذه وتحطم قيم الاحترام والقناعة وفضل العلم وتعليمه وتعظيمه في صدور الطلاب، وهو ما قدره ولي الأمر وأصدر نصوصا قانونية حاظرة على المنتسبين إلى المؤسسات التعليمية في جميع مراحلها إعطاء الدروس الخصوصية، وطاعة ولي الأمر في هذا المنع واجبه ويحرم مخالفتها فيحرم إعطاء تلك الدروس
اوضحت أما الثاني مجموعة تقوية تقوم بها الجهات العلمية عامة وخاصة ويحدد لها مقابل مادي يدخل في إمكانات غالبية الطلاب وهذه جائزة ولا شيء فيها ويلحقها الدروس التي تقوم بها الجمعيات الخيرية".
جاء ذلك ردا علي سؤال حول ..ما الحكم الشرعي للدروس الخصوصية؟

بنت الأزهـر
21-04-2014, 11:30 PM
شيء غريب فعلا!

لا دروس ولا سفر ولا مرتب طيب يعني المدرس يولع في نفسه؟

ربنا يهديهم

بغض النظر عن ارتفاع اسعار بعض دروس الثانوية العامة بس دا له سبب ولو لم يوجد الاقبال لما تعالت الاسعار

واظن كل واحد حر يبعت اولاده عند اي مدرس

رعد المصرى
22-04-2014, 12:25 AM
طاب وعيادات الاطباء اللى ماليه البلد دى حلال برضوا والا ايه ..ما دى بتمص فلوس الناس وكل واحد ماشى بمزاجه.

eslam6zakry
22-04-2014, 12:41 AM
هههههههههه

محمد عبدالحق محمد
22-04-2014, 06:11 AM
(حيث تحط من جلال المعلم في نظر تلاميذه ) أعتقد اللى حط من جلال المعلم القائمين أنفسهم على العملية التعليمية فى مصر, حيث أنهم منحوا المدرس أدنى المرتبات والتى لاتفى باحتياجاته ,وفروا للمدرسين احتياجاتهم ومتطلباتهم ثم حرموا عليهم دروسهم الخصوصية.

نينو رودي
22-04-2014, 01:06 PM
من البلايا ما يضحك

نينو رودي
22-04-2014, 01:10 PM
طب أنا حصتي ب 5 جنيه وعندي إقبال من الطلاب لو منعت الدروس هيتعلموا ازاي
يا حضرات هو الطالب لو مستفيد من شرح المعهد هييجي عندي ليه
أجيبوا يا أولي الألباب

محمدومعاذ
22-04-2014, 01:30 PM
وهو التفاوت الرهيب فى المرتبات اللى بيه المدرس يتقاضى اقل راتب فى الدولة ده مش (حرام ) ومش ( بيحط من جلال المعلم ) .....اتقوا الله ... حتى دار الافتاء بقيت بتفتى على مزاج الدولة ... وتتكلم فى امور معينة وامور تانية ممنوع تخوض فيها

محمد عاطف 22
22-04-2014, 01:37 PM
....لاتعليق.....

البروفسير اسامة قمبرة
22-04-2014, 02:24 PM
استمعوا جيدا الى مايقوله المتفوقين كل عام عندما يساءلون عن من قدم لهم يد المعاونه ويستعلمون ما فائدة الدروس التى تحرمونها جزافا وبدون دليل الدروس هى التى تساعد الطلاب الان فى زمن غاب فيه دور المدرسة نظرا لما يحدث لا حول ولا قوة الا بالله يريدون ان يخربوا التعليم بجميع جهات باسم الحرام والحلال تارة وباسم القانون تارة اخرى

sayed ebrahim
22-04-2014, 05:08 PM
....لاتعليق.....
....لاتعليق.....

sayed ebrahim
22-04-2014, 05:12 PM
....لاتعليق.....


عندنا مدرس ربنا بلانا بيه وبالجودة وتسبب في ضياع الوقت علي الطالبات وأصبح إقبال الطالبات علي الدرس الخصوصي أكثر من الأول بسبب تضييع الوقت في أعمال الجودة والتفاهة التي بلانا بها الأزهر والأستاذ التافه . المهم ان الجودة كانت السبب في زيادة الدروس الخصوصية وليس الحد منها . ونعم التفاهة والتعليم . لك الله يا مصر .

محمد المت
22-04-2014, 06:57 PM
الدرس حرام والكشف 250جينة فى المنصورة عند استاذة الجامعة فى العيادات الخاصة بعد الحجز مسبقاوبدون اعادة حلال!!!!!!!!

نوجا على
22-04-2014, 09:15 PM
انا فى رأيى طالما المدرس يشرح فى الفصل ويرضى ضميره ولايغصب احدالطلاب على اخذ درس عنده فلامانع من اعطاء الدروس

أ/مصطفى محمود
22-04-2014, 10:25 PM
انا فى رأيى طالما المدرس يشرح فى الفصل ويرضى ضميره ولايغصب احدالطلاب على اخذ درس عنده فلامانع من اعطاء الدروس
هذا أجمل رد

الفيلسوف
22-04-2014, 10:45 PM
المفروض على كل موظف سواء مدرس أو غيره أن يؤدى دوره فى مؤسسته على أكمل وجه ويراعى ربنا
أما قصة الدروس فهذا لا مانع منه طالما لا أجبر أحد عليها فهذا حقى
مع ملاحظة أنى فى هذه الحالة قمت بدورى كمدرس ولم تقم الحكومة بدورها فى رعايتى كمواطن له حقوق

بيبونينو
22-04-2014, 11:10 PM
انا فى رأيى طالما المدرس يشرح فى الفصل ويرضى ضميره ولايغصب احدالطلاب على اخذ درس عنده فلامانع من اعطاء الدروس

ونعم الرأى والله الواحد مش عارف ايه المطلوب من المدرس اليومين دول . جدول 24 حصه و انتدابات و شحططه بين المعاهد و البلاد و مرتبات لا تثمن ولا تغنى من جوع و كمان منع الاجازات الخاصه . وفى الآخر الدروس الخصوصيه حرام . لو المدرس عنده اللى يكفيه ، ايه اللى يجبره على الدروس ووجع الدماغ . بجد لنا الله نحن المدرسين .

الفياض
22-04-2014, 11:51 PM
الدكتور يصحي من النوم ما يرحش المستشفي ولو راح يروح علشان يحول المرضي علي العيادة الخاصة والكشف ب ........ حدث ولا حرج هو ده كمان ماهوش حراااااااااااااااااااااااااااااااااااااااااااام

الفيلسوف
23-04-2014, 12:17 AM
يا ترى بعد ضراب الدكاترة لمدة شهرين قبضوا مرتباتهم ؟؟؟؟ ولا دى مرتبات حلال

روهانى
23-04-2014, 03:49 AM
الدروس سوف تستمر رغم انف الفتوى المصلحجية واخبطوا رأسكم فى الحيط .... العبوا غيرها!!!!!!

ياسر محمد المقدم
23-04-2014, 07:28 AM
يا دار الافتاء يامن تقولى لنا ان الدروس الخصوصية حرام
،أليس حراماً أن يتقاضى موظف فى الدولة مرتب 100 ألف جنيه فى الشهر
فى حين ان مرتب المعلم ألف جنيه،
واللى مش مصدق ان فى موظفين فى مصر بيقبضوا المرتبات الكبيرة دى اقول له انت لسه نايم وما صحيتشى
يا دار الافتاء اليس حراماً ان تظهر مرأة على شاشات التليفزيون لترقص أمام الرجال
وأكثر من نصف جسمها عارى باسم الفن والمثيل ،لماذا تخرس ألسنتكم عن مهاجمة الممثلات والراقصات
،ولا تترك المدرسين فى مصيبتهم

عبدالرازق العربى
23-04-2014, 07:51 AM
فعلا زمن الرويبضة

محمد محمود بدر
23-04-2014, 09:05 AM
جزيل الشكر والتقدير لحضرتك
واضح ان الحوكمة ومن بيده الامر فى واد وباقى الشعب فى واد آخر
جزاك الله خيرا وبارك الله فيك

فاروق ابوعيانه
23-04-2014, 09:49 AM
فعلا
شر البلية ما يضحك

كتائب الشهداء
23-04-2014, 08:06 PM
ياريت نسمع فتوى عن تحريم أفلام السبكى والفيديو كليبات اللى دمرت الشباب

أ/ سعيد موسى
23-04-2014, 08:54 PM
سالت احد المتخصصين فى هذه الفتوى كان رده
اذا اهمل المدرس فى شرحه لكى يعطى دروسا فى هذه الحاله حرام شرعا
اما اذا ادى المدرس دوره على اكمل وجه وجاءه بعض اولياء الامور لمساعده اولادهم لتفاوت مستواهم التحصيلى
فى هذه الحاله يجوز ذلك وكرر كلمه يجوز
فسالته عن السبب ؟؟ قال ان راتب المدرس لايكفيه بالقطع على العيشه الكريمه
ومن هنا قلت يجوز ذلك
اما اذا كان راتب المدرس يكفيه فى هذه الحاله تكون الدروس حراما فى كل الاحوال
والله اعلم

الشوكاني
23-04-2014, 09:28 PM
يا دار الافتاء يامن تقولى لنا ان الدروس الخصوصية حرام
،أليس حراماً أن يتقاضى موظف فى الدولة مرتب 100 ألف جنيه فى الشهر
فى حين ان مرتب المعلم ألف جنيه،
واللى مش مصدق ان فى موظفين فى مصر بيقبضوا المرتبات الكبيرة دى اقول له انت لسه نايم وما صحيتشى
يا دار الافتاء اليس حراماً ان تظهر مرأة على شاشات التليفزيون لترقص أمام الرجال
وأكثر من نصف جسمها عارى باسم الفن والمثيل ،لماذا تخرس ألسنتكم عن مهاجمة الممثلات والراقصات
،ولا تترك المدرسين فى مصيبتهم

أنت طيب ياأستاذ سوهاجي ، هناك من يتقاضون مليونا وأكثر

2000 شخص يستولون على أكثر من 25% من مجموع الدخل القومي

aposlama2011
23-04-2014, 10:09 PM
جزاك الله خيرا