مساء الخير، انا فى 2 كلية تجارة جامعة طنطا ونظرا لتغيير محل السكن المفاجئ مضطر احول جامعة القاهرة وبصراحة انا مبسوط لان نفسي شهادتي تكون من جامعة القاهرة وهشرح بإيجاز موقفي:
فى ثانوية عامة جبت 90%
فى سنة اولى تجارة ( جامعة طنطا طبعا) كان تقديري جيد
الترم الاول فى تانية جيد جدا
ايه هي احتمالات انهم يقبلوا طلب التحويل بتاعي بعد ما اخلص تانية وبيكون ازاى واهم من دا كله وركزوا معايا من فضلكم
1- ازاى هيتحسب تقديري ؟ والتقديرات السابقة دي هيكون موقفها ايه
2-سمعت انى عشان احول لازم اشيل مواد من الكلية الجديدة -مش القديمة- وممكن اشيل نفس المواد اللى درستها نظرا لاختلاف اسم المواد من جامعة طنطا لجامعة القاهرة!
فعاوز اعرف هشيل كام مادة لان لو شلت مادة واحدة حتى هتقلقنى جدا لاني نفس احافظ ع التقدير والمواد اللى سمعت اني هشيلها اثناء التحويل هتصعب الموضوع جدا
شكرا مقدما

الكلام عن شيل المواد صحيح وهتشيل حوالى مادتين فقط
مع العلم ان لو تخصصت فى ثالثة زى جامعة حلوان مثلا يمنع التحويل بتاتا
بعد سنة تانية
التقدير يحسب على حساب موادك الجديدة مع القاهرة
اما السنة او الاتنين مع الجامعة القديمة فيتم حذف المواد اللى تزيد عن مواد القاهرة يعنى لو طنطا زى حلوان 8مواد نشيل الثلاث مواد اللى على الوش وهكذا
وموضوع النقل عموما موضوع خاص لكل حامعة على حدة انصح بالسوال فى شوئن الطلبة بالتوفق