ولا عجب ؟ كلمات نادر الأسيوطي
مين اللي مدبوح م الألم؟
اللي ظلم؟ ولا اللي اتظلم؟
سؤال ومخلوق للعدم
ولا عجب
ما كان زمان اللي يصوم
في رجب
يقولو دا عمل العجب
فما بال ذنوب زي الجبال
تفوق المحال
تمر في عقل الرجال
ولا عجب
السر فين ؟ حد اشتغل؟
حد يقولي عل السبب
السر في قلب الحدث
واللي حدث
يفوق معايير الأدب
ولا عجب
السر في القلب الحجر
جوه البشر
ملايين معاني بتتكسر
لأهون سبب
ولا عجب
الظلم جوه قلوبنا خوف
ملفوف بزيف
من جوه طوف
دستور علينا وانكتب
ولا عجب
تقوللي مين اللي اتظلم؟
اقولك اللي ف يوم حلم
انه وحبايبه يندفن
بعد الجنازة والكفن
ف قلب الوطن
ويا للعجب
تقوللي مين اللي ظلم؟
اقولك قلب وطاله العفن
وعقل للمغلوط ركن
لجل ما ينجي بالبدن
لجل رغيف
او حتي حبه م الدهب
ولا عجب
كلمات نادر الأسيوطي

شكرآ جزيلا على الموضوع الرائع و المميز

واصل تالقك معنا فى المنتدى

بارك الله فيك أخى ...

ننتظر منك الكثير من خلال إبداعاتك المميزة

لك منـــــــ إجمل تحية ــــــــــى