احضنوا الحاجة بضمير

https://fbcdn-profile-a.akamaihd.net/hprofile-ak-frc3/t1.0-1/c5.17.64.64/s32x32/1098367_505804752834167_1368628848_t.jpg (https://www.facebook.com/Mostfa.Ibrahim/posts/636233719791269)مصطفى إبراهيم (https://www.facebook.com/Mostfa.Ibrahim/posts/636233719791269?fref=nf)

لو بس كنت ساعتها عارف ان دي المرة الاخيرة.... مية مية ‫#‏كات_هتفرق_ف_الوداع‬ (https://www.facebook.com/hashtag/%D9%83%D8%A7%D8%AA_%D9%87%D8%AA%D9%81%D8%B1%D9%82_ %D9%81_%D8%A7%D9%84%D9%88%D8%AF%D8%A7%D8%B9?source =feed_text&story_id=636233719791269)
كنت هحضن سندس اللي ف تانية تالت ع المشاع... واحنا طالعين م اللجان بعد آخر امتحان
واسألها لو بتشوف فلان ... طب فاهمة مادة ميس إيمان؟
طب ينفع ابقى اجيلكوا عادي ؟... قصدي يعني البيت يساع ؟
لو بس كنت ساعتها عارف ان دي المرة الاخيرة.... مية مية كات هتفرق فالوداع
كنت يومها اكيد هبيت عند جدي ف شقته ... نلعب ورق ...نسهر سوا
ومش هاسيبه عشان ينام ليلتها من بعد الدوا
او يرد الشيش عشان ضهره بيتعب م الهوا
واقوله يعني بزمتك اخر نفس ساقع اخدته ف صحتك
بقى مايسويش حبة وجع ؟ ... بطّل دلع..
جدي اللي مات دفيان ليلتها باللحاف....
لو كان عرف ان الليلة دي وداع لأنفاس الهوا
ماكانش رد الشيش في آخر ليله له
وماكانش خاف...
كل الشوارع والمباني اللي مش هدخلها تاني...
والأغاني اللي لما سمعتها.. دندنتها من مرة واحدة م السماع...
مية مية كانت هتفرق فالوداع
يا كل حاجة كسبتها او سيبتها
ومالحقتش اشبع منها اكمنها
قالت هنروح من بعض فين
يا ناس يا عبط يا عشمانين
في فرصة تانية للقا؟... بطّلوا أوهام بقى
وكفاية احلام واسمعوا
عيشوا بزمة وودعوا كل حاجة بتعملوها وكل حد بتشفوه
وكل كلمة بتقلوها وكل لحن بتسمعوه..
عيشوا المشاهد كل مشهد زي مايكون الأخير
اشبعوا ساعة الوداع واحضنوا الحاجة بضمير
داللي فاضل مش كتير ...اللي فاضل مش كتير

شكرآ جزيلا على الموضوع الرائع و المميز

واصل تالقك معنا فى المنتدى

بارك الله فيك أخى ...

ننتظر منك الكثير من خلال إبداعاتك المميزة

لك منـــــــ إجمل تحية ــــــــــى