شعر فى عشق الزمالك للزملكويه وبس [الأرشيف] - بوابة الثانوية العامة المصرية

مشاهدة النسخة كاملة : شعر فى عشق الزمالك للزملكويه وبس

الحلـم المستحيل

30-07-2008, 12:01 PM

من غير ما تكون بالكوره موهوم هتكون بالفطره زملكاوى
لو ابن يومين او فوق ستين هتقول وتنادى زملكاوى
وده حب كبير مش لحظه تطير يخليك تحلم بالناد
هنعيش ونموت وباعلى صوت الكل هيبقى زملكاوى

الاصل حقيقى بامجاده مين سنه وعايشهم باولاده
بطولات وكؤؤسها فى دواليبه ابطال بتحققله تواريخه

يازمالك اسمك فى بلادى رايه مرفوعه ومش عادى
مدرسه فى الفن والكوره ديما لاعيبتك فى الصوره

يازمالك بصرى وشحاته وامام لاعيب

ها عجبتكم ان شاء الله انتظروا القصيده القادمه:lol::lol::lol:

الحلـم المستحيل

30-07-2008, 12:36 PM

بقولكم فيه قصيده ضد الاهلى لو عايزنى اعرضها اوك

طالب الهدى

30-07-2008, 01:23 PM

القصيده جميله جدآ وكويسة

جزاكى الله عنها كل الخير

وربنا يهدى الزمالك

الحلـم المستحيل

30-07-2008, 03:31 PM

شكرا لمروورك وربنا يهدى الزمالك فعلا

!DreAmeR!

31-07-2008, 04:34 AM

ايوة اعرضى القصيدة اللى ضد الاهلى وعلى فكرة احنا بنهذر يا علا وياريت مش يكون فيها كلام جارح للاهلوية

Rogy_Mezo

31-07-2008, 06:26 PM

جميله والله والزمالك يستاهل أكتر من كده
okاعرضي القيده اللي ضد الأهلي بس متكونش تستحق النقد
ولم الاهلاويه يشوفوها يلاقوا جمهور الزمالك أخلاقه عاليه
وميرسيه اوي ليكي

احمد عزمى عوض

31-07-2008, 07:09 PM

شكر للمرور

HALEEM24

05-09-2008, 04:20 PM

الزمالك فوق الجميع وسيظل كبيرا وقصيدة حلوة أوي ويارب الزمالك يوصل للدور قبل النهائي في أفريقيا بعد ما نكسب الأهلي وديناموز إن شاء الله

MBM-MaDo

05-09-2008, 08:07 PM

حلوة القصيدة...

زملكاوى الوحيد فى عيلتنا كلها...

شفوتوا الزملكاوى مش اى حد يكون زملكاوى..

شناكل..

الحلـم المستحيل

05-09-2008, 08:23 PM

merci gddan le mrork

king mo7amed

07-09-2008, 09:23 PM

الاهلي فوق الجميع بس قصيده بجد جميله بلاش ضد الاهلي

!DreAmeR!

15-10-2008, 06:37 PM

يارب مع الزمالك امام طلائع الجيش فين يا جماعة تفاعلكم

نبيل حجازى

18-10-2008, 01:10 PM

بارك الله فيكى وأكثر من أمثالك

الحلـم المستحيل

27-10-2008, 11:11 AM

يارب مع الزمالك امام طلائع الجيش فين يا جماعة تفاعلكم
لا عندنا تفائل كبير جدا خصوصا يعد ماتش الاوليمبى الف مبروك

hazem_ayman

29-10-2008, 02:50 PM

لو كنت نسيت
--------------
لو كنت نسيت .. أفكرك يا أهلي
لو كنت حديد .. هسيحك يا أهلي
لو كنت نسيت !!
سيدك أنا .. ف الحرفنه .. أقدر أجيب جون ف ثواني
غيرنا مفيش .. فرقة تعيش .. فرقتنا راجعه من تاني
ولو كنت نسيت ...
حاول تجيب .. لعيب شديد .. يمكن يفيدك قدامي
فرقتنا نار .. ومفيش هزار .. شيلاه يا أهلي يا ياباني
ولو كنت نسيت ..
عفوا يا اهلي .. الكاس ندهلي .. روح يالا شوفلك كاس فاضي
زمنك نسيك .. والدور عليك .. مش راح اسيب حد قصادي
-
-
-
مش هقول عاللى حصل
-----------------------
مش هقول عللي حصل بيني و بينك .. يا حبيبي
يا زمالك .. احنا وراك .. فالعين شايلينك
انا قلبي معاك .. آه آه آه

عيني عالخطين .. يا سلام يا سلام .. على عالبال و العين .. غيرك في مين ؟
دوله اللي فضله يا هوى .. من ذكرى الاهلي من سنين
لما كسبناه .. يا سلام يا سلام .. وقوام دسناه .. بجوان تمام
جايين يقوللنا السته يا ناس .. ناسيين يا زمالك همه مين ؟؟
دانتا لو تفوق كدا .. راح يكون .. الكاس لنا
واللي جايّ بكره إيه ؟؟ .. ده كله ليك ..
دوري كاس .. كله نلاقيه
قلبي مال و اهو انكوى .. يا زمالك .. بالهوى
-
-

حسام الدين عبد الحليم

29-10-2008, 03:11 PM

ahlyhadid

29-10-2008, 03:29 PM

سيبك منهم يا عم حسام,دول عمالين زى المنجاويه كلام كتير ومفيش فعل,بقالهم 4 سنيين الزمالك راجع راجع راجع,انا بيتهايلى ان الزمالك هوه سبب زحمه المرور وحوادث الطرق

حسام الدين عبد الحليم

30-10-2008, 12:12 AM

سيبك منهم يا عم حسام,دول عمالين زى المنجاويه كلام كتير ومفيش فعل,بقالهم 4 سنيين الزمالك راجع راجع راجع,انا بيتهايلى ان الزمالك هوه سبب زحمه المرور وحوادث الطرق

ههههههههههههههههههههههههههههه

الحلـم المستحيل

30-10-2008, 02:09 PM

شكلكم مقريتوش العنوان كويس مكتوب للزملكويه وبس مش اهلويه خالض

محمد الغزاوي

31-10-2008, 06:20 AM

تسلمي كتير يا علا على القصيدة الرائعة

وفعلا الزمالك يستحق منا الكثير والكثير

حتى في زمن انتكاسة للفريق ....

لكنه حتة من قلوبنا .... ومهما جار بنا الزمن مش حنفرط فيه ....

غزاوي زمالكاوي من فلسطين ...

ahlyhadid

31-10-2008, 09:01 AM

شكلكم مقريتوش العنوان كويس مكتوب للزملكويه وبس مش اهلويه خالض
احنا بنرد على القصيده التانيه,مش قصيدة حضرتك

محمد الغزاوي

31-10-2008, 09:26 AM

الزمالك سيدك انته مش سيدى,والاهلى سيد اندية العرب بالبطولات,وسيد الزمالك

بفتخر إنه الزمالك سيدي وكمان سيدك إنتا ... سؤاء قبلت أو رفضت ....

وإذا كان الزمالك مش سيدك .... يبقى إنتا مش من الطبقة الراقية من الشعب ....

أما إنه الزمالك غصبا عنك سيد العرب ... لأنه فلسطين كلها زمالك ....

والسعودية والإمارات كمان .... وباقي الدول العربية ككل ...!!!

محمد الغزاوي

31-10-2008, 09:51 AM

انته شكللك همجى فى كلامك وشخص مش محترم

حطلع أحسن منك في يوم الجمعة وأحكيلك الله يسامحــــــــــك ...!!

ahlyhadid

31-10-2008, 09:59 AM

لو حضرتك مراعى ان احنا يوم جمعه مكنتش تقول لحد ان كذ او كذا سيدك وغصب عنك كمان,معذرة على طريقة كلامك ,الانسان لازم ينقى الفاظه

محمد الغزاوي

31-10-2008, 10:01 AM

لو حضرتك مراعى ان احنا يوم جمعه مكنتش تقول لحد ان كذ او كذا سيدك وغصب عنك كمان,معذرة على طريقة كلامك ,الانسان لازم ينقى الفاظه

يا أخ الزمالك سيد كل العرب .... سواء رضيت أو رفضت ...

لو ماكنش عاجبك ... بلاش ترد عليا وتجالغني ....

خلي كلامي للزمالكوية إلي زيي بس ....

خلص ... أنا مقتنع بهيك .... وحفضل مقتنع بهيك ....

ahlyhadid

31-10-2008, 10:05 AM

انا برد على سيادتك لانك انته اللى بدات فى التعليق على ردى اللى كان موجه لشخص اهلاوى,يعنى انته اللى حشرت نفسك

_GUIDE_

31-10-2008, 02:16 PM

الموضوع مغلق

وتم ايقاف العضو
محمد الغزاوى 3 ايام
(http://www.thanwya.com/vb/member.php?u=168696)

صوت الحق

31-10-2008, 03:29 PM

الأولا نادى الزمال افضل نادى فى مصر وأفريقيا وأسيا وأميركا وأوربا وكل الكرة الارضية هذا شرف لنا جميعا لان فريق من مصر افضل نادى بالعالم
لكن لى سؤال بسيط هذا بالكلام فقط ولا بالحهد والعرق والتعب
وممكن تقول لى اخر احصائيات خمس سنين ماضية عشر سنين ماضية خمسة عشر سنه ماضية عشرين سنه ماضية وانت بنفسك هتعترف بان نادى الزمالك افضل نادى خلينا فى مصر فقط
1: اكثر نادى فاز بالدورى
2: اكثر نادى فاز بالكاس
3: أكثر نادى فاو بالسوبر
4: اكثر نادى فاز ببطولات افريقيا
5: اكثر نادى فاو ببطولات عالمية
6: اكثر نادى اشنرك ببطولات عالمية
حقا الزمالك مدرسة لعب وفن وهندسة
حتى الان كده تمام
اللى مش تمام
التعصب بدون وجه حق
والزج بأسماء الاندية الاخرى ومنه النادى الأهلى الذى نشرتى عنه قصيد وبكده سوف نفتح الباب للأهلاوية بالرد وتبقى معركة تعصب لا نقاش وكده مش هنسمح به
ياريت يتم مناقشة اى موضوع بدون تعصب أعمى لا يفيد نهائيا بل يضر اكثر ما يفيد
وتقبلو المرور

!DreAmeR!

31-10-2008, 03:31 PM

وانا معاك يا صوت الحق وانت فعلا صوت الحق وانا كاتب موضوع عن التعصب للاسف مش لاقيت قابلية من الطرفين الاهلوية والزمالكوية انا مش عارف هيفلم كده لغاية امتى انا قولت لازم نشجع الاهلى لاقيت معارضة من الزمالكوية مع انى زملكاوية انا مش عارف هما معارضين ليه حضرتك روح هناك وشوف بنفسك الردود مش عارف فى ايه