حبيبتى يا امه
======================
حبيبتى يا امه بهدلوكى
عن ولادك يا امه عاوزين يبعدوكى
حبيبتى يا امه فرطوا فيكى وباعوكى
سنين يا امى بيدبحوكى
راح تفضلى دايما عزيزه
عمرهم ما يقدروا يذلوكى
بس صعبان على يا امه
ان عصابه من ولادك حاولوا يغرقوكى
طمعوا فيكى يا امه
وسنين بيسرقوكى
واما انكشف سترهم حاولوا يحرقوكى
لكن لسه اولادك المخلصين
ف ارضك موجودين
اقسموا يا امه بحياتهم ليحرروكى
ويطردوا كل الفساد
ويموتوا فرعون وعاد
ويموتواوا كل العناد
وبدمهم يزينوكى
انتى يا امه ف نبضنا
مهما حاولوا يبعدوكى
ارواحنا يا امه فدو لترابك
فوق قلوبنا نرفعوكى
ربنا فى القران كرمك
يبقى عار وذنب
لو مقدرناش نكرموكى
معلش يا أمه فى حضرتك
صوتنا على من خنقته
لكننا والله يا امه بنعشقوكى
وبنحلف بنعمه ربنا لنعمروكى
دا وعدنا
وشاهد علينا ربنا
لما بنوعدوكى
ياست كل الناس يا امى
مش احنا اللى بنصبك
دا كل الدنيا نصبوكى
قالوا ام الدنيا
والله صدقوا ما ظلموكى
مش ولادك يا امه اللى يخربوكى
ولا اولادك يا امه اللى يحرجوكى
ولا ولادك يا امه اللى يوم خانوكى
لكن ولادك يا امه اللى ف التحرير
رفعوا قدرك وشرفوكى
زعلوا عشانك يا امى
ومن كل خاين حالفين يطلقوكى
جايين هينقذوكى
اتكلمى يا امه على لسان كل طفل
عمرهم تانى ميقدروا يخرصوكى
ولا يقدروا تانى يسكتوكى
عرفت قدرك يا امه
ولادك عمرهم منسوكى
==============
مستر
عطيه الخضرى / قلين- كفر الشيخ
http://gate.ahram.org.eg/User/Topicsm/901.aspx

أستاذ عطية

هي مصر قد أعدها الله سهما في خاصرة أعدائه فلن ينكسر هذا السهم أبدا وإن ظنوا أنهم يضربونها بأيديها


شكرا لك

مستر عطية

مصر هي الحصن الأول للمسلمين ، فلكل جواد كبوة ونتمنى من الله عز وجل أن تمر كبوة الأم الكبرى .
مصر مرضت ولن تمت .


تقبل مروري وخالص تحياتي ،،،،

كلمات خرجت من وجدان شاعر
فلمست أرواحنا وهزتها
سلم فكرك وسلم إحساسك
كلماتك تفيض بالألم والروعة
فلا تحرمنا من إبداعاتك