مشاهدة النسخة كاملة : اللى دخل هندسه شبين يدخل يتعرف على بقيت زمايله
ENG ShEtOs 30-07-2008, 03:07 PM مبروك لكل طلاب هندسه شبين الجدد وربنا يوفقكم وتقدروا تحققوا حلمكم ..... انا حاسس بفرحتكم بدخول هندسه شبين وكان ليا الشرف انى احس الاحساس ده من ...... سنه (بلاش احراج بقى:p) المهم كان لازم نعمل مشاركه تجمعنا كلنا ونقدر من خلالها تتعرفوا على بعض وانا فرحان جدا انى عملت الموضوع ده ويارب يعجبكوا بالمناسبه انا اسمى شيتوس واسم الدلع احمد قسم ميكانيكا ( ربنا ما يوريكم) ودلوقتى اللى يشارك معانا ياريت يقول اسمه ومجموعه فى الثانويه وهل هيكمل فى الكليه ولا ناوى يحول وهل عنده اى سؤال عن الكليه ونظامها ( ودروبها السريه:D) وانا بأذن الله اقدر اجاوبه ودا طبعا بمساعده بقيه المشتركين ودلوقتى نبدأ التعارف
Dalloo3a 30-07-2008, 04:17 PM هاى ياجماعه انا جومانا حبيت اكون اول واحده اشارك فى التوبيك انا مجموعى 376 يعنى داخلاها بالعافيه :) وناويه اكمل ان شاء الله مع انى من اليكس وبجد بجد انت دمك خفيف يا احمد وحاسه انك حد كويس...ميرسى اوى
Dalloo3a 02-08-2008, 10:18 AM ايه ياجماعه هو مفيش غيرى اللى دخل هندسه شبين .... الظاهر كده هبقى لوحدى فى اعدادى:rolleyes::rolleyes: فين المشاركات ياباشمهندسين
العمر 02-08-2008, 10:22 AM انا عمووورر لسة رايح 3ثانوى وهكمل رياضة مع ان مجموعى كبير 98.2
اخوكم عموووووووورررر
انتم السابقون ونحن الاحقون....
FUNNYBABY 03-08-2008, 04:38 PM انا كمان من اليكس
بس هندسه شبين
انشاء الله هحول بس لما محولتش اكيد هشوفكم هناك
eslamfalcon 06-08-2008, 10:02 AM انا اسف ياجماعة انا منوف جنبكم يعني وجايب 388 وكان نفسي ابقي معاكم بس انا غاوي الكترونيات
Dalloo3a 07-08-2008, 04:41 PM مش معقول ياجماعه يكون المنتدى فيه اربعه او خمسه بس دخلوا هندسه شبين ...... كدا بقيه الكليات تشمت فينا .... اه على فكره ياشيتوس انا هنزل شبين يوم الاربعاء الجاى وهستناك ادام مدرج ناصر ومعلش هتعبك معايا :p وعموما هبقى اكلمك قبل ما اوصل.... سلام
confession 19-08-2008, 02:32 AM انا خالد من منوف برده يا اسلام وداخل هندسة منوف بس انت اسمك اسلام ايه
FUNNYBABY 24-08-2008, 01:39 PM احلى سلام وتحيه لمهندسين شبين جامعه المنوفيه
انا تحويل بتاعى مش نفع
يعنى هنبقى مع بعض
FUNNYBABY 24-08-2008, 01:47 PM احلى سلام وتحيه لمهندسين شبين جامعه المنوفيه
انا تحويل بتاعى مش نفع
يعنى هنبقى مع بعض
Venix 24-08-2008, 04:02 PM هاي شباب وبنات ، طبعاً زي ما إضحك علينا كلنا في موضوع التحويل بس مش مهم ، أنا معاكم في هندسة شبين وحأنزل بكرة إن شاء الله مع إتنين صحابي عشان نقدم الأوراق ونظبط الشقة ( كنت طالب منازل ) .... بإذن الله نتعرف عليكم أكتر لما نوصل هناك .
Venix 24-08-2008, 04:11 PM بالمناسبة أنا كمان من أليكس ... يللا حنودع كوبري ستانلي سنة كاملة .
salma_tito 24-08-2008, 08:27 PM و انا كمان منفعش التحويل بس مدام كلنا محولناش اماااااااااااااااال مين حول اماااااااال
ناس من كليه هندسه المريخ
يلا الحمد الله اني لحقت هندسه اساسا بعد الامتحانات ديه
انا معاكم ان شاء الله و يا رب تكون الدراسه سهله هناك
Venix 24-08-2008, 08:52 PM والله آخر خبر وصلني إنه اللي حولوا لهندسة إسكندرية كانوا جايبين 378 فقط يعني فرق نصف درجة فقط عن هندسة الإسكندرية الأصلية ، سبحان الله يعني الناس في علوم بتحول والفرق 7 درجات وإحنا مش عارفين نحول والفرق بين شبين وإسكندرية 3 درجات ونص ؟؟؟؟؟
عموماً أنا عايز أقول لكل اللي زعلوا زيي إنهم يعتبروا الموضوع تجربة جديدة ، مش لازم نزعل كفاية إن إحنا جبنا هندسة في الإمتحانات الموز دي .
FUNNYBABY 26-08-2008, 02:02 AM بالمناسبة أنا كمان من أليكس ... يللا حنودع كوبري ستانلي سنة كاملة .
مهى لو جت على كوبرى ستانلى كانت هتبقى ماشى
لكن هنعمل ايه بقه
هندرو على ستانلى هناك :D
Venix 26-08-2008, 08:55 PM عموماً شباب ، أنا خلصت كل التقديم النهاردة ...وكمان أجرت الشقة يعني كلو في اللزيز .. ودفعت المصاريف مفاضلش غير إن الدراسة تبدأ ، وطبعاً الكشف الطبي كله في اللزيز برضه ، كل اللي عملته أخدت الورقة ودخلت ، كل اللي إتعملي جوه إني إتسألت إنت منين يا إبني ؟؟ قلت : إسكندرية ، راحوا قالوا : ما هو باين :p
eng.mhmd 17-09-2008, 05:47 PM ههههههههههههههههههههههه
طيب يا خونا
انا بقى ميدو وفي 2 اعدادي وماحدش يستغرب اه في تانية اعدادي هندسة
بيني وبينكم دبلر يعني بس والله دبلرت عشان ما كنتش عارفة حاجة في اي حاجة على العموم لو حد عايز اي مساعدة انا تحت امره
وانا كنت شهادة معادلة الامارات
يلا سي يو يا بشمهندسين
ونتقابل يوم 21/9
abo goda 17-09-2008, 06:42 PM أهلا بالحبايب المهندسين أنا محمد من المنوفيه ومجموعى379.5 يعنى 92.56
ومتزعليش يا جومانا المهندسين كتير أهم بس انتم هتسبونا وهتحولم اسكندريه وانا حبقى لوحدى والا ايه
|