مين هنا فى كلية طب بشرى المنصورة؟؟؟؟ [الأرشيف] - بوابة الثانوية العامة المصرية

د/ ماجدولين

31-07-2008, 06:58 AM

السلام عليكم
بصو بقى
الحكاية مش مين أصعب كلية فى الطب المنصورة ولا عين شمس والقاهرة؟؟؟؟؟؟؟
لآ الحكاية مين أفضل كلية لدراسة الطب :)
ودى بقى (معلش ميختلفش عليه اتنين)
عين شمس أفضل جامعة فى مصر
أفضل كمان من القاهرة:p
والكلام دة كلام من منتديات أخرى
لواحدة كانت بتسأل
تدخل طب عين شمس ولا تدخل القاهرة
ودى كانت بعض الردود
___________________________________________
طب عين شمس طبعا عين شمس لأني سمعتها في مصر وخارج مصر هي الأفضل وكمان لأني اسلوب
الدراسه فيها أحسن بكتير ومفيش تحيز لأبناء الدكاترة زي طب القاهرة وكمان الناس الطلبه اللي فيها كلهم ناس كويسين جدا وتعرفي تتعلملي معاهم عكس القاهرة لأني معظمهم بيبقوا من الأقاليم ولسه أول مرة ينزلوا القاهرة فبيبقى صعب التعامل معاهم وحكايه أنها صعبه ده ملهاش أي وجود طب عين شمس بيخرج دكتور فاهم وشاطر
_________________________________________________

رايى اساتذة عندنا فى عين شمس .. هما شايفين ان المناهج بتاعت عين شمس بتدى الاساسيات (البكالوريوس) بالاضافة لزيادات بتدخل فى الماجيستير علشان كده نلاقى المناهج دسمة شوية .. اما القاهرة فالمناهج بتكون حسب كل مرحلة فقط فاللى بيدرسوه الطلبة هناك هو للبكلوريوس فقط ..

بالنسبة لطب القاهرة فهم يهتمون بالجانب العملي بصورة أكبر ... حتى أحنا لما كان بيجيلنا دكاترة من طب القاهرة في امتحانات الشفوية كنا بنلاحظ في أسئلتهم النقطة دي ...
اما عندنا في عين شمس فيمكن فيه اهتمام أكبر بالجانب النظري و الأسئلة و الامتحانات ... عشان كدة بيقولوا عليها أصعب ...
بس زمايلي في الكلية الاكبر مننا كانوا بيقولوا إن النقطة دي بتخلي فيه تميز في مستوى الطالب ... يعني الطالب المتخرج بجيد جداً من عندنا بيبقى مستواه العلمي أحسن من الطالب المتخرج من أي جامعة تانية ... يمكن إنك تجيبي تقدير في أي جامعة تانية أسهل و ده اللي بيخلي فيه فرق في المستوى ...
_________________________________________________

بجد طب عين شمس احسن بكتير يمكن دسمة شوية فعلا ودة اللى بيخليها اصعب لكن هتستفيدى بدة كتير . كمان ف الخارج هى اللى ليها الشهرة .. وكان دكتور ف الكليه قال الكلمة دى بالنص((خريج طب عين شمس لما بيخرج برة مصر بيرفعوله القبعة))
الحقيقة انا مش مقتنعة بالكلمة دى
لأنى ما أعتقدش ان فى حد برة يعرف اسم أى جامعة مصرية
بس يللا اهى كلمة حلوة فى حقنا:D
_________________________________________________
وفى النهاية
أنا مقولتش الكلام دة عشان حد يكرة الجامعة بتاعتة ويجى عندنا فى عين شمس لأ:D
وكلامى مش معناة ان بتوع طب عين شمس ناجحين وباقى طلبة الجامعات التانية عكسهم لأ
عاااااااااااااااااااادى
كل الجامعات بتدرس مواد الطب
أهم حاجة الطالب هو الأساس
هو الللى يعرف يتميز فى أى مكان
وبعدين أنا فى دكتور قاللى
(مش مهم انت واخد البكالوريوس منين
أهم حاجة انت دراساتك العليا فى أى جامعة
وأحسن جامعة مصرية _بالذات فى الطب_ تتشرف بأنك عامل دراساتك العليا فيها
هى
7
7
7
7
7
7
7
7
7
7
جامعة عين شمس:D:))

مع خاص تمنياتى بالتوفيق للجميع:):rolleyes:
:)

JusT DreaM

31-07-2008, 11:15 AM

السلام عليكم
بصو بقى
الحكاية مش مين أصعب كلية فى الطب المنصورة ولا عين شمس والقاهرة؟؟؟؟؟؟؟
لآ الحكاية مين أفضل كلية لدراسة الطب :)
ودى بقى (معلش ميختلفش عليه اتنين)
عين شمس أفضل جامعة فى مصر
أفضل كمان من القاهرة:p
والكلام دة كلام من منتديات أخرى
لواحدة كانت بتسأل
تدخل طب عين شمس ولا تدخل القاهرة
ودى كانت بعض الردود
___________________________________________
طب عين شمس طبعا عين شمس لأني سمعتها في مصر وخارج مصر هي الأفضل وكمان لأني اسلوب
الدراسه فيها أحسن بكتير ومفيش تحيز لأبناء الدكاترة زي طب القاهرة وكمان الناس الطلبه اللي فيها كلهم ناس كويسين جدا وتعرفي تتعلملي معاهم عكس القاهرة لأني معظمهم بيبقوا من الأقاليم ولسه أول مرة ينزلوا القاهرة فبيبقى صعب التعامل معاهم وحكايه أنها صعبه ده ملهاش أي وجود طب عين شمس بيخرج دكتور فاهم وشاطر
_________________________________________________

رايى اساتذة عندنا فى عين شمس .. هما شايفين ان المناهج بتاعت عين شمس بتدى الاساسيات (البكالوريوس) بالاضافة لزيادات بتدخل فى الماجيستير علشان كده نلاقى المناهج دسمة شوية .. اما القاهرة فالمناهج بتكون حسب كل مرحلة فقط فاللى بيدرسوه الطلبة هناك هو للبكلوريوس فقط ..

بالنسبة لطب القاهرة فهم يهتمون بالجانب العملي بصورة أكبر ... حتى أحنا لما كان بيجيلنا دكاترة من طب القاهرة في امتحانات الشفوية كنا بنلاحظ في أسئلتهم النقطة دي ...
اما عندنا في عين شمس فيمكن فيه اهتمام أكبر بالجانب النظري و الأسئلة و الامتحانات ... عشان كدة بيقولوا عليها أصعب ...
بس زمايلي في الكلية الاكبر مننا كانوا بيقولوا إن النقطة دي بتخلي فيه تميز في مستوى الطالب ... يعني الطالب المتخرج بجيد جداً من عندنا بيبقى مستواه العلمي أحسن من الطالب المتخرج من أي جامعة تانية ... يمكن إنك تجيبي تقدير في أي جامعة تانية أسهل و ده اللي بيخلي فيه فرق في المستوى ...
_________________________________________________

بجد طب عين شمس احسن بكتير يمكن دسمة شوية فعلا ودة اللى بيخليها اصعب لكن هتستفيدى بدة كتير . كمان ف الخارج هى اللى ليها الشهرة .. وكان دكتور ف الكليه قال الكلمة دى بالنص((خريج طب عين شمس لما بيخرج برة مصر بيرفعوله القبعة))
الحقيقة انا مش مقتنعة بالكلمة دى
لأنى ما أعتقدش ان فى حد برة يعرف اسم أى جامعة مصرية
بس يللا اهى كلمة حلوة فى حقنا:D
_________________________________________________
وفى النهاية
أنا مقولتش الكلام دة عشان حد يكرة الجامعة بتاعتة ويجى عندنا فى عين شمس لأ:D
وكلامى مش معناة ان بتوع طب عين شمس ناجحين وباقى طلبة الجامعات التانية عكسهم لأ
عاااااااااااااااااااادى
كل الجامعات بتدرس مواد الطب
أهم حاجة الطالب هو الأساس
هو الللى يعرف يتميز فى أى مكان
وبعدين أنا فى دكتور قاللى
(مش مهم انت واخد البكالوريوس منين
أهم حاجة انت دراساتك العليا فى أى جامعة

:) [/COLOR][/SIZE]

اناليا مداخلة يعني في الموضوع لو تسمحولي وسط الكلام الكتير ده
:D:D
اولا انا اسيوط يعني لا القاهرة ولا عين شمس

ثانيا بعيدا عن ان اسيوط احسن واصعب جامعة في مصر والكل بيشهد بكده والمجاميع برضة بتشهد:p:pودكاترة القاهرة وعين شمس نفسهم بيجو يتعالجو عندنا بس ده مش موضوعنا:D:D:Dبهزر والله

ثالثا بقى وده الاهم ان كلامك كله عجبني عن عين شمس واقنعني جدا وخصوصا كلام الدكاترة ده اللي كانو بيقولوه ده بس انتي هنا جبتي كلام اللي في عين شمس واكيد كل واحد هيكتب في كليته احسن حاجة لانه شايف كدة لكن حضرتك ماجبتلناش كلام حد تاني في اماكن تاني عشان نعرف ايه احسن كلية يعني احنا لو جبنا دكاترة من جامعة الصومال نفسها هيقولو انها احسن جامعة:D:D

وانت بتقولي بعض الردود طيب ماجبتلناش كل الردود ليه عشان نعرف رأي الكل
ممكن تجيبي باقي الردود:D:D
وطبعا زي ماقلتي كلها طب يعني كلنا هندرس حاجة واحدة ونطلع دكاترة في الاخر وكل واحد وشطارته بقى:D

Dr.ahmed91

31-07-2008, 11:37 AM

هو ليه اللي في صيدلة مش عاجبه اللي في طب

واللي في طب مش عاجبه صيدلة

وبتاع طب القاهرة مش عاجبه المنصورة

وبتاع المنصورة مش عاجبه عين شمس

وبتاع عين شمس مش عاجبه العجب

ممكن تحمدوا ربنا

فيه ناس مادخلتش لا طب ولاصيدلة

بس خلاص

وكل واحد يخليه في كليته

في امان الله

المشتاقة إلى الجنة

31-07-2008, 12:16 PM

د/ ماجدولين

31-07-2008, 12:35 PM

اولا انا اسيوط يعني لا القاهرة ولا عين شمس يا ولكم بحضرتك دة انتى تنورى
http://www8.0zz0.com/2008/07/31/10/794329599.gif

ثانيا بعيدا عن ان اسيوط احسن واصعب جامعة في مصر والكل بيشهد بكده والمجاميع برضة بتشهد ودكاترة القاهرة وعين شمس نفسهم بيجو يتعالجو عندنا بس ده مش موضوعنا بهزر واللهكويس يعنى الدكاترة بدل ما يتعالجو فى أوربا بيتعالجو فى أسيوط
لا والله...............مش تزعلى والله بهزر:D
مصر فيها أمل ياولاد;)
بس انتي هنا جبتي كلام اللي في عين شمس واكيد كل واحد هيكتب في كليته احسن حاجة لانه شايف كدةأمال مين اللى هيشهد للعروسة؟؟؟:D;):p
لكن حضرتك ماجبتلناش كلام حد تاني في اماكن تاني عشان نعرف ايه احسن كلية يعني احنا لو جبنا دكاترة من جامعة الصومال نفسها هيقولو انها احسن جامعة كلامك مظبوط يا دكتورةhttp://www8.0zz0.com/2008/07/31/10/144641887.gif
بس بصى انا الكلام دة جبتة من ع النت لما كنت بدور عن معلومات ع الكلية
وبأمانة والله مشفتش أى رد يعيب عين شمس فى حاجة
وألا كنت قولتة
لآن دة أسلوبى
وانا عارفة ان أى كلمة بقولها ربنا شايفها
وهيحاسبنى عليها.........اوكى يا دكتورة
وبعدين انا كلها ساعتين بالكتير ومسافرة
ولما أرجع بأذن الله هبقى اعمل بحث فى جوجل
بعنوان(عيوب طب عين شمس):D:(
وأبقى أجى اقطع فى فروة الكلية قدامكواhttp://www8.0zz0.com/2008/07/31/10/747451117.gif
الخلاصة
كل مكان فى الدنيا فية مميزات وعيوب
وأكيد عين شمس فيها عيوب زى ما فيها مميزاتhttp://www8.0zz0.com/2008/07/31/10/723459436.gif
وربنا يوفقك يا قلبى:)
وانت بتقولي بعض الردود طيب ماجبتلناش كل الردود ليه عشان نعرف رأي الكلوالله دى كانت تقريبا كل الردود والباقى كان من نفس النوعية
ممكن تجيبي باقي الردود ما قولتلك وادى اللنك حتىhttp://forum.amrkhaled.net/showthread.php?t=28214&page=4
وطبعا زي ماقلتي كلها طب يعني كلنا هندرس حاجة واحدة ونطلع دكاترة في الاخر وكل واحد وشطارته
بقى تمام يا دكتور
وربنا يوفقكوا بجدhttp://www8.0zz0.com/2008/07/31/10/272456927.gif
__________________________________________
هو ليه اللي في صيدلة مش عاجبه اللي في طب

واللي في طب مش عاجبه صيدلة

وبتاع طب القاهرة مش عاجبه المنصورة

وبتاع المنصورة مش عاجبه عين شمس

وبتاع عين شمس مش عاجبه العجب
ممكن تحمدوا ربنا

فيه ناس مادخلتش لا طب ولاصيدلة

بس خلاص

وكل واحد يخليه في كليته

في امان اللهحضرتك أنا مش عارفة خدت الموضوع بالنظرة دى لية:(
أحنا كلنا زمايل وأخوات وأكيد بنتمنى الخير لبعض
مهما أختلفت كلياتنا أو جامعتنا
الكلام اللى بنقولة
مجرد أراء عاااااااااااااااااااااادى جدااااااااااااااااااااااا;)
وأنا بحمد ربنا ع كل حاجة:rolleyes:
وبأذن الله لما أرجع من السفر هعمل توبيك
لكل طلبة الطب بمختلف الجامعات عشان الأفادة
لآن أحنا كلنا زمايل
وبنتمنى الخير لبعض
وأذا كان ع كلام بتوع الطب للصيدلة أو العكس
فأكيد دة كلة هزار:D
ويا جماعة لو كان كلامى ضايق حد أو زعلة أو فهمة غلط:confused:
فأنا بجد بسحبة ودة مش قصدى خالص
وربنا يوفق الجميع:)
فى رعاية الله

د/ ماجدولين

31-07-2008, 12:55 PM

انا الحمد لله طب القاهرة ومنتظرة التحويل لطب المنصورة

لكن مازلت محتارة مابين 3 اختيارات وعايزة اخد رأيكم

الاحتمال الاول

انى ماحولش واكمل فى القاهرة والتحق بالمدينة واذا ارتحت فى السنة الاولى فاستمر فى الدراسة هناك وده طبعا لان طبيعة الدراسة هناك هاتكون افضل بكتير ويكفى انها القصر العينى وليا قرايبى هانك بيقولوا ان عندهم مادة التشريح افضل بكتير جدا من هنا فى المنصورة وده طبعا بسبب الامكانيات والكلام ده كله لكن فيه مشكلة ان المواصلات هناك صعبة قووى وخصوصا ان الكلية اصلا مش فى الجامعة وحتى المدينة بعدية عن الكلية
لكن بغض النظر عن كل ده فجامعة القاهرة مميزاتها كبيرة جدا

اما الاحتمال التانى

فهو انى احول طب المنصورة وده لاسباب كتير اولها ان دى بلدى فليه ابعد وانا قدامى فرصة التحويل ومن ناحية تانية انا ليا اخواتى فيها فتقريبا كل حاجة متوفرة لى من كتب وعظم وماشابه
ده غير برده ان المنصورة مدينة طبية والعلم فيها عظيم برده لكن المشكلة فى امحتاناتها ان الدكاترة بيتعمدوا انهم يجيبوا الامتحانات صعبة على الطلبة وماتكونش غير متوقعة وتقريبا الاربع سنين الاولى فى طب نظرى بحت يعنى حفظ ودح بدون اى اى فهم

والاحتمال الثالث

هو ضعيف شوية انى احول طب اسنان المنصورة ودى لانها مشوارها طبعا اقصر وزى ماانتو عارفين طبعا الفرق مابين الاتنين

مش هاطول عليكم لكن الف مبروووك لكل اللى حقق امانيه
و
عندى هنا ورقة كانت لاسرة اختى المقررة ليها وكانوا بيوزعوها على سنة الاولى السنة اللى فاتت مكتوب فيها كل حاجة عن المواد اللى هاندرسها ان شاء الله
وباذن الله اذا اتيحت ليا الفرصة انى اكتبها لكم فانا تحت امركم وتوكلوا على الله

واللى نفسه فى حاجة واتحققت له مايضيعهاش لاسباب تافهة زى الكلية ماتفعش للبنات ودى 7 سنين وغيره من الكلام ده كله

عموما الف الف مبروووك ليكم كلكم يا شباب وعقبال حفلة التخرج ان شاء الله

وزى ما قال العضو اللى قبلى احمدوا ربنا

فالحمد لله على اى حال
السلام عليكم
بصى يا أختى
بداية مبروك ع حضرتك:D
ثانيا أنا أرى أن الحل التانى هو الأنسب
ودة لعدة أسباب
اخواتك اللى معاكى واللى أكيييييييييييييد هيساعدوكى ويفيدوكى كتيييييييييير:)
(ودى أهم حاجة فى الموضوع)
المنصورة زى ماقولتى مدينة طبية محترمة;)
لكن الحاجة الوحيدة اللى مخلياكى قلقانة
هى الأمتحانات الصعبة
ودى ع فكرة ميزة مش عيب:eek:
عشان تتشجعوا وتذاكروا وتركزوا
ومش تفوتوا محاضرات
صدقينى لما تبقى جنب أهلك أفضل بكتيييييييير وخصوصا أنك بنوتة;)
والأربع سنين النظرى
دول هيبقوا فى كل الجامعات
يعنى الدراسة هتكون أكاديمى
************************
أما انك تحولى لأسنان عشان الطب 7 سنين وانك هتتأخرى فى الجواز والكلام دة
ف الكلام دة هبل و بيتقال لكل بنت تفكر فى الكلية دى:(
طالما انتى حابة الطب كدراسة
بالله عليكى متحوليش منة :D:);)
وألا هتندمى بعد كدة
بالتوفيق
فى رعاية الله

المشتاقة إلى الجنة

31-07-2008, 04:27 PM

السلام عليكم
بصى يا أختى
بداية مبروك ع حضرتك:D
ثانيا أنا أرى أن الحل التانى هو الأنسب
ودة لعدة أسباب
اخواتك اللى معاكى واللى أكيييييييييييييد هيساعدوكى ويفيدوكى كتيييييييييير:)
(ودى أهم حاجة فى الموضوع)
المنصورة زى ماقولتى مدينة طبية محترمة;)
لكن الحاجة الوحيدة اللى مخلياكى قلقانة
هى الأمتحانات الصعبة
ودى ع فكرة ميزة مش عيب:eek:
عشان تتشجعوا وتذاكروا وتركزوا
ومش تفوتوا محاضرات
صدقينى لما تبقى جنب أهلك أفضل بكتيييييييير وخصوصا أنك بنوتة;)
والأربع سنين النظرى
دول هيبقوا فى كل الجامعات
يعنى الدراسة هتكون أكاديمى
************************
أما انك تحولى لأسنان عشان الطب 7 سنين وانك هتتأخرى فى الجواز والكلام دة
ف الكلام دة هبل و بيتقال لكل بنت تفكر فى الكلية دى:(
طالما انتى حابة الطب كدراسة
بالله عليكى متحوليش منة :D:);)
وألا هتندمى بعد كدة
بالتوفيق
فى رعاية الله

الله يبارك فى حضرتك ومتشكرة جدا للاهتمام
بس عايزة اوضح نقطة ان الاسباب اللى قولتها دى انا اصلا مش مقتنعة بيها ومابأيدتش الكلام ده كله انا بوضح بس راى الناس اللى اتقالى لى

اما بالنسبة ليا فأنا ميالة أكتر للطب البشرى
وبالنسبة لصعوبة الامتحانات فى المنصورة فدى زى ماحضرتك قولت ميزة بجد وده اللى بيخلى جامعة المنصورة هى القمة دايما
وانا مش قلقانة من كده ولا حاجة انا برده بوضح اللى اتقال لى

وعموما ربنا يقدم اللى فيه الخير لينا جميعا

وشكرا جزيلا

Dr.mayson

31-07-2008, 04:45 PM

اما الاحتمال التانى

فهو انى احول طب المنصورة وده لاسباب كتير اولها ان دى بلدى فليه ابعد وانا قدامى فرصة التحويل ومن ناحية تانية انا ليا اخواتى فيها فتقريبا كل حاجة متوفرة لى من كتب وعظم وماشابه
ده غير برده ان المنصورة مدينة طبية والعلم فيها عظيم برده لكن المشكلة فى امحتاناتها ان الدكاترة بيتعمدوا انهم يجيبوا الامتحانات صعبة على الطلبة وماتكونش غير متوقعة وتقريبا الاربع سنين الاولى فى طب نظرى بحت يعنى حفظ ودح بدون اى اى فهم
انا شايفة ان الاحتمال التانى احسن وكمان يا ستى علشانتبقى معايا

انا عندى ملحوظة ليها احنا لما بنكلم بعض بنعد نقول يا دكتور ويا دكتورة مع اننا لسه ولا دخلنا الكلية ولا درسنا اى حاجة فيها ياترى ايه السبب

المشتاقة إلى الجنة

31-07-2008, 04:57 PM

ان شاء الله

بالنسبة للملحوظة فدى مجرد ضحك مش اكتر

DR.Neuro

31-07-2008, 05:47 PM

اناليا مداخلة يعني في الموضوع لو تسمحولي وسط الكلام الكتير ده
:D:D
اولا انا اسيوط يعني لا القاهرة ولا عين شمس

ثانيا بعيدا عن ان اسيوط احسن واصعب جامعة في مصر والكل بيشهد بكده والمجاميع برضة بتشهد:p:pودكاترة القاهرة وعين شمس نفسهم بيجو يتعالجو عندنا بس ده مش موضوعنا:D:D:Dبهزر والله

ثالثا بقى وده الاهم ان كلامك كله عجبني عن عين شمس واقنعني جدا وخصوصا كلام الدكاترة ده اللي كانو بيقولوه ده بس انتي هنا جبتي كلام اللي في عين شمس واكيد كل واحد هيكتب في كليته احسن حاجة لانه شايف كدة لكن حضرتك ماجبتلناش كلام حد تاني في اماكن تاني عشان نعرف ايه احسن كلية يعني احنا لو جبنا دكاترة من جامعة الصومال نفسها هيقولو انها احسن جامعة:D:D

وانت بتقولي بعض الردود طيب ماجبتلناش كل الردود ليه عشان نعرف رأي الكل
ممكن تجيبي باقي الردود:D:D
وطبعا زي ماقلتي كلها طب يعني كلنا هندرس حاجة واحدة ونطلع دكاترة في الاخر وكل واحد وشطارته بقى:D
ماشى طبقا لمثل مين يشهد للعروسة

أنا ممكن أجيب لحضرتك ردود من كلية القصر العينى

هيقولوا لحضرتك ان عين شمس أصعب

ايه رأيك :D:D

Dr.mayson

31-07-2008, 06:27 PM

خلاص يا شباب قصدى يا دكاترة طبعا كل واحد هينحاز للكلية اللى هيدخلها ودا شئ طبيعى المهم ان ربنا يوفقنا جميعا

JusT DreaM

31-07-2008, 07:50 PM

كويس يعنى الدكاترة بدل ما يتعالجو فى أوربا بيتعالجو فى أسيوط
لا والله...............مش تزعلى والله بهزر
مصر فيها أمل ياولاد
طبعا الدكاترة اكيد بيتعالجو عندنا بدل مايروحو اوربا ده شئ مفروغ منه ده احنا ارض الشفاء:D:D:D

وبعدين انا كلها ساعتين بالكتير ومسافرة

ربنا يرجعك بالسلامة يارب

ولما أرجع بأذن الله هبقى اعمل بحث فى جوجل
بعنوان(عيوب طب عين شمس)

انا ممكن اعمله لحضرتك
مش عاوزين نتعبك معانا:D:D:D
ولسه هنستنى اسبوعين:p:p

الخلاصة
كل مكان فى الدنيا فية مميزات وعيوب
وأكيد عين شمس فيها عيوب زى ما فيها مميزات

خلاصة جميلة والله يادكتورة:)
حتى اسيوط برضة ممكن يكون فيها عيوب(احتمال ضعيف):D:D:D

وربنا يوفقك يا قلبى
ويوفقك ويوفقنا كلنا يارب:):)

JusT DreaM

31-07-2008, 07:55 PM

ماشى طبقا لمثل مين يشهد للعروسة

أنا ممكن أجيب لحضرتك ردود من كلية القصر العينى

هيقولوا لحضرتك ان عين شمس أصعب

ايه رأيك :D:D

وهما بتوع القصر العيني هيشهدو برضة لنفس العروسة:D:D
هو مفيش عروسة غيرها ولا ايه:D:D:D

اوركيديا

02-08-2008, 12:03 AM

اناليا مداخلة يعني في الموضوع لو تسمحولي وسط الكلام الكتير ده

اولا انا اسيوط يعني لا القاهرة ولا عين شمس

ثانيا بعيدا عن ان اسيوط احسن واصعب جامعة في مصر والكل بيشهد بكده والمجاميع برضة بتشهدودكاترة القاهرة وعين شمس نفسهم بيجو يتعالجو عندنا بس ده مش موضوعنابهزر والله

ثالثا بقى وده الاهم ان كلامك كله عجبني عن عين شمس واقنعني جدا وخصوصا كلام الدكاترة ده اللي كانو بيقولوه ده بس انتي هنا جبتي كلام اللي في عين شمس واكيد كل واحد هيكتب في كليته احسن حاجة لانه شايف كدة لكن حضرتك ماجبتلناش كلام حد تاني في اماكن تاني عشان نعرف ايه احسن كلية يعني احنا لو جبنا دكاترة من جامعة الصومال نفسها هيقولو انها احسن جامعة

وانت بتقولي بعض الردود طيب ماجبتلناش كل الردود ليه عشان نعرف رأي الكل
ممكن تجيبي باقي الردود
وطبعا زي ماقلتي كلها طب يعني كلنا هندرس حاجة واحدة ونطلع دكاترة في الاخر وكل واحد وشطارته بقى

ايه ده مش ممكن
حد من اسيوط
انا مردتش اعمل موضوع يحسن اطلع على فشوش
بس اكيد دى اسيوط
يعنى من الجامعات المحترمه قوى
هو اللى انا اعرفه
عين شمس
القاهره
اسيوط
و ده بوجه عام مش فى طب بس
بس العيب الوحيد اللى فيها الكوسه الفظيعه لولاد الدكاتره
مع انى بنت دكتور و طريقى اخضر :p
بس برده كده حرام:(
يلا الحمد لله
بس جدعه يا بنت الاسلام
وريهم الاسايطه
مع انى اساسا مش منها

DR.Neuro

02-08-2008, 01:35 AM

<_<

كل طب مليان عيوب بنت لذينة

Dr.mayson

02-08-2008, 02:46 AM

يا جماااااااااااااااعة خلاص مكنتش كلية هنخسر بعض علشانها
لس بجد انا عايزه اسالكم المنصورة رااااااااااااحت فين من كل ده دى واخدة من مجموع مش قليل بردوا والتقديرات فيها بطلوع الروح

DR.Neuro

02-08-2008, 02:52 AM

على فكرة المجموع مش قصة خالص

طيب ما هو طب شبين الكوم واسيوط والمنيا أعلى كليات الطب ..

هل دة معناه إنهم أحسنها

البوينت هير ....
إن الطلاب فى المدن دى بيجيبوا مجاميع عالية .... وعدد المتقدمين فيها على كلية الطب كتييييييير

فلازم يرفعوا المجموع بتاعها ...

والتقديرات صعبة .. فدى برضك نقطة سيئة مش حلوة .. وأنا زعلان إن عين شمس صعبة أوى وتقديراتها وحشة جدا ..

لأن بعد التخرج بيعملوا توزيع اللخريجين من طب وبتوع القصر العينى بيبقوا فى المقدمة ... عشان تقديراتهم حلوة أوى .. وأنا خايف والله أترمى فى حتة فى قرية نائية عشان كدة

------------------

عموما والله دى حاجة هايفة إن نحنا نفضل نتكلم فيها ..

الدكتور بشخصيته فى أى حتة هيكون ناجح ... لو فى جامعة موزمبيق حتى

وياريت نفضى اننا نساعد بعض

وشكرا ...

تحياتى ,,,

السمراء

02-08-2008, 03:16 AM

احم احم بجد ومن غير ما انحاز لاى كلية..................اعرف ان اصعب كلية ممكن تدخلها هى المنصورة لكن بشرى مش عارفة وفيها تقديرات برده وعلى فكرة امتياز فى بشرى فى كل مكان كتيرة قوى..................عذرا انى تدخلت عموما انا من المنصورة لكن 3بيطرى بنها

Dr.ahmed91

02-08-2008, 09:56 AM

على فكرة المجموع مش قصة خالص

طيب ما هو طب شبين الكوم واسيوط والمنيا أعلى كليات الطب ..

هل دة معناه إنهم أحسنها

البوينت هير ....
إن الطلاب فى المدن دى بيجيبوا مجاميع عالية .... وعدد المتقدمين فيها على كلية الطب كتييييييير

فلازم يرفعوا المجموع بتاعها ...

والتقديرات صعبة .. فدى برضك نقطة سيئة مش حلوة .. وأنا زعلان إن عين شمس صعبة أوى وتقديراتها وحشة جدا ..

لأن بعد التخرج بيعملوا توزيع اللخريجين من طب وبتوع القصر العينى بيبقوا فى المقدمة ... عشان تقديراتهم حلوة أوى .. وأنا خايف والله أترمى فى حتة فى قرية نائية عشان كدة

تحياتى ,,,

هي حدود ليبيا اقرب ولا حدود السودان
؟؟؟؟؟؟؟؟؟؟؟؟؟؟
حيبعتوك بعثة لأوغنداااااااااااااااااااااااااااا

Dr.mayson

02-08-2008, 07:38 PM

المنصورة فالمنصورة فاالمنصورة

Dr.ahmed91

02-08-2008, 08:07 PM

المنصورة فالمنصورة فاالمنصورة

الثبات على المبدأ
ههما دول ولاد المنصورة

اللي حاربوا لويس التاسع واسروه في دار ابن لقمان

:):):):)

عروس الدلتا

dr.saeed

03-08-2008, 09:27 AM

انا دخلت طب المنصورة ان شاء الله وللاسف الشديد كل اصحابى حوالى عشرة دخلوا صيدلة المنصورة (مع ان بعضهم جايب مجموع طب ) واتنين تانين راحو طب عين شمس
يعنى الحصيلة انى مبقاش معايا حد من اصحابى البنات
وعلى فكرة طب عين شمس اسهل كتير من طب المنصورة ياااااااابختكم
للاسف
كل الى اعرفهم من المنتدى فى طب المنصورة
بنات
شكلى هاحول والبس نقاب
ماعرفشى ولا ولد
ولا من اصحابى
ولا من المنتدى
حاجة عجيبة

dr.saeed

03-08-2008, 09:30 AM

ياريت يا جماعة نبطل كلام جانبى
عاوز اعرف مين معايا
عشان اعرف انا داخل مع مين
نفسى كدة يطلعلى ولد من تحت الارض يقولى انا طب المنصورة
ى حاجة غريبة والله

dr.saeed

03-08-2008, 02:10 PM

COLOR]

استنكرت نقابة الأطباء تجاهل وزارة التعليم العالي والمجلس الأعلى للجامعات حكمَ المحكمة الإدارية بتخفيض أعداد المقبولين بكلية الطب بنسبة 15%؛ حيث زاد عدد المقبولين في جامعتَي القاهرة وعين شمس هذا العام عن العام السابق بنسبة 20%.

جاء ذلك خلال اجتماع الجمعية العمومية للنقابة العامة والنقابات الفرعية أمس الجمعة، وحذَّرت النقابة من أثر تلك الزيادة على مستقبل مهنة الطب في مصر؛ حيث تم زيادة أعداد المقبولين في كلية طب القاهرة إلى 2000 طالب، وزادت أعداد المقبولين في كلية طب عين شمس إلى 1500 طالب؛ أي أن الزيادة جاءت بنسبة 20% عن العام السابق؛ الأمر الذي يهدد مهنة الطب بالتدهور والانهيار؛ حيث إن طاقات كليتي طب القاهرة وعين شمس لا تستوعب هذه الأعداد الضخمة، كما يستحيل معها تطبيق معايير الجودة أو تنفيذ برامج تدريب الأطباء والتنمية المستدامة؛ الأمر الذي سيصل بمهنة الطب إلى مرحلة البطالة بين الأطباء إذا تم السماح بقبول تلك الأعداد الكبيرة.

وناشدت النقابةُ الرئيسَ مبارك والدكتورَ أحمد نظيف رئيس مجلس الوزراء التدخلَ لتنفيذ قرار المحكمة الإدارية الصادر يوم 24/9/2007م لخفض أعداد المقبولين في كليات الطب لتصل إلى 3500 طالب.

كانت النقابة قد طالبت بتخفيض عدد الطلاب 20% سنويًّا حتى تصل إلى العدد المحدد بـ3500 طالب في العام، إلا أن المفاوضات مع الدكتور هاني هلال وزير التعليم العالي والدكتورة سلوى غريب مديرة المجلس الأعلى للجامعات قد وصلت بالاتفاق إلى تخفيض عدد الطلاب بنسبة 15% عن العام السابق لمدة 4 سنوات متواصلة حتى يتم التخفيض بشكل تدريجي لتصل أعداد الطلاب المقبولين في كليات الطب في مصر إلى 3500 طالب سنويًّا، وهو العدد الذي حدَّدته النقابة والمحكمة لضمان توازن عدد الخريجين من الأطباء مع احتياجات سوق العمل الطبي إليهم.

انا حاولت احط الموضوع في مكانه الصح بس لم استطع
ماشوفشى حد تانى بقى يتكلم عن عين شمس والقاهرة
هسسسسسسس

Dr.mayson

03-08-2008, 04:25 PM

للاسف
كل الى اعرفهم من المنتدى فى طب المنصورة
بنات
شكلى هاحول والبس نقاب
ماعرفشى ولا ولد
ولا من اصحابى
ولا من المنتدى
حاجة عجيبة

طيب فين البنات دى ياريت تخليهم يجوا هنا علشان اتعرف عليهم اصلا انا معرفش حد خاااااالص هناك
وانا حاليا مش عارفة مين المنصورة على مين عين شمس على مين القاهرة كلوا دخل فى بعضوا:confused:

د/ ماجدولين

03-08-2008, 06:22 PM

ماشوفشى حد تانى بقى يتكلم عن عين شمس والقاهرة
هسسسسسسس
ياريت يا جماعة نبطل كلام جانبى
عاوز اعرف مين معايا
عشان اعرف انا داخل مع مين

ع فكرة أنا كنت هرد النهاردة ع كلام لبنت الأسلام
بس مش رضيت عشان كلام حضرتك دة:)
وبعديت لو سمحت
مصدر الخبر;)
وحاجة تانية
لو الكلام دة صح
ف الزيادة هتبقى فى كل الجامعات مش فى القاهرة وعين شمس بس;)
لأن مش أعتقد ان الكلية ليها دعوة
اللى بينظم العملية
وزارة التعليم العالى بالتعاون مع الكلية
بس القرار النهائى بيكون للوزارة
وبعدين أية مصلحة الكلية فى أنها تزود الأعداد يا دكتور؟؟؟!!!!!
غاويين وجع قلب وخلاص
مهما قالوا يا دكتور
عين شمس هتفضل جامعة من أعرق الجامعات المصرية
وأفضلها:p
تقبل مرورى
فر رعاية الله

د/ ماجدولين

03-08-2008, 06:51 PM

ناشدت النقابة العامة للأطباء أمس السبت ، الرئيس المصري مبارك التدخل لحل أزمة تزايد عدد المقبولين في كليات الطب، خاصة في جامعتي القاهرة وعين شمس.
(خاصة دى معناه أن الزيادة مش فى عين شمس والقاهرة بس:D)
وطالب الدكتور حمدي السيد نقيب الأطباء، في خطاب أرسله إلي الدكتور هاني هلال وزير التعليم العالي ورئيس المجلس الأعلي للجامعات، بضرورة الالتزام بحكم القضاء الإداري - بناء علي احتياجات وزارة الصحة ـ بتخفيض عدد
المقبولين بكليات الطب وهو 3500 طالب علي مدار السنوات الثلاث التالية للحكم.
ووفقا لما جاء بجريدة "المصري اليوم" أعرب السيد في نص الخطاب الذي أرسله قبل يومين للوزير عن قلقه إزاء ما نشرته الصحف بأن كليات الطب قبلت هذا العام الحاصلين علي مجموع يقل عن 6 درجات عن العام الماضي.
وقال نقيب الاطباء:" سمعنا علي مدي الأيام الماضية تصريحات مقلقة تفيد بأن العدد المقبول في كليات الطب هذا العام لن يقل عن العام الماضي ".
وأكد السيد أن هذا الاتجاه يتناقض مع قرار المجلس الأعلي للجامعات بخفض المقبولين في كليات الطب بنسبة 15% عن العام الماضي، التزاماً بحكم محكمة القضاء الإداري.
وطالب السيد بأن يرد العدد الذي استقر عليه قرار المجلس الأعلي للجامعات هذا العام للنقابة، بما في ذلك ما يحتمل زيادة من الحاصلين علي الشهادات الأجنبية، وشهادة إتمام الدراسة الثانوية من البلاد العربية حتي تتخذ النقابة الإجراءات المناسبة لـ"الحفاظ علي مصالح المهنة ومستقبل الخدمة الصحية".
وقررت مجالس نقابات الأطباء الفرعية في اجتماعها بمجلس النقابة العامة مساء أمس الأول الجمعة ، لمتابعة تطورات "الكادر الخاص" ، وتحسين أحوال الأطباء المالية، الانتظار 3 شهور لمراقبة تنفيذ قرار رئيس الوزراء وزيادة رواتب الأطباء.
الكلام دة حاطة أستاذ أشرف ع الصفحة الرئيسية للبوابة
وبدون ذكر أى مصدر الخبر!!!!!!!!!!!!!!!!!!:p
ومش قال أن عين شمس زودت نسبة المقبولين 20%:):D;)
وأدى اللنك
http://www.thanwya.com/arabic/index.php?option=com_content&task=view&id=144&Itemid=1

la rouse

03-08-2008, 11:55 PM

انا بقه حاجة تانية خالص انا طب طنطا كنت ناوية احول المنصورة ومترددة بس شكلي هاكمل هنا احسن وعلى فكرة المنصورة صعبة بس عين شمس احسن

dr.saeed

04-08-2008, 02:58 AM

الكلام دة حاطة أستاذ أشرف ع الصفحة الرئيسية للبوابة
وبدون ذكر أى مصدر الخبر!!!!!!!!!!!!!!!!!!
ومش قال أن عين شمس زودت نسبة المقبولين 20%
وأدى اللنك

خلاص
طب المنصورة
800 بس
مش 1500
يا ظلمة

dr.saeed

04-08-2008, 03:03 AM

فكرة أنا كنت هرد النهاردة ع كلام لبنت الأسلام
بس مش رضيت عشان كلام حضرتك دة
عادى عادى
حالة وبتعدى
فى امان الله

JusT DreaM

04-08-2008, 03:55 AM

عادى عادى
حالة وبتعدى
فى امان الله

لو سمحت يااخ سعيد حضرتك تقصد ايه بالكلام ده

منعا لسوء الفهم

dr.saeed

04-08-2008, 04:32 PM

لو سمحت يااخ سعيد حضرتك تقصد ايه بالكلام ده

منعا لسوء الفهم
اقصدى على كلامى انا لما قولت مش عاوز كلام جانبى
مع الوضع فى الاعتبار يا اختى انى مش هاتكلم او اوجه كلام لحد انا ماعرفوش

dr.saeed

04-08-2008, 04:33 PM

بردة لغاية دلوقتى ما لقيتشى واحد بيوحد ربنا يطلع يقولى انا معاك
هى الكلية منعت تقديم الاولاد ولا ايه؟

LA STELLA

05-08-2008, 12:53 PM

السلام عليكم ورحمة الله وبركاته
====
http://i194.photobucket.com/albums/z106/upload_bramjnet/anime/189808ta3ean2m9r.gif
مش ملاحظين يا جماعة ان عنوان الموضوع بيقول حاجة والموضوع كان بادىء بحاجة
وفى الاخر الموضوع اتحول لحوار تانى خالص ؟؟؟؟
وخناقة بين عين شمس والمنصورة !!!!!
هو مش دا طب ودا طب ولا انا غلطانة ؟
وكل واحد بيروح الانسب والاقرب لسكنه ؟
فيـــــــــها ايه عين شمس ولا المنصورة ولا طنطا
فيه ناس اضطرت تضحى برغبتها الاصلية زى حالاتى كدة بسبب ظروف المواصلات بردو وان الكلية اللى بتتمناها مش موجودة فى الجامعة القريبة ليها
ومش عارفين ندخلها اقاليم ونقعد فى السكن الجامعى لان المجموع اعلى من الاقاليم كمان - يعنى مقفلة من كله !

يبقى انتم تحمدوا ربنا اوى ع الحال اللى انتم فيه
====
http://i194.photobucket.com/albums/z106/upload_bramjnet/anime/120385oqwshekbc0.gif
ياريت تراجعوا قراية العنوان والمشاركة الاولى بردودكم بعد كدة
اعتقد مافيش علاقة !!!!
وشكرا
=======
http://i194.photobucket.com/albums/z106/upload_bramjnet/anime/120385oqwshekbc0.gif
ربنا يوفق الجميع و تقبلوا مرورى
===

طـفـلـة الامـس

05-08-2008, 05:56 PM

كفايا كده طب

06-08-2008, 07:03 AM

اولا اهلا بيك يا دزسعيد في طب المنصورة وبيكي كمان يا ميسون
وثانيا دكتور ميسون عمرك ما هتكوني لوحدك الدفعه على الاقل 1200 طالب وطالبه
ثالثا طب المنصورة اصعب بكتير جدا من عين شمس بدليل الدكاتره الكبار اللي الجامعه بتستضيفهم في الشفوي بيكون اسئلتهم سطحيه جدا وكمان الكتب عند عين شس اقل كتير من عندنا عموما ربنا يوفقنا جميعا بس في تخصصات مطلوبة من جامعه المنصورة زي المسالك والفضل لربنا ومن بعده مستشفى غنيم الاشهر في الشرق الاوسط عموما مرحبا بالجميع معانا في طب المنصورة

smart girl

06-08-2008, 07:06 AM

اولا شكرا جزيلا على الموضوع يا دكتور سعيد

انا اول مرة اعرف ان فى قسم للجامعات على المنتدى

عموما يشرفنى ان اكون معكم فى طب المنصورة

dr.saeed

06-08-2008, 09:09 PM

اولا شكرا جزيلا على الموضوع يا دكتور سعيد

انا اول مرة اعرف ان فى قسم للجامعات على المنتدى

عموما يشرفنى ان اكون معكم فى طب المنصورة
وانا يشرفنى ايضا
بس يعنى ما فيش يوحد ربنا اكون عارفه؟
اما موضوع قسم الجامعات
الدكتور هشام وعدنى يكون فيه قسم خاص بكلية الطب
وربنا يوفقكوا كلكوا

كفايا كده طب

06-08-2008, 11:06 PM

دكتور سعيد انت عايز ولاد عموما اخويا انشاء الله هيدخل طب المنصورة وربنا يوفقك ويوفقه وهيكون معانا قريب في المنتدى

dr.saeed

06-08-2008, 11:30 PM

دكتور سعيد انت عايز ولاد
اكيد طبعا
طب يبقى عرفنى عليه
وربنا يوفقك ويوفقه

Dr.mayson

07-08-2008, 06:05 AM

يا جماعة ياريت لوحد راح قدم للكلية يقولنا قالولوا الكشف الطبى يوم ايه

withoutname2100

09-08-2008, 07:23 AM

انا طب المنصوره..وحابه اتعرف علي اللي معايا هناك..وحابه اتعرف عليكي دكتور ميسون..انا بنت واسمي ساره

Dr.mayson

09-08-2008, 06:37 PM

ااهلا بيكى يا سارة وانا بردوا تشرف انى اعرفك

etoil

09-08-2008, 07:55 PM

dr.saeed

10-08-2008, 06:59 AM

والله يادكتور سعيد كنت بستفيد جداااااااااااا من مشاركتك في الكيمياء وفرحت ليك جداااااااا لما عرفت انك دخلت طب انا طول السنه فاكره انك في سني يعني سنه تانيه عموما الف الف مبروك وجزاك الله خير عن كل اللي قدمته لينا طول السنه من مشاركات رائعه وبرامج اروع بس لو عايزين مشاركاتك في الاحياء نلقيها فين

انا كنت بشارك فى الكيميا بس كنت احياء وفيزيا ساعتها

انت ممكن بسهولة تدخل الملف الشخصى وتختار بحث جميع المواضيع وان شاء الله تلاقى الى انت عاوزه
غير انى هاكون فى قسم الاحياء معاكم طول السنة دى ان شاء الله مع الدكتور هشام
ماتخافشى يعنى
هايبقى فيه شغل كويس جدا فى الاحياء السنادى بأذن الله
ويكفى اصلا مجهود الدكتور هشام
صراحة ردك فرحنى جدا
جزاك الله خيرا
فى امان الله

طـفـلـة الامـس

11-08-2008, 06:01 PM

انا كنت بشارك فى الكيميا بس كنت احياء وفيزيا ساعتها
غير انى هاكون فى قسم الاحياء معاكم طول السنة دى ان شاء الله مع الدكتور هشام
ماتخافشى يعنى
هايبقى فيه شغل كويس جدا فى الاحياء السنادى بأذن الله

ماشاء الله عليك
كنت بتدخل الكيمياء وانت اخد فيزياء واحياء
ربنا بجد يجزيك كل خير
وتستمر فيك هذه التضحية
انه ولى ذلك والقادر عليه
وبعدين انت هاتبقى موجود معاهم فى الاحياء
امال بتقول ليه انا هامشى ؟!!!!!!!!!!!!!
هااااااا

dr.saeed

11-08-2008, 09:25 PM

ماشاء الله عليك
كنت بتدخل الكيمياء وانت اخد فيزياء واحياء
ربنا بجد يجزيك كل خير
وتستمر فيك هذه التضحية
انه ولى ذلك والقادر عليه
وبعدين انت هاتبقى موجود معاهم فى الاحياء
امال بتقول ليه انا هامشى ؟!!!!!!!!!!!!!
هااااااا

كان قبل ما اقول هامشى

طـفـلـة الامـس

12-08-2008, 02:43 PM

كان قبل ما اقول هامشى

لا ان شاء الله تبقى معاهم علطول
وبعدين انت بتحب كده وعندك القدرة على التصدى فى كل جهة
فمتحرمش نفسك من الاجر
ساعد غيرك عشان ان شاء الله ربنا ييسر طريقك

dr.saeed

12-08-2008, 02:49 PM

لا ان شاء الله تبقى معاهم علطول
وبعدين انت بتحب كده وعندك القدرة على التصدى فى كل جهة
فمتحرمش نفسك من الاجر
ساعد غيرك عشان ان شاء الله ربنا ييسر طريقك

على رأيك
انا ماعتش بحس بغيرى
ارجوا من المشرفه غلق الموضوع لانى خلاص عرفت ان ماحدش هنا ولد تقريبا فى طب المنصورة
فى امان الله

طـفـلـة الامـس

12-08-2008, 02:53 PM

على رأيك
انا ماعتش بحس بغيرى

انا ماقلتش كده
وانت عارف انا كان قصدى ايه
واسفة على اى حاجة انا قلتها

Dr. akram

12-08-2008, 03:09 PM

على رأيك
انا ماعتش بحس بغيرى
ارجوا من المشرفه غلق الموضوع لانى خلاص عرفت ان ماحدش هنا ولد تقريبا فى طب المنصورة
فى امان الله
يا دكتور سعيد هى مش قصدها حاجة وحشة قصدها ان جزاك الله خيرا على انك بتروح الى ما تستطيع ان تخدم الناس فيه و هد اللى انا فهمته و لو انت فهمت حاجة تانية يبقى ماخدتش بالك بس..
و بعدين الموضوع يغلق ليه هو اه الحوار خرج عن المطلوب بس ادى فرصه للتعرف كأخوة و لا ايه يا دكتور !!!!:cool::cool::cool:

انا ماقلتش كده
وانت عارف انا كان قصدى ايه
واسفة على اى حاجة انا قلتها

اهى اتاسفت بصفو نية لان فعلا قصدها كان عكس ما فهمته خالص يا ريت ما يبقاش فيه حساسيالت و ربنا يوفق اللى فى المنصورة و الى فى عين شمس و اللى فى القاهرة و الكل..:rolleyes::rolleyes:

طـفـلـة الامـس

12-08-2008, 06:56 PM

شكرا يا دكتور اكرم جزيلا على التدخل
هو سعيد ساعات بينفعل كده شوية بس هو جواه غير كده خالص
واحنا اخوات ( مالكش دعوة باخوات البيت ) مش الحاجات التافهة دى اللى تعمل بيننا مشاكل
عادى كل الاخوات بتحصل بينهم مشادات
وانا اعتذرتله خلاص وهو قبل الاعتذار فجزاه الله خيرا

طـفـلـة الامـس

12-08-2008, 09:36 PM

عايزة اوضح حاجة برده عشان ابقى اتكلمت بالحق
انا قلتله انه مش بيقدر مشاعر حد عشان كده هو قال كده
يعنى هو ماقالهاش من عنده ولا حاجة
بس انا تراجعت عنها وانتهت المشكلة الحمد لله

dr.saeed

12-08-2008, 10:43 PM

سعيد ساعات بينفعل كده شوية بس هو جواه غير كده خالص
عادى كل الاخوات بتحصل بينهم مشادات
عايزة اوضح حاجة برده عشان ابقى اتكلمت بالحق
انا قلتله انه مش بيقدر مشاعر حد عشان كده هو قال كده
يعنى هو ماقالهاش من عنده ولا حاجة
بس انا تراجعت عنها وانتهت المشكلة الحمد لله

يا جماعة هانكبر الموضوع ليه
سارة دى اختى :)
ومهما قولتى ما فيش اى مشاكل
ومش محتاج اعتذار لسبب بسيط:D
لانى اصلا مش هازعل منك مهما قولتى
اى واحد بيخرج منه كلام معين بموجب تأثره مواقف عادية :)
والدكتور اكرم اخويا ومافيش مشاكل خالص يا جماعة
وانا لما قولت نقفل الموضوع عشان خلاص مافيش اولاد فى طب المنصورة من هنا
مش عشان كلمة سارة خالص
وانا مش عامل الموضوع للتعارف يا دكتور
تعارف لو فيه اولاد
فى امان الله