كما لو كنت شىء تافه تعاملنى
وأنا اللى بجد حبيتك
وحسيتك
وقلت انك تكملنى
ولا مرة نسيتك يوم
لكن قلبك
باصرارك بيهملنى
انا اللى عمرى ما خنتك
ولا حبيت ف يوم غيرك
ولو ببعد ف يوم عنك
شوق الدنيا حبيبى اليك بيحملنى
انا ماشى
مانيش راجع
ولاهقبل ف يوم ذنبك تحملنى
هقول يارب قوينى
على العشق اللى انا شايلُه
على الحب اللى شاغلنى
ورب الكون هيرحمنى
ينسَينى
بكل الرحمه يشملنى
مفيش ف الحب
لاممكن
ولا يمكن
يا اما الحب
او اللاحب
وانا حبيت
لكن قلبك يماطلنى
ماهو قلبك حجر صوان
بدون احساس
لايعذرنى
ولا حتى ف يوم فكَر يجاملنى
انا هبعد
وانا عارف
بان البُعد ي***نى
وان الشوق يقاتلنى
وبيك دايما يشاغلنى
لكن هقدر اكيد ابعد
مانيش هرضى اكون تافه
كما لو كنت شىء تافه تعاملنى

_________________
عطيه خضرى عطيه
قلين / كفر الشيخ

الله الله

سيخسر كثيرا كثيرا ذلك القاسي القلب ، كيف يمكن لإنسان أن يجفو شاعرا مرهفا مثلك أخي عطية ؟ !!

شكرا له إذ جعلنا نقرأ هذه الرائعة أعلاه

اخى ابو العلاء
تلميذ من فصلك
بدعيلك
يكرم أصلك
وتفضل دايما
تسعدنى بوصلك