|
مشاهدة النسخة كاملة : عندى سؤال نفسى حد يجاوبنى عليه ToMoRrOw_NeVeR_DiEs 30-07-2008, 07:52 PM انا اسمى عمرو من الاسكندريه جبت مجموع 92.7 و والدى مش عاز يدخلنى حقوق بدل سياحه و فنادق و السن فجه فى اخر يوم راح مغير رغباتى و مخلى الحقوق اول رغبه ليه عندى سؤالين : الحقوق صعبه زى ما بيقولو ؟؟؟؟؟ اقنعه ازاى عشان يسبنى اخش سياحه او السن:confused: ToMoRrOw_NeVeR_DiEs 30-07-2008, 07:53 PM اسف على اخطاء الموضوع عشان بكتب بسرعه stop 03-08-2008, 11:35 AM انا من راى حقوق للولاد احسن من سياحة والسن انت ممكن تبقى وكيل نيابة بس هى صعبةبس ان شاء اللة تقى سهلة عليك هو انت يتحب الحفظ؟ وكمان انت مرحلة اولى فا انا سمعت ان خلاص معتش فى تحويل يعنى لو انت قبلت حقوق خلاص و ربنا معاك ومعانا CoMMaNdo 03-08-2008, 11:39 AM خليك حقوق يا جدع مانا حقوق ان شاء الله زيك دى ميه ميه عايزه مزاكرة وحفظ بس Travel 03-08-2008, 11:42 AM انا من رايى انك تصلى استخارة واللى عاوزة ربنا هو اللى يكون وحكاية السن او حقوق برضه الاستخارة هى اللى تحدد وتقبل رايى اللهم ادخلني الفردوس 03-08-2008, 11:58 AM بس لو انت في المنصوره وعايز تبقي وكيل نيابه اوعي تخشها لان هنا في حرب في حقوق هههههههه أحمد2025 03-08-2008, 12:09 PM بتوع المنصورة دول ظبطوا النت بقولك ياعم أنا الحمدلله جبت 88% وقدمت برضه حقوق عين شمس بس ان شاء الله هدخل حقوق انجليش بس لسه مش عارف هقبل فيها ولا لا أنت ممكن تدخل حقوق عادى بس تدخل قسم انجليش مجموعك يدخل قسم انجليش وأنت حاطط رجل على رجل وحقوق انجليش دى ممتعة والله وشغلها فى المستقبل جامد ده من وجهة نظرى المتواضعة جدا جدا جدا فى الأخر بس كده عايز اسألك والدك شغال حاجة فى النيابة او القضاء او المحاماة؟؟؟؟؟؟؟ والسلام عليكم ورحمة الله وبركاته طبيب عالمى قادم 03-08-2008, 03:28 PM انا هنصحك نصيحة المستقبل ده مستقبلك مش مستقبل ابوك وانت اللى تقرر اولا الحقوق عايزة حفظ والوظيفة مضمونة لو انت مش لاقى وظيفة ممكن تفتح مكتب محاماة ثانيا الالسن عايزة واحد بتاع لغات واصعب من الحقوق اما السياحة والفنادق احسن لانك بتضمن فيها الشغل ومهيش صعبة اوى وزمايلى دخلوها bosy .. mostafa 03-08-2008, 03:41 PM حاول تقنع والدك براحه و بعقل لإن ده مستقبلك .. و صدقني لو دخلت حاجه انت مش بتحبها هتطفش منها بسرعه و مش هتطيق تذاكر ولا تعمل حاجه بس لو والدك مش اقتنع حاول انك تحب كلية الحقوق و ان شاء الله تبقى محامي كبير و اجي لك عشان تخليني اكسب قضية التظلم بسرعه gamal saber 03-08-2008, 04:50 PM بص يا مان كلية حقوق سواء عربى او انجليزى او فرنساوى مستقبلها غاية فى الروعة ومن ناحية الصعوبة مفيش كلية سهلة وكل دراسة وليها طريقتها الخاصة بيها وانا هقلك لية كل الناس بتقول حقوق صعبة زى مانت شايف كل الاعضاء بيقولو حقوق عاوزة حفظ ودة فهم خطا جدا جدا جدا وعشان كدة هى صعبة على الى بيحاول يحفظ بل تكاد تكون مستحيلة حقوق عاوزة فهم لاابعد الحدود ودماغ صاحية جدا ومتابعة اول باول فلو دخلت حقوق تنسى الراحة طول فترة الدراسة دة لو عاوز تبقى حاجة كوسية وعشان تبقى عارف حقوق علىقد ماتديها من وقتك ومجهودك تديك هى بعد كدة وعلى فكرة انا خلصت 2 حقوق وحاصل على تقدير جيد جدا بالعام الماضى ادعولى بئة السنة دى عشان النتيجة شكلها كدة هتطلع السنة الجاية ahmed2845 03-08-2008, 04:56 PM انا شايف ان حقوق احسن من الالسن و السياحة و الفنادق لان الالسن و السياحة و الفنادق مالهمش شغل دلوقتى انما الحقوق ممكن تبقى وكيل نيابة عامة او وكيل نيابة ادارية و لو مبقتش وكيل نيابة ممكن تتدرب فى مكتب اى محامى وبعد كده تفتح لنفسك مكتب محاماه لوحدك او على الاقل هيبقى اسمك محامى ahmed2845 03-08-2008, 04:59 PM و ياريت كمان تلحق حقوق انجليزى هى صحيح اصعب من الحقوق العربى شوية بس حقوق انجليزى بيبقى ليها اولوية فى الشغل عن الحقوق العربى العادية طبيب عالمى قادم 03-08-2008, 08:46 PM نا هنصحك نصيحة لا تاخذ بكلام اى عضو لان كل عضو يتكلم حسب اهوائه الخاصة وميولاته الشخصية فانت القرار قرارك يا اخى mR . mOstafa Fathi 04-08-2008, 02:11 AM حقوق جميلة بس هتذاكر وتثبت نفسك ادخل اصل الدفعه 5.000 واحد لما كلو هيبقى محامين ووكلاء نيابة امال فين الحرامية هههه the_guilty 04-08-2008, 05:04 AM والله لو خلاص اتفرضت عليك فخشها انجليزى لانهم بيتعاملوا احسن من الدكاترة وخاصة لو تميزت فيها هتدرس قوانين دولية وهتبقى مزاج وبعدين كفاية ان البرادعى خريجها بس انا عن نفسى هربت منه وفضلت تجارة انجليزى فقط علشان صعوبتها لازم تاخد فى الحسبان مميزاتك يعنى لو كويس فى الانجليزى والحفظ فعلى خيرة الله وينتظرك مستقبل جميل ان شاء الله فى حقوق انجليش بس متنساش ان سياحة وفنادق حلوة برضك يعنى انت اللى تحدد وجهتك اما السن فانا رايى انها متسواش حاجة جنب حقوق او سياحة gamal saber 04-08-2008, 11:23 AM بيتعاملوا احسن من الدكاترة وخاصة لو تميزت فيها هتدرس قوانين دولية وهتبقى مزاج يامان الكلام دة غلط بيتعاملو احسن من الدكاترة ازاى واية حكاية قانون دولى دى يعنى حقوق فرنساوى بياخدش قانون دولى كلة بياخد قانون دولى حتى حقوق عربى بياخد قانون دولى والذيادة فى حقوق انجليزى بالنسبة للدولى هى مادة legal tearmnology والى بتبقى متخصصة فى مجال القانون الدولى ودى بتدرس فعلا بردو فى العربى والفرنساوى وكل الفرق هى اللغة الى بتاهل خريج حقوق انجليزى للعمل فى مجال القضاء الدولى سواء محامى او محكم او شيى كان ونفس الحال بالنسبة للفرنساوى لاكن واة من لاكن ممكن خريج عربى يتمتع بنفس الامتيزات الى بيتمتع بيها خريج انجليزى وفرنساوى وبصفتى دارس بالفرنسية فهكلم عن الى عارفة كويس كل واحد خريج حقوق عربى يستطيع التمتع بنفس الامتيازات بمجرد حصولة على شهادة B2من المركز الثقافى الفرنسى فى مصر من اى فرع ليةمش شرط القاهرة يعنى اجتياز 14 مستوى فى اللغة الفرنسية وبعدها يبقى زيك زى خريج حقوق فرنساوى بالظبط وكذللك الامر بالنسبة للانجليزى لاكن اعتقد من الجامعة الامريكية فياريت محدش يكلم الا عن علم وثقة لان الراجل طالب نصيحة مش من المنطقى اننا نضللة فائق احترامى وتقديرى gamal saber the_guilty 04-08-2008, 01:02 PM مع احترامى ليك انتا عابز تفهمنى ان يبقى قدامه حقوق انجليزى ويخش عربى متنساش ان مش الدفعة كلها هيبقوا وكلاء نيابة ولو الكلام اللى انتا بتقوله دا صحيح يبقى الاحسن سياحة وفنادق بس انا واثق ان حقوق انجليزى احسن مليون مرة من حقوق العادية واسال اى حد ! زبادو 04-08-2008, 02:43 PM سورى فى فرق كبير بين حقوق انجليزى وحقوق عربي حقوق انجليزى يشتغل محاكم دولى وبتوع حقوق انجليزى بيشتغلوا بسرعة اما حقوق عربي محامى لكن محاكم دولى لا ودى معلومة واحد قالهالى فى حقوق عربي مش انجليزى كمان زبادو 04-08-2008, 02:45 PM يعنى مفيش وجه مقارنة بين حقوق عربي او حقوق انجليزى وغير كده حقوق عربي اصعب بكتير من حقوق انجليزى the_guilty 04-08-2008, 04:12 PM مظبوط الكلام دا فرق شاسع بين انجليزى وعربى gamal saber 04-08-2008, 05:07 PM ينهاااااااااااااااااااااااااااااااااار ابيض حقوق عربى اصعب من انجليزى بكتير مين الى قالك كدة وكمان حقوق انجليزى يشتغل محكم دولى وعربى لا انت عارف يعنى اية محكم دولى الاول ؟؟؟؟؟؟؟؟ وكمان شغل اية الى خريج انجليزى هيلاقية هو هيلاقى الامم المتحدة فتحالة دراعها ومشكلتنا كلنا هيى اسئل اى حد وهو يقلك هو انا لو عاوز اوصل للحقيقة اسئل اى حد بردو يا جماعة انا مبستعرضش عليكم عضلاتى ولا بفرض عليكم رايى بس لااسف انتو مش فاهمين المان الى بيقول ان خريج انجليزى يشتغل محكم دولى وعربى لا لازم تعرف ان المحكم الدولى دة بيطبق قواوعد القانون الدولى وحقوق انجليزى بيدرس نفس مقرر القانون الدولى الى بيدرسة طالب حقوق عربى وطالب حقوق فرنساوى كل الفرق فى اللغة والى بياهلة انة يشتغل محكم انة بيجيد الانجليزية افضل من خريج عربى بمراحل والفيصل فى حتة المحكم الدولى هى اللغة وكذلك المحامى الدولى والمحامى الدولى دة بيبقى تابع لشركات قانونية مبيدورش على الى معاة شهادة الليسانس بتاعتة حقوق انجليش بيدور على دارس القانون الدولى والحاصل على ليسنس حقوق والقادر على تخطى الاختبار اللغوى الى بتعملة وكل شرط من دول مستعد اسردلك اسبابة بالتفصيل لو عاوز كون ان المعلومة دى قلهالك طالب فى حقوق عربى فهو لاسف وقع فى خطا فى الفهم والمحكم الدولى دة بئةبيبقى تابع للامم المتحدة ومن الاخر كدة مش كافية انك تكون خريج حقوق انجليزى عشان تبقى محكم لان محكم دى مش لعبة ومفيش حد شغلتة محكم عشان تبقو عرفين المحكم دة الدول الاطراف فى نزاع على الصعيد الدولى هى الى بتختارة يعنى بيختارو شخصيات معروفة بانها متمكنة فى القانون الدولى وعلى دراية واسعة بمجال العلاقات الدولية والسياسية يعنى محكم دولى مش وظيفة بالنسبة للمان الى بيقول ان لو قدامة انجليزى ميسبهاش ويدخل عربى انا مقصدتش المعنى دةكل شخص عارف امكانياتة كويس وعارف يوصل لهدفة ازاى انا حبيت اعرفة انة كل الطرق ممكن تلتقى فى النهاية وان عربى متفريقش عن فرنساوى او عن انجليزى بطريق اجادة اللغة الى اكلمت عنة فى الفرنساوى بعتبارى دارس فية ولو هو شايف انة قادر على الحصول على تقدير جيد جدا على الاقل يدخل مش كدة اعتقد عربى هتبقى اسهل لية كتير ومعلومة تانية بردو عشان تفتكرو اخوكم بالخير بالنسبة للهيئات القضائية خريج حقوق شعبة انجليزية او فرنسية لا يتمتع باى امتياز على الاطلاق لان دارستة للقانون باللغة الانجليزية ليست شرطا من شروط الالتحاق بالسلك القضائى وكمان معلومة الدراسة فى الشعبتين الانجليزية والفرنسية مش كلها بالانجليزى والفرنساوى الامر مقصور فقط فى مجال القانون الدولى والمنظمات الدولية فقط لا غير اما باقى المواد باللغة العربية وايضا فى بعض فروع القانون العام والتجارى ذات الطابع الدولى او شبة الدولى ومعلومة اخرى للزمن الشعبة الفرنسية افضل كثيرا كثيرا من الشعبة الانجليزية بعتبار ان خريج كلية الحقوق شعبة فرنسية من جامعة عين شمس وفقط عين شمس بيحمل ليسانس حقوق من جامعة ليون الفرنسية بالاضافة الى الليسانس الذى يحملة من جامعة عين شمس ويتاح لة الدراسة فى جامعة ليون خلال الاجازة الصيفية لو طلع من اللاوائل اتمنى اكون وصلت وجهة نظرى ليكم بشكل لائق فائق احترامى وتقديرى gamal saber etudiant des droits ToMoRrOw_NeVeR_DiEs 06-08-2008, 03:53 PM شكرا يا جماعه على نصايحكوا احب اقلكوا انى جبت 49.5 فى الانجليزى و قررت اخش حقوق انجليزى متهيالى ان دى حتبقى بالنسبالى احسن |