الدراسة فى مواعيدها وعودة يوم السبت كيوم دراسى
قررت وزارة التربية والتعليم بعد مناقشات واقتراحات جدية بعدم تأجيل الدراسة فى أى مؤسسة تعليمية حفاظا على عدد الاسابيع الدراسية وعدم اعادة توزيع الخطط الدراسية وأعمال الامتحانات مما يؤثر بالسلب على التلميذ.
ومن اجل ذلك اتخذت وزارة التربية والتعليم فى اجتماعها اليوم قرارين:
1- بدايه الراسة فى مواعيدها وعدم تأجليها .
2- عودة يوم السبت كيوم دراسى وليس يوم اجازة عما كان معمولا به فى السابق.

iii هو ده الكلام السليم من اجل مصلحة الطلاب والمدرسين والعملية التعليمية بكاملها

طيب بالنسبة للمدارس اللغات أو الخاصة أو التجريبية حيكون عندهم يوم سبت بردوا؟؟؟

وهل الدراسة حتبدأ يوم السبت 20 سبتمبر ولا كام سبتمبر ؟

وهل الجامعات حتبدأ بردوا 20 سبتمبر ؟ ولا حيأجلوها ؟

كلام اكيد ؟؟؟؟؟؟؟؟؟؟؟؟؟؟؟؟؟؟ ما المصدر يا مستر حسام
lممنوع يا فندم

هذا لم يحدث فى الوزارة من أين أتيت بهذا الكلام تأكد قبل أن تبلغ لو سمحت .

اين نشر هذا الخبر

مش عارف أنا قرأت كل المواقع بتاعة الأخبار على النت أهرام أخبار جمهورية دستور مصري اليوم الوفد (العدد بتاع يوم الخميس)

ومش كاتبين الخبر الغريب ده !!!!!

مصدر الخبر ايه ...؟

أنا في مدرسة تجريبية ...

السبت أجازة ولا مش أجازة ؟

ما المصدر يا مستر حسام ؟
اين نشر هذا الخبر؟
وشكرا

هذا الكلام ليس له أساس من الصحه حيث أن أجندة العام الدراسي الجديد 2008 / 2009 لم تحدد بعد !!!!

فلا تصدقوا هذه الإشاعات المغرضه

والسلام عليكم ورحمة الله وبركاته

يلريت اي حد يجيب خبر يقول مصدره وبلاش شغل البلبله ده

هذا الموقع محترم واستفادنا منة الكثير فارجو كتابة الاخبار الصحيحة واذا نقل خبر نرجو كتابة مصدرة وشكرا

وما زال الرجل يكذب ويتحرى الكذب حتى يكتب عند الله ..................................... اكمل


الف شكر
إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيما
اللهم صلى وسلم وبارك على سيدنا محمد وعلى ازواج سيدنا محمد وعلى اصحاب سيدنا محمد وعلى ذرية سيدنا محمد وعلى تابعى سيدنا محمد عدد خلقك ورضا نفسك وزنة عرشك ومداد كلماتك عدد ما كان وعدد ما سيكون وعدد الحركات وعددالسكون وعدد ما هو كائن الى قيا م الساعة

يا رجل يجب أن تتحرَّى الخبر لأنه يهم كل الشعب ( أولياء أمور ـــ مدرسون ــ باعة ــ مكتبات ...............إلخ )

أخبارك زفت

أعوذ بالله من خبر كهذا!!!!!

ا لو رجع السبت دراسة فكأننا شغالين في الفاعل!!!!

أخبارك زفت
ياجمال أنت لسه الصبح يارجل!!!!!!!!!

تأكد من صحة اى خبر قبل نشره لو سمحت

ياجماعة
الدراسة
سوف يتحدد
موعدها الاسبوع
القادم

دي كدبة إبريل

انا قريت فى الجمهوريه انهارده ان الدكنور احمد نظيف بقول انه امدارس مش هتتاجل هتكون فى 20سبتمبر وده هيكون حرام

واللى عاوز يتاكد افتح جريده الجمهوريه او الاهرام واتاكدوا وردوا عليه

ههذا الخبر ليس له اساس من الصحة الدراسة فعلا يوم20 امايوم السبت ده لم نسمع عنه

يا جماعة ظلمتوا الراجل واتهمتوه بالكذب لمجرد انه قال الخبر قبل الجرايد اهو الخبر طلع صح .. ايه رأيكم بقه ؟؟؟؟ الراجل كداب ؟؟؟؟

[i]قرانا فعلا عن بداية الدراسه يوم 20 بس عن موضوع السبت ده لا

لن أصدق هذا الكلام فيوم السبت إجازة للعاملين في الدولة ( معظمهم ) ليس قرار من وزير التعليم يلغيه بمزاجه ، ورجوا عدم ترديد هذا الكلام . فمعظم النار من مستصغر الشرر .

ياجماعة يجب أن تتوقعوا ما هو أكثر من ذلك من وزارتنا الرشيدة التي لا يجيد أفرادها إلا الانتقام من المعلم أولا ، وأولياء الأمور ثانيا .

الدكتور نظيف لم يصرح بموضوع يوم السبت عندما حدد موعد بداء الدراسة ولكن هناك مدارس لم تعطل الدراسة فيها يوم السبت نظرا لكثافة الفصول اذن يوم السبت لم يطرح للحوار

فعلا تأكد بدء الدراسة 20 سبتمبر و دة أفضل من تأجيلها لاستقرار الدراسة و عدم تأخر مواعيد الامتحانات

شكرا ياأستاذ محسن ياجماعة انا قلت الدراسة يوم 20سبتمبر قبل الجرايد وده كان مصدره واحد من اعضاء مجلس الشعب القريبين من رئيس مجلس الوزراء وعرف الخبر بالصدفة اما يوم السبت حكايته الوزارة عاوزة ترجعه كيوم دراسى بس فيه مشاكل ان المديريات معترضة على ذلك لان الوزارة بعتت فاكسات لأشخاص محددين فى المديريات للتعرف على اتجاهاتهم لكنها وجدت مقاومة شديدة من المديريات
والمديريات بدورها سربت الخبر فاحتمال تتراجع الوزارة عن قرار يوم السبت
يعنى السبت مطروح كيوم دراسى بس الوزارة خايفة تطبقة فى ظل الظروف الحالية
وأخيرا ياجماعة اتمنى للجميع التوفيق وربنا على الحكومة يديها الصحة وياخدها منها اخر الاسبوع ........ ويجعله عامر

والله ياحسام أنت رجل محترم وظريف ودمك خفيف وربنا يبارك فيك

والله ده حاجه بقه مش سمعنا عنها ممكن تسالو الاستاذ الدكتور احمد نطيف شخصيا

يا جماعه دلوقتى فى مشكله وحده ازاى هنقضى رمضان واحنا فى المدارس

اشاعاااااااااااااااااااااااااااااااااااااااااااااا ااااااات

السبت ده اجازه ومفيش تغيير سمعنا بيه

طيب وبالنسبه للمدارس بقه ممكن تردوا عليه

ربنا يخليك ونام تانى علشان تحلم ان الجمل جالك فى الحلم

لا تعليق ..................................

هو فيه طلبه بتحضر علشان الوزاره تخاف على مصلحتهم وكمان هنكون فى رمضان والناس مشغوله بالمصاريف بتاع العيد يجرى ايه لو اجلوها بعد العيد؟حفاظا على اولياء الامور مش الطلبه

انا سمعت ان السحين هم اللى اشتكوا
بس يا جماعه محدش يزعل من الاخوه المسيحين لو سمحت

بس انا سمعت ان المسحين هم اللى اشتكوا فى الوزاره
بس سا حماعه محش يزعل من الاخوه الافاضل المسحين
ده ممكن تطاع اشاعات ومحدش عارف

يمكم تكون جايبه من الكنترول!!!!!!!!!!!!!!

والله هى ده نتيجه امتحان يا مستر ميرو بس باين ان دمك خفيف ضحكتنى هههههههههههههههههههههههههه

جبت منين ان السبت مش اجازة

hانا مش قولت ان يوم السبت اجازه
انا بقول على الدراسه ياريت اكون صححت المعلومات
ممكن ترد عليه
ويريت تدينى اميل لو سمحت