السلام عليكم
انا عاوز اعرف موعد الدراسة الجامعية عامة يعنى من العام الماضي مثلا أو هذا العام لو أحد يعلم
منتظر الرد حالا

أنا آخر حاجة عرفتها ان الدراسة السنة دي هتبدأ 7/10 يعني بعد رمضان والعيد

الدراسة ان شاء الله هتبدىء بعد العيد

اللي انتوا بتقولوه دا موضوع دراسة ومش قرار نهائي

لكن لغاية اللحظة دي .. الدراسة هاتبدأ عاااااادي جدا في منتصف شهر سبتمبر زي كل سنة

انا سمعت برده ان الدراسة هتبدا بعد العيد

والله انتو واجعين دماغكم على الفاضى
يعنى هى لو بدات فى 17 سبتمبر زى كل سنة هتروحو يعنى
مين يعنى الى هيروح اسبوع وبعيدين يقعد وهو يعنى الدكاترة بيبداو الشغل من اول يوم
واساسا هم بيكروتو الوقت بتاع المحاضرات فى رمضان
وعلى ما الدكتور يتاخر شوية فى الطريق ويروح المكتب ويسلم على سيادة العميد
تكون المحاضرة خلصت
ومن الاخر كدة مصلحة الطلبة ان الدراسة يبدا فى معادها
داهنا بنلحقش نذاكر اصلا هنعمل اية بئة لو التيرم قصر عن كدة

انا سمعت انها يا اما يوم 10/10

ياما قبل العيد باسبوعين

الدراسة هتبدأ امتة ؟
لسة لم يتم تحديد هذا بعد
لانهم لسة بيدرسوا هل يخلوها تبدأ بعد العيد ولا فى الميعاد الطبيعى

ومن الاخر كدة مصلحة الطلبة ان الدراسة يبدا فى معادها
داهنا بنلحقش نذاكر اصلا هنعمل اية بئة لو التيرم قصر عن كدة
تمام
====
فيه حاجة اسمها مناهج
،،،،،
ربنا يسهل ان شاء الله
وتبدأ فى الميعاد الطبيعى افضل

فيه حاجة اسمها مناهج
،،،،،
ربنا يسهل ان شاء الله
وتبدأ فى الميعاد الطبيعى افضل

انا شايف كده برده نبدأ بدرى بدرى احسن
عشان الترم الأول اصلا قصير
و الأسبوعين دول كده كده هيضيعوا

تحياتى,

لسه رئيس الوزراء (ربنا يورينا فيه يوم) قايل ان العام الدراسي هيبدأ 20سبتمبر . خلص الكلام

وقال د. نظيف إن تحديد موعد العام الدراسي الجامعى يتم من خلال المجلس الاعلي للجامعات .

يعني لسه لم يتم تحديده

20 /ستمبر

هم قالو كدة

ana shayef 2n el drasa tebda2 abl el 3eed a7san 3shan el wa7ed beyb2a taeh asasan fi awel 2sboo3 flma yedee3 fi rmadan a7san ma yedee3 fi el ayam el 3adya

اه فعلا .. انا لسه سائل بابا من شوية .. قالي انه الدراسة يوم 20 خلاص !!

بس غريبة .. مش عارف ليه ماخلوهاش 15 زي كل سنة .. كدا كدا مش فارقة !!

بس النظرية بقي من الموضوع دا .. انهم عايزين يستغلوا الكام يوم اللي قبل العيد دول في حاجتين :

1- انهم يحاولوا يظبطوا القوايم بتاعة الفصول والغياب والنقل والطلبة .. دا بالنسبة للمدارس

2- انهم خلال الكام يوم دول يخلوا الطالب يبدأ ياخد الاستعداد للدراسة .. بحيث ان بعد العيد تبقي الدراسة ماشية عادي

اما بالنسبة للجامعات ..فامش فارقة اصلا.. كدا كدا اول اسبوع بيبقي هبل ومالوش لازمة !!

أنا شايف ان الدراسه - للجامعات - سواء كانت قبل العيد أوبعد مش هتفرق كتير يعنى من الطلبه بيتهيألى مجتش على أسبوع و لو على الدكاتره فالشرح بتاع اول أسبوع بيتكرر بعد كده ف مش .... أما بالنسبه للمدارس ف بيكون ف خطه دراسيه بيمشو عليها فبيحكومو من خلالها خط سير المنهج الدراسي وخطة التدريس و هما أكيد عاملين حسابهم من يوم زى ده يعنى ان العيد هيجي بعد بداية السنه بأسبوع

طيب ياجماعة اللي عرف القرار الأخير ايه يرد في الموضوع ويقولي ؟ يعني هيكون 20 سبتمبر ولا بعد العيد ، ولو لسه محددوش ممكن يكونوا هيحددوا امتى ؟؟

انا عاوز أعرف بس الميعاد امتى بإذن الله عشان أكون مستعد ، يا ريت اللي يعرف يقولي ، والكليات العملية بتنبدأ الدراسة فيها على طول من أول أسبوع

ايه يا جماعة يعني مفيش حد رد ، أنا عاوز أعرف المعاد ضروري

يقال انها 20/9 بس لسه مش متاكدين

بيقولوا برده بعد العيد وكده وربنا يسهل

طيب هو الميعاد المعتاد كل سنة بيكون امتى ؟؟؟ ومفش حد يعرف آخر قرار ايه

السلام عليكم
انا عاوز اعرف موعد الدراسة الجامعية عامة يعنى من العام الماضي مثلا أو هذا العام لو أحد يعلم
منتظر الرد حالا
ان شاء الله عندما اعرف سأخبرك

للاسف انا مشغول هذه الايام وغير متابع الجامعات

سابحث عن طلبك واجيب عليه

طيب هو الميعاد المعتاد كل سنة بيكون امتى ؟؟؟ ومفش حد يعرف آخر قرار ايه

كل سنه بيبقى فى حدود 15/9

وانا اخر حاجه سمعتها 20/9

اخر حاجه وصلتنى ان الدراسه هتبدأ يوم 20\9 عادى جدا وان اقتراح انها تكون بعد العيد اترفض

وانا شايفه ان كده افضل لان الدراسه لو بدأت بعد العيد هيختزلوا اجازه نص السنه فى 5 ايام بس

اعتقد كده افضل :)

يا جماعة الدراسة فى المدارس هتبدأ 20/9
والدراسة فى الجامعات احتمال تبدا بعد اسبوع من دخول الدراسة او يعد العيد الكلام مش اكيد ولسه مسمعتش عن ميعاد محدد لبدء الدراسة فى الجامعات لان نظيف قال ان السنة الدراسية الجامعية هيجددها المجلس الاعلى للجامعات

انا عاوز اعرف موعد الدراسة الجامعية عامة يعنى من العام الماضي مثلا أو هذا العام لو أحد يعلم
منتظر الرد حالا

ان شاء الله يوم 20 سبتمبر حسب فرار الوزارة

هو عشرين ده بتاعت المدارس ولا الجامعات

وأنا عاوز أعرف الدراسة الجامعية هتكون 20 / 9 ولا بعد العيد ولا لسه الوزارة مقررتش

اللي عارف أي معلومات يقولهالنا ضروري

وكمان بيقولوا انها 15 / 9

منتظر ردودكم

انا مش عرفه الصراحه بس اعتقد انها 20 احتمال كبير وبعد العيد احتمال صوغير اوى
بس انا عندى سؤال هى حقوق بتبتدى متاخر ولا مع باقى الجامعات

لا حقوق زيها زي اي كلية تانية

التأخير فقط .. بيبقي في نتيجة الكلية سواء في نص السنة او اخر السنة ..

كلام نهائي يا جماااااااااعة ...

بالنسبة للمدارس :

العام :

يبدأ يوم 20 /9 .. والترم الاول ينتهي يوم 29/1 وامتحانات الترم الاول هاتبدأ يوم 17/1 واجازة نص السنة هاتبدأ يوم 31/1 والترم التاني هايبدأ 14/2 وهاينتهي 28/5 وامتحانات الثانوي العام هاتبدأ يوم 13/6

لفنى :

هايبدأ يوم 20/9/2008 وامتحانات الدبلومات هاتبقي يوم 30/5 ..

بالنسبة للجامعات :


>> الجامعات الحكومية هاتبدأ يوم 20/9 عادي جدا .. في الاسبوع التالت من شهر سبتمبر

>> الجامعة الامريكية هاتبدأ دراسة يوم 7/9