مطبات صعبة في تنسيق المرحلة الثانية
نقص شديد في الأماكن المتاحة أمام طلاب العلمي



كتب ـ زكي السعدني: بدأ أمس طلاب المرحلة الثانية في تسجيل رغبات الالتحاق بالكليات والمعاهد عن طريق مكتب التنسيق الالكتروني وفروعه بالمحافظات. شهدت معامل الكمبيوتر بالكليات الجامعية زحاماً شديداً من الطلاب المتقدمين للمرحلة والبالغ عددهم 135 ألفاً و939 طالباً وطالبة منهم 56 ألفاً و67 من المجموعات العلمية و79 ألفاً و872 من المجموعات الادبية. يواجه طلاب المرحلة الثانية مطبات صعبة في اختيار الكليات المتاحة أمامهم بسبب عدم تناسبها مع ميولهم ووجود الاماكن الشاغرة في كليات الانتساب الموجه خاصة الكليات المتاحة أمام طلاب الادبي.

من متوقع انخفاض الحد الادني لقبول طلاب الرياضيات بكليات الهندسة والحاسبات والمعلومات والتخطيط العمراني الي 90% نظراً لاستمرار وجود الاماكن الشاغرة بكليات المجموعة الهندسية أمام طلاب المرحلة الثانية. ويواجه طلاب العلمي وجود نقص كبير في الاماكن المتاحة أمامهم بالجامعات، نتيجة ارتفاع اعداد المتقدمين للمرحلة عن أعداد الاماكن المتاحة بالكليات. يوجد أمام طلاب المجموعات العلمية البالغ عددهم 56 ألفاً و67 طالباً وطالبة بالمرحلة الثانية 49 ألفاً و637 مكاناً شاغراً بالجامعات ويبلغ اعداد الطلاب المحرومين من الالتحاق بالكليات الجامعية في هذه المرحلة من طلاب العلمي 7 آلاف طالب وطالبة وهؤلاء سيتم قبولهم بالمعاهد الفنية. أكدت البيانات الرسمية للمرحلة الثانية وجود فائض في الاماكن الخالية بالجامعات أمام طلاب الادبي ولكنها تنحصر معظمها في كليات الانتساب الموجه والكليات التي يحتاج الالتحاق بها الي النجاح في اختبارات القدرات. يوجد أمام طلاب الادبي البالغ عددهم 79 ألفاً و872 طالباً وطالبة 94 ألفاً و601 مكان، وهذه الاماكن الخالية ستكون أكثر من الاعداد المقرر قبولها بالمرحلة ويؤدي ذلك الي وجود أماكن شاغرة بالكليات أمام طلاب المرحلة الثالثة والاخيرة. يبدأ اليوم تسجيل رغبات طلاب الشريحة الثانية للحاصلين علي مجموع 361 درجة لاقل من 368 درجة للعلمي و318 درجة لاقل من 326 درجة للادبي. احتج الطلاب المتخلفون عن المرحلة الاولي علي حرمانهم من القبول بالكليات التي تقبل مجموعهم ومعاقبتهم بالقبول في الكليات التي يوجد بها أماكن خالية في المرحلة الثانية بمجموع أقل من الحد الادني الذي قبلته كليات المرحلة الاولي. أكد الطلاب التمسك بحقهم الدستوري في القبول بالكليات التي تقبل مجموعهم وعدم الموافقة علي الالتحاق بكليات أخري بسبب التخلف عن التسجيل في مواعيد المرحلة الاولي



المصدر \ الوفد

يعني كده طلاب مرحله ثالثه علمي مش هيدخلوا كليات ولا ايه العام السابق واللي قبليه اللي كان بيبقي جايب 50% علمي بيدخل كليه ايه نظام السنه دي ارجوا الافاده

لا ياحبيبى المرحله الثالثه خلاص اتاكدت علمى رياضه ملهوش كليات ليه معاهد فنيه بس

وعلمى علوم حيبقى ليهم كيات

وادبى ليهم كليات

هما بس علمى رياضه

وبالتوفيق للجميع

مشكور جدا لردك بس انا علمي متأدب ليا كليات ولا لا انا واخد جيولوجيا بدل الفيزياء وواخد احياء يبقي ليا ولا لا

sfdsdf

yuy

لو سمحت يا استاذ محمد انا اخويا ان شاء الله ناوى يدخل حقوق المنصورة وحقوق انتظام السنة اللى فاتت كانت واخدة من 310 فهل السنة دى تتوقع ينخفض ولا اية النظام وهل فية اماكن لحقوق انتظام فى المنصورة وجزاك الله كل خير.

انا قرات انى هندسة هاتخد من 370

قرات فين خبر ان هندسة هتاخد من 370 انا عمرى مشفت الخبر ده رغم انى قلبت الدنيا كلها توقعات ممكن تصيب وممكن تخيب وعلى العموم ربنا يكرمنا وكل واحد يخش الكلية اللى بتمناها ان شاء الله

ادعولى يا جماعة الحق هندسة المطرية حلوان لانى انا جايب 91 و خايف مدخلهاش
لان هندسة المطرية حلوان هى الكلية الوحيدة اللى فاضلة من كليات الهندسة الحكومية فى القاهرة

ياجماعه اللى جايب 90 فى الميه حيخش هندسه

واللى جايب اكثر من 65 ادبى حيخش حقوق فى اى جته متقلقوش والله الحكايه مترعبش

طيب اللى جايب 76و89 فى المية ممكن يلحق هندسة و لأ ارجوكواااااا حد يرد عليا

لا لا للاسف ياحبى مش حتلحق

انا مش فاهمه حاجه شويه يقولو المرحله الثالثه لعلمي ملهمش كليات وشويه لالا ليهم كليات وشويه يقولو في حوالي 7000 من المرحله الثانيه مش هيلحقو كليات طيب منين والمرحله التالته علمي ليهم كليات ايه هي الحقيقه بالضبط

النهاردة قرات فى الجرايد ان فى اماكن فى كلية الزراعه لطلاب المرحلة الثالثة علمى علوم وفى اماكن فاضية فى الحقوق والخدمة الاجتماعية وبالتوفيق للجميع