الثوره هتعلمك
تخلع امك وابوك
وتنسى من ربوك
من ادبوك
عايز تودى الحب للجحيم
وتأذى من حبوك
متزعلش لما يرشدوك
متزعلش لما عن اى شر يبعدوك
مترحش - متخرجش
مش قصدهم يحبسوك
ياقاسى القلب
قصدهم يفهموك
اكبر منك بيوم
يعرف عنك بسنه
ما بالك لما يكون الكبير امك وابوك
متزعلش منهم لما بيعاتبوك
تخلع الريس دا حقك
وتخلع كل من ظلموك
بس مش تخلع خواتك
تخلع امك
ولا تخلع فى يوم ابوك
اوعاك تنسى فضلهم
اللى اوصاك بيه ملك الملوك
اوعاك تنسى انهم
كانوا السبب
من العدم وجدوك
اوعاك تنسى لما كنت بتتعب
عمرهم مسبوك
كانت امك مبتنمشى
وكمان كانت بتسود ايام ابوك
ويجروا ويعالجوك
ربنا اوصاك متقلهمش اف
متنهرهمش
وصاحبهم زى ميصاحبوك
اوعاك تعوقهم لو حتى يوم عاقوك
حاله واحده
ملهمش فيها طاعه
لو لغير الله وجهوك
لو غير الله
حاولوا يرغموك
وصاحبهم فى الدنيا بالمعروف
بدعاهم يرفعوك
وحبهم قدر استطاعتك
وحب كل الناس
لجل ميحبوك
من غير الحب
ملعونه الحياه
ودمها مسفوك

_________________
عطيه خضرى عطيه
قلين / كفر الشيخ

فعلا والله ، ولو كانا كافرين علينا برهما أيضا


بورك القلم وصاحبه


تحاياي

شكرااااااااااااااااااااااااااااااااااااااا

الشكر لابو العلاء
استاذ حكيم ورزين
والشكر موصول
اخى زمن فطين
يا كل من بالمنتدى
جميعنا مصريين
دى همستى ليكم
تفكُّوا وقفة زمن
الله يخليكم
بناديكوا باسم الدين
لو مره يوم غلط
خليكوا متسامحين
واحنا بصحيح اخوة
اقباط ومسلمين
لو فرقتنا الفكَّر
او فرقتنا العقايد
مسيرنامجتمعين
كلنا لبعضنا
زى ماقال الدين
كلنا لادم
من التراب والطين
اسف على الازعاج
ورجَّعوا فطين