ازيكو يارب تكونو بخير بصوا انا طبعا تالتة وعلوم وبصراحة معملتش اي حاجة السنادي معلينا ياريت تدخلو تقولولي الم المنهج ازاي وايه هيا الكتب اللي احلها وكده ومعلش محدش يقول اجلي مستحيل انا عندي حلم وهوصلو ان شاء الله

والله الحال من الحال

ما دام عندك حلم بقى .. يبقى لازم تشتغلي عشان توصليله ;)
إنتي إنسي التقصير إللي فات دا .. وصلي ركعتين لله تتطلبي منه يسامحك على إللي فات
وخديها توبة بجد .. وإقفلي النت دا خالص .. ومش معقول يعني ما ذاكرتيش حاجة .. أكيد يعني عارفة عن المناهج ولو قشرة بس ..
كلنا مقصرين في أغلب المواد .. بس مش نعد نعيط بقى لأ خليكي متفائلة وتوكلي على ربنا وذاكري وهيحققلك حلمك إن شاء الله
نظمي وقتك وخدي في اليوم ثلاث مواد أقل حاجة .. حتة من كل مادة وإعدي عليها ولازم تخلصيها .. ويوم مع يوم هتلاقي نفسك بتنجزي كتير
خلي عندك عزيمة .. وقبل كل دا إتوكلي على ربنا وإعرفي إنه هو جنبك وهو إللي قادر يوفقك مش مذاكرتك وخلاص ..

وأهو فاضل شهر بالظبط على أول يوم إمتحان .. مش قليلة ، ممكن تنجزي فيها حاجة كبيرة
ولو اخدتي بالأسباب وتعبتي الشهر دا ربنا عمره ما هيضيعلك دقيقة تعب ..
بس لازم نتعب ..


ربنا يوفقك .. نصيحة مني إقرأي الكلام دا
وبعدين إوعي تفتحي نت تاني غير بعد الإمتحانات
أكيد هتلحقي .. إذا وثقتي بربنا وتوكلتي عليه وإشتغلتي صح

وفي مقولة بتقول :
" فلأخلص فيما أستطيع ، يدبر الله لي ما لا أستطيع "
يعني إنتي دلوقتي أخلصي العمل والتوكل على الله .. وكل حاجة هتبقى زي الفل إن شاء الله
ربنا يوفقك :)