وقع يا أستاذ
على إيه يافاندم
تحضر قبل اللجنة بساعة
حاضر يافندم
اليوم بثلاثة يا أستااذ ومافيش اعتذارات ولا تأخير ولو وأبوك اتوفى قلنا قبليها بثلاثة أيام
ماشى يا فاندم
الساعة 8 صباحا
وقع على لجنتك يا أستاذ
حاضر يا فاندم ، مين معايا ملاحظ
مفيش يا أستاذ انت لوحدك عندنا عجز ، وعلى فكرة اللجنة (دوبل) يعنى لجنتين واحدة أولى إعدادى ب(32طالب ) والثانية ( 22 طالب) ثانية إعدادى يالله ورينا همتك رص الدكك وقعد الطلاب ووزع الورق وراجع البيانات واكتب الغياب واضبط لجنتك الدوبل وأى خطأ هتتحمله لوحدك وممنوع أى تجاوزات وشهل شوية ، معلش يومين وهيعدو.
على رأيك يومين وهيعدو وبعدين هو مين يعنى هيمنع الغش المهم نظبت الأوراق ونرتبها.
الحمد لله اللجنتين خلصوا أخيرا
على فين يا أستاذ عندك تصحيح لغة عربية
ازاى ده كدة يبقى أوفر ده أنا استويت .. طيب ساعة نفطر ولا نشرب
ممنوع الخروج يا أستاذ التصحيح دلوقتى حالا والباب مقفل بالقفل.
الساعة 4
أظن كفاية كدة صححنا ظرفين ممكن نستأذن
لا طبعا مش ممكن احنا لازم نخلص المادة كلها 450 كراسة ونسلمهم، وبكره شرحه عربى أولى وبعده دين أولى وثانية.
الساعة 6 واحدة مدرسة حامل فى الثامن تستأذن
ممنوع يا أستاذة موعدنا الساعة 9 وأى حد هيخرج من المدرسة قبل كدة هيتحول للتحقيق
معلش مش قادرة
اتمشى شوية فى الطرقة يا أستاذة ده هيفيدك وبعد كدة ارجعى خلصى سؤال التعبير والإملاء بتوعك
الساعة 7 مدرس صايم عاوز يفطر
ممنوع يا أستاذ
طيب شربة مياه
مفيش ماية فى المدرسة يا أستاذ كلها ساعتين وتروح، معلش يا جماعة دى طوارئ وظروف خاصة ويجب نتحملها ولا انتوا مش بتوع شغل وعاوزين تقبضوا وخلاص.

فى اليوم التالى مدير المدرسة يحقق مع المدرسة لأنها خرجت قبل الساعة الثامنة


هذا ما حدث بالفعل بمدرسة على مبارك الإعدادية بنين .. قولولى احنا فين وما رأيكم؟

اكيد بتهزري

الكلام ده بجد ... الحمد لله مش معايا والا كان زمانكوا بتجبولى عيش وحلاوة... فى السجن طبعا

أكيد مدير عايز علقة :006et4:

والله العظيم احنا السبب لان الي احنا فيه احنا السبب فيه .....................
انا لو مكانكم امشي انا وزملائي واقوله انا ملتزم بساعات العمل بس واخرك الساعه 2 واسيبه يخبط دماغه في الحيط لان ...............؟..........خسارة الكلام فيه لاته مايستهلش

فاستخف قومه فأطاعوه ..

طيب اسمعوا آخر الأخبار بتاعة النهارة:
الأستاذ ع. ب ابنه كان بيجرى عملية جراحية فى المخ - نسأل الله أن يشفيه - ومنع من الذهاب معه لأنه لا صوت يعلو فوق صوت المسخرة ولما حاول يخطف رجله للبيت ربع ساعة فضحوه لا مؤاخذة المطاهر وعملوا له مذكرة والعبد لله ظل بلا إفطار ولا غذاء حتى الساعة الثانية عشر مساء وفلت منهم بأعجوبة وبخناقة لرب السما وعارف ومتأكد إنى بكره هاخد الطريحة التمام لأن المقرر اليوم كان تصحيح عدد 250 ورقة لغة عربية سنة أولى + 460 ورقة دين سنة ثانية + 480 ورقة دين سنة أولى
ولما قلت لهم كفاية النهاردة 600 ورقة لأننا هلكنا فى المراقبة قالوا إننى أنا من أؤخر العمل وأن المدرسة خربت من يوم ما اتنقلت إليها .. هههههههه
على فكرة أنا مش بنكت دى مدرسة على مبارك الإعدادية بإدارة البساتين يا جماعة المدرسة دى قمة القمم فى الالتزام وهى المدرسة الوحيدة اللى مفيهاش ولا حنفية شغالة ..

والله العظيم احنا السبب لان الي احنا فيه احنا السبب فيه .....................
انا لو مكانكم امشي انا وزملائي واقوله انا ملتزم بساعات العمل بس واخرك الساعه 2 واسيبه يخبط دماغه في الحيط لان ...............؟..........خسارة الكلام فيه لاته مايستهلش


مش سيادتك بردوا مدرس ؟؟؟
يعنى إيه تسيب الشغل وتمشى ؟؟؟
هل جديد علينا موضوع التصحيح ده
هل جديد علينا إن مفيش مواعيد عمل أثناء التصحيح
حتى يوم الجمعة يوم عمل حسب إحتياج التصحيح
ما الجديد فى أن يجتمع المعلمين للإنتهاء من تصحيح المادة
ما الجديد فى السهر من أجل الإنتهاء من التصحيح
نحن نسعد باننا نتجمع فى هذا اليوم ونسهر للعمل
قد تحدث بعض المشاكل البسيطة وده عادى جدا

حراااااااااااااااااااااااااااااااااااااااااااااااا اااااااااااااااااااام هو المعلم طوبة مفروض يكون فيه رحمة مدرس صايم ماالمانع من يناول طعام الإفطار وكذلك السيدة الحامل أيه المانع من تأخذ قسط من الراحة

انا مد رس لغة انجليزية ( معلم ) بالازهر
لو يوجد بدل فى التربية والتعليم على نفس الدرجة ويريد النقل للازهر
فهذا رقم تليفونى للتواصل :01143183910 طهطا سوهاج
ملحوظة لا يشترط التخصص ولكن شرط وحيد وهو ان يكون المدرسان على نفس الدرجة

lمدير المدرسه ووكيل المدرسه فاشلين
ما المانع لو يريحو ا الناس وبعدين ايه المشكله مدرس الماده يصحح بعد اللجنه ولايتم ادراجه فى الملاحظه والاالاداره
مسمعتش عن روح التعاون فى فرق كبير جدا بين القائد والمدير

هذه بعض الأنماط لمنظومتنا التعليمية الفاشلية أحد الأنماط البغيضة التى تجعل من مصلحة العمل سيفا مسلطا على الرقاب زمثل هؤلاء المرضى النفسيين هم أبعد ما يكونوا عن الحرص على مصلحة العمل ولو تأملت فى أحوالهم وأدائهم لوظائفهم لوجدتهم من أكثر الناس تسيبا وتساهلا وكيفى أن أضرب لك مثالا واحد فهؤلاء لم يكلفوا أنفسهم بتوفير بإصلاح صنابير المياه والتى يعيش عليها أكثر من ثلاثة آلاف طالب على الرغم من أنها لا تتكلف أكثر من خمسين جنيها وفى نفس الوقت يشنقون الناس باسم مصلحة العمل والحرص على أداء الواجب .. يحقا لهم أعلى أكتاف هؤلاء وبهذه العقليات تنهض البلاد؟!!!

ملحوظة أخيرة لقد أرسلت بهذه الحادثة شكوى إلى السيد وزير التربية والتعليم وطلبت منه أنه يتدخل شخصيا ليرفع عنها هذا العنت ويخلصنا من ذل العبودية باسم مصلحة وخاصة بعد فشل كل المحاولات لإقناعهم بأن ما يفعلونه ليس فى صالح العمل بل على العكس من ذلك تماما ولا زلت فى انتظار الرد.

ممكن التصحيح يستمر حتي الساعة الثالثة عصرا
بعدها الجميع يمتنع عن التصحيح
ويخبط المدير رأسه في الحيط
وطظ فيه وفي الشئون القانونية

فاستخف قومه فأطاعوه ..
كلام صحيح وفعال

على فكرة دى تعليمات على الكل ان المادة تخلص فى يومها معلش يومين ويعدوا لكن هذا لا يمنع مراعاة الظروف الخاصه مثل المدرسه الجامل او الاب اللى ابنه تعبان ربنا يشفيه يا رب احنا يوميا فترتين صباحى ومسائى لحد الساعه 5 ةالتصحيح مستمر ايضا ولازم حسب التعليمات النتيجة تخلص اخر يوم امتحانات ازاى بقى معرفش

مش سيادتك بردوا مدرس ؟؟؟
يعنى إيه تسيب الشغل وتمشى ؟؟؟
هل جديد علينا موضوع التصحيح ده
هل جديد علينا إن مفيش مواعيد عمل أثناء التصحيح
حتى يوم الجمعة يوم عمل حسب إحتياج التصحيح
ما الجديد فى أن يجتمع المعلمين للإنتهاء من تصحيح المادة
ما الجديد فى السهر من أجل الإنتهاء من التصحيح
نحن نسعد باننا نتجمع فى هذا اليوم ونسهر للعمل
قد تحدث بعض المشاكل البسيطة وده عادى جدا

نادرا ما أشارك الا في مادة تخصصي ولكن الموضوع مستفز والأكثر استفزازاً ( مع الإحترام [لرءيك] مع الإ عتذار ان كان هناك خطأ املائي) هو ردك