السلام عليكم

انا عضوة جديدة عجبتنى مواضيع القسم وحبيت اشارككم بموضوعى

الاولى على الجمهورية

هذا حلمى من اول سنة رغم انى معملتش عشانه الكتير او حتى القليل

بس انا مؤمنة بقدراتى وبنفسى

ولما بحب حاجة بعملها

فى ستة ابتدائى كنت فاشلة جدا وفى مرة سمعت عن تكريم فى نادى بحبه فاتفوقت واتكرمت فيه ونفس الكلام فى تلتة اعدادى
واولى ثانوى على النقيض كنت بكره المدرسة فجبت مجموع مش اوى

مش عايزة اكسر نفسى وازعل لما اسمع مجموعى
وحلمى مش من فراغ ده فى مليون دافع عندى ليه


ده الاحلام اما ارض الواقع

العربى

كويسة فى النحو لغاية السنة اللى فاتت السنة دى ...
اخدت عند مستر مش شاطر بيشرح بس مفيش حاجة اسمها حل وامتحانات او مذاكرة او متابعة
بذاكر من كتاب المدرسة بس
وبالتالى معرفش اى حاجة عن معانى المفردات او مظاهرالجمال
لان عندى ملخص الامتحان ومفهوش الكلام ده
بنساه بسررعة جدا ولما بذاكره بئعد عليه كتيييييير
معرفش يعنى ايه بلاغة
والادب داخل فى بعضه


الانجليزى
المستر كان بيئولى انى شاطرة اكتشفت انى ولا حاجة
الجرامر كويس بس ممحتاجة حل كتير
الكلمات بنساها بسرعة بس كويس
التررازليشون عمرى ما حفظتلها كلمات بس عندى الحاسة السابعة اللى تخليك تحس بالكلمة معناها ايه
السبكيرز زيها والرريسبووند كويس بس لو جه فى التعريفات اللى هوا مثلا واحد بيسالك يعنى ايه كذا مبعرفش لانى مش حافظة التعريفات
النوفل ضايعة


الفرنساوى

كنت ممتازة فيه
بس بطلت اذاكره بئالى فترة فنسيته
ومبحلش عليه كتير
والكلمات بنساها
وفى حاجات حفظ محفظتهاش قبل كده


الكيمياء والاحياء
كويسة الحمد لله عدا الدى ان ايه
بس محتاجة اراجع مذكرات المستر واسئلة المراجعة

الفيزياء

ضايعة عشان مسترى كان ضايع كنا اربع بنات بس مفيش غيرنا عنده خالص
شرحه كويس بس معرفش افكار واسئلة اللف والدوران بحل مباشر بس

جيولوجيا

مباخدش درس بنساها بسرعة جدااااااااااااااااااااااااااا
ومعرفش احل غير المباشر
الباب منكن ياخد معايا يومين
وفيه ابواب مذاكرتهاش غير مر بدون حل


فيه فجوة كبيييييييييييييييييرة بين الخيال والواقع مش كده
بس لما بحس بكده بحبط ومبذاكرش خالص
وفيه غيرى اكيييييييييييييييييييييد هيرتب بشهادة كل المدرسين

بس للاسف لسه عندى امل ومتعلقة اوووووووى بهدفى من صغررى مش من السنة دى بس

وفضل الله واسع يؤتي من يشاء ورحمته واسعة وانا واثقة انه هيساعدنى ويقدرلى اللى فيه الخير


الحمد لله المعنويات كويسة بس متقلبةجدا ونفسى اعرف ازاى اتحكم فى نفسى بعقلى مش بقلبى لان لو حد بس قالى اى كلمة احباط بعيط واقفل على باقى الييوم

عيزة حد يساعددنى ويقف جمبى ويحط نفسه مكانى
لما كل حياتى تبأآى حلم والواقعع بيقول مش هحققه
ازاى هيبأى منظرى لو محققتوش

وحلول عملية وتجارب لان مفيش وقت خالص
اعمل ايه فى كل مادة
اجيب مدرسين فى البيت للفزياء والجيولوجياولا لا

امشى على جدول ولا لا
على فكرة جداول الدنيا منفعتش معايا
وبذاكر بالقرعة
ومبعرفش عملت ايه ولا ايه

والله اى حد مهما كان ممكن يبقا من الاوائل عادى جدا
اهم حاجة بس اعصابك تبقا باردة
مش لام تحفظى الحاجة نصا يعنى عبري من دماغك متلغيش دامغك يعنى في حكاية حفظ الجيولوجيا وكد:\
ربنا معاكى انتى بس اهم حاجة تحلي كتييييييير المزاكرة لوحدها مش هتنفع لازم تحلي امتحانات واسئلة
الفيزيا حلي عليها وجمعى افكار المسائل متستنيش المدرس يجمعلك حاجة حاولى تربطي الشباتر ببعضها وانا بتزاكرى يعنى بتزاكرى شابتر وفيه حاجة مثلا من اللى فات ارجعى للي فات وراجعيه وكده هتفتكرى الحاجات بسهولة جدا ولازم طبعا الفهم ثم الفهم ف الفيزيا كل نقطة كبيرة او صغيرة نظرى او مسائل لازم تتفهم كويس
مش لازم تعملي جدول كتابة يعنى بس نظمى نفسك وخلاص النهاردة هزاكر مادة كذا وكذا وهحل امتحانات واسئلة علا بية المواد كده يعنى خلي المزاكرة متنوعة بين حل ومزاكرة وبدلي اليوم اللى بعده اللى زاكرتيه تحلي عليه واللى حليتي عليه تزاكريه وهكذا لحد يوم الامتحان اضمنلك تطلعي الاولى ان شاء الله
ربنا يوفقك