منتهى القسوة.......قصة قصيرة
ظلا ينظران لبعضهما فترة طويلة وهما يجلسان على نفس الطاولة التى تعودا أن يجلسا عليها فى نفس الكازينو على النيل طوال مدة خطوبتهما التى زادت عن سنة بقليل ....تناولت كوب العصير وشربت منه وقالت هاه يا هانى مش هتقولى بقى ايه الموضوع المهم اللى كنت عاوزنى فيه ؟ قالتها وعيناها تبرقان من السعادة واللهفة وهى تتوقع أن يكون الموضوع هذا متعلق بالفرح الذى طال انتظاره . * الحقيقة انا بقالى فترة متردد افاتحك فى الموضوع ده بس لازم دلوقتى اتكلم ....بدأ القلق يدب قليلا إليها من طريقته فى الكلام ...ولكنه لم يلتفت إليها وأكمل قائلا .. لما كنت مسافر كان فيه واحدة بحبها قوى وكانت هى أملى فى الدنيا دى ولما رجعت قررت إنى أروح أخطبها على طول بس اتصدمت لما لقيتها مخطوبة ومكانش قدامى حل عشان أفضل جنبها وأفضل شايفها على طول غير إنى ...إنى أخطب أختها على أمل إنها ممكن تسيب خطيبها أو يحصل أى حاجة بينهم ... ولكن دلوقتى بعد ما أختك اتجوزت وسافرت ، أنا معتش قادر أكمل معاكى خلاص ....أنا أسف ونزع الدبلة من إصبعه ووضعها أمامه على الطاولة وتركها وانصرف .
محمد شحاتة

قصة جميلة

يبدو الامر قاسيا و لكن فى الحقيقة هو شيئ رائع حدث للفتاة
فماذا لو استمر الامر ؟؟؟؟؟
تحياتى لقلم حضرتك
فى انتظار المزيد

جميل هذا الخيال
لكن ما ليس مقنعا في القصة مما يدل على ضيق أفق البطل أنه خطب الأخت على أمل أن يحدث انفصال بين أختها وخطيبها ، فهل إذا حدث يكون من السهل ترك هذه وخطبة تلك ؟

فعلا منتهى القسوة ومنتهى الأنانية ومنتهى ضيق الأفق عند هذا الشخص

قوة حضرتك في التصوير لهذا الشخص جعلتنا نكرهه وهذا هو الإبداع

تحاياي