مخنوق
31-07-2008, 08:41 PM
اولا انا اسمي عمر في كلية طب القصر العيني في الفرقة التالتة اللي عنده اي سؤال عن القصر العيني يتفضل وانا هجاوبة ان شاء الله
|
مشاهدة النسخة كاملة : مبروك للشباب اللي جالهم طب اللي عايز يسال سوال عن الكلية يتفضل مخنوق 31-07-2008, 08:41 PM اولا انا اسمي عمر في كلية طب القصر العيني في الفرقة التالتة اللي عنده اي سؤال عن القصر العيني يتفضل وانا هجاوبة ان شاء الله mogym 31-07-2008, 11:33 PM لوسمحت انا اسمي مي جالي طب القاهرة رايك احول المنصورة ولا القاهرة احسن انا كنت مبسوطة جدا بالقاهرة بس سمعت ان اللي عايز يدرس طب بجد يروح طب المنصورة وشكرا DR.Neuro 31-07-2008, 11:49 PM لا طب القاهرة وعين شمس أحسن كليات طب فى مصر ودة كلام دكاترة كبار .. بس طبعا حضرتك روحى الكلية الاقرب يعنى مش تكونى ساكنة فى القاهرة وتكتبى المنصورة أو العكس mogym 31-07-2008, 11:59 PM هي الكلية الاقرب المنصورة بس كده كده سفر ومدينة جامعية وشكرا كتيييييييييييييييييييييييييييييييييييييييييييييييي ير لانك بتساعدني DR.Neuro 01-08-2008, 12:26 AM لأ لو كدة كدة سفر طبعا القاهرة .. مش محتاجة الكلام ( مع الاعتذار لزملائى) ثوانى أجيب لحضرتك ردود تأيدنى مع المصادر --------------------------------- انا اول ما دخلت عين شمس ابن عمي و ده كان نائب اياميها في عين شمس و اخته اللي هي برده بالمناسبة أستاذ مساعد حاليا برده في طب عين شمس قالولى كلمة واحدة ادخلى القصر العيني!! أختك بقى اتفزلكت و قالت عين شمس أصل مش معقولة يبقوا هما في عين شمس و يقولولي روحي القصر و بعدين فهمت بعد 6 سنين ان قلبهم كان على مصلحتي المهم اقولك بقى خلاصة التجربة بقى عين شمس في المناهج من سئ الى اسوأ في التدريس من أسوأ الى أكثر سوء في الامتحاناتمن أكثر سوء الى مسخرة هتقولي عرفت منين أقولك ليّ زميلة رسبت و انا سبقتها بسنة و طبعا بتحكيلي بيتعمل فيهم ايه كا ما بنسبق احنا سنة بتأكد انى نجيت و إلهي اللي فات كان استهلال لابد منه نيجي بقى للنقطة التانية عين شمس يا فندم اسم و معلش يعني للقصر عينين اللي بشوفه بجد من ناس بتسافر للخارج في شغل بالذات لو بلد أجنبي محترم زي انجلترا مثلا اول حاجة بيسالوا عنها انت من اى جامعة كلمة عين شمس بتبقى سحرية و مش عارفة ليه بصراحة!!! يليها القصر العيني بالنسبة لاسكندرية فاسمها لا يذكر ابداhttp://kasralainy.com/forum/images/smilies/icon_mrgreen.gif _لامؤاخذة يا رول يا اختي_ اما بقى لو جينا من ناحية العملى فالعملى عندنا مهزلة يعني هتخرج من عين شمس طبيب اسم يا فندم مالي راسك بحشو انما ايهhttp://kasralainy.com/forum/images/smilies/smiley20.gif و ابقى قابلني عند تمثال حورس الشيك قوي ده اللى في وسط الكلية اذا افتكرت منه حاجة الواسطة في عين شمس بصراحة بالسمع يعني من قرايبي اللي في القصر العيني تعتبر أقل بكتيييييييييييييييير انما موجودة قليلة بس موجودة _يعني مثلا انا زي ما قلت فوق قرايبي في الستاف بتاع الكلية و إلهي يا أخي ما عملولى حاجة طبعا انا رافضة المساعدة ده انما هما حتى ما عرضوشhttp://kasralainy.com/forum/images/smilies/icon_mrgreen.gif أحسن جت منهم في فرصة التوزيع في التكليف طبعا القصر العيني بيسبقوا أقولك على خبر حلو لسة سامعة ان سنة سادسة طب عين شمس التقديرات بتبقى فيها بالهبل قال ايه يا خويا اصل في الوزارة بيقارنوا بالذات تقديرات اخر سنة بين عين شمس و القصر العيني و ده حاجة تفرح تبقى جيد طول السنين و في الباكو تلاقي نفسك امتياز هيصة http://kasralainy.com/forum/images/smilies/smiley20.gif ----------------------------------- بالنسبة بقا للموضوع بتاع عين شمس و القاهرة و كدا الموضوع له كذا عامل اولا الجامعة فى حد ذاتها تعتبر عامل من عوامل التعليم الجيد للطبيب بس بيجى فى مرتبه بعد الطبيب ذات نفسه بمعنى ان لو الطبيب اصلا عقليته و شخصيته كويسة هيتعلم كويس و هيتفوق فى اى مكان يعنى مش هتفرق كتير طب القاهرة من عين شمس و من خلال خبرتى و احتكاكى بعدد كبير من خريجى الطب فى مصر فى التكليف و بعد كدا فى الجيش و الجيش هو المكان اللى احتكيت بيه جامد جدا بخريجى الطب فى مصر من جميع الجامعات لمدة 9 شهور احتكاك يومى و قوى جدا اقدر اقول لك انى انا شخصيا مبعترفش فى مصر الا بطب القاهرة و بعدين طب عين شمس ممكن بعد كدا تيجى طب الاسكندرية و المنصورة و الازهر لكن برده لا تجوز مقارنتهم بطب القاهرة و عين شمس طول عمرى بعتبر طب القاهرة و طب عين شمس كليتين شقيقتين مش متنافستين تحس دايما ان الخريجين منهم هما خريجى جامعة واحدة او كلية واحدة و بالنسبة للمجاميع و التقديرات فهى متقاربة جدا و بالنسبة للمناهج طب القاهرة اسهل بالنسبة للوسايط طب القاهرة اعلى بس موجوده برده بكثرة فى عين شمس بالنسبة للمستشفى فيه فرق كبير بين طب القاهرة و عين شمس مستشفيات جامعة القاهرة افضل بمراحل من مستشفيات عين شمس امكانيات نظام عدد مرضى و حاجات تانية كتير و كذلك برده الاساتذة طب القاهرة تكسب دا كلام ناس من عين شمس نفسها و كلام برده عرفته من زميل ليا خريج طب الاسكندرية و قضى سنة امتيازه فى القصر العينى و استقال و اخد نايب زائر فى عين شمس يعنى من الآخر بالرغم انى اقدر اقول القاهرة افضل شوية بس دا من الناحية المجردة يعنى لازم يكون برده فيه عوامل تانية بتتحكم فى خيارات الناس منها القرب من السكن مثلا دا بالاضافة الى العامل الاقوى و الاهم و هو شخصية و عقلية الفرد ذلت نفسه دى اهم عامل و طبعا اهم حاجة توفيق ربنا ------------------------------------ انا انصحك بالقصر على الرغم من ان خريجي عين شمس في احيان كتير بيبقوا اقوى من خريجي القصر العينى و ده مش من فراغ ده بسبب انهم بيذاكروا بجد عشان صعوبة الدراسة عندهم مش زي القصر العينى اللى نظام دراستها سهلة و بسيطة ومفيهاش حاجة عايز تتأسس صح ادخل عين شمس عايز تبقى دكتور ليك اسمك ادخل القصر و في كلا الحالتين الدراسة النظرية لا تساوي شيء على الاطلاق مع الممارسة العملية عشان كده قلتلك خريج عين شمس اقوى ما قلتلكش دكاترة عين شمس -------------------------------- رابط الموضوع (http://kasralainy.com/forum/showthread.php?t=8796) DR.Neuro 01-08-2008, 12:39 AM وأنا عارف إن حضرتك _أو أى حد _ هتقولى إن كل واحد هيتحيز لكليته عشان كدة أنا جايب لحضرتك حكاية أما تيجى تسافرى برة .. ممكن ميكونوش سمعوا عن كلية كذا .. وعموما فى الخليج مليان عين شمس والقاهرة وعين شمس أكتر طبعا الخيار أمامكم ... والبطيخ كمان mogym 01-08-2008, 12:48 AM مش عارفة اقولك ايه يا دكتور انس ولا عارفة اشكرك ازاي احرجتني بذوقك والله ونعم الرجال DR.Neuro 01-08-2008, 12:57 AM ما أسألكم عليه من أجرٍ إن أجري إلا على رب العالمين وحضرتك لازم تسألى تانى وتتأنى وتعملى إستخارة وأتمنى لكِ التوفيق والسداد ودمتِ .. تحياتى ,,, mogym 01-08-2008, 01:29 AM شكرا تاني يا دكتور انس هو انا لما سألت على ايميلك حضرتك اتضايقت ولا ايه والله العظيم انا مش قليلة الادب واذا دا هيضايقك بلاش منه انا عايزة يبقى عندي اصحاب في مستواك الاخلاقي مش اكتر Dr.mayson 01-08-2008, 04:06 AM مش عارفة يا دكتورة والله واقولك ايه بس كل واحد فعلا بيتكلم عن كليتوا كويس يعنى اللى كاتبين الردود دى ما هما اكيد يا فى القصر العينى لا فى عين شمس وبخصوص الدكتور المصرى بره فلعلمكم انا سالت فى الموضوع ده قالولى ان مفيش ولا كلية فى مصر معترف بيها فى اوربا وعلشان تشتغل هناك لازم تعمل حاجة اسمه معادلة بس علشان الداكاترة فى مصر كويسين اللى بيعمل المعادلةدى غالبا بينجح انا عن نفسى جالى طب المنصورة وربنا يوفق الجميع DR.Neuro 01-08-2008, 10:31 AM شكرا تاني يا دكتور انس هو انا لما سألت على ايميلك حضرتك اتضايقت ولا ايه والله العظيم انا مش قليلة الادب واذا دا هيضايقك بلاش منه انا عايزة يبقى عندي اصحاب في مستواك الاخلاقي مش اكتر لا والله أنا مشفوتش السؤال أتئف بحضترك طبعا هانزل ايميلى على البروفايل وشكرا:) Dr.ahmed91 01-08-2008, 10:39 AM يعني لو واحد نسبة ذكاءه (بلاش دي) اقصد مستواه 80% ودخل عين شمس حيبقى احسن من واحد مستواه90% ودخل القصر الكويس بيبقى كويس في اي حاجة واي حتة DR.Neuro 01-08-2008, 10:45 AM يعني لو واحد نسبة ذكاءه (بلاش دي) اقصد مستواه 80% ودخل عين شمس حيبقى احسن من واحد مستواه90% ودخل القصر الكويس بيبقى كويس في اي حاجة واي حتة بس دا من الناحية المجردة يعنى لازم يكون برده فيه عوامل تانية بتتحكم فى خيارات الناس منها القرب من السكن مثلا دا بالاضافة الى العامل الاقوى و الاهم و هو شخصية و عقلية الفرد ذلت نفسه دى اهم عامل و طبعا اهم حاجة توفيق ربنا :rolleyes::rolleyes: Dr.ahmed91 01-08-2008, 10:50 AM :rolleyes::rolleyes: :rolleyes::rolleyes::rolleyes::rolleyes::rolleyes: freespirit 01-08-2008, 11:47 AM بصوا بقى يا جماعة انا من الفيوم وجالي طب الفيوم وملاحظة انه كله بيقول ان القاهرة افضل حاجة بس انا رايي ان مش المهم انت متخرج من جامعة ايه المهم انت اتعلمت ايه وعملت ايه في مجالك للاسلام ولنفسك ومتهيألي اي انسان ممكن يعرف حاجات كتير عن مجاله باتوسع فيه عموما ربنا يوفقكم جميعا يا رب وتكونوا رموز طبية كبيرة وترفعوا شأن الاسلام بإذن الله DR.Neuro 01-08-2008, 11:54 AM بصوا بقى يا جماعة انا من الفيوم وجالي طب الفيوم وملاحظة انه كله بيقول ان القاهرة افضل حاجة بس انا رايي ان مش المهم انت متخرج من جامعة ايه المهم انت اتعلمت ايه وعملت ايه في مجالك للاسلام ولنفسك ومتهيألي اي انسان ممكن يعرف حاجات كتير عن مجاله باتوسع فيه عموما ربنا يوفقكم جميعا يا رب وتكونوا رموز طبية كبيرة وترفعوا شأن الاسلام بإذن الله بجد كلام راقٍ جدا أرفع لحضرتك القبعة عليه .. جميل الفكر العزيز بالاسلام دة أوى ربنا يديمه علينا :rolleyes: ربنا يوفقنا كلنا الى الخير :) freespirit 01-08-2008, 12:23 PM جزاك الله كل خير ووفقنا جميعا لما يحب ويرضى مخنوق 25-08-2008, 04:27 AM مش عارفة اقولك ايه يا دكتور انس ولا عارفة اشكرك ازاي احرجتني بذوقك والله ونعم الرجال انا اسف يا مي اني مارديتش بس نصيحتي انك تخشي القاهلرة طبعا Dr.Abo Hassan 04-09-2008, 01:41 PM لو سمحتم عايز اسال عن الدروس هية لازمة من الاول ولا حسب رغبتنا يا ريت تفيدونا وجزاكم خيرا scorpion_200200 05-09-2008, 12:32 AM شكرااا علي الموضوع mogym 05-09-2008, 01:29 AM حصل خير يا دكتور عمر مفيش اي مشكلة وشكرا ليك والله مقصدتش حاجة خالص ده كان رد بجد على د انس مش اكتر وانا اسفة لو ضايقك %medo% 05-09-2008, 01:41 AM اولا شكرا لك يا د. عمر على استعدادك وايجابيتك وان شاء الله لو عندى اى سؤال هقوله اما بموضوع د. مى يعنى كنتى عاوزة تسيبى القاهرة وتروحى المنصورة دا كلام؟؟ مع احتامى للمنصورة (بلدى هناك) بس اى حد يحلم يدخل طب القاهرة انا سمعت ان المنصورة هى افضل طب فى مصر بس الحقيقة ان طب القاهرة هى اعظم واكبر كلية طب فى افريقيا والوطن العربى والدليل ان السنادى فى حوالى 400 ماليزى هيتعلموا عندنا mogym 05-09-2008, 01:47 AM شكرا ليك يا دكتور ميدو انا كنت بسأل علشان اتاكد اصل والدة واحد زميلي دخل طب المنصورة قالتلى الكلام ده تقريبا علشان تغيظنى لان ابنها كان عايز القاهرة ومنفعش علشان التوزيع الجغرافي فقلت اتاكد |