احنا فى ادارة كفر الزيات محافظه الغربية 43 معلم تعيين 2011
اول تقرير لينا كان 2011/2012 والتانى 2012/2013ومديرى المدارس اللى احنا فيها قالو مينفعش تاخدوا تقرير كفء فى اول تقرير ليكوا وطبعا لما ظهرت شروط الاعباء ما اخدناش الحافز بتاعها وياريت كان كده وبس وكان المرتب فضل زى ما هو مع ان ده ظلم لان الفراش فى المدرسه بيقبض اكتر مننا
لا احنا فوجئنا انهم بيخصموا مننا 200 جنيه لحافز الاداء عشان قالوا ان حافز الاداء بقى مرتبط بتقرير السنه اللى قبله فبيخصموا مننا حافز الاداء اللى احنا بقلنا سنه بناخده
مع اننا لما نزل حافز الاداء كان شرطه الوحيد 18 توقيع ومش هقدر اوصف الاسلوب القذر اللى بيعملونا بيه فى المهيات لمجرد اننا بنسأل اننا نشوف القرار ده وبيقولنا احمدا ربنا انكم اشتغلتوا

وطبعا الحمد لله على كل شئ بس ياريت حد يقولنا ايه الطريق القانونى اللى ممكن نمشى فيه لان فى بيوت مفتوحه