مشاهدة النسخة كاملة : آخر موضوع لي ........إلي اللقاء
Dr.Mai 01-08-2008, 10:54 PM http://5aial.net/tr7eb/106.gif
سجلت في المنتدي يوم 27 الشهر ده وان شاء الله ده آخر يوم لي في المنتدي هذا العام ان شاء الله هادخل تاني السنه الجايه بعد الامتحانات
خلال الكام يوم دول لاحظت حاجات تقبلوا اللي انا اذكرها
اول حاجه عدد المشاهدات اكتر من عدد المشاركات بكتيييييييييييير وده ان دل فانما يدل علي ان في ناس بتقرأ وما بتردش
عموماً مش مشكله
المواضيع اللي كنت باكتبها في جرس الفسحه كانت بتلاقي قبول أكتر
بس دي حاجات مش جوهريه ومش مشكله بالنسبه لي
http://i132.photobucket.com/albums/q17/lola-4/flowers/ro72.gif
أخيراً
عاوزه أشكر كل الناس في المنتديات كلها
وأشكر كل البنات اللي حبيتهم وأعجبت بشخصياتهم
ولاحظت التدين في كلامهم-وأنا باحب المتدينين جداً ربنا يجعلنا من الصالحين-
عاوزه أشكر كل الاعضاء اللي مانوا بيتفاعلوا معايا في مواضيعي لانهم كانو بيحسسوني ان الموضوع كويس
أياً كان....
المنتدي في ناس كويسين كتيييييييييييير وناس عمليين وعقلانيين
طلب بسيط جدااااااااااااااا
ياريت لو افتكرتوني وانتو بتصلو تدعولي ان ربنا يوفقني وربنا يجعل لكم من دعائكم النصيب الاوفر
جزاكم الله خيراً
ويارب تبقي سنه سعيده علينا وعليكم
اللهم آمين
إلي اللقاء ان شاء الله
سبحانك اللهم وبحمدك أشهد أن لا إله إلا انت أستغفرك وأتوب إليك
سبحان ربك رب العزة عما يصفون وسلام علي المرسلين والحمد لله رب العالمين
http://i128.photobucket.com/albums/p165/3ola4/pictures/p173.gif
dr.saeed 01-08-2008, 11:26 PM ممكن اعرف ايه سبب الرحيل؟
الرهينه 01-08-2008, 11:39 PM انا مش عارفه ليه بتخلطوا الامور ببعض انتى بتقولى انك لسه داخله يوم 27 وانهارده 2 فى الشهر الجديد ... يعنى مالحقتيش تقيمى حد ولا حد يقيمك
اعتقد انك المفروض تاخدى وقت اطول عشان تقدرى تحكمى صح وفى النهايه القرار قرارك
وطبعا فى الاول والاخر يشرفنا انك تكونى اخت لينا:)
Dr.Mai 02-08-2008, 12:29 AM dr.saeed
السبب : الدروس هاتبدأ يوم السبت إن شاء الله
ربنا يعدي السنه الجايه ان شاء الله علي خير وأول ما الامتحانات تخلص ان شاء الله هادخل تاني
في رعاية الله
شكرا ع المرور
Dr.Mai 02-08-2008, 12:34 AM الرهينه
الحمد لله انا واخده فكره كويسه عن الاعضاء
كان نفسي استمر بس أعمل ايه الدروس يوم السبت إن شاء الله
أنا كمان يشرفني انكم تكونوا اخوان ليا
جزاكِ الله خيرا
ماتنسيش تدعي لي ربنا يجعلك من دعاءك النصيب الأوفر
نورتي الموضوع
ahmed2845 02-08-2008, 12:41 AM تروحى و ترجعى بالسلامة يا اريج الزهور حتى و لو كان الرجوع ده السنة الجاية
انا كمان اخر يوم ليا علي المنتدي النهرده علشان الدروس اشوفكم بعد الامتحانات بليز ادعولي
gonog 02-08-2008, 12:48 AM على فكرة انا كنت باتابع هنا بالذات اخر العام وقت وقبل الامتحانات وربنا وفقنى المنتدى مفيد جدا
Dr.Mai 02-08-2008, 12:49 AM ahmed2845
الله يسلمك ماتنساش تدعي لي
شكرا ع المرور
Dr.Mai 02-08-2008, 12:51 AM شكرا علي مرورك
ربنا يوفقنا وندخل الكليات اللي بنحلم بيها
Dr.Mai 02-08-2008, 01:01 AM gonog
شكرا ع المرور
ممكن ابقي اتابع ايام الامتحانات
Dr.Mai 02-08-2008, 01:04 AM gonog
شكرا ع المرور
ممكن ابقي اتابع ان شاء الله ايام الامتحانات
بسمة ع 02-08-2008, 01:08 AM i am very very angry
Dr.Mai 02-08-2008, 01:14 AM بسمة ع
شكرا علي مرورك
مافيش حاجه تستاهل انك تبقي angry
dr.saeed 02-08-2008, 01:23 AM ممكن لو سمحتى يا اريج اعرف انتى علمى علوم ولا رياضة؟
Dr.diamond 02-08-2008, 01:31 AM انا يمكن متعاملتش معاكى قبل كده
بس احب اقولك انك لو فاكره ان المنتدى ده هيعطلك تبقى بجد غلطانه
ده هيفيدك جدا
انا من يوم ما دخلته مطلعتش منه تانى
واستفدت بجد منه حاجات كتيير اوى
وانا اساسا دخلته فى فتره الامتحانات واتمنيت انى كنت دخلته من اول السنه
هنا فى مدرسين كويسين اوى وبجد هتستفيدى منهم اوى
ده غير الاعضاء الكتير الى هتستفادى منهم بالاسئله والحاجات التانيه الكتير
يا ريت تفكرى تانى
ولو خايفه عالوقت ممكن تدخلى عالمنتدى ده بس تشوفى الى فيه من وقت للتانى
وربنا يوفقق وتححقى الى تتمنيه
Dr.Mai 02-08-2008, 01:32 AM انا علمي علوم
وكنت أحياء السنه اللي فاتت
وجبت 98.5
Dr.Mai 02-08-2008, 01:34 AM شكرا ع النصيحه
هاحاول اعمل كده ان شاء الله
dr.saeed 02-08-2008, 01:36 AM انا يمكن متعاملتش معاكى قبل كده
بس احب اقولك انك لو فاكره ان المنتدى ده هيعطلك تبقى بجد غلطانه
ده هيفيدك جدا
انا من يوم ما دخلته مطلعتش منه تانى
واستفدت بجد منه حاجات كتيير اوى
وانا اساسا دخلته فى فتره الامتحانات واتمنيت انى كنت دخلته من اول السنه
هنا فى مدرسين كويسين اوى وبجد هتستفيدى منهم اوى
ده غير الاعضاء الكتير الى هتستفادى منهم بالاسئله والحاجات التانيه الكتير
يا ريت تفكرى تانى
ولو خايفه عالوقت ممكن تدخلى عالمنتدى ده بس تشوفى الى فيه من وقت للتانى
وربنا يوفقق وتححقى الى تتمنيه
كلامك صح يا دكتورة
(انتوا من اول السنة وقاعدين تقوليلى يا دكتور من قبل ما امتحن اصلا :D )
واظن كل الطلاب هنا بالذات علمى عارفين كدة كويس
ارجوا انك تفكرى تانى يا اريج
صدقينى الاستفادة هنا مش هتلاقيها
يعنى مثلا
مع احترامى لجميع المدرسين
عمرك ما هتفهمى الاحياء حتى لو اخدتى درسين
زى ما هتفهميها من الدكتور هشام
ثانيا
اولمبياد الفيزياء
عضوة محترمة جابتها بالاجابات
ودى فرقت كتير جدا معايا
وعموما
دة مش مكان الموضوع
بس انا سايبه فى العام عشان اكتر ركن فى المشاركات
وعشان الطلبة غيرك يستفادوا من الفكرة
ان المنتدى مش هايضيع وقتهم
بل هايديهم حاجات مش هايعرفوا يشوفوها من غيره صراحة
فى امان الله
dr.saeed 02-08-2008, 01:39 AM انا علمي علوم
وكنت أحياء السنه اللي فاتت
وجبت 98.5
طب مانتى ما شاء الله تمام
يعنى دكتورة بأذن الله
ونصيحتى ليكى
مش تشدى من اول السنة
خاصة وان اول الكيمياء والفيزياء لعب عيال
وبعد شوية
هتلاقى الفيزيا بدأت تشد شوية
والكيميا الحمد لله بسيطة ما فيهاش مشاكل
غير اننا ان شاء الله موجودين لاى حد عاوزنا نساعده
اكيد الى جرب حتى لو مجموعه ماكانشى عالى
يقدر يفيد جامد لانه عنده خبره خلاص بالموضوع
والعملية بسيطة ان شاء الله
Dr.Mai 02-08-2008, 01:40 AM شكرا علي النصيحه
وهاحاول اقنعهم في البيت
في رعاية الله
dr.saeed 02-08-2008, 01:43 AM معلشى ان كنت رخمت عليكى شوية
انتى من المنصورة ولا فى الارياف؟
Dr.Mai 02-08-2008, 01:45 AM dr.saeed
جزاك الله خيرا
ان شاء الله ربنا يسهل
في رعاية الله
بندق__2007 02-08-2008, 01:50 AM شرفتين فى الشوية الصغيرين اللى قعدتيهم معانا
و موضوعاتك كانت بجد هايلة
ربنا يوفقك يارب و نشوفك تانى على خير
و ان شاء تجيبى الكلية اللى فى بالك و ربنا معاكى
Dr.Mai 02-08-2008, 01:51 AM انا في شربين
Dr.Mai 02-08-2008, 01:54 AM بندق__2007
شكرا علي مجاملتك
دعواتك
شكرا ع المرور
dr.saeed 02-08-2008, 01:54 AM انا في شربين
اهو
مثلا انتى فى شربين
حاجة زى الاولمبياد دى
لو كانت جاتلك
كنتى هاتوصليلها ازاى؟
حتى انا اعرف واحد من اجا
بقوله على الاولمبياد
قالى ماكنتشى متوفرة نهائيا وكان قليل جدا عندنا الى عرف يجيبها
يبقى لازم كل فترة تدخلى تتابعى
حتى لو يوم واحد فى الاسبوع
تقعدى فيه ساعة وخلاص
فى امان الله
Dr.Mai 02-08-2008, 02:05 AM انا المدرس اللي هاخد عنده ان شاء الله حل الاولمبياد
ومعظم اللي عنده جابوا 50
شربين غير أجا
لو مشيت في شربين هاتحس ان انت في المنصوره
Dr.Mai 02-08-2008, 02:30 AM http://ahyaarab.net/images/446.gif
النهارده أول شعبان كل واح فينا يقوم يصلي عشان الاعمال بترفع في شعبان
أسأل الله ان يقبلنا في من عنده من الصالحين
علي فكره ياجماعه انا سهرانه النهارده عشان آخر يوم ليا معاكم وعشان أقيم الليل
جعلنا الله واياكم من المقبولين
http://www.mo3afa.com/fasel/f28.gif
dr \manoo 02-08-2008, 02:41 AM هتوحشينا بس والله انا جايبة مجموع مش حلو اوى 94
بس بردو هدخل المتدى ولعلمك انا السنه الى فاتت استفد منو كتير
باذن الله هدعيلك
بس على فكرة انا بردو هبدا معاكى دروس السبت بس هبدا مزكرة فى شهر 12 المزكرة بجد
مش من 8 هتزهقى
تقبلى مرورى
الأستاذه 02-08-2008, 02:50 AM ربنا يوفقك يامي
ويحقق لك كل اللي تتمنيه ويهيء لك الخير
وانت ادري بظروفك
اتمني لك مستقبل باهر
عاشقـــ الانمى ـــة 02-08-2008, 05:01 AM ربنا يوفقك يا جميل
هتوحشينا
حاولى تبقى تدخلى تطمنينا عليكى
%medo% 02-08-2008, 05:12 AM انا بنصح أريج الزهور بان تدخل المنتدى حتى يوم فى الشهر لان المنتدى بجد رائع ويستاهل المتابعة
وبعدين فى حجات هنا مش هتلقيها فى اى مكان
وبنصحك تستعينى بالله وتذكرى كويس عشان ربنا يوفقك وينوليك الله نفسك فيه
وبعدين بسرعه كده الدروس هتبدا ربنا يكون فى عونكم انا الحمد لله خلصت
بس بجد الثانوية كانت متعة
MohammeD el_SadaT 02-08-2008, 05:13 AM ترجعى إن شاء الله بالسلامه
وبجد
فعلاً رغم وقت القصير معانا لكن فهمتى المنتدى والدليل على كده ملاحظاتك
LA STELLA 02-08-2008, 05:17 AM ربنا يوفقك ان شاء الله
وتعودى لنا سالمة غانمة
:)
http://i194.photobucket.com/albums/z106/upload_bramjnet/anime/17281v83sedwiks.gif
طـفـلـة الامـس 02-08-2008, 10:51 AM ربنا يوفقك يا اريج وياريت تكونى قضيتى معانا وقت ممتع فى المنتدى
وان شاء الله هاتستفادى من المنتدى فى الدراسة بس برده حاولى ما تدخليش كتيير لانه بيسحب وقت طويل من غير ما تحسى
ولو عايزة اى مساعدة اخواتك على المنتدى كلهم موجودين معاكى وان شاء الله يساعدوكى
لانى برده احتمال كبير ما ادخلش تانى معلش لو ما قدرتش اساعدك بس ان شاء الله د/ سعيد مع الطلبة والمدرسين هايفيدوكى باذن الله
مع تمنياتى القلبية لكى بالنجاح والتفوق الباهر
طمعانة فى رضاك يا رحمن 02-08-2008, 01:36 PM ربنا يوفقك يااريح وترجعلنا كده دكتور بس بالنسبه للمنتدي اوعي تنسي ان المنتدي اساسا تعليمي وانت لو دخلتي الغرف الصوتيه حتستفيدي منها كنير ان شاء الله وربنا معاكي ومعانا
_GUIDE_ 02-08-2008, 01:40 PM dr.saeed
السبب : الدروس هاتبدأ يوم السبت إن شاء الله
ربنا يعدي السنه الجايه ان شاء الله علي خير وأول ما الامتحانات تخلص ان شاء الله هادخل تاني
في رعاية الله
شكرا ع المرور
ههههههه
انتى هتبتدى من حلال تزكرى :D
ده على بال ما يجى ميعاد الامتحان هتكونى نسيتى اللى زكرتيه
عمتا ربنا معاكى ويوفقك
وابقى برضه حاولى تدخلى :rolleyes:
* dr.sara* 02-08-2008, 01:56 PM هتوحشينا جدا يا اريج ويا رب تيجيلنا السنة الجاية وانتى بتقوللنا انا دخلت طب او صيدلة ويقيتى دكتورة
تمنياتى لكى بالتوفيق
انتى طيبة جدا وتستاهلى كل خير
ثانويه يا ثانويه 02-08-2008, 02:18 PM انتى فى مدرسه شربين الثانويه بنات ولا لا
السمراء 03-08-2008, 09:49 AM جميل انك من المنصورة.ثانيا احب اقولك حاجة جميلة اوى انت ذاكرى براحتك واكيد هيجى وقت وتحبى تشوفى اسئلة ممتعة مثلا زى الاحياء(اختى كانت فى ثالثة وشفت قسم الاحياء كل المدرسين خاصة د.هشام هتستمتعى معاه بالمادة من اسئلة ومسابقات) ......اذا مش عايزة تدخلى من بداية الدروس...........ادخلى بعدها بالكتير شهر
د/ ماجدولين 03-08-2008, 11:08 AM السلام عليكم
فى أية يا أريج؟؟؟؟؟؟؟؟:mad:
ربنا يوفقك يارب وتحققى اللى انتى عاوزاة و يكون فية الخير ليكى
بس بصى دى نصيحة
أنا هنا دخلت ع المنتدى فى الأخر
ودخلت صدفة وأنا بعمل بحث ع النت عن حاجة فى الأحياء
وأول ما دخلت مقدرتش أطلع تانى غير لما أشتركت
والله انتى ممكن تستفيدى من المنتدى جاااااااامد وتفيدى بردوا
عشان انتو كلكوا أخوات;)
بس بتنظيم الوقت
لأن فعلا الجلوس قدام النت بيسرق الوقت
فأنتى خشى ع المندى ساعتين كل أسبوع مثلا
(أنتى بس اللى تقدرى تحددى المدة اللى انتى محتاجاها:))
وأول ما تفتحى خشى ع القسم التعليمى
ومالكيش دعوة بالباقى عشان تنجزى
وبعدين بلاش تشدى حيلك جامد أوى كدة فى الأول عشان مش تتعبى أو تملى
فى الوقت اللى لازم تتعبى فية
دة احنا لسة فى أول 8
ربنا معاكى ويوفقك يا دكتورة
بجد والله انا اتشرفت بأنى لاقيت عضوة زيك
فى رعاية الله
soha fouad 03-08-2008, 11:14 AM تروحي وترجعي بالف سلامة
Travel 03-08-2008, 11:27 AM يا اريج
والله هتستفيدى اوى من المنتدى
مش شرط تدخلى على المواضيع اللى بتتكتب
انتى هتلاقى حاجات كتير تفيدك فى المزاكرة
د/سعيد
د/نوبل
رووف
يارا
زوزو(سندريللا)
وبعض النظر ان فى اسماء انا مزكرتهاش
بس هتلاقى الاستفادة كبيرة اوى
وهتلاقى مدرسين والله انا رغم انى كنت
زى اى طالب وطالبة بتاخد دروس
بس بجد
عمرى ما استفدت زى الاستفادة اللى شفتها هنا
صدقينى
وكفاية ان الحاجات اللى كانت بتنزل فى المنتدى كانت بتيجى فى الامتحانات
زى
اوليمبياد الفيزيا
و
الاقتصاد
والمستوى الرفيع
...........
حاجات كتير جدا
(مش هعد علشان لو عديت مش هخلص)
:D
فكرى
بس بجد
انتى فكرتينى
بايام جميييييييييلة
(ربنا ميعودهاش تانى)
(على المزاكرة)
:D:D:D:D
وربنا يكرمك وباذن الله تحققى اللى بتتمنيه
Cray_Bird91 03-08-2008, 11:38 AM ترجعى لنا دكتورة باذن الله
بجد رغم قصر مدتك بس مليتى حياة المنتدى
على فكرة حتستفادى كتير هنا فى المنتدى اثناء الدراسة لان فى كتير من المدرسين اعزهم الله دكاترة وممكن تلاقى حاجة انتى مش عارفاها برة هنا
ربنا يوفقك ويوفقنا ان شاء الله ويحقق احلامنا
Dr.Mai 25-08-2008, 12:17 PM http://www.arabsys.net/pic/bsm/1.gif
شكرا ليكو كلكو ياجماعه علي ردودكم هاحاول ادخل ان شاء الله في الدراسه
وان شاء الله هابقي متواجده في الفتره دي عشان رمضان
الشفق الباكي 26-08-2008, 10:37 AM ربنا يوفقك يااريج الزهور
طبيب عالمى قادم 26-08-2008, 01:25 PM فى امان الله لا اله الا الله
Dr.Mai 26-08-2008, 02:59 PM فى امان الله لا اله الا الله
محمد رسول الله
لا تنساني من صالح دعائك
Dr.Mai 26-08-2008, 03:01 PM الشفق الباكي
الله يسلمك
جزاكِ الله خيرا
elkingahmedtito 27-08-2008, 05:34 AM ربنا معاكى ويوفقك ويوفق الجمييييع
ZAHIMR 31-08-2008, 08:54 PM تروحى وتيجى بالسلامة ياريج الزهور بجد مواضيعك كانت جميلة جدا
وكنت بحب اخشها
بارك الله فيكى وجزاكى الله كل خير وربنا يوفقكك فى دراستك ودائما من الاوائل
وربنا يحققلك جميع امنياتك
وماتنسنيش فى الدعاء لى فى الصلاة
فى امان الله
JusT DreaM 31-08-2008, 09:01 PM ربنا يوفقك في دراستك يارب
وياريت تبقي تحاولي تدخلي حتى لو يوم في الاسبوع
لان المنتدى ده بجد هتستفيدي منه في التعليم جدا
وان شاء الله ترجعيلنا وانتي داخلة طب يااارب
Dr.Mai 01-09-2008, 11:18 AM أحمد
شكرا جزيلا
جزاك الله خيراً
Dr.Mai 01-09-2008, 11:23 AM Zahimr
شكرا علي مرورك
ربنا يحقق امنياتك وامنياتي
وان شاء الله هادعيلك
Dr.Mai 01-09-2008, 11:24 AM بنت الاسلام
جزاك الله خيرا
ان شاء الله هابقي أدخل
وماتنسينيش من دعائك
طبيب عالمى قادم 01-09-2008, 11:54 AM فى امان الله يا اريج الزهور وان شاء الله تجتهدى فى دراستك ولنا لقاءات السنة الجاية باذن الله
فى امان الله
king mo7amed 01-09-2008, 12:05 PM في العجله الندامه
طبيب عالمى قادم 01-09-2008, 12:56 PM انا علمي علوم
وكنت أحياء السنه اللي فاتت
وجبت 98.5
بسم الله ما شاء الله حافظى على مجموعك واجتهدى وحاولى تزوديه
Dr.Mai 09-09-2008, 05:20 PM السفاش مبروك (http://www.thanwya.com/vb/member.php?u=71550)
ان شاء الله
ماتنسوش تدعوا لي في الايام الجميله دي
جزاكم الله خيرا
Dr.Mai 09-09-2008, 05:25 PM king mo7amed (http://www.thanwya.com/vb/member.php?u=148075)
شكرا ع النصيحه
انا بادخل عادي اليومين دول وان شاء الله أحاول أدخل في الدراسه
reda_mafia50 09-09-2008, 05:29 PM كنتى متميزه فى المنتدى هنا فى مواضيعك
على العموم ربنا يوفقك
وخلى بالك من مزكرتك
Reda
فجر الإسلام 09-09-2008, 05:31 PM ربنا يوفقك وان شاء الله ترجعي بالسلامة
رونالدينهوو 09-09-2008, 05:48 PM ربنا معاكى وتعدى المرحلة دى على خير
وتحققى اللى نفسك فيه
فى امان الله
دكتور محمود فتحي 11-09-2008, 06:42 AM يا جماعة يمكن موضوع اريج الزهور بيفجر شيء مهم جدا الناس مش ملاحظاه ان فيه طلبة كتير جدا فى بداية السنة الدراسية او بداية الدروس بينسجبوا من المنتدى بالرغم من ان العكس هو اللى مفروض يحصل لان معظم اللى بيخرجوا من المنتدى بينسوا شيء مهم جدا ان المنتدى دة منتدى تعليمي فى المقام الاول يعنى بيقدم خدمات تعليمية للطلبة ممتازة جدا من ضمنها الغرف الصوتية اللى بيتم فيها شرح جميع المواد ورفع المذكرات المختلفة للمدرسين وشرح جميع مواد المناهج المختلفة . يعنى مش اعتقد ان الطالب اللى يدخل المنتدى هايكون بيضيع وقته بالعكس وخاصة ان المنتدى بيتنظم السنة دى تنظيم جيد جدا بحيث يكون بالفعل مدرسة اليكترونية على النت . طبعا كلامى مش موجه للعضوة اريج ربنا يوفقها يارب وتحقق جميع اهدافها لكن يمكن انا رديت هنا لان دة خامس او سادس موضوع اقراه عن الحكاية دى . مرة اخرى خالص امنياتي للعضوة اريج بالتوفيق وان تصل الى القرار الذى تستطيع به تحقيق جميع احلامها وطموحاتها . وفقكم الله جميعا الى ما يحبه ويرضاه .
|