يارب تكونوا كلكوا حصلتوا علي مجاميع مرتفعة في 2 ث رغم مجزة الرياضيات التي مررتم بها ، رغم الظروف الصعبة في امتحان العام الماضي ، فهي درس لنا جميعاً مدرسون قبل الطلاب .
علينا ان نعلم ان لكل مجتهد نصيب و لابد لنا كمدرسون ان ندرب إخواننا الطلاب علي جميع أنواع الأسئلة أياً كانت و يكون هدفنا الأول أن نعد العقول و ليس حشوها بالمعلومات لآداء الأمتحان .
و علي كل طالب أن يعي تماماً كيف يميز بين المدرس الكفء و الغير كفء لأن ذلك سيؤثر حتماً علي مستقبلة و ان يجد قدر المستطاع في واجباته و ان يطيع مدرسة طاعة عمياء طالما اعطاه الثقة و حمله مسؤولية توصيله إلي بر الأمان في مادته و ينفذ حرفياً ما يطلبه منه مدرسه لأنه أدري الناس بمصلحته و ما يفيده و ما لا يفيده .


أرجوا الردود من المدرسين العظماء بأسرة الفيزياء و من الطلاب لأعرف رأيكم فيما قلت .

كلام صحيح %100 فكلنا بالتاكيد اخذنا عبرة من الامتحانات السابقة و سنستعد هذا العام ان شاء الله لمواجهة امتحانات
اصعب من ذلك حتى نستطيع الصمود ونحن في انتظار الاسئلة على احر من الجمر

ربنا يعينا يارب .. ياريت يا مستر لو تقولنا نذاكر الفيزياء ازاى بالظبط ؟

ونحل تمارين منين ؟ .. وبخبرة حضرتك طبعا تقول لنا ايه هى اكثر الكتب الخارجية التى تتلائم مع نوع الامتحانات الصعب ده ؟

انا فى 3 ثانوى وحايفة جدا من الفيزياء ..

ياريت حضرتك تفيدنا ..

جزاك الله خيرا ..

انا شايف ان امتحنات 3 ثانوى العام القادم هتبقى اصعب
وانا طبعا ما اتمناش كده ربنا يكون فى عونكم

أنا مرعوب من الفيزياء

أنا مرعوب من الفيزياء

متترعبش ولا حاجة دى مادة ممتعة جدا
بس هم غلسوا علينا فى الأمتحان شويتين

انا رايحة تالتة وكنت جايبة فى الرياضة:44 وفى الكمياء:45
بس بجد انا مظلومة وعايزة اكون معاكم بس مش عارفة انتو
ما بداتوش ليه...............!!!

ميرسى اوى على التوبيك ده
بس انا عايزه اعرف ازاى احب الفيزياء لانى مرعوبه منها موووووت
مع ان درجاتى الحمد لله كويسه
وكويسه اوى فى المواد العلميه

أولاً أشكركم للإهتمام و الردود ، ثم أحب أن أعدكم أنني سأبدأ بإذن الله في رفع ملازم الشرح بداية من 15/8/2008 إن شاء الله و ارجوا المتابعة ، و بالنسبة للكتاب الخارجي الأفضل فهو كتاب الامتحان للمراجعة العامة و التدريبات الدورية ، فهو كتاب يتميز بتنوع أسئلته النظرية و هي نفس أنواع اسئلة الامتحانات المتطورة هذا بالإضافة إلي كتاب الوسام في المسائل فعلا هما أفضل كتابين و ربنا يوفقكم جميعاً .

ربنا يعي كل الطلاب وعلى فكرة الفيزياء مادة سهلة واللى يحبها هتكون اسهل مما يتصور وربنا معاكم

الاستاذ المحترم عبد الرحمن
كلامك جميل جدا لكن اود ان اذكرك بشئ هام و هو ان نظام الامتحان هو الذى يفرض عليك اسلوب التدريس المناسب و اعتقد انك نسيت ان الطالب فى الثانوية العامة يبحث عن الدرجة النهائية اى على المجموع و ان ما حدث هذا العام فى الاسئلة كان مفاجأة كبيرة لكل المدرسين لكن هذا لن يغير شئ لأن كل المدرسين سوف يبحثون عن هذه النوعية من الاسئلة بل و ان جميع الكتب الخارجية التى نقوم بحلها للطلاب سوف تركز تركيزا شديدا على هذه النوعية من الاسئلة انه ليس تطوير انما هى ظروف تفرضها علينا الامتحانات كل عام و ما نتمناه دائما حصول ابنائنا الطلاب على الدرجة النهائية لان هذا هو المعيار فى الحصول على مكان فى كليات القمة و اصدقك القول ان لى طلابا هذا العام فعلوا كل شئ فى الفيزياء و مع ذلك كانت درجاتهم 46 ، 45 و كم كنت حزينا على ذلك و لكن حزنى تبدد بعد ظهور نتيجة تنسيق المرحلة الاولى و التحاقهم بكليات الطب الصيدلة و الهندسة كما كانوا هم و اهلهم يتمنون و لا اعلم ماذا كان رد فعلى لو ان الفيزياء اصبحت هى السبب فى ضياع احلامهم لكن الحمد لله ahmedelaswany@ymail.com

شكرا جزيلا على هذه المعلومات

لا يااستاذ رائد مش الفيزياء هي السبب في ضياع الاحلام
المصححين والقائمين على العمليه التعليميه بأكملها هم السبب
انا راجعت ورقه الرياضه المفروض وللاسف اجيب 45.5 اخدت 42.5
والمفروض ف الكيميا اجيب 47 وراجعت مع المستر واكتر من مستر كمان مش واحد بس وقالولي نفس الدرجه
وكانت المفاجأه اللي بجد قضت عليا
هي اني جبت ف الكيميا اللي بحبها جدااااااااااااااا 31
تصوروا
وكتير راحوا يراجعوا من قرايبي وصحباتي قالوا ان المصححين منهم لله مصححين غلط وجامعين درجات غلط كمان وواحده جابت درجتها كانت حاجه وسبعين بعد التظلم اكتشفوا وهما بيعملوا التظلم انها 54 ده غير الاسئله اللي مش مصححه واللي مشطوب واللي مكتوب غلط وهو صح
ليه كده
هو ده الضمير
هي دي الامانه ف العمل
هو ده شرف المهنه ف التصحيح اللي المفروض اي مصحح مايخونوش
هي دي التربيه والتعليم
للاسف اصبحنا نتربى على الغش والنفاق والخداع والمكيده
ونتعلم ان المجتهد كالفاشل كلاهما سواء
الاثنان سيان
ولهذا السبب
حرمنا من ابسط حقوقنا
وهي التعلم بشرف
وبنزاهه دون اختلاس وتلاعب ف الاوراق
وكل مايقال هو
حسبي الله ونعم الوكيل
ومن بعد اللي سمعته على التظلم والتصحيح والحبال الطويله اللي لا تودي ولا تجيب
ال يقولك عند المستشار هنصحح واذا ليكوا حق هتاخدوه وتبقى اغلطاط قدام الكل على عينك ياتاجر
ويعلقوا الطلبه بالاسابيع دون نوم او شرب او اكل وف توتر على امل انهم يستردوا حقوقهم
وكل يوم
اتصلوا بكره
ارفعوا قضيه
مالكوش حقوق
وهاتك يانصب
بجد بعد اللي سمعته مش عايزه حتى اراجع ورقي
وهضطر ارضى بالامر الواقع وقدر ربنا
وقدر الله وماشاء فعل
ده غير تسرب الامتحانات
واخر بوظان العمليه اصبحت
بجد انا زعلانه اوي اوي كمان ع اللي بيحصل ده
بس عندي سؤال ياريت عاوزه اسمع اجابته بس بصدق تكون
ازاي هنخرج جيل محب لوطنه محافظ عليه غيور على حقوقه واحنا ابسط حقوقنا مسلوبه مننا على ارض الوطن ده اللي احنا مطالبين بالدفاع عنه ضد اي عدوان او اي فتن؟ ازاي بجد هنقدر؟
ياريت تجاوبولي وتريحولي بالي بالسؤال ده
واسفه للإطاله
اعتذر بجد عن هذه الكلمات ولكن دموع قلبي من كتبتها بسبب حزني على ضياع حقي وحق اصدقائي واقاربي
واخيرا
وفقنا الله لما يحب ويرضى

يعني حضرتك تنصحنا نذاكر الفزيا منين ؟؟ المصدر الاساسي يكون؟؟ اي كتابخارجي؟؟هل كتاب معين؟؟ ام كتاب المدرسة؟؟ امشو؟؟

مستر عبد الرحمن

اولا شكرا على الموضوع وعلى النصيحة

من الامتحانات السنة اللى فاتت لما جات صعبه وبالذات ان الفيزياء جات من مسائل

غير متوقعه ولا توجد لا بالكتب ولا بالدليل التقويم

فان شاء الله ندرب على جميع انواع المسائل لعل يكون الخير منها وفيها

واستفيد معاكم و اتعلم المزيد منكم والدرس الاول اللى هنا انا حملته وتقريبا شبه فهماه

وان شاء بالاسئلة هتحسن فيهاااااا

وربنا يبارك فيكم وجمعه مباركة على الجميع

ربنا يستر
ويوفقنا للخير

الحمد لله أنا جبت في الكمياء 49 والرياضة 49 لكن نزلت في الفرنساوي وجبت 46 والحمدلله جبت في العربي 27.5 والانجليزي 23.5 يعني المجموع كله على بعضة 95% فكنت عايز أسأل هل مستوي التنسيق السنة الجاية هيرتفع زي السنة اللي فاتت ولا هيبقى زي ما هو

والله يا اشرف دى حاجة فى علم الغيب و كمان فى مصر بالذات ما تدرش تتوقع حاجة
اقولك لازم تعرف حاجة اساسية
الدولة عمرها ما هتجيب امتحانات سهلة و تنزل المجاميع
يعنى بطرية تانيه التنسيق بينزل لان الامتحانات صعبة لكن لو الامتحانات سهلة المجاميع تعلى و بالتالى التنسيق


لكن عامة ربنا يستر كله متوقع ان الجاى اصعب و ربنا معانا


انا بحب الكيميا اوى و انا السنة هدرس كيميا و فيزياء اكيد بس انا متفاءلة بيها خير مش عارفة ليه انا عارفة انها صعبة لكن مش مرعوبة منها مجرد رهبة بسيطة لانها اصلا بتعتمد على الفهم و المسألة اللى يتجيى بتبقى عايزة طالب هادى و يفكر بعقل و بتبقى الفكرة تافهة بس الطلاب بيعملوا دوشة كبييييييرة اووووى

طب نذاكر فيزيا منين ونجيب كتب ايه مراجعة وكتب ايه شرح؟؟؟؟؟؟؟

أنا رأيي يا جماعة إن كتاب الفيزياء المدرسي يكون مرجعنا الأول ومنكتفيش بالأسئلة اللي قدمنا
لازم ندور على أسئلة أكتر ونعرف أفكار أكتر

انا شايفة ان الاعتماد التام على المدرس غلط
يعنى كل واحد عارف نقطة ضعفة كويس و اكتر من اى مدرس
و لازم يحسن من نفسه و المدرس مش بيفرق معاه الطالب زى مبيفرق معاه الفلوس
و طبعاً الكلام دة مش على كل المدرسين

اولا : اقرأ الدرس المطلوب منك من الكتاب المدرسي لانه مرتب وشيق وجميل
ثانيا : ذاكر الدرس من مذكرة مدرسك او من كتاب خارجي " يفضل مذكرة المدرس لعدم التشتت "
ثالثا : حل أسئلة الكتاب المدرسي في نهاية كل فصل
رابعا : حل اسئلة دليل التقويم بتاع السنة السابقة لانك لن تكون قد تسلمت دليلك
خامسا : حل واجبك من المذكرة ولو هتحل من الكتاب الخارجي بلاش الاسئلة الموجودة من غير إجابة علشان متحلش حاجة غلط لان اهم حاجة في الفيزياء المتابعة والمداومة علي مذاكرتها

ععايزين فيزياء لغات ضروري لاني عانيت السنة اللي فاتت من عدم وجود اهتمام بالكيمياء لغات

توبيك جميل واكيد الفيزياء بتخوف الجميع انا برده معاكوا وراحه تالته ثانوى وجبت95.5 ومرعوبه من الفيزياء وربنا يستر
وانتظر شرح ونصائح المدرسين لنا

ربنا يوفقنا كلنا .. انا هاخد السنادي الكيميا ع الفيزيا .. و قلقانة طبعا من اللي حصل السنة اللي فاتت ..
ربنا يعديها على خير !!

الف شكر يا استاذنا الفاضل انا بفضل الله تعالى جبت 99 % السنة اللي فاتت و قلقان السنادي من الفيزياء بس مش خايف منها عشان لو خفت منها حكرها و ازهق منها فبدعي ان ربنا يوفقنا كلنا و يعدي السنادي على خير و كل واحد ياخد حقه و يحقق اللي نفسه فيه و بنصح كل الطلاب نصيحة


محدش يقول انا خايف من مادة او بكرهها

اهي كلها مواد مفروضة علينا و ربنا ان شاء الله معانا

الخوف طبيعى فى الاول

انا مثلا مش بس كنت خايق من الكيمياء
لأ ، كنت حاسس انى ممكن اسقط فيها

لكن الحمد لله جبت فيها 48.5

وبجد دلوقتى مش خايف من الفيزيا وشايف ان زيها زى غيرها

ومش معقول نفضل خايفيين علشان امتحانات اللسنه اللى فاتت جت صعبه
وغالبا موضوع السنه اللى فاتت مش هيتكرر عليان لان الرياضه جت صعبه برده عندنا

وربنا ييسر الحال

بالتوفيق للجميع

السلام عليكم و رحمة الله وبركاته

بلاش يا جماعه تخافو من الفيزيا دي ماده ممتعه جدا جدا جدا
كل اللي عليكوا انكوا تذاكروها بحب
و تفهموها بجد و الله

أنا مختلف معكم في بعض اللي قلتوه و لكن ليست هي القضية ، سأركز علي نقاط الاختلاف المهمة :
1- لا يمكن الاعتماد سواء كلياً أو جزئياً علي كتاب المدرسة ، و خير دليل علي ذلك امتحان العام الماضي ، بل لابد من التدريب علي الأسئلة التي تحتاج العقل و التفكير و التحليل و المنطق و هذا النوع من الأسئلة للأسف لا يوجد في كتاب المدرسة و لا حتي في دليل التقويم .
2- لعضو pureheart أختلف معكي في تحليلك لوجهة نظر المدرس فالمدرس حريييييييييص كل الحرص علي طلابه لأنه يخشي الله و سيحاسب عليهم و له ضمير يفرض عليه ذلك و إن لم يكن كذلك فهو يخشي علي سمعته و اسمه فيهمه أن يحصل جميع طلابة علي أعلي الدرجات لتكون خير دليل علي كفاءته و خبرته و تفوقه عن غيره من المدرسين .

و نهاية اتمني ان يراعي كل منا ضميره في وظيفته ، فالمدرس يراعي ضميره كما يراعي الطالب ضميره في المذاكره .


و شكراً علي ردودكم و مشاركاتكم البناءة

انا اتمنى من الله ان يوفق كل استاذ يحاول المساعده ............................

وانت على رأسهم..............

يا مستر عبد الرحمن

وجزيل الشكر لك

ومن القلب.........

ربنا يكون معاكم وجزاكم الله عنا خيرا انتم بتعملوا معانا كتير والله