قام 5 موظفين بمنطقة شمال سيناء الأزهرية بالإضراب عن الطعام احتجاجا على سوء معاملة مدير المنطقة لهم السيد/ابراهيم همام كما أنه دائم التعدى باللفظ والقول عليهم مع العلم بأنهم أكبر منه سنا وقد بدأ الاعتصام منذ أمس الأول وحتى اليوم الثلاثاء بمستشفى العريش العام نرجو التحرك لوقف هذا الإضراب فهم وتلبية مطالب المضربين أو على الأقل الاستماع إليهم

طيب يعنى مفيش شكاوى ليه لمكتب شيخ الازهر بدلا من موضوع الاضراب لان لو كل خمسة اتحدوا مع بعض عملوا كدة يبقى البلد كلها هتتشال من الوظائف

حضرتك كان فى شكاوى للمشيخة ولشيخ الازهر وراحوا يقابلوا وكيل الأزهر رفض مقابلتهم لأن مدير المنطقة دا يبقى قريب لشيخ الازهر وقالهالهم صراحة أنا الأزهر حضرتك لا تتخيل الراجل دا بيعمل ايه اهانات ونقل تعسفى وترقية من لا يستحق لمجرد أنه صعيدى زيه الناس فاض بيها ومحدش مستحمل والناس المعتصمة دى كلها كبار وبتموت بجد

صدقت با مستر ميدو عندك حق المنطقة دى بايظة بايظة بايظة بكل ما تحمله الكلمة من معنى

هي منطقة سيناء ربنا يعينها
لا المسؤلين مهتمين بيها
ولا حتي الشعب قادر يسند نفسه
الوضع هناك صعب جداً
خصوصاً لانتشار النظام القبلي
والقبيلة الاقوي
او العائلة الاكثر رجالا

لها حق السب والطعن علي غير الحق حتي

ربنا يصبرنا يارب
ويكون في العون

اشمعنى هؤلاء الخمسه بالذات ثم نغمه الصعايده دى نغمه مرفوضه جمله وتفصيلا كل ما واحد يتكلم يقول لك علشان صعيدى بلدياته طيب يبقى الأزهركله او الدوله كلها صعايده...على فكره نحن فى القاهره والقليوبيه نسمع هذه النغمه المريضه ودى حجه البليد ما المانع سيدى ان اكون اقدم منك ولم اكن احصل على حقى فى عهد سابق كان بالفعل ظالم وانا وواحد من الغربيه دخلنا للنقل للقاهره هو جلس فى المكتب وشرب الشاى ونقل فورا والعبد لله مش عايز اقول لك ماذا قيل لى....وفى الآخر نرميها بنزعات عرقيه صعايده ومش عارف ايه...نحن يا سيدى يحكمنا قانون يسمى قانون العاملين فى الدوله مش فى عزبه أبو حد اذا كان لى حق اجرى وراءه وهناك محاكم تأخذ الحق لصاحب الحق والأ القاضى يمكن يكون صعيدى الآخر..وتقبلوا تحياتى واحد صعيدى حقه ضايع علشان صعيدى من سنه 1999 والى الآن مش قادر ادخل كنترول الثانويه ومعظم رؤسائه صعايده..ايه رأيكم

علي فكره يا ريت بلااش الكلام الي مثل هذا انا مدرس في المنطقة و الراجل الي بتتكلموا عنه هذا انا قابلته اكثر من مرة وبصراحه محترم مع المدرسين الصغار فما بالكم من الكبار يا ريت بلاش نروج اشاعات مالهاش لاازمة علي فكرة انا شرقاوي مش صعيدي علشان محدش يقول اني بلدياته ولاا حاجة ارحموا من في الأرض يرحمكم من في السماء

يغلق الموضوع منعا للبلبله وانتهاء الغرض منه