تُك
تُك
تُك تُك تُك
والله بحبك اوعى تشك
===
اه يا ابو تلات عجلات
وموتور مع سلندر
مين فى جمالك مين
يا ماشى متغندر
تمشى فى اى مكان
فى الريف وفى البندر
قوللى زيك مين
انته الوحيد اندر
راح اعطرك ياسمين
وكلونيا لافندر
واعمل لك نيو لوك
====
تُك
تُك
تُك تُك تُك
والله بحبك اوعى تشك
====
بتغير المواصلات منك
وبتحقد عليك اكمنك
العيبه ما تطلع منك
صغير وعقلك كبير
برغم حداثه سنك
عايزين يذلوك
صابر ولكنك
هتعمر وهتنك
وكل حكاوى الشرف
راح تنحكى عنك
سريع فى لحظه تفك
====
تُك
تُك
تُك تُك تُك
والله بحبك اوعى تشك
======
عاوزين يكون لك نقابه
ياصغير وسط غابه
دانته الحمل الوديع
واللى حواليك ديابه
وعشان يبقى لك صوت
فى الشرطه وفى النيابه
ويكون لك فى يوم جراج
مش عشه وسط خرابه
نشجع المتميز
اما الوحش مشوه
دا البطن قلابه
وعمره ما يركبك
اللى يفكر يعك
====
تك تك تك تك
والله بحبك اوعى تشك
====
عطيه الخضرى
قلين /كفر الشيخ

ههههههههههههه
روعة روعة روعة
كانى ااستمتع بطقطوقة لاسماعيل يس او شكوكو
دمت مبدع مستر عطية

هههههههههههههههه لا بجد روعه وخصوصا لما حولت اركز كدة وعرفت انها بتكلم عن التك التك
حسيت على رئ استاذ فاروق فعلا كانها منولوج لاسماعياعيل يس
لامام دائما ومن تقدم لتقدم يااااااااارب

جميلة الأغنية دي :) بارك الله فيك أستاذنا على ثراء الفكر وروعة الروح


تحاياي

ياااااااااااه... هو إنتَ بتحب التوك توك أوي كده يا مستر...؟!!

أحبابى المحترمين جدا رائع لأنكم شرفتموه بقرائتكم له

روووووووووووووووووووووعة